鰂魚涌 康怡花園｜新界價買到港島樓？｜3房不用900萬元｜上、中、下康點樣揀？
Vložit
- čas přidán 4. 01. 2024
- 【易發睇樓團🏠樓盤任您睇】鰂魚涌 康怡花園｜新界價買到港島樓？｜3房不用900萬元｜上、中、下康點樣揀？
.
由恒隆、新世界及港鐵合作發展的康怡花園，是十大屋苑之一。1985年起落成入伙，樓齡約35年至37年。雖然與另一藍籌屋苑太古城位置相近，同樣鄰近港鐵太古站，樓齡也差不多，惟因康怡花園大部分座數需要行斜路才能抵達，加上開則以鑽石廳為主，相對沒有太古城般方正，又沒有無遮擋臨海單位等，所以樓價會較太古城低。以去年12月的二手平均呎價來看，康怡花園約13815元，而太古城則約14853元，康怡花園是低近百分之7。
.
康怡花園分了三期發展，16座物業，每座再細分「1-8室」和「9-16室」兩幢大廈，所以實際上會看到32幢大廈，提供逾6600個單位。實用面積由461至1142平方呎不等，涵蓋兩房至三房套標準間隔，也有提供三房套或四房套的複式單位。由於屋苑佔地廣，所以都有因應地勢及期數，再細分了「上、中、下康」，各有各特色。地勢最高的「上康」有A至H座，是屋苑最早落成的一期，也是最遠離太古站及生活配套的一期。若不乘搭小巴，居民可以乘兩小段扶手電梯後，再走斜路上，又或者直接撐斜路上，需時約10至15分鐘。不過「上康」最鄰近會所，而且環境最清靜，景觀以山景、護土牆景及遠樓景為主，部分座數極高層單位更可以遠眺海景。不過要留意，D座早年曾發生烹夫案，所以樓價會較其他「上康」低約一成半。在「上康」，基本上涵蓋了屋苑全部戶型，實用面積由497平方呎起步；而當中複式戶更只有「上康」才有。
.
往下走就到「中康」，有J至M座，這裡離太古站約7至10分鐘。雖然景觀不及「上康」開揚，以護土牆景及樓景為主，但仍能保持清幽寧靜，同時又享有鄰近康怡廣場的優勢。不過「中康」的面積較大，以三房或以上大單位為主，標準戶最大的902平方呎三房套單位就可以於這裡找到。「中康」也有提供兩房戶，但只限於K座及L座的12及13室，實用面積劃一555平方呎，同樣屬於康怡花園中最大的兩房則。最後餘下的N至R座就是「下康」，樓齡最新，地勢也是最低，最近太古站及英皇道，交通及生活配套最方便及完善。不過這裡以樓景及馬路景為主，而且較容易受噪音滋擾。另外「下康」的單位面積普遍較細，只是提供兩房及三房戶型，實用面積由461平方呎起步。正正因為「上、中、下康」的單位呎數、景觀、便利程度等有明顯分別，所以價錢也有一定差異，當中以「中康」最為堅挺。
.
第一個放盤來自「中康」的K座中層12室，實用面積555平方呎，屬兩房，現時叫價830萬元，呎價近1.5萬元。一進屋就是典型鑽石廳設計，看到沒有玄關位，鞋櫃可以放在旁邊。雖然客飯廳呈以鑽石形，但感覺頗寬敞，沙發與電視機之間有一定距離。兩廳布局都分明，飯廳這邊還有對流窗通風，兩邊合計有約200平方呎。不過整體居住得非常殘舊，近乎原裝的設計，保養一般，新買家都要預留一筆錢來大裝修。單位向東南，望護土牆，景觀不算吸引，也不是人人喜歡，但勝在夠寧靜，所以頗看個人喜好。假設借盡九成按揭，以還款年期30年，息率4.125厘計算，每月要供款約3.7萬元；而要通過壓力測試，月入就要約7.7萬元。
.
第一個放盤來自「下康」的R座低層13室，實用面積616平方呎，是三房間隔。業主現時叫價898萬元，呎價約1.45萬元。一進屋會先有玄關走廊，本來都是一個鑽石廳格局，惟因業主造了一組較大的鞋櫃加展示櫃，所以拉直了部分牆身。變相來到客飯廳的位置時，感覺較剛才的兩房細些，這裡約170平方呎。業主在2012年買入單位，之後一直自住，雖然已經近12年，但整體保養得不錯。若不介意，整理及打掃一下已經可以入住。這個單位向西，下午光線非常充足，不過略嫌有少許熱。雖然位處「下康」，出入最方便，但這裡會以望樓景為主。好像在這座旁邊就有太古小學，看到距離非常近。雖然放盤所在的樓層剛好高過它，但怎樣都有些壓逼感。假設借盡九成按揭，每月要供款約4萬元；月入要約8.4萬元，才可以通過壓力測試。
.
延伸閱讀：
* 康怡花園 www.28hse.com/estate/detail/k...
