#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ
Vložit
- čas přidán 12. 09. 2024
- #ចំណងជើងវីដេអូ៖ «ត្រូវបានដកចេញពីសេចក្តីស្លាប់» Extricated From Death
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី២៦ ខែសីហា ឆ្នាំ២០២៤។
«ត្រូវបានដកចេញពីសេចក្តីស្លាប់» Extricated From Death
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«...ដែលទ្រង់បានបំផ្លាញសេចក្ដីស្លាប់ ហើយបានយកជីវិត នឹងសេចក្ដីមិនចេះស្លាប់ មកដាក់នៅពន្លឺ ដោយសារដំណឹងល្អវិញ» ៖ (២ធីម៉ូថេ ១:៩-១០)។
ព្រះគម្ពីរបានកត់ត្រាថា នៅសម័យបុរាណ មនុស្សរស់នៅបានយូរ ជាពិសេសបានអាយុលើសពី ៩០០ ឆ្នាំ។ ទោះជាយ៉ាងណាក៏ដោយ នៅពេលដែលអំពើបាបកើនឡើង នោះអាយុជីវិតក៏ថយចុះ។ លោកុប្បត្តិ ៦:៣ ចែងថា ដោយសារអំពើបាប អាយុកាលរបស់មនុស្សត្រូវបានកំណត់ត្រឹម ១២០ ឆ្នាំ។
នៅក្នុងបទទំនុកដំកើងរបស់លោកម៉ូសេ បានធ្វើការសង្កេតថា ដោយសារអំពើបាប អាយុកាលធម្មតារបស់មនុស្សគឺចិតសិបឆ្នាំ ឬប៉ែតសិបឆ្នាំសម្រាប់អ្នកដែលមានកម្លាំងកាយខ្លាំង។ សូម្បីតែក្នុងវ័យចាស់ក៏ដោយ ជីវិតរបស់មនុស្សពោរពេញទៅដោយការនឿយហត់ និងទុក្ខព្រួយ ដែលទីបំផុតត្រូវបញ្ចប់ដោយសេចក្ដីស្លាប់ (ទំនុកដំកើង ៩០:៨-១០)។ យ៉ាងណាមិញ ព្រះអម្ចាស់យេស៊ូវ បានយាងមកដើម្បីថ្លែងអំពីមូលហេតុ នៃការកំណត់នេះ ដែលជាអំពើបាប។
តាមរយៈយញ្ញបូជារបស់ទ្រង់ ទ្រង់បានផ្ដល់សេចក្ដីសង្គ្រោះពីអំពើបាប ហើយបានធ្វើឲ្យមានជីវិតអស់កល្បជានិច្ច ។ ជីវិតអស់កល្បជានិច្ចរួមបញ្ចូល «សេចក្ដីមិនចេះស្លាប់»។ ពេលអ្នករាល់គ្នាបានកើតជាថ្មី អ្នករាល់គ្នាបានឆ្លងផុតពីសេចក្ដីស្លាប់ទៅជីវិត (យ៉ូហាន ៥:២៤)។ រំលឹកឡើងវិញនូវអ្វី ដែលយើងបានអាននៅក្នុងបទគម្ពីរផ្ដើមរបស់យើង។ ខគម្ពីរនិយាយថា ព្រះយេស៊ូវបានលុបចោលសេចក្តីស្លាប់ ហើយបាននាំជីវិត និងភាពអស់កល្បមកបំភ្លឺ។ លុបចោល មានន័យថា ដកចោល បោះចោល ឬលុបចោល។ ព្រះអម្ចាស់យេស៊ូវ បានលុបចោលសេចក្ដីស្លាប់។ ទ្រង់បានកម្ចាត់សេចក្ដីស្លាប់ ហើយបានប្រទានជីវិតមួយ ដែលប្រសើរជាងសេចក្តីស្លាប់ដល់យើង ជាជីវិតដែលមិនចេះស្លាប់។
