#MM
Vložit
- čas přidán 6. 09. 2024
- #MM #牌子嘢_香港嘢 // 75年歷史香港手造點心工廠 / 沿用阿爺食譜 / 每日生產4萬粒點心 / 第三代接手疫下開門市 / 香港製造
何文田一間外賣點心店,裝修新潮,招牌卻大字寫上「始於1947」。翻查資料後才發現這間店舖是一間本地手造點心工廠,之前一直只做批發,向全港最聞名的五星級酒店供應點心。
文樂園是劉瑋桁(Ricky)的爺爺劉紹祖在1947年創立的一家手造點心廠,爺爺及父親相繼過身後,便由80後的Ricky全力打理。工場原址在油麻地地舖,現已搬遷到火炭工業區。點心廠一路走來,經歷過香港點心業的高低起落,在時代洪流中求變、求存。在機械化時代下,點心廠仍然以人手的溫度,逐顆點心慢慢揑製。經營75個年頭,文樂園沒有接受過任何報章雜誌訪問,非常低調。
█ 爺爺從廣州來港謀生 教人開酒樓做點心
中式點心歷史源遠流長,不同地區款式各異。有人將點心分成四個派別:京式點心、滬式點心、廣州點心和香港點心,各有特色。香港曾是英國殖民地,也是貿易港,匯合來自世界各地的人與食材,令香港點心以中西合璧聞名。這也是為何芒果布丁、椰絲啫喱也能在點心紙上佔一席位的原因。其他受外國文化影響的點心還有咖喱魷魚、咖喱角、海鮮沙律卷和叉燒酥等,相信對香港人而言並不陌生。
香港點心源自廣州,40年代在戰爭的陰霾下,很多廣州人紛紛來港謀生,Ricky的爺爺便是其中一人。劉紹祖於1899年出生,由點心師傅做起,後來開班授徒,經營酒樓,也當上了酒樓顧問。四十多歲來港後,有同鄉想在香港開辦酒樓,他便重操故業,在油麻地新填地街開了工場做點心批發,同時擔當顧問角色,去支援一群未必很精通點心行業的人開酒樓,包括1920年代開業的得如酒樓。當時全棟樓高五至六層,地下舖面賣糕點、手工麵、「馬仔」,後方就是點心工場;樓上是Ricky一家的居所;往上的樓層就是一班夥計的家。「夥計每天五點半開工,我一起床便聽到他們的噪音了。當時我大約四五歲吧,穿條短褲就跑到下層搗蛋,跑來跑去。」Ricky津津樂道:「夥計下班後便會一起圍著大枱吃飯,也有三十多四十人,就像一家人般。」
Ricky長大後跟朋友合資開餐廳做生意,從沒想過要接手工廠。20多年前,父親放手不想繼續做點心,全盤生意交由Ricky媽媽負責。工廠裡的點心師傅全是老臣子,想法較守舊,對新任老闆娘毫不客氣:「你不是老闆,你又不是姓劉!」Ricky憶述,他曾目睹師傅曾對媽媽粗言相向,媽媽當然非常憤怒,卻又無可奈何,深怕得罪對方只會沒人開工。眼見工廠冇王管,Ricky決心放棄飲食生意,全心撑媽媽。
█ 受疫情影響 老字號從幕後走上幕前
點心工廠一直隱居幕後,默默做事,批發手造點心、製作點心所用的材料(例如點心皮、肉餡)及原材料予香港多間酒樓、五星級酒店、米芝蓮餐廳、郵輪公司、航空公司、私人會所等。文樂園的點心早已「偷偷」遍佈港九新界,甚至在飛機上,也有機會吃到他們的點心。點心行業是師徒制,文樂園很多客戶也跟Ricky一家一樣,一代傳一代。很多爺爺的徒弟徒孫,滿師後自立門戶,也有人往外地發展,部份人至今也有生意來往。
工場總共生產40多款點心,一天產量約三至四萬顆。直至近年疫情令客戶生意受重創,工廠固然無法倖免,生產量下降至一天只幾千顆。工場內共有6位點心師傅;13位全職姐姐,為保員工飯碗,也望開拓新客源,Ricky於2020年開設了外賣點心店,文樂園的點心,75年來第一次走上幕前。
█ 沿用爺爺75年食譜 顆顆跟足傳統用心製作
傳統點心師傅都愛在肉餡中放豬油,工場所用的豬油都是自家煉製,把豬脂肪拿到大鑊中慢慢煉出油豬,再加入到燒賣、 蝦餃及牛肉球等點心中,口感更香滑。
