#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍
Vložit
- čas přidán 25. 08. 2024
- #ចំណងជើងវីដេអូ៖ «សេចក្ដីជំនឿដ៏មោះមុតគឺសំខាន់» Conviction Is Important
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី១៦ ខែកក្កដា ឆ្នាំ២០២៤។
«សេចក្ដីជំនឿដ៏មោះមុតគឺសំខាន់» Conviction Is Important
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
សម្រាប់ [ការអធិប្បាយអំពី] ដំណឹងដ៏រីករាយរបស់យើង (ដំណឹងល្អ) បានមកដល់អ្នកមិនត្រឹមតែដោយពាក្យសំដីប៉ុណ្ណោះទេ ប៉ុន្តែថែមទាំងដោយអំណាច [របស់វាផ្ទាល់] និងដោយព្រះវិញ្ញាណបរិសុទ្ធ និងដោយការជឿជាក់ដ៏អស្ចារ្យ និងភាពប្រាកដប្រជា [នៅលើផ្នែករបស់យើង]។ អ្នកដឹងថាតើយើងបានបង្ហាញខ្លួនឯងថាជាមនុស្សប្រភេទណា ក្នុងចំណោមអ្នករាល់គ្នាសម្រាប់សេចក្តីល្អរបស់អ្នករាល់គ្នា (១ ថែស្សាឡូនីច ១:៥ AMPC)។
នៅឆ្នាំ ១៩៨៩ ស្ត្រីវ័យក្មេងម្នាក់ដែលបានចូលរួមការថ្វាយបង្គំរបស់យើង បានតែប៉ុន្មានខែប៉ុណ្ណោះត្រូវបានសួរថា «តើសាររបស់ Pastor Chris និយាយអំពីអ្វី?» ការឆ្លើយតបរបស់នាងមានភាពស៊ីជម្រៅ និងយល់ដឹង។ នាងបាននិយាយថាគឺ «ជីវិតដ៏អសកល្ប» ។ ហើយនាងនិយាយត្រូវ។
នាងបានផ្តល់ការឆ្លើយតប ដោយបានធ្វើជាសាក្សីជាច្រើនលើកច្រើនសារ អំពីការជឿជាក់របស់ខ្ញុំអំពីដំណឹងល្អ។ វាមានរយៈពេលជាច្រើនទសវត្សរ៍មកហើយ ប៉ុន្តែសារនៅតែដដែល។ វាជាសារដែលខ្ញុំបានរស់នៅ និងបានបង្រៀន ជាការពិតដែលបានសាយភាយគ្រប់ផ្នែកនៃជីវិតរបស់ខ្ញុំ!
តើហេតុអ្វីបានជាខ្ញុំនិយាយរឿងនេះ? មែនហើយ វាគឺដោយសារតែខ្ញុំជឿលើព្រះយេស៊ូវគ្រីស្ទ។ នៅពេលអ្នករាល់គ្នាជឿលើព្រះយេស៊ូវគ្រីស្ទ អ្នករាល់គ្នាគួរតែជឿដោយអស់ពីចិត្ត។ ត្រូវតែមានភាពតែមួយជាមួយទ្រង់។ សេចក្តីពិតរបស់ទ្រង់ មិនត្រូវបានផ្តល់ឱ្យយើង ដើម្បីជជែកវែកញែកនោះទេ។ សេចក្តីពិតរបស់ទ្រង់ ត្រូវបានផ្តល់ឱ្យយើងដើម្បីទទួលយកជាសេចក្តីពិតតែមួយគត់។
នៅក្នុង យ៉ូហាន ១៤:៦ ព្រះអម្ចាស់យេស៊ូវទ្រង់ផ្ទាល់បានប្រកាសថា «ខ្ញុំជាផ្លូវ ជាសេចក្តីពិត និងជាជីវិត» ទ្រង់មិនទុកកន្លែងសម្រាប់ការសង្ស័យ ការជជែកដេញដោល ឬការស្មាននោះឡើយ។ ទ្រង់បានថ្លែងយ៉ាងច្បាស់ថា «បើមិនមកតាមខ្ញុំ នោះគ្មានអ្នកណាទៅឯព្រះវរបិតាបានឡើយ» ដោយបញ្ជាក់ពីភាពផ្តាច់មុខរបស់ទ្រង់ជាអ្នកប្រោសលោះ ជាសាច់សាលោហិត - អ្នកសម្រុះសម្រួល និងជាព្រះអង្គសង្គ្រោះ ។
