"The John Maclean March" - Scottish Socialist Song

Scottish song written by Hamish Henderson in 1948. It eulogises the socialist organiser John Maclean, describing his funeral procession through Glasgow in 1923.
Vandistan Discord server: / discord
LYRICS:
Hey, Mac, did ye see him as he cam doun by Gorgie
Awa ower the Lammerlaw an north o’ the Tay?
Noo yon man is comin an the whole toon is turnin oot,
We’re aa sure he’ll win back tae Glesca the day.
The jiners an hauders-on are marchin fae Clydebank,
Come on noo an hear him, he’ll be ower thrang tae bide.
Turn out, Jock an Jimmie, leave yer cranes an yer muckle gantries,
Great John MacLean’s comin hame tae the Clyde!
Argyle Street and London Road’s the route we’re marchin,
The lads fae the Broomielaw are here, tae a man!
Hey Neil, whaur’s yer hauderums, ye big Heilan teuchtar?
Get yer pipes, mate, an march at the heid o the clan.
Hello, Pat Malone, I knew ye’d be here, son,
The red an the green, lad, we’ll wear side by side.
Gorbals is his the day an Glesca belongs tae him,
Noo great John MacLean’s comin back tae the Clyde!
Forward tae Glesca Green we’ll march in guid order,
Will grips his banner weel, that boy isnae blate!
Aye, there, man, thair’s Johnnie noo, that’s him, the bonnie fichter.
Lenin’s his fere lad, and Liebknecht’s his mate.
Tak tent whan he’s speakin for thae’ll mind whit he said here,
In Glesca, our city, an the whole world aside.
Och aye, lad, the scarlet’s bonnie, here’s tae ye Heilan Shonie,
Great John MacLean’s comin hame tae the Clyde!
Aye weel, whan it’s finished I’m away back tae Springburn
Come hame tae yer tea, John, we’ll soon have ye fed.
It’s hard work the speakin, ach, I’m sure he’ll be tired the night,
I’ll sleep on the flair noo, an gie John the bed.
The whole city’s quiet noo, it kens that he’s restin,
At hame wi’ his Glesca freens, their fame an their pride.
The reds will be worn, ma lad, an Scotland will march again,
Noo great John MacLean has come hame tae the Clyde!
Please note: This is NOT a political channel. All videos are uploaded for educational / entertainment purposes only!
Twitter: / anthems_direct