عمل القيمه الكظماويه بالطريقه الاصليه والخطوات 😋😋😋||
Vložit
- čas přidán 22. 08. 2024
- السلام عليكم عظم الله لكم الأجر بمصاب ابي عبد الله الحسين عليه السلام ...عدت إليكم هذه ألسنه مرةً اخرى وتشرفت بعمل ثواب عاشوراء بعمل القيمه الكظماويه على طريقة امي الله يرحمها ويرحم اموات الجميع بالطريقه الاصليه والخطوات المضبوطة ...اللهم تقبل منا هذا بحق محمد وآل محمد(صلى الله عليه واله وسلم )
المكونات :-
____________
• ١٠ كيلو بصل
• ١٥ كيلو لحم عجل وغنم
• ١٠كيلو حمص مدگوگ
• ٣ علب معجون طماطه
• ربع كيلو نومي بصره مطحونه
• نص كوب بهارات قيمه
• كاري حسب الرغبه
• زيت ٣ لترات
طريقة التحضير:-
_____________
• نحمس البصل جيدا بالزيت حتى يشقر لونه ثم نضيف اللحم المفروم ويقلب مع البصل حتى ينشف ماء اللحم جيدا ثم نضيف الماء ونضيف الحمص المدگوگ بالهاون الى الجدر ثم ننتظر حتى يفور الجدر وبعدها نقلل النار الى الهادئه لمدة ست ساعات حتى يستوي الحمص جيدا ثم نضيف المعجون الطماطه تختلف كمية اضافة المعجون حسب نوع المعجون ثم نضيف النومي بصره المطحونه وبهارات القيمه الخاصه واضافة الكاري يكون حسب الرغبه ثم تتهدر على نار هادئه لحين عمل التمن ويقدم معه...والف عافيه
يعطيك العافيه جميل جدا بالتوفيق لي ولك أن شاء الله فيما تقدمه لقد دعمتك وأصبحت واحد من أسرة قناتك أتمني التوفيق لنا فيما نقدمه❤️
الله يعافيك تسلم التوفيق للجميع ان شاء الله ...👍👍
نفس طريقة طبخ امي الله يرحمها
الله يرحمها ويرحم أموات الجميع 🌹🌹🌹❤️❤️❤️
روعة القيمة الكظماوية
تسلم كلك ذوق 🌹🌹
حتى قبل مااكمل الفديو تستاهلين احلى لايك وين هلغيبه إن شاءالله سبب غيابكم خير ويارب الله يتقبل منكم الاجر والثواب وسلامي الج
حبيبتي مشكوره على السؤال...والله الامتحانات كللش اخذت من وقتي ومشكوره مره ثانيه وتسلمين والله يتقبل من الجميع الآجر والثواب 🌹🌹🌹❤️❤️❤️
احسنتم مأجورين ان شاء الله يارب
احسن الله أليك وأثابك وتقبل الله منا ومنك صالح الاعمال🌹🌹🌹
فعلا قناة مبدعة وتستحق المتابعة ❤
مشكوره كلج ذووق 🌹🌹🌹
@@iraqicooking-3032 الشكرالج يگلبي
مأجورين
تسلمين حبيبتي نورتي ...احسن الله لنا ولك الاجر ان شاء الله 🌹🌹🌹
عاشت الايادي ماجورين انشاء الله
رح اطبخ مثلها
تقبل الله منا ومنكم الاجر إن شاء الله...تكدر تشوف الطريقه مضبوطه بصندوق الوصف ...وبالتوفيق لكم ان شاء الله 🌹🌹🌹
عاشت ايدج
حبيبتي تسلمين وانت العايشه 🌹🌹❤️❤️
تعجبني اكثر من النجفيه وهالسنه ان شاء الله كلت لزوجي يطبخهه تسلمون على الوصفه الرائعه
الله يسلمج والف عافيه مقدما ومأجورين إن شاء الله 🌹🌹🌹
هي هم قيمه أهل النجف منتضره اعجابج مبينه من اللحم المفروم ههه هي اصلا نجفيه فقط
عاشت ايدج تصير بحمص الحصة وشكد المقادير فدوة ل 15 كيلو لحم
حبيبتي هو اني بهذا الفديو طابخه ١٥ كيلو لحم شوفي صندوق الوصف بي المقادير والطريقه بالمضبوط وواضحه كللش
وبالنسبه لحمص الحصه اذا تقصدين الحمص المجروش فما انصحچ بي لان يغير طعم القيمه كليا واتضح مؤخرا ان الحمص المجروش هو بالاصل بزاليا مجففه يعني مو حمصنا العادي وجارشي
