大野🐰小煮意🍎蘋果西多士🍞✨附食譜及做法✨

大野🐰小煮意🍎蘋果西多士🍞
西多士用花生醬做饀已無新意，做款人氣新口味爆滿蘋果粒 🍎蘋果西多士🍞食過就知道有幾邪惡😈😈
✨材料✨（2人份量）
蘋果 2個
去皮方包 6片
鷄蛋 3隻
檸檬 1個
牛油 4粒（2茶匙）
三溫糖/ 白沙糖 2 湯匙
白酒 1湯匙
生粉 半茶匙
✨✨做法✨✨
1️⃣檸檬榨汁備用。
2️⃣蘋果去皮切粒，加入1茶匙檸檬汁撈勻以防蘋果粒氧化變色。
3️⃣ （用中火）先將牛油溶化加入蘋果粒炒至開始透明再加入檸檬汁2茶匙及白酒1 湯匙，煮到蘋果粒軟身後（轉細火）加入糖再炒勻，試味後再決定是否需要再加糖，蘋果饀要略帶酸味。
4️⃣加入生粉水煮滾後裝起放涼備用。
5️⃣鷄蛋打勻後備用。
6️⃣先將一片麪包放在碟上然後在麵包中間位置鋪入蘋果蓉，在麵包四邊掃蛋液後再放另一片麪包用手輕輕在四邊按壓令到邊位黏合，再鋪入蘋果蓉後麵包四邊再掃蛋液再放另一片麵包，重覆用手輕按四邊位置。
7️⃣碟上倒入蛋液令到全份麪包黏滿蛋液。
8️⃣加入2至3湯匙油在平底鑊，用中火燒熱油後放入麪包煎至一面金黃再反轉煎另一面煎好後用夾將麪包夾住四邊都要煎，全份麵包煎至金黃可以上碟加入牛油及糖醬，完成🍎蘋果西多士🍞
💡大野兔小貼士💡
✨✨全份麪包要吸收足夠蛋液煎，煎四邊時小心用夾夾實，每邊都要煎才不會散開。
✨✨因為會配牛油及糖漿一齊食所以蘋果饀要有些酸味會更加好味。
✨✨亦可以配雪糕一齊食會更邪惡😈😈
✨✨煮蘋果蓉可以隨個人囗味加入肉桂粉。
#蘋果西多士 #蘋果 #西多士
#人氣新口味 #爆滿蘋果粒
#大野兔小煮意