蝦餃被譽為是最考功夫的點心,要四平八穩、摺紋清晰可見、皮呈半透明。製作蝦餃皮,傳統做法會在木製按板上,用扁刀或拍皮刀把粉團按壓成透薄的蝦餃皮。但工廠牌照要求工場內不能使用木類工具,無奈之下,工場只好捨棄傳統,訂造專門製作蝦餃皮的機器。
至於灌湯餃,工序繁複。師傅用雞腳燉八小時,湯汁冷卻後凝固成膠狀,將之切碎再混進餡料中。當灌湯餃蒸熱後,湯凍化回水狀,咬下去,啖啖湯汁。為求省時省成本,坊間有師傅會以魚膠粉取代湯凍,味道當然大相逕庭。
點心以外,這裡還有生產12款蒸包,當中以南瓜包較為罕見。南瓜水份多,要製作成包,南瓜餡不宜太濕。師傅將南瓜切粒,攪拌至滑身,把南瓜蓉放進鑊中炒熱,加入砂糖,炒足一小時令南瓜更香,同時蒸發其水份。坊間有師傅會選擇加入糯米粉或白豆泥,令餡料質感瞬間變得實淨,省卻工時也減輕成本。
工場內所有點心配方都是來自Ricky爺爺的食譜。「點心工廠之所以能經營那麼多年,一定有其原因。」對製作點心只略懂一二的Ricky,非常相信爺爺的口味。事實上,Ricky爺爺在他出生前已經過身,對Ricky而言,爺爺既親切又陌生。一直以來,他只能透過親友,以及這本珍貴的食譜去了解爺爺:「他寫得很仔細,每一個工序如何製作,需時多少,份量多少。以前很多點心師傅,心中有両,隨手放食材、調味的份量。而爺爺寫了一本如同武林秘笈般的食譜。」沿用爺爺的秘方多年,Ricky也有輕輕調整過當中的份量,例如放棄味精和減少糖份,始終人的口味也會跟隨時代改變。
█ 時代改變口味也改變 研發精緻創意點心
工場繼續製作爺爺的味道之餘,也不時研發新口味。Ricky跟擅長製作創意點心的師傅Winson開發新款點心,嘗試製作,再找工場及辦公室同事試味。老字號也要跟著時代的步伐走,工場現與燒賣關注組合作推出素燒賣,又為健身中心設計較低脂的雞胸肉燒賣,還有一款很受歡迎、外皮橙色的麻辣燒賣:燒賣皮混合了甘筍汁,肉餡混合麻辣醬料,製作工序比傳統燒賣更繁複。工場生產線主管輝哥入行35年,感嘆時代變化之大:「以前的客人,一盅兩件只求溫飽。現在這個年代則要求精緻、味道、美觀。」從小吃點心大的Ricky,接手前也覺得點心老土:「現在我覺得點心其實可以行得前一點。」
█ 點心行業與時並進 機器難取替手造點心
香港第一間茶樓就是1846年在威靈頓街開業的杏花樓。以前上茶樓,只能飲茶吃點心,沒有小菜或燒味。所謂「一盅兩件」,就是一盅熱茶,兩件點心。
五、六十年代的茶樓多數開在港島區;七十年代經濟起飛,政府大量興建公共屋邨,屋邨茶樓越來越多,流行飲早茶。八十年代可說是香港點心的黃金歲月,開了很多大型酒樓,競爭大了,師傅對食材的要求更加高。1997年前後出現移民潮,很多點心師傅都到外地謀生。吃點心也不一定要上茶樓,很多餐廳和酒店早已引入點心,讓客人多個選擇。但點心師傅又越來越難聘請,香港因而多了專門製作點心的工廠。2009年,添好運拿了米芝蓮一星之後,還帶起了香港點心專門店熱潮。
香港點心工廠一路走來,有些搬了到內地,有些轉用機器去量產點心。香港現存的手造點心廠所餘無幾。「點心點心,即是每顆也用心去做;每顆也用手指去揑出來。機器是無法取代的。」輝哥笑說,以前做點心師傅很了不起,每月薪金起碼有三份之一花在師傅身上,給他買汽水、買電影票、買煙,不拉攏老師傅的話便學不到東西。現今做點心師傅更巴閉,要哄徒弟工作,用心教對方,沒辦法,人手缺。
文樂園
地址:何文田窩打老道69號地下A號舖
電話:9776 6225
營業時間:星期一至日 10:00 - 20:00
策劃:黃曉楓 Apple
