Yarige Dooruveno - Purandara Dasaru Bhajan by Sri Mahaganapathi Bhajana Mandali, Mulki

ಯಾರಿಗೆ ದೂರುವೆನೋ ಗಿರಿರಾಯ
ಯಾರೆನ್ನ ಸಲಹುವರೋ ||ಪ ||
ಸಾರಿದ್ದ ಭಕ್ತಸಂಸಾರಿ ನಿನ್ನಯ ಪದ-
ವಾರಿಜವನು ತೋರೊ ಕಾರುಣ್ಯನಿಧಿ ಬೇಗ ||ಅ ||
ಕಷ್ಟ ಜನ್ಮದಿ ಬಂದೆನೋ, ಧಾರುಣಿಯೊಳು
ದುಷ್ಟರಿಂದಲಿ ನೊಂದೆನೋ
ನಿಷ್ಠುರ ಬೇಡವೊ ನಿನ್ನ ನಂಬಿದ ಮೇಲೆ
ಸೃಷ್ಟಿಗೊಡೆಯ ಎನ್ನ ಬಿಟ್ಟು ಕಳೆಯ ಬೇಡ ||
ಹಿಂದೆ ಮಾಡಿದ ಕರ್ಮವು, ಈ ಭವದೊಳು
ಮುಂದಾಗಿ ತೋರುತಿದೆ
ಇಂದಿಲ್ಲ ಗತಿಯದರಿಂದ ನೊಂದೆನು ನಾನು
ಮಂದರಧರ ಗೋವಿಂದ ನೀನಲ್ಲದೆ ||
ಹಗಲು ಕತ್ತಲೆ ಸುತ್ತಿಯೆ, ಗಂಗೆಡಿಸುತ್ತ
ಹಗೆಯಾಗಿ ನಗಿಸುತಿದೆ
ಉಗುರಿನ ಸಿಗಿಗೆ ಮುಳ್ಳುಗಳೀಗ ನೆಟ್ಟುವು
ಸೊಗವ ಹಾರಿಸಿ ಎದೆ ದಿಗಿಲುಗೊಳಿಸುತಿದೆ ||
ಬಾಡಿದ ಅರಳಿಯನು, ಕಲ್ಲಿನ ಮೇಲೆ
ಈಡಾಗಿ ನಾಟಿದರೆ
ಬೇಡಿಕೊಂಡರೆ ತಳಿರು ಮೂಡಿ ಬರುವುದುಂಟೆ
ರೂಢಿಗೊಡೆಯ ನೀನು ನೋಡದಿದ್ದ ಮೇಲೆ ||
ಹಲವು ಪರಿಯ ಕಷ್ಟವ, ನಿನ್ನಯ ಪಾದ-
ಜಲಜದ ಕರುಣದಲಿ
ಸುಲಿಗೆ ಕೊಟ್ಟೆನು ನಾನು ಸೂರೆಗಾರರಿಗೆಲ್ಲ
ಒಲವಾಗು ಎನ್ನೊಳು ಪುರಂದರವಿಠಲ ||

[@annapurnaguthi2972]

Exlent sir. Nimmellara voice 🙏🙏🙏🙏🙏🙏

[@annapurnaguthi2972]

Liriks hakidiralla sir. Hadu bega. Kalithaidhivi sir 🙏🙏🙏🙏🙏👍hehe alla haduge. Liriks kalisi 🙏🙏🙏🙏🙏🙏🙏