* 更多樓市影片 www.28hse.com/news/video
.#康怡花園 #鰂魚涌 #二手 #康怡廣場 #私樓 #兩房 #三房 #成交價 #呎價 #成交 #樓市 #地產 #香港 #九龍 #新界 #易發睇樓團 #樓盤任您睇
.
如果大家有咩樓盤想知多啲，記得留言話俾我哋知📢！！
.
［記得幫手like👍我哋嘅Facebook同訂閲🛎CZcams channel啦，仲要將28Hse專頁設定為＂搶先看／See First🧐＂］
.
📍Facebook: / 28hse
📸Instagram: / 28hse_com
📱Twitter: / 28hse
🎞CZcams: bit.ly/3oG0Stl
補充：
據代理所說，康怡花園已進行大維修。
12:35 應為”也保留了浴缸設計”
第一個單位面壁坐監景，日日靜思己過🤣全屋溶溶爛爛甩皮甩骨，似市區重建d古早舊樓，夠膽開1.5萬蚊呎賣830萬，放左7個月賣唔出十分合理，業主有誠意想賣最起碼調整叫價到780萬貼近銀行估價先，按單位較劣現況730萬有人肯接都賺到。
第二個單位低層對正小學預左好嘈，朝早有早會，中間有2次小息，小學生講野笑聲吱吱喳喳，返學放學連埋轉堂鐘聲，頂得順先好呀🤣冇景低層感覺似住唐樓，但叫做同間小學天台平排，光線充足不受影響。全屋保養企理有套廁，小執修買傢俬電器可入住，下康交通位置好方便，係超市買野行返去都唔辛苦，減到830萬左右可接受。
两间应该低过10000
700 都難
第一間咁殘舊仲夠膽開15000蚊一呎,畀銀行估價低至少15%先考慮,高過銀行估價一律不買
起馬11000先會有人睇🤣仲開咁貴
9000/尺以下至合理
支持!~51秒入來~第一!😊
而家康怡花園同埋太古城呎價唔係爭咁遠
如果比着我嘅話不如真係俾多少少入去太古城好過
太古城無論名氣間隔環境同埋住戶質素都完勝康怡花園
謝謝你話俾我哋知睇法😊請將登入CZcams時的名稱截圖，然後whatsapp至51659760，以便聯絡領取咖啡禮券
附近都係私樓環境唔複雜，加上校網好受家庭客歡迎。個人認為上康樓價較低吸引d，環境清幽冇噪音近會所設施，落山行斜坡比較輕鬆唔駛10分鐘，上山如果購物拎重野坐小巴都好方便。
謝謝你話俾我哋知睇法😊請將登入CZcams時的名稱截圖，然後whatsapp至51659760，以便聯絡領取咖啡禮券
🎉🎉😊😊加油
住咗下康三房多年，交通購物非常便利，比起上中康更加方便。中康勝在有套廁、面積大過下康，而下康只有一個廁所，屋企人多會爭廁所用😂。話說當年中康交樓質素較好，因為係另外一個承建商熊谷組起嘅，睇樓時發現同上下康都有差別
例如有咩差別？冇咁易漏水？渠道冇淤塞？
@Bonjour1 謝謝你話俾我哋知睇法😊請將登入CZcams時的名稱截圖，然後whatsapp至51659760，以便聯絡領取咖啡禮券
連綽瑤😊😊❤❤加油
望護土牆風水也不好
信則有，不信則無🙈🙊
又舊又交通不便，15000 一尺大把新盤選擇。康怡等多半年，10000 一尺有交易。
🙈🙈🙈
17:10 我都好開心可以同Mickey做「朋」友😂
好想真人見下米奇小姐。
You like her sweet face and nice legs too huh????