ឥឡូវនេះ អ្នកអាចយល់បាន ថាហេតុអ្វីបានជាព្រះគម្ពីរ បានចែងនៅក្នុង ១កូរិនថូស ១៥:៥៥ ថា «ឱសេចក្ដីស្លាប់អើយ ទ្រនិចឯងនៅឯណា សេចក្ដីស្លាប់អើយ ជ័យជំនះរបស់ឯងនៅឯណា?» ព្រះអម្ចាស់ផ្ទាល់បានបង្ហាញថាសេចក្តីស្លាប់ មិនមានទ្រនិច ឬជ័យជំនះឡើយ នៅពេលបីថ្ងៃក្នុងផ្នូរ ទ្រង់បានរស់ឡើងវិញដោយជោគជ័យ។ ហេតុអ្វីបានជាគ្រីស្ទានស្លាប់? សម្រាប់មនុស្សជាច្រើន វាជាលទ្ធផលនៃភាពព្រងើយកន្តើយ (ទំនុកដំកើង ៨២:៧-៨) ហើយក៏ដោយសារតែមនសិការ និងការភ័យខ្លាចនៃសេចក្ដីស្លាប់ផងដែរ។ យើងនឹងរៀនបន្ថែមទៀតអំពីការភ័យខ្លាចនៃសេចក្ដីស្លាប់ នៅក្នុងការសិក្សាបន្ទាប់របស់យើង។
អ្នកប្រហែលជាសួរថា «Pastor Chris តើលោកនិយាយថាយើងមិនគួរស្លាប់?» ពិតណាស់! យើងមានសក្តានុពលដើម្បីរស់នៅ លើសពីដែនកំណត់របស់ផែនដី។ ព្រះគម្ពីរអនុញ្ញាតឲ្យយើងដឹងថា យើងជាច្រើននាក់នឹងមានជីវិត ហើយត្រូវបានគេលើកឡើងពីផែនដី នៅពេលដែលត្រែបន្លឺឡើង (១ថែស្សាឡូនីច ៤:១៦-១៧)។ ពួកជំនុំត្រូវការចាប់យក ហើយដើរក្នុងពន្លឺនៃសេចក្តីពិតនេះ។
ជីវិតដែលអ្នករាល់គ្នាមានគឺជាជីវិតរបស់ព្រះ។ វាមិនមែនជាកម្មវត្ថុរបស់សាតាំង ជំងឺ រោគា សេចក្ដីស្លាប់ និងឥទ្ធិពលអាក្រក់នៃពិភពលោកនេះទេ។ ២ពេត្រុស ១:៤ និយាយថា យើងជាអ្នកចូលរួមក្នុងធម្មជាតិដ៏ជាព្រះ ហើយបានរួចផុតពីអំពើពុករលួយ ដែលមាននៅក្នុងពិភពលោកនេះ។ សេចក្ដីស្លាប់គឺជា «អំពើពុករលួយ» មួយក្នុងចំណោម «អំពើពុករលួយ» ដែលអ្នករាល់គ្នាត្រូវបានដកចេញ។ ហាលេលូយ៉ា!
#ការប្រកាស
ខ្ញុំបដិសេធ មិនត្រូវចងដោយមនសិការនៃសេចក្តីស្លាប់ ឬការកំណត់នៃពិភពលោកនេះទេ។ ខ្ញុំដើរក្នុងភាពពេញលេញនៃជីវិត និងជ័យជំនះ ដែលព្រះគ្រីស្ទបានទទួលសម្រាប់ខ្ញុំ ហើយខ្ញុំរស់នៅក្នុងសុខភាព កម្លាំង និងភាពរឹងមាំ។ ខ្ញុំរស់នៅក្នុងជីវិតដ៏វិសេសវិសាល បង្ហាញពីអំណាច និងសិរីរុងរឿងរបស់ព្រះ នៅក្នុងគ្រប់វិស័យនៃជីវិតរបស់ខ្ញុំ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ យ៉ូហាន ១០:១០ និង រ៉ូម ៨:១១ (ការកើតជាថ្មីកម្ពុជា)