كل لحد ماتشبع ومن غير حساب سعرات وإخسر وزنك الزايد مع ريجيم قاراطاي - الخلاصة أول دقيقة
Vložit
- čas přidán 17. 01. 2019
- نظام قاراطاي باختصار
الموضوع بسيط خالص
بناخد وجبتين ف اليوم وممكن تلاتة في البداية لو بنفطر بدري
مكونات الوجبة :
بروتين ودهون صحية وخضراوات
بنستنى بعد اﻷكل خمس ساعات ع اﻷقل من غير أكل ... ومافيش أكل بعد الساعة 8 بالليل ... والنوم بعد 3 ساعات من اﻷكل
مشروبات عشبية طول اليوم بأي كمية ف أي وقت صبح وليل بدون سكر وبدون لبن
بنمنع المعلبات والمواد الحافظة والحاجات الدايت واللايت ونصف دسم والزيوت المهدرجة والسكر والدقيق و كل حاجة مصنعة مضرة منعا باتاً :D
وفيه حاجات مؤجلة لحد ماالوزن ينزل ونوصل لمرحلة التثبيت وبعدين ناخدها باعتدال زي البطاطس والبطاطا والقلقاس والشوفان والعسل
فيه حاجات مش مضرة ولكن في مرحلة التخسيس اﻷفضل الاستغتاء عنها .. ولو خلاص نفسنا فيها تبقا محدودة كاﻵتي :
الرز البسمتي والبرغل والفريك .. نوع واحد منهم مرة واحدة في اﻷسبوع 3 معالق
البسلة والفول والحمص والقمح (البليلة 3معالق) ... حاجة واحدة منهم مرة واحدة ف الشهر
الفاكهة لو نفسنا فيها ممكن مرة بالنهار مش بالليل وتكون فاكهة مؤشرها السكري منخفض زي التفاح والخوخ
.......
مسموح بالبقوليات زي العدس واللوبيا والفاصوليا البيضاء والحمرا بس نحاول ما نعتمدش عليهم برده
الفطار شبه ثابت
بيض .. نص سوا يستوي على نار هادية بأي شكل بتحبوه
جبنة .. أي جبنة طبيعية معمولة من الحليب من غير مواد حافظة ولا دهون نباتية
خضراوات .. عيشوا حياتكم
زيتون .. نوع كويس قليل الملح واﻷفضل يكون معمول ف البيت بملح صخري أو بحري ولو مش متاح مش مهم
مكسرات .. نص كوب أي نوع وممكن أنواع مع بعضها عادي المهم تكون نية مش محمصة ومش مملحة
وممكن مشروب مع الوجبة بلبن ومن غير سكر طبعا
ممكن تنوعوا ف الفطار لو عايزين .. ف حدود المسموحات
الغدا ... أبدعووووا ... بروتين نباتي أو حيواني بأي طريقة بتحبوها.. وخضراوات .. مطبوخة... شوربة .. نية .. ودهون صحية
والوصفات كتييير ع الجروب شوفوا ألبوم الصور
بناكل لحد الشبع ... من كل مكونات الوجبة
بنستخدم ملح صخري أو بحري
دهون صحية زيت الزيتون المعصور ع البارد زبدة طبيعية سمنة بلدي
السكر الدايت مضر ومش معانا .. بنتعود على المشروبات من غير سكر وبعد فترة بسيطة بتلاقي طعمها جميل .. لو ف اﻷول ومش عارفين نتعود ممكن نستخدم ستيفيا النبات نفسه بيبقا مطحون لونه أخضر زي النعناع الناشف كده ... نستخدم حاجة بسيطة خاااالص ف مشروب الوجبات .. بين الوجبات ﻷ
و ده غالبا مش متوفر في مصر ... المتوفر بودرة لونها أبيض .. ممكن نستخدم كمية بسيطة جدا مرة ف الشهر للضرورة مع الوجبات ومهم جدا يكون خالي من السبرتام
مافيش أي أدوية تخسيس كلها مضرة جدا واللي معتمدة دوليا مالهاش أي أهمية معانا بالعكس أساس عملها عكس نظام قاراطاي
هسيبلكم دلوقتي روابط مهمة قد تكونوا محتاجينها
مقاومة اللبتين: • ليه ديما بنفضل جوعانيي...
مقاومة الانسولين: • سبب سواد الرقبة والإبط...
• إزاي الشباب بتصاب بمرض...
البروبيوتكس واهميته في مرحلة التنحيف: • نظف معدتك وأمعائك بطري...
طريقة الجبنة المنزلي: • طريقة الجبنة من الألف ...
طريقة كريب العدس بديل الخبز ومسموح مرة اسبوعيا: • كريب صحي .. بدون دقيق ...
