သူတို့စွန့်ပစ်လိုက်တဲ့ကလေးတွေမှာ နိုင်ငံခေါင်းဆောင်တွေ ဖြစ်လာနိုင်တယ်

ကျန်တာကတော့ သူတို့ကလေးတွေကို ဘယ်လိုဘဲ စွန့်ပစ် စွန့်ပစ် တရားခံဖော်ထုတ်ပေးဖို့ကတော့ အစ်မအလုပ်မဟုတ်ဘူး။ ပစ်တဲ့သူကတော့ သေစေချင်လို့ ပစ်တယ်ဆိုပေမယ့် ကိုယ့်လက်ထဲရောက်လာတဲ့ ကလေးတစ်ယောက်ဟာ ကိုယ့်သားသမီးဖြစ်သွားပြီ ကိုယ့်သားသမီးဖြစ်သွားတဲ့အတွက် လက်လွတ်စပယ်မပေးနိုင်ဘူး။ ကလေးတစ်ယောက်ကို ချစ်တယ်ဆိုရုံလေးနဲ့မပေးနိုင်ဘူး။ ကလေးတစ်ယောက်ဆိုတာ ကိုယ့်သားသမီး ကိုယ့်သွေးသားမဟုတ်ဘဲနဲ့ ပြုစုပျိုးထောင်ပေးဖို့ဆိုတာမလွယ်ဘူး။ တစ်ချိန်ချိန်ငြိုငြင်လာမှာဘဲ သူတို့မိသားစုမှာ တစ်ခြားနောက်ထပ် သွေးသားရင်း ရှိလာတဲ့အခါ ဒီကလေးလေးက အော်တိုမစ်တစ် အနောက်ရောက်သွားမယ်။ အစိုးရဆီကိုရောက်ရင်တောင် မွေးစားခွင့်တောင်းရင်တောင်မှ ကလေးအတွက်ဘာလုပ်ပေးမှာလဲ ကလေးအတွက်ပိုင်ဆိုင်မှု ဘာတွေထားပေးမှာလဲဆိုတာ အဆင့်ဆင့်လုပ်ရတယ်။