ဘိုင်ဒင်လက်ထက်မှာCOVAXအဖွဲ့ထဲUSဝင်ပြီ

အမေရိကန်ပြည်ထောင်စုဟာ သမ္မတ ဂျိုးဘိုင်ဒင် လက်ထက်မှာ ဆင်းရဲတဲ့နိုင်ငံတွေကို ကိုဗစ်ကာကွယ်ဆေး ထောက်ပံ့ကူညီပေးဖို့ ရည်ရွယ်တည်ထောင်ထားတဲ့ COVAX အဖွဲ့အစည်းကြီးဆီကို ဝင်ရောက်လာဖို့ ရှိနေပြီလို့ သိရှိရပါတယ်။ ဒေါ်နယ်ထရမ့် လက်ထက်တုန်းက COVAX အဖွဲ့ထဲကို လုံး၀ မဝင်ဘူးလို့ တင်းခံထားခဲ့တဲ့ အမေရိကန်ဟာ အခုအချိန်မှာတော့ မူဝါဒတွေ၊ သဘောထားရေးရာတွေကို အပြောင်းအလဲ လုပ်ဆောင်လိုက်ပြီပဲဖြစ်ပါတယ်။ COVAX အဖွဲ့ထဲကို အမေရိကန်ပြည်ထောင်စု ဝင်ရောက်လာခြင်းဟာ ဆင်းရဲတဲ့နိုင်ငံတွေအတွက် ကာကွယ်ဆေးရရှိနိုင်ဖို့ အခွင့်အလမ်း ပိုကောင်းသွားမယ့်သဘောတွေ ရှိနေပါတယ်။