#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ
Vložit
- čas přidán 16. 07. 2024
- «ការយល់ដឹងមានសារៈសំខាន់» Understanding Is Important
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី២៤ ខែមិថុនា ឆ្នាំ២០២៤។
«ការយល់ដឹងមានសារៈសំខាន់» Understanding Is Important
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ដ្បិតព្រះយេហូវ៉ាទ្រង់ប្រទានឲ្យមានប្រាជ្ញា ឯដំរិះនឹងយោបល់ នោះចេញពីព្រះឱស្ឋរបស់ទ្រង់មក» (សុភាសិត ២:៦)។
ក្នុងសុភាសិត ៤:៧ ព្រះគម្ពីរចែងថា «ប្រាជ្ញាជាសំខាន់លេខ១ ដូច្នេះចូរខំឲ្យបានប្រាជ្ញាចុះ អើ កំពុងដែលខំឲ្យបានរបស់ផ្សេងៗ នោះចូរខំឲ្យបានយោបល់ផង»។ ខនេះចង្អុលទៅឯប្រាជ្ញា ជារឿងសំខាន់បំផុត ដែលអ្នករាល់គ្នាគួរទៅរក មិនមែនលុយ មិនមែនមិត្តទេ តែជាប្រាជ្ញាវិញ។ បន្ទាប់មកខនេះនិយាយនៅក្នុងផ្នែកបញ្ចប់ថា «...កំពុងដែលខំឲ្យបានរបស់ផ្សេងៗ នោះចូរខំឲ្យបានយោបល់ផង»។ ហើយនោះជាអ្វីដែលខ្ញុំចង់សង្កត់ធ្ងន់ នោះគឺការយល់ដឹង!
ការយល់ដឹងគឺមានសារៈសំខាន់។ នៅក្នុង ខទី ៨ ដោយសំដៅលើការយល់ដឹង ខនេះនិយាយថា «ចូរដំកើងប្រាជ្ញាឲ្យខ្ពស់ឡើង នោះនឹងឲ្យឯងខ្ពស់ឡើងដែរ ក៏នឹងនាំឲ្យឯងបានកិត្តិសព្ទ ដោយឯងឱបក្រសោបជាប់»។ ដូច្នេះតើអ្នករាល់គ្នាចង់បានការឡើងដំណែងដែរទេ? បន្ទាប់មកអ្នករាល់គ្នាត្រូវលើកដំកើងការយល់ដឹង នោះការយល់ដឹងនឹងលើកដំកើងអ្នករាល់គ្នា ហើយនាំមកអ្នករាល់គ្នានូវកិត្តិយស។
ខទី ៩ ក៏ល្អដែរ ហើយនិយាយបន្ថែមទៀត ទៅលើអ្វីដែលការយល់ដឹងនឹងធ្វើចំពោះអ្នករាល់គ្នា ៖ «ប្រាជ្ញានឹងបំពាក់គ្រឿងដ៏វិសេសលើក្បាលឯង ហើយនឹងឲ្យឯងពាក់សិរីល្អទុកជាមកុដ»។ ការយល់ដឹងនឹងពាក់សិរីល្អលើក្បាលអ្នករាល់គ្នា។ ហាលេលូយ៉ា!
សូម្បីតែព្រះអម្ចាស់យេស៊ូវ បានបង្រៀនអំពីយោបល់ដ៏សំខាន់ នៅពេលទ្រង់បានប្រាប់ និងពន្យល់អំពីរឿងប្រៀបប្រដូច អំពីអ្នកព្រោះគ្រាប់ពូជនៅក្នុង លូកា ៨:៥-១៥ (សូមសិក្សាសេចក្ដីយោងទាំងមូល)។ នៅក្នុង ខទី ១២ ទ្រង់បានពន្យល់ថា កាលដែលអ្នកព្រោះៗគ្រាប់ពូជរបស់គាត់ (គ្រាប់ពូជគឺជាព្រះបន្ទូលនៃព្រះ) គ្រាប់ពូជដែលធ្លាក់នៅតាមផ្លូវ «...គឺជាអស់អ្នកដែលបានឮ រួចអារក្សមកឆក់យកព្រះបន្ទូលពីចិត្តគេចេញទៅ...»។
ប៉ុន្តែ ម៉ាថាយ បានផ្តល់ឱ្យយើងនូវការយល់ដឹងកាន់តែច្បាស់ អំពីអ្វីដែលពិតជាបានកើតឡើង ចំពោះបុគ្គលបែបនេះ។ ហេតុអ្វីបានជាអារក្ស អាចលួចយកព្រះបន្ទូលពីចិត្តពួកគេ-នោះគឺដោយសារពួកគេខ្វះការយល់ដឹង៖ «ដូច្នេះ ចូរអ្នករាល់គ្នាស្តាប់ពាក្យប្រៀបប្រដូច ពីអ្នកព្រោះពូជនោះ។ គឺកាលណាបើអ្នកណាស្តាប់ព្រះបន្ទូលពីនគរ តែមិនយល់ នោះអាកំណាចក៏មកឆក់យកសេចក្ដី ដែលបានព្រោះក្នុងចិត្តអ្នកនោះទៅបាត់ នេះគឺជាអ្នកដែលបានទទួលពូជតាមផ្លូវ» (ម៉ាថាយ ១៣:១៨-១៩)។
ឃើញទេថាការមិនយល់ព្រះបន្ទូលរបស់ព្រះ គឺជាការអាក្រក់យ៉ាងណា? សូម្បីតែប្រាជ្ញាក៏លើកដំកើងការយល់ដឹងដែរ។ សូមអាននូវអ្វីដែលប្រាជ្ញានិយាយនៅក្នុងសុភាសិត ៨:១៤ «ការជួយគំនិតជារបស់ផងអញ ព្រមទាំងការទាំងអស់ដែលមានប្រយោជន៍ផង អញជាតួយោបល់ ក៏មានឥទ្ធិឫទ្ធិដែរ»។ នៅត្រង់នេះ ប្រាជ្ញាកំពុងនិយាយ ហើយនិយាយថា «ខ្ញុំជាការយល់ដឹង» ។ ពិតជាអស្ចារ្យមែន!
