康齡廣播劇: 健康烹調法

特別鳴謝富泰鄰里康齡中心康齡大使
角色A, 角色B.
A： 早晨，你上次咪講咗過健康飲食要遵循三低一高嘅原則呀，我唔知道點煮好呀。
B： 早晨，好呀。我家嫂同我講咗啲低脂肪的烹飪方法，仲有點樣避開高鹽份 同 糖份嘅調味料同醬汁陷阱呀。
A： 喺？太好啦，你講我知呀。
B： 首先，我們要簡一啲低脂肪嘅食材，比如脂肪含量比較低嘅肉類，如雞胸肉、瘦豬肉等。同時，喺烹飪前，我們要將多餘嘅脂肪同皮層去除。
A： 哦，咗頭先你話要避免使用高鹽份和糖份的調味料同醬汁喎，咁我喺㗎要一啲都唔好落呀？會冇味㗎喎。人生咪一啲樂趣都冇？！
B： 咁當然唔係一啲都唔好落啦。我地可以簡低鈉嘅醬油、減糖嘅番茄醬呢啲嘅替代品，又或者用香草、香料等天然調味料來增添風味。
A： 哦，低鹽同低糖嘅調味料，我會記住㗎啦。咁仲有冇其他要注意㗎？
B： 都有㗎，啲餸要有平衡營養都好重要㗎。我們應該跟從多菜少肉嘅原則，多啲食各種顏色嘅蔬菜補充身體所需要嘅纖維，例如綠色、紅色、橙色嘅蔬菜等，就可以確保我地攝取到各種嘅營養素。
A：咁有咩方法煮先叫健康呀？
B：我地可以用低脂肪嘅烹調方法​，例如蒸​、炆​、白灼​或者焗​都得架。
A：哦⋯⋯嗱，我知炸就一定唔得㗎啦，香口野就個個都鐘意食，不過咁多油又熱氣一定唔健康啦。咁我可唔可以炒呀?
B：當然可以啦，不過我地最好以少油快炒方式​去炒，用適量使用植物油​，例如:花生油、芥花籽油， 就最為健康啦。
A： 哦，我明白晒啦。多謝你嘅指導呀。
B： 唔洗客氣。希望呢啲方法對您有所幫助啦。下次見面同我講番你煮成點呀，交流下交換煮飯心得呀!
A：好呀，我地下次再講！
完