攝影:陳俊輝、黃錦瑜、潘志恆、伍永健
剪接:陳俊輝
插畫:陳俊輝
監製:林京賢
#點心 #手造點心 #五星級酒店
#米芝蓮 #何文田 #火炭 #燒賣
#燒賣關注組 #何文田美食 #MillMILK
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 CZcams APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
後記:
第一次留意到文樂園時,見到佢大大隻字寫住「始於1947年」,心諗:一定係一間好出名,只係我無留意到嘅老字號喇,點知google佢哋個名,竟然無人講過佢哋呢個經歷咗三代人嘅故事。
呢間廠真係一個燒賣天堂🥰 (因為燒賣訂單較多),師傅們圍住大枱,瘋狂包足幾個鐘,一盤盤燒賣排好隊放上架,見到就開心,一邊拍都忍唔住同師傅講:啲點心好靚!而其中一個令我驚喜嘅地方係,呢度嘅人雖然每日重複做同一樣嘢,看似沉悶,但佢哋又返工返得幾開心咁。大家有講有笑,仲叫我不如留低埋幫手。問師傅點解返工返得咁開心,俾佢問返轉頭:你返工返得好唔開心咩?😂 記得蝦餃王子(教我包蝦餃嗰位男師傅)一直冇點出過聲,但一問佢蝦餃嘢佢就教得好落力,問佢借粒佢包嘅蝦餃俾我影相,佢立即將啲蝦餃執整得再靚一靚,就好似靚女影相前要補一補妝咁。
其實我心底裏恨咗拍呢一類嘅工廠採訪好耐,純粹總覺得當大量重複嘅嘢排到好整齊時,畫面好治癒😝 以前可以出trip時,成日幻想可以去外國嘅工廠拍攝,但有乜好過竟然可以拍到自己香港製造嘅手工嘢 💕☺️
特別多謝剪片同事嘅用心~片中有啲插畫係佢畫㗎!!呢條影片係前排拍攝嘅~疫情每一日都在變,希望佢哋工廠上下都健健康康,各位都要take care,飲多啲水!
黃曉楓 Apple
有食過
Apple:這一集實在太新鮮主題啦👍👍👍十分受我like,應該很多妳們視頻的粉絲歡迎。
講真,這間咁老品牌的心點生産商,都給記者做專訪,即是🈶江湖地位啦🚰希望能夠尋找優質老品牌再介紹。
多謝妳的辛勞,在疫情嚴進時,只能在分享妳的成果,帶給我喜悅。感激👏👏👏
呢一集睇得好開心好舒服! 笑聲係發自內心👍
好有人情味既一間老字號!希望老闆長做長有~鍾意尼類型既題材!Apple粒蝦餃好得意😆😆😆😆
喺我包粒蝦餃之前,我都對自己嘅手工好有信心……😂😂😂
蝦餃 feat. 魚翅餃 🤭
” 冇加防腐劑,我都唔知防腐劑係咩樣"🤣🤣
我家父係做點心師傅出身,之後轉去點心食材批發,一做就40年,所以我由到大都鐘意食點心,以前有教我包燒賣,而家做到滑曬牙, 唔係點想教我😂😂😂🤭🤭🤭🤣🤣🤣
工作氣氛好好,睇到好感動
佢地工作態度同堅持好令人感動!MM每次做既片都好高質,總係有種魔力令人感同身受又帶點娛樂性!
睇完訪問又給回憶小時候爸爸帶我上一定好、和得如茶樓飲茶食蝦餃、燒賣、叉燒包、灌湯餃。大飽一定唔食😅現在已就快75歲有幸再見到得如茶樓張相片當年開張好隆重!👍🏻👍🏻👍🏻👍🏻👍🏻
我好同意 果句機械做唔出原汁原味 點心粒粒用心手造
呢啲技術根本文化遺產 一定要傳落去
有一部燒賣機,你問下個老闆係工場有無😂
@@specialwcc4588 機械輔助 好似造皮果啲一定會有 如果唔係根本追唔上訂單生產 但唔係成批都機造囉 重點係呢門技術唔可以失傳 你識手造,用機輔助 同 唔識手造,全機生產係好大分別
多謝他們能把老香港的味道留著,感激不盡
00:35 滬式個滬讀互唔係咕
飲茶始終都係想食返啲經典嘢
蝦餃燒賣鳳爪排骨
細個就鍾意食七彩啫喱仔(同埋玩嗰把紙傘),但係都常阿媽唔會次次都批准你食......