បន្ទាប់មក ខទី ១៤-១៦ ចែងថា «ពួកមហាក្សត្រសោយរាជ្យ ហើយពួកមានបណ្តាសក្តិក៏សំរេចសេចក្ដីយុត្តិធម៌ ដោយសារអញ។ ពួកអ្នកគ្រប់គ្រង នឹងពួកមានត្រកូលខ្ពស់ គឺអស់ទាំងចៅហ្វាយដែលនៅផែនដី...អស់ទាំងទ្រព្យសម្បត្តិ នឹងកិត្តិយស នៅជាមួយនឹងអញ អើ មានទាំងរបស់ទ្រព្យដ៏ស្ថិតស្ថេរ នឹងសេចក្ដីសុចរិតផង។ ផលដែលកើតពីអញ នោះវិសេសជាងមាស អើ ក៏ប្រសើរជាងមាសយ៉ាងបរិសុទ្ធផង ហើយផលកំរៃរបស់អញជាជាងប្រាក់យ៉ាងវិសេសបំផុត។ អញដើរក្នុងផ្លូវនៃសេចក្ដីសុចរិត គឺនៅកណ្តាលផ្លូវច្រកនៃសេចក្ដីយុត្តិធម៌»។
ចូរបោះយុទ្កាជីវិតរបស់អ្នករាល់គ្នា នៅលើព្រះបន្ទូលនៃព្រះដែលជា-ប្រាជ្ញារបស់ព្រះ-ហើយយកចិត្តទុកដាក់លើការយល់ដឹង។ ព្រះគ្រីស្ទគង់នៅក្នុងអ្នករាល់គ្នា។ ទ្រង់គឺជាប្រាជ្ញារបស់អ្នករាល់គ្នា។ ដូច្នេះហើយ អ្នករាល់គ្នាមានចិត្តនិងគំនិតដែលអាចយល់។ ព្រះគម្ពីរចែងថា វាត្រូវបានប្រទានដល់អ្នករាល់គ្នា ដើម្បីយល់ពីព្រះបន្ទូលនៃព្រះ ជាអាថ៌កំបាំងនៃនគរព្រះ។ ដូច្នេះ ចូរប្រកាសជាញឹកញាប់ថា «ខ្ញុំមានពេញទៅដោយចំណេះដឹង អំពីព្រះហឫទ័យរបស់ព្រះដោយប្រាជ្ញា និងការយល់ដឹងខាងវិញ្ញាណ»។ ហាលេលូយ៉ា!
#សេចក្ដីអធិស្ឋាន
ឱព្រះវរបិតាជាទីគោរពអើយ កូនទទួលស្គាល់ពីសារៈសំខាន់ នៃការយល់ដឹងនៅក្នុងជីវិត និងកិច្ចបម្រើផ្សាយរបស់កូន។ កូនសូមប្រកាសថា កូនមានពេញទៅដោយចំណេះដឹង អំពីឆន្ទៈរបស់ទ្រង់ក្នុងគ្រប់ប្រាជ្ញា និងការយល់ដឹងខាងវិញ្ញាណ។ ការយល់ដឹងអំពីព្រះបន្ទូលលើកកំពស់ លើកតម្កើង និងនាំកិត្តិយសដល់កូន។ វាពាក់លើក្បាលកូនដោយសិរីល្អ ហើយដោយការយល់ដឹង កូនរស់នៅដោយជោគជ័យ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ សុភាសិត ៣:១៣ សុភាសិត ៤:៥-៧ និង ទំនុកដំកើង ១១៩:១០៤ (ការកើតជាថ្មីកម្ពុជា)