ប៉ុលបានរំលឹកឡើងវិញនូវការពិតដូចគ្នានៅក្នុង ១ធីម៉ូថេ ២:៥-៦ ថា៖ «ពីព្រោះមានព្រះតែ១ ហើយមានអ្នកសង្រួបសង្រួមតែ១ នៅកណ្តាលព្រះ នឹងមនុស្ស គឺជាមនុស្សដ៏ជាព្រះគ្រីស្ទយេស៊ូវនោះឯង។ ទ្រង់បានថ្វាយព្រះអង្គទ្រង់ ទុកជាថ្លៃលោះមនុស្សទាំងអស់ ដែលត្រូវមានទីបន្ទាល់នៅពេលកំណត់»។ ព្រះយេស៊ូវគឺជាសេចក្តីពិត។ អ្វីគ្រប់យ៉ាងដែលអ្នករាល់គ្នាធ្លាប់ដឹងអំពីព្រះ និងពីព្រះគឺនៅក្នុងព្រះយេស៊ូវ។ ទ្រង់ជាតំណាងនៃប្រាជ្ញា និងចំណេះដឹងទាំងអស់។`
នៅក្នុង កូល៉ុស ២:៣ ចែងថា៖ «ដែលមានគ្រប់ទាំងផលថ្លៃវិសេសនៃប្រាជ្ញា នឹងសេចក្ដីចេះដឹងលាក់ទុកក្នុងទ្រង់»។ ទ្រង់ជាតំណាង ភាពពេញលេញនៃព្រះ។ កូល៉ុស ១:១៩ AMPC និយាយថា «ដ្បិតវាគាប់ព្រះហឫទ័យដល់ [ព្រះវរបិតា] ដែលភាពពេញលេញទាំងអស់នៃព្រះ (សរុបនៃភាពឥតខ្ចោះ អំណាច និងគុណលក្ខណៈដ៏ជាព្រះ) គួរតែនៅក្នុងទ្រង់ជារៀងរហូត»។
រឿងនេះត្រូវតែក្លាយជាការពិតសម្រាប់អ្នករាល់គ្នា។ វាត្រូវតែក្លាយជាសេចក្ដីពិតរបស់អ្នករាល់គ្នា។ វាត្រូវតែក្លាយជាដំណឹងល្អរបស់អ្នករាល់គ្នា និងជាសារផ្ទាល់ខ្លួនរបស់អ្នករាល់គ្នា។ វាត្រូវតែក្លាយជាជំនឿមោះមុតរបស់អ្នករាល់គ្នា។ វាត្រូវតែជាអ្វីមួយ ដែលអ្នករាល់គ្នាចង់ស្លាប់សម្រាប់ការនោះ ជាជាងបដិសេធ ឬងាកចេញ។
#សេចក្ដីអធិស្ឋាន
ឱព្រះវរបិតាអើយ សូមអរព្រះគុណ ចំពោះសេចក្តីពិតដ៏ឥតងាករេនៃព្រះបន្ទូលទ្រង់ ដែលបង្កប់នៅក្នុងព្រះយេស៊ូវគ្រីស្ទ។ កូនទទួលយកសេចក្ដីពិតនេះដោយភាពជឿជាក់ទាំងស្រុង ដែលអនុញ្ញាតឱ្យសេចក្ដីពិតនេះ ជ្រាបចូលទៅក្នុងគ្រប់ទិដ្ឋភាពនៃជីវិតរបស់កូន។ កូនប្រកាន់ខ្ជាប់ក្នុងសេចក្តីជំនឿ ដោយមិនរង្គោះរង្គើដោយការសង្ស័យ ឬការជជែកដេញដោល ហើយកូនប្រកាសថាសេចក្តីពិតរបស់ទ្រង់ គឺជាពន្លឺដឹកនាំរបស់កូនក្នុងគ្រប់ការណ៍ទាំងអស់។ កូនប្រកាសដំណឹងល្អដោយភាពប្រាកដប្រជាដោយក្លាហាន ដោយដឹងថាព្រះយេស៊ូវគឺជាផ្លូវ ជាសេចក្តីពិត និងជាជីវិត។ អេមែន! សូមព្រះប្រទានពរ!
#ការសិក្សាបន្ថែម៖ កិច្ចការ ៤:១២ រ៉ូម ១:១៦ និង កិច្ចការ ៤:១២ AMPC (ការកើតជាថ្មីកម្ពុជា)