荃灣 海濱花園｜低水臨海屋苑 三房望海單位呎價約1萬｜兩房400幾萬入場｜望到墳景 價錢又會低幾多？
Vložit
- čas přidán 21. 12. 2023
- 【易發睇樓團🏠樓盤任您睇】荃灣 海濱花園｜低水臨海屋苑 三房望海單位呎價約1萬｜兩房400幾萬入場｜望到墳景 價錢又會低幾多？
.
近10年，荃灣臨海一帶相繼落成不少私人屋苑，形成一個新興的住宅區。沿著海旁，都可以找到同樣前臨藍巴勒海峽的老牌屋苑，入場費會相對較低。自成一隅的海濱花園，1988年起落成入伙，樓齡大約35年。這裡前身是石油公司德士古，即是現稱加德士的香港總油庫。在上世紀八十年代，油庫遷往青衣及拆卸後，石油公司聯同新世界，及曾經參與荔枝角美孚新邨發展的美國公司，將地皮重建為大型的海濱花園。20座物業，分了兩期發展，提供超過5600伙。當年戶型的選擇沒有現在這麼多元化，都是以兩房、三房或三房套為主，實用面積由417至700平方呎不等。雖然超過五成的單位，都可以享有不同程度的海景，但海濱花園樓價長年失威。看回11月的二手平均呎價，海濱花園是約9795元，而附近的臨海屋苑就介乎約1.1萬元至2.1萬元，海濱花園足足低約一成六至五成四。
.
除了因為那些屋苑較新，樓齡只有5至9年外，更重要的因素就是海濱花園位置「吊腳」。即使之後港鐵荃灣西站啟用，海濱花園出入方便了，但過去都要乘搭一程車或者步行約10分鐘，沿路無瓦遮頭。代理指，會較港鐵站附近的屋苑有一成的折讓。除了地理位置外，景觀也是這個屋苑另一個低水的原因。雖然不少單位看到海景，但同時都有很多看到墳景，荃灣華人永遠墳場就在旁邊，基本上向東南、東北的單位都會看得到。加上附近又有層房，真的不是人人能夠接受，變相壓低了樓價。不過正正也因為這些因素，令海濱花園的價錢較其他臨海屋苑低。加上自身的環境，本來就很清幽、寧靜，又配備基本的康體設施、餐廳、學校、商舖等，能夠自給自足，所以能吸引一班上車客及家庭客來這裡置業。隨著樓價回落，總價變細，都令到這個低水屋苑變得更具吸引力。
.
第一個放盤來自第7座海雲閣高層D室，實用面積422平方呎，屬於兩房間隔。業主最新叫價480萬元，呎價約1.1萬元。一進來，就是一個很典型傳統的兩房開則。這裡沒有玄關，所以客飯廳感覺比較實用。不過它是一個「五門歸心」的格局，擺放家具會有少許難度。這個客飯廳約170平方呎。鞋櫃或玄關櫃可以放於大門的左右兩邊，前面是飯桌。單位向東北，外望自家屋苑樓景。在樓罅間，可以遠望一間小學。前面是荃灣海濱公園內的足球場，現在正在翻新，之後應該可以看回綠色的草地，整體採光充足。兩間睡房呈以眼鏡房布局，扭向東南面。在樓罅間會看到墳景，不過在主人房這邊，還可以看到少許海景。假設購入自租，借盡9成按揭，以還款年期是30年，息率4.125厘來計算，每月供款約2.1萬元。要通過壓力測試，月入就需要約4.4萬元。
.
第二個放盤來自10座海昇閣中層F室，實用面積578平方呎，是純三房間隔，會看到海景。現時叫價595萬元，呎價約1萬元。先有一條玄關走廊，不過原本這裡一進來是一個客飯廳的位置，呈以L形布局。惟因空間夠大，所以業主都在這裡，再多間一個房間。房間(面積)頗大，有50多平方呎，可以擺放不少東西，做工人房都可以。雖然多了一個房間，但客飯廳沒有細了好多。這裡都有大約170平方呎，兩廳布局分明，沙發及電視的距離適中。這一座位處大單邊，前面沒其他樓宇遮擋，而單位正正向東南，所以會正望墳場及屠房。不過坐在沙發上，是可以透過旁邊的細窗看到海景。若購入自租，借盡9成按揭，每月供款約2.65萬元。月入就需要約5.5萬元，才通過壓力測試。
.
延伸閱讀：
* 海濱花園 www.28hse.com/estate/detail/r...
* 更多樓市影片 www.28hse.com/news/video
.#海濱花園 #荃灣 #低水 #屋苑 #荃灣西 #海濱廣場 #巴士 #小巴 #死場 #柏傲灣 #海之戀 #環宇海灣 #綠楊新邨 #二手 #一手 #海旁 #海景 #墳場 #層房 #兩房 #三房 #呎價 #成交 #樓市 #地產 #香港 #九龍 #新界 #易發睇樓團 #樓盤任您睇
.
如果大家有咩樓盤想知多啲，記得留言話俾我哋知📢！！
.
［記得幫手like👍我哋嘅Facebook同訂閲🛎CZcams channel啦，仲要將28Hse專頁設定為＂搶先看／See First🧐＂］
.
