عمل القيمه الكظماويه ثواب اربعينية الامام الحسين (ع)||

رابط معجون الطماطه • عمل معجون الطماطه 🍅🥫عل...
السلام عليكم عظم الله لنا ولكم الاجر بمصاب ابي عبد الله الحسين واهل بيته وتقبل الله منا عمل ثواب عاشوراء
القيمه الكظماويه هذه السنه ..اللهم تقبل منا هذا القليل
ملاحظه
----
طريقة القيمه الكظماويه هذه السنه انشرها بكل تفاصيلها
وان شاء الله تكون واضحه للجميع
المكونات :-
__________
٢٥كيلو لحم عجل ولحم غنم
١٨-٢٠حمص مدگوگ بالهاون
٢ونص كيلو معجون طماطه جاهز
٥كيلو معجون طماطه عمل بيت او عصير طماطه
٢٠ كيلو بصل مفروم باليد
٦لترات زيت
ربع كيلو نومي بصره منزوع النوى ومطحون
بهارات قيمه جاهزة
كاري
وملح حسب الطعم
٢٠ كيلو تمن
زيت للتفرگع المقدار حسب الرغبه
الطريقه
----
اكثر الخطوات موضحه بالفديو بالتفصيل يبقى بس اوضح
بعض الخطوات وهي:
يحمس البصل جيدا حتى يشقر ويضاف اللحم المثروم اليه
ويحمس اللحم جيدا مع البصل لحد ما ينشف ماء اللحم
يضاف الماء والحمص المدگوگ الى اللحم والبصل المحموس
يترك الى ان يفور الجدر ولمدة نصف ساعه ثم يتغطى الجدر
ويترك على نار هادئه لعدة ساعات لحد ما تستوي حبات الحمص جيدا
يضاف بعدها المعجون الجاهز
والمعجون اللي عملته في البيت ضروري يضاف لأنه طازج وبي نكهة طماطه واذا لم يتوفر يضاف عصير طماطه بيتي
وبعدها تضاف النومي بصره والبهارات الباقيه والملح حسب الطعم المرغوب
تترك القيمه على نار هادئه جدا ولحد ما يتركب التمن ويتفرگع بالزيت ويتهدر تكون جاهزة للصب والتوزيع ….والف عافيه