萬4蚊呎, 我買GRAND YOHO唔好? 商場上蓋. 一係屯門瓏門好過舊樓康怡啦
康怡其實好正，上康好舒服不過吊腳少少
易發睇樓團有冇計劃係短期內參觀寶翠園啊？
印象中你哋好似未介紹過呢個大型屋苑
等我哋搵下盤先～😊
第一個盤原汁原味搞裝修起碼$50萬起跳
加小小品味都+$20萬
呢個樓市佢放多8個月都唔會有人過$800萬買
你講緊壓力測試係月入過$8萬以上既家庭
只有下康完全遠離岩石護土牆，尺價與中康相若，因為單位小，近地鐵，買賣和出租很容易，最岩投資者。鑽石廳好處是私隱高，eliminated 鄰居在廳的eye contacts和話語聲，太古城除了海景花園單位外，其他單位做唔到。3部升降機服務8單位但是用單，雙和層層，康怡是不及太古城，各層走廊也约稍為窄18吋，sitting out和平台花園比太古少，泊車要泊集中大樓有距離而要多10分鐘，康怡窗戶是與外牆同一平面，但小心膠邊老化大雨易渗水，樓底8呎以上，採光好過太古的8呎及凹入式窗戶（這位可種植，康怡沒有花槽位）。
年老時若坐輪椅盡量不選上康和中康，只選下康和太古。
片中還沒有提及屋苑是否做了大維修!如沒有對真正入市「自用的買家」可能考慮其他樓齡較新的屋苑(特別是中年或上年紀的買家)!😢
據代理所講，康怡花園已經做咗大維修啦～
呢類廿年以上樓齡嘅樓，除非係諗住放租慳啲裝修費，自住嘅話點都係要大裝修換全屋水電喉為正路，上手冇裝修仲可以俾少啲拆嘢同埋處理垃圾費。
有裝修可以壓下價🙊
第一間屋見返我30幾年前小學禮堂的木地板
兩間業主開價都幾進取下 上800-850萬係呢度大把好選擇
唔需要望學校/護土牆景咁慘
呢個budget可以揀到栢蕙苑 唔洗鑽石開則
好彩少少仲有遠山景
南豐準備大維修就唔好諗住入場 除非勁抵
你啱
栢蕙苑開則勁實用
而且係太古出品質素有保障
藍籌屋苑都未必再有優勢啦～🙈
試下介紹何文田山道賀龍居，樓齡不舊，又3房套，處於低水之列
好啊～等我哋搵下盤先😊
这个世界永远都是升市就话仲有得升，跌市就话仲有得跌。最紧要是睇自己能力，如供得起就是入市时机
跌市喺一班用家嘅入市機會🥲
杏花邨已經趺到11000蚊一呎, 到底呢度憑咩仲開咁貴? 搵你老母幫你買啦🤣🤣
點解分享啲咁 "好" 質數嘅盤俾我地😂. 兩個都係 "原裝交樓標準" 廁所係竟然無洗面盤櫃。。。 除佐喺舊公屋無見過呢啲設計
佢以前在有綫，都係做房地產節目，所以有專長，加油連綽瑤。👍👍
佢最殺食係對腳
@@ML-cc7zy 咁留意人哋對腳。有D D咸濕喎。
@@wayneleung7382呢啲叫流量密碼你識咩？
第一個單位，至少要減多150萬才合理，好殘，又無靚景😅
但佢喺「中康」，有少少牙力🤔
呎價低，如自用可在下跌3/5% , 可考慮再壓價冒入。
呢個諗法不錯🙊
今日抵買, 明日就要去IFC😂 香港樓, 每次小陽春是逃生好機會, 入貨只會係入火坑, PK唔好怨, AA只係想賺錢, 理得你輸定贏😂😂
请介绍马鞍山楼宇
我哋之前都有介紹過啊～ 可以㩒下面啲Link睇返😊
1）天宇海、嵐岸 czcams.com/video/5Zd3FlMVPKE/video.htmlfeature=shared
2）迎海、銀湖．天峰 czcams.com/video/O4c52_S_BvM/video.htmlfeature=shared
3）錦英苑、富寶花園 czcams.com/video/N8MaP9wVY-o/video.htmlfeature=shared
4）泓碧 czcams.com/video/Z_uabKFS984/video.htmlfeature=shared
叫你老細加人工🎉🎉🎉😂😂😂你做得好好
承你貴言，哈哈😂😂
30幾年仲賣咁貴，就嚟步入美孚新村後塵，樓齡太大銀行唔肯按高，之後樓價支持唔住，一蹶不振. 八球我唔去買新樓？
甘啲舊樓點算🥲
第一個單位內櫳殘舊，叫價又高過銀行估價咁多，難怪擺咗咁耐都未有人接貨，其實當年業主以咁低價錢入市，止賺離場好過擺喺度🙈
再落下價，應該好快賣得出🙊
Please give English subtitles with your video's? 🙏
No need... basically all positives!!! just set up an appointment with Mickey and she'll help you send in an offer!!
香港樓現時唔值呢個錢
八百幾萬都係貴😂
你覺得幾錢先合理啊？😊
這種木地板不好
一年后再跌2-30%
港島有什麼優勢？什麼都沒有
笑左，900萬係外國可以買2-3間，1間自住，2間收租都夠退休😅
in Toronto / Vancouver , you might only buy 1 house only.
千萬不要上當，樓價還下跌最少1成
港島東唔係咁方便呢！
點解既？😮
港島區嘅優點就係「新香港人」覺得佢無優點，有啲嘢只係真香港人先至明
去英國嗰啲係咪叫「新英國人」🤣🤣🤣
你連「新香港人」呢句嘢邊個講都唔知，咁就知道你真係「新香港人」@@manjeff2945
Old !
咁舊,舊樓最唔好係廁所廚房嘅設計,太醜,我自己住唔落,唔會揀超過5年嘅樓住
要裝修啦🙈
有排跌嘅時候，佢叫人買樓真係好笑
沒有人有水晶球😮
個業主係咪癲咗？佢呢啲樓10萬蚊都唔要啦！
😱😱😱
Old story
第一個單位 都fuck fuck 地
又有美腿睇
主持人聲音太刺耳！ 👎👎👎