永遠都唔會食就係鳳爪,好嘔心
欣賞仲堅持緊用人手做點心❤
文樂園公司上下都好團結呀
希望可以長做長有
一齊捱過個疫情❤
最鍾意鳳爪!燒賣!😍😍
如果再行前一步,可以開點心班當興趣班,被人認識呢行嘅專業,推廣點心文化🥠🥢
欣賞衣集 , 欣賞工場既氣氛 , 希望佢地可以開心咁繼續做落去~
真係充滿人情味嘅故事,真心多謝你哋嘅推介!希望可以睇多啲呢方面嘅片
人哋工場戴帽就係為咗衛生,記者為咗靚就特登露返執頭髮出嚟。
最鐘意食奶黃包,素燒賣都鐘意食!
1949年往後的30餘年,好多廣東不同地方(特別是廣州)的粵菜師傅包括點心師傅落黎香港搵食,某地又有什麼所謂既”三年天然災害”,食大鑊飯,行糧票制,或有不同的社會動盪。
現在的廣東飲食文化是改革開放後香港人北上再重新傳授返俾廣東人曾經失去左既正宗粵菜。
過去70年多是香港一直傳承著正宗既粵菜飲食文化。
不用質疑我,不信可以問返仲在世的老師傅們。
一定好味 因為老闆同師傅們都係用心做 我希望有機食到
謝謝他們的堅持及一絲不苟的精神留存下珍貴的產品,一代傳一代下香港人才有口福享用
真係吾好意思,條片ok冇問題,但在出現一D舊相的時候,可吾可以D白光吾好閃得咁犀利
多謝你意見
睇到勁辛苦, 閃到我飛左條片中段,剪片條友第一日剪片咩😂😂😂 咁閃法真係要落癲癇警告先得
乜有閃咩
@@kaholi9799 2:48 7:33 不過少少effect我又覺得冇乜嘢丫
@@kkeit373 咁真係冇乜野 唔講都唔覺😂😂
感激你地咁有人情味,希望你地可以繼續!
睇完好想第二朝就去食點心
各位手工點心師傅加油! 保持高質素高味道嘅廣東點心很重要‼️ 不要令到可口的點心失傳!
好有人情味!!繼續做落去💪🏻💪🏻
我今日特登買黎試,全家都話吾好食,有幾樣仲係難食,超级失望。。。。btw,我去何文田窩打老道店
之前係門市買過一次食。以下絕對係真實食評!!!
um.. 🤔
燒賣冇咩特別,咁一定足料過平時個d 麵粉燒賣嘅。
之後流心奶皇包,好失望,因為冇流心😭
守住傳統點心
老實,一直喜歡MM 既野,呢集我唔太鍾意,木枱過唔到iso 所以用機壓皮既一刻,粒點心其實已唔係手造....所以帥父大大聲話全部手造其實有小小矛盾。
有太子爺接手在現代社會本身係可喜的事,但如果講到自己有傳承既精神既同時又好無內心矛盾咁減糖減味精,甚至攪左個麻辣出來,廣東點心出左個麻辣但sale傳統,我唔知d老師父會點睇,但我覺得個切入點可以深刻小小當中既掙扎。仲有如果講傳統廣東點心係大件抵食,宜家係精緻....呢個我諗唔係老師父都會衝出來話唔係....廣東點心從來都要求精緻,但因為工場點心客路唔同所以有唔同定位而已...呢d細節編輯都有責任要交代清楚。否則成段片就會容易變成嘻嘻哈哈的廣告雜誌之流。希望MM既人都睇到呢個留言啦。你d既忠實fans 上
舊相啲菲林effect睇到頭暈 下次唔好咁啦
個故事係好 但有無食過何文田門市出品
好在第三代老闆有心!