واذا قصدچ الحمص الصحاح الناعم مال الحصه فاكيد عادي يصير بس دگي بالهاون ويستخدم بكل المروگات..وثواب الواصل مقدما ان شاء الله
مأجورين .. بلا زحمة اللحم ثرم مكينه او ايد كذلك لحم الغنم
عظم الله لنا ولكم الاجر ان شاء الله…لحم العجل ثرمته بالمكينه بلاكت لحم الغنم ثرمته بالايد بحجم قطع التكه…وألف عافيه
@@iraqicooking-3032 الله يعافيكم بس سؤال اخير.. الحمص واللحم من يتخلة ٦ ساعات بنار هادية كل شكد ونحركة
طبعا اول ميفور الجدر ورا تقريبا ساعه او اقل ينترك على نار هادئه لحد مايستوي الحمص..اني لأن طبخت بليل وتركته للصبح فكل ساعه او ساعتين اكعد اكلب الجدر..بلاكت اذا بالنهار راح يكون تحت العين وبالنسبه للمقادير والطريقه موجوده بصندوق الوصف
ارقئ واطعم هاي القيمه
@@user-rj8eu8ly7r مشكور كلك ذووق 👍👍
مااجورين اختي كم المده الي استغرتها باالاستواء
تسلم تقبل الله منا ومنكم الاجر إن شاء الله....بالنسبة للمده أني سويتها بليل ومحطيت المعجون واول ربع ساعه تقريبا فار الجدر نصيته على نار هادئة وبقيته للصبح يستوي بس الاحظه كل ساعه وبعدين من استوى الحمص حطيت المعجون...يعني إحتمال طولت بالاستواء يمكن لأن البريمز كان صغير...ومرحبا بك في القناة
مأجورره ياررب كل سنه طيبين بس الحمص المدكوك نجيبه مين من الشورجه ؟؟
رحم الله والديج تسلمين…بالنسبه للحمص اني ادگه بالهاون لان عشر كيلوات كميه قليله
واذا كانت كميه اكبر فاكو معامل بيها مجراشات بالكاظميه يدگون الحمص بكميات كبيره يعني گواني …
ومرحبا بيج في القناة❤️❤️
@@iraqicooking-3032 حبيبتي وبيج كل المراحب الي بالدنيا
الف عافيه مأجورين قيمه كظماويه اصليه اشوكت ميعجبك اتحمي وتاكل
العافيات على گلبج ...تسلمين رحم الله والديج عظم الله لنا ولكم الاجر إن شاء الله...منوره القناة 🌹🌹🌹
فعلا مرات اني اسوي كميه اضم منها كم طبخه بالمجمده تنفع للايام إللي أكون حايره شطبخ غداء...بس اطلعها وافركعها ببصل محموس واهدرها على نار هادئه ترجع جنها توها انطبخت 😋😋👍👍😁😁
اول شي ال لحم وبعد ما يبدي يستوي البصل وبعد ما يذبل وصير اصفر ال المعجون وبعدها الحمص
او بالعافيه
مرحبا بيك بالقناة هاي اولا …ثانيا شكرا لك لمشاهدة الفديو …بالنسبه للبصل طريقتك متخلي البصل ينحمس او يتكرمل وبمجرد ادير الماي راح ميذوب وينگرط ويطوف بسطح القيمه …جرب طريقتي وان شاء الله تعجبك 👍👍👍
حمص شعجب بجون تنكيع ذليتة، ،يبقى بيه حبة قوية
الحمص ينكع قبل يوم لو مباشرة يتخل.
مشكور على مشاهدة الفديو بالنسبه للحمص بس دگيته بالهاون ورأسا استخدمته بدون تنگيع والف عافيه 🌹
القيمة البلداوية أو القيمة الكظماوية
الأصلية تكون بلا بهارات مبالغ بها
مع عصير طماطم فرش وتكون خفيفة وبيها طعم مميز على عكس القيمة النجفية مع احترامي لأهل النجف لكنها كارثة صحية و خليط غير متجانس مم المواد
بالفعل أحسنت….نورت القناة👍👍👍
غلط اللحم ينثرم
وين الغلط بالموضوع ترا هي قيمه كظماويه مو نجفيه ،اقرأ العنوان زين .واللحم ينثرم اما باليد او بالمكينه او بالاثنين…