📍Facebook: / 28hse
📸Instagram: / 28hse_com
📱Twitter: / 28hse
🎞CZcams: bit.ly/3oG0Stl
環境係唔錯，屬於市中心靜中帶旺，7仔，惠康，街市仔，餐廳都有齊，行10分鐘去西鐵其實好容易，每日出入來回先20分鐘當做運動，樓下有巴士小巴唔係個個一定要坐西鐵。
荃灣連埋荃西飲食購物完美唔駛出區，巴士地鐵齊晒超方便，海濱花園位置隔離左少少，但如果價格實惠1萬樓下就唔介意駁多程車或者行10分鐘，至於話墳景就個人觀感，未去到直望清晰見到姓名照片都可接受，而且好處係唔會冇啦啦起樓好過屏風樓景
同意～填景真係睇個人接受程度，好似我哋同事百無禁忌，但就覺得望出去似山非山、唔美觀🤔
唔錯呀 海濱花園
住過海濱公園2座向海，3房同廳都全海景，望唔到墳場同屠房，望到汀九橋，真係好掛住荃灣西既日落海景。
我都住過2房同3房 ，2房向商場，冬暖夏涼。3房望青馬橋，同你一樣好懷念個景，見到日落美景；幾年前仲要見證啲人排隊投票到夜晚，仲有連串點票後既歡呼聲。。。
第二個單位裝修保持得幾好新淨，全屋間隔實用，樓層夠高好光猛，3間睡房都有海景，只係個廳望到半邊墳景，整個透光薄紗窗簾遮下唔多覺眼，調整售價到550萬好快成交
第一個單位好殘，叫價過高呎價去過1.1萬，冇景觀俾d樓圍住遮晒，仲要廳同睡房都望到墳景，放盤可以一直擺過年
第一個放盤，客廳望唔到填景啊～
海濱花園係好親民既屋苑，自給自足，打風都有野食。行去西鐵商場只是10分鐘，可以shopping,又可以自給自足，無咩閒雜人等。算是好住，我哋住左6年，只是為左小朋友讀書先搬出九龍！住過九龍德x花園，住完先知海濱花園管理已經算係咁😂沒有最差 只有更差😅在九龍呢個屋企 可以連等lift lobby都有漏水，真是奇聞
荃市中心都有你所講嘅嘢
@chrisyauyeung6669 謝謝你話俾我哋知睇法😊請將登入CZcams時的名稱截圖，然後whatsapp至51659760，以便聯絡領取咖啡禮券
往出窗係墳場屠房，望入屋係mirror
俾多2成錢可以買環宇海灣，冇咁隔涉樓齡又新一大截又睇唔到墳景，一次過解決三個問題。買樓齡大屋苑最驚變有價冇市放唔到。
還是要看預算🥲
@@28hse_com發現你哋也有將軍澳樓盤了😊😊
可惜海濱花園經常性停食水，同埋屋苑會滲漏情況
仲有廁所水！
😂 香港大部份業主點會理呢啲嘢呢
咁大鑊，冇水冇電冇得傾
Mickey今集超靚💕💕
墳景真係唔係人人接受到，日光日白冇咩野，天黑之後望過去個山頭一片灰色，除左搵偏財d人可能唔介意，其他人特別係有小朋友家庭多數都唔鍾意。
日光日白都未必美觀～
睇過海濱花園一次，附近冇遮冇掩，上次去嘅時候好大風，吹到頭都痛，最麻煩係吊腳，要車縛車先返到屋企，返工辛苦完又要玩等車。的確環境幾清靜，如果用嚟退休居住就唔錯，單位四正廳都好闊落，不過價錢平係有原因！第一個單位近樓景又望墳境，好難想像有墳境當時做到619萬，貴到不得了！3房比較吸引，起碼有海景，裝修幾新淨，唔晒錢執都ok，有自住需要都係一個唔錯既選擇！
謝謝你話俾我哋知睇法☺請將登入CZcams時的名稱截圖，然後whatsapp至51659760，以便聯絡領取咖啡禮券
只有海濱廣場起死回生，海濱花園個價先企得穩😂唔係會隨住樓齡繼續陰d陰d咁跌，荃西大把後生二手樓貨爭客，貴少少細少少但樓齡後生d會吸引年輕買家
地處一角近墳場，潛在買家係孝子賢孫重要咁啱葬華永
廣場不如引入...家興/友試平價超市。😂😅😊
@Michaelmr6ne 謝謝你話俾我哋知睇法😊請將登入CZcams時的名稱截圖，然後whatsapp至51659760，以便聯絡領取咖啡禮券
480太貴
祝 👧瑤瑤同易發睇樓團仝人聖誕快樂•新年進步, 來年節目更精彩! 💪💪❤❤
預祝新年快樂，開開心心🥰
@@28hse_com新年快樂好似唔多覺你哋提及將軍澳所有地區😊😊😊
正呀
其實海濱花園是用料品質差, 管理差, 經常性停食水和咸水, 又要面對大維修期, 所以樓價低水
Mickey好正😢
海濱公園都已經 幾十年樓齡，而且交通不方便、樓出現很多問題，呎價還要1萬蚊都算貴了
有幾傻至會一萬蚊呎去買？
海濱花園
今時今日一萬蚊唔會買海濱。
交通極不方便. 唔好以為有西鐵好近, 夏天你日日行試下呀, 熱到爬街!! 比多少少揀綠楊啦. 出入買嘢食嘢同返工都方便好多.
行十分鐘ok ah, 係夏天辛苦少少喇
好似唔覺你哋提及將軍澳地區😊😊😊
重新裝修應該都用了唔少錢了😅😅
Mirror fans!
其實好怕樓望樓,不過系香港真系好難避免。
樓旧水臭，只值5仟元1呎。
望住墳場好難頂
你好，請問有樓盤的相關交流群嗎
希望可以相互參加學習，有香港的課程可以邀請我
多謝
578係實建?
250萬可能會考慮下
thanks~不過租金冇咁高~
大概幾多錢到呢？🤔
the mall could be the first costco or sams club in Hong kong, no need to go elsewhere
成日話有機會得咖啡禮券，得個講字,呃流量
又嗅海味,又屠房嗅味加豬慘叫聲,又貨運碼頭,又墳地.........租過都怕怕了
鬼屋