نموذج لوجبات اسبوع: • وجبات أسبوع كامل لمتبع...
الفرق بين قاراطاي والكيتو: • الفرق بين ريجيم الكيتو...
ده الجروب إللي بننزل فيه الوصفات وبنتابع فيه: groups/dietk...
حساب الفيس بوك: / esma.elsherif
الانستغرام: / esmaelsherif1
كمان فيه في القناة بلاي ليست ببعض الوصفات اللي تناسب النظام
اقطعو الكربوهيدرات والسكر. واكل ماشئت من البروتين والدهون الصحيه واشرب الماء فوق ٢لتر. ووقف اكل الساعه ٦ مساء . وبكل سهوله بتشوف نززززززول الوزن
احب أبشرك أن طلع دكتور مصري حكى عن أضرار العيش والسكر وفائدة الزبدة البلدي د. كريم علي
كل الي يدخل عند اسماء يدعيلي من قلبه بالزريه الصالحة
هناك ايضا برنامج اخر في الاسلام ..مع كل صلاة ممكن تاكل لقيمات ( و خذوا زينتكم عند كل مسجد و كلوا و اشربوا و لا تسرفوا ) صدق الله العظيم
شكرا على المقطع اختنا العزيزة ولكن لي رجاء منتشر في التعليقات ان حد بطلب الدعاء ليه بالشفاء اوغيرة ويدس كلمة دعوة أربعين مستجابة ودعوة الغريب مستجابة وهما كما يدسون السم في العسل والناس تدعي والغرض غير الدعاء نشر بدعة دعوة ٤٠ ودعوة الغريب وهذا مخالف للسنة ولم يرد عن رسول الله ذلك ارجوا منك التحذير لذلك وربنا يجزاكي خير اختنا العزيزة
خير الهدي هدي سيدنا محمد لا تاكل حتى تشبع و لا تمتنع عن الاكل حتى تجوع و عليك بالتمر و الشعير و كلوا و شربوا و لا تحرمو ما احل الله من الطيبات الشحوم حرمت على اليهود عقابا لهم و هذا دليل انه فوايدها كثير ...و خير الرجييم تاكل ما رزق الله و تتحرك و تعمل و تجهد نفسك و تنام بدري و تصحى بدري و تكثر من الاستغفار و الذكر هذا ريجيمي و الحمد لله مفعوله كويس جدا
انا سيده ع المعاش ولم اعد اخرج من بيتي جسمي زايد جدا ١٢٢ كيلو عملت كل المحاولات لانزل وزني فشلت روحت جيمات ماقدرش العب ينصحون بالمشي ماقدرش امشي مشيت على كل أنواع ال جيم بالاغشاي والطب البديل بوظلي معدتي ودمرها. وعلى فكرة لست اكوله مفرطه لو ما اكلت طول اليوم لا اجوع لكن بادوخ وسكري بينزل وباتعب أولادي معايا ويفضلوا يدو ني في عصاير. وشيكولاتات بالعافية انا اصلا مجنونة فاكهة واحب اعيش عليها علطول وده مكلفني كتير راحة جايه بإطلاق الفاكهة ولو مفيش اعصابي بتتعب جدا قوليلي اعمل ايه
زيديك المكسرات بردو تقافة مغربيه اكثر الحلويات المغربيه بالمكسرات وبيضايفوا الضيف بالمكسرات والأعياد والمناسبات ضروريه جدا سبحان الله المغاربه أكلهم بدون علم او اي شي بيبقى صحي الطبخ بطرق صحيه
انا في ضيقه وكرب كبير اوي ادعولي ياجماعه ربنا يفك ضيقتي ويسدد ديني
حشو كلااااااااام ليش ما تعطين الكلام المفيد وتختصرين الوقت !!!!!
معذرة اني بتكلم بسرعة بس كنت عايزة أقول أكبر قدر من المعلومات في وقت قياسي :)
أيها المار من هنا صلى على الحبيب
والله انتي ماشاء الله فنانة قلتي كل شي مفيد بوقت كويس وكل الي قلتيه100%صحيح وفعلاً ده اُسلوب حياة شكراً الك على المعلومات القيمة
ربنا يجعله في ميزان حسناتك يارب العالمين 🌹 ❤️ ❤️
بارك الله فيك و جزاك الله خيرا ...مجهود مشرف من حضرتك و ربنا ينفعنا جميعا به ان شاء الله
شكرًا على هذه المعلومات الجيدة جدا ، واضحة جدا معلومات مفيدة .
احلى نظام عن تجربة جزاك الله خيرا
ريجيم قاراطاي نظام ممتاز تسلمي
جزاك الله خيرا..حضرتك شخصيه جميلة وتدخل القلب