何文田門市出品認真麻麻
無錯,前幾日第一次幫襯,真心把鬼
勁👍🏻,你們一出條片,今天就排哂隊😊,D點心就好好食👍🏻👍🏻,飯就嘛嘛,唔似泰國米🤔,支持支持
可以訪問上個世紀黑白電視時期的臨記嗎?我覺得好有意思同回憶!~
努力呀 我地引以為傲既香港出品
保留傳統同時與時並進👍
呢啲專輯真係好好睇👍
飲茶一定要食點心最絕配
👍👍👍傳承!! 多謝堅持做落去, 下次去何文田試下🙇♀🙇♀
希望老闆長做長有~鍾意尼類型既題材!Apple粒蝦餃好得意😆
播舊相 果陣d 多餘 effect 睇到好辛苦, 閃到眼都盲😥
你們的片真的好有意義 我好喜歡
人大左真係會愈黎愈鍾意飲茶,好想有個空間可以慢慢去享受食物
多謝一代一代傳落去! 支持手造點心! 有心😍😍😍 燒賣 排骨
開開心心放工,多謝這位佬板
窩打老道店,晚天幫襯過,真心把鬼
我鍾意食紅棗糕
建議條片要再執執
2:50秒係咁閃閃下~睇得好辛苦😢
文樂園既燒賣蝦餃係好食既👍🏻👍🏻
記得小時候文樂團好似喺上海街 交材料到酒樓 我亦看過
加油MM!👍👍👍💪💪💪
最近經過先發現佢哋地舖執咗😢好傷心
個畫面“斬斬”下,好煩😑😆
字幕:「到外地謀生」;旁白:「翻內地搵食」😏邊個先真定同一意思
多謝MILMILK!
我屋企都有個做左超過40年既點心師傅
MM made this good video. Appreciate that.
添好運未攞米芝蓮係好食,但之後狂開分店,品質及師傅質素愈來愈差。
員工上下一心,真佩服
滬..是(戶)...不是烏..
謝謝提點🙏🏼🙇🏻♀️
超好食!!!我都有食過
这个好,无论是视频还是点心工厂,让人看了有收获,比如了解hk一简单点心文化背景,更让我以后如果把妹可以吹水啊如果有幸专门去吃吃看
You forget 🥰Chucky🥰 DO Touch 💗💗💗
好有heart 鍾意!!
做得開心好緊要!!!
除點心外,香港以前做腸粉最好係以前荃灣嘅月森記
工廠出品始於不及即做即食,
Apple粒蝦餃好smooth😂
多謝介紹這間名店,我超喜歡吃點心。我覺得很精緻
MM可摸耳整集講筷子揸法LOL
支持💪
11.11分 後面個部機械吾係整包機?? (自己平時都有用依部機)
好有愛嘅公司!❤️
拍出黎緊係咁架喇。。。唔通條片會互爆咩。。
有無零售急凍賣
吾比用木。。。。
大開眼界 附近返工 大大話話行過幾千次 從來冇諗過幫襯 以為喺嗰啲劣食 好似糖記嗰啲 聽日一定要去試下
廣告真係廣告
czcams.com/video/swAzjCn6F98/video.html
希望解封後能到香港去品嚐看看
不過成套片似廣告!留言有彈冇讚,今時今日真係要小心啲打手😅
邊度可以食到麻辣燒賣?😳😳
手作始終都係好食過機制好多
支持 真心好味😋
香港飲食文化以變,加上各種環境因素,点心已經是夕陽行業
已
@@danielkoo8341 多謝
日本燒賣透明皮根本唔可以叫燒賣
灌湯餃唔係浸湯餃好唔好
純正只係餃包湯嘅灌湯餃,香港可能剩返幾間有得食......
人哋被你害到冇停手!落單排15 分鐘!等攞野食又20 分鐘!😅
睇左好多條片
幾乎條條片音量都係時大時細
真係要改改
吹毛求疵
@@Strawberryknight 追求下完美先係最緊要
但酒店點心真係唔好食😮💨😅😅😅
講到重點
我去酒店食嗰啲點心唔好食㗎喎
同工場拎貨緊係唔好食啦,隔夜嘛,點心一定係新鮮日日即整先好食
你地真係好正!好似粒燒賣咁👍🏻😀
麻辣燒賣.... i love it...
門市成日漏單,已不會再去
可以上工場買點心嗎?
執咗啊?
好想食佢啲燒賣!!!
店名第一次聽👍🏻
何文田嗰間分店啊,難食到嘔!我睇住佢開店,基本上都冇咩人幫襯!
咁點解叫文樂園?
又唔係姓文?
你究竟有無睇返自己d片,成日閃下閃下個畫面扮懷舊feel,但就好難睇落去。