ازاي النرجسي بيتحكم فيكي عن بعدحتى لو بعد الطلاق؟ وتتخلصي ازاي من التحكم دة؟
Vložit
- čas přidán 5. 05. 2022
- النرجسي قضى على هويتك واصبح هو اللي جواكي مش انتي اللي جواكي دلوقتي مسخ من النرجسي ،ازاي الكلام دة ؟وازاي تسترجعي نفسك تاني وتخرجي النرجسي من كيانك ؟
خطوتين مهمين لازم تعمليهم قبل ماتبدأي التشافي عشان تسترجعي نفسك
١- اول خطوة انك تتقبلي ان انتي بقيتي النرجسي مابقيتيش انتي
لازم تفهمي وضعك مع النرجسي كويس عشان تقدري تتخلصي من النرجسي تماما من غير مايتبقى معاكي حاجة من صفاته ولا تصرفاته
أولا النرجسي اول مابيدخل حياتك بيعمل لك حاجة زي غسيل المخ ، اللي بيحصل انه بيعمل لافبموبينج اللي بيه بيصورك لنفسك حد مثالي وحد مفيش زيه في العالم وعشان كدة هو ماصدق لقاكي وانه حبك عشان انتي حد عظيم واو ا وا وطبعا أي حد حيسمع حد بيمجده كدة حيصدقه وحيفرح بالحب الغير مشروط اللي بيقدمه النرجسي (كذبا وخداعا ) اللي بيحصل ان النرجسي بيديكي اللي هو عايزك تديهوله بعدين مش بيقول لك الانسان الغبي هو اللي بيهادي الناس بالحاجة اللي بيحبها . المهم النرجسي باللافبومبينج بيفتح لنفسه الطريق جواكي عشان يبدأ يفرغك من جوا يبدأ يغير مفاهيمك ونظرتك للحياة يفضيها تماما ويستبدلها بمفاهيمه هو ونظرته هو للحياة سواء كانت أفكاره صحيحة او غلط المهم انه بيزرعها جواكي اثناء اللافبومبينج من غير ماتحسي زي مثلا أفكار دينية زي حقوق الزوج وواجبات الزوجة ومفيش حقوق الزوجة او اجتماعية زي ماينفعش نعيش لوحدنا لازم بيت العيلة او الزوجة تبع اهل جوزها وخلاص تنسى بقى بيت بابا والكلام دة انتي بقيتي مسئولة عن بيت او حتى رومانسية زي العلاقة الحميمة هي التعبير الوحيد عن الحب ،وهكذا كل الأفكار اللي جواه بيبدأ يزرعها جواكي وبالتالي بتبدأ شخصيتك تختفي مع الوقت وتظهر شخصية تانية مش انتي وخصوصا بعد الدخول في مرحلة التحقير واللي بيتزرع فيها كل الصفات السلبية عنك اللي هي انتي عارفة انك مش ذكية كفاية انتي عارفة ان كل قرارتك غلط ،انتي احسن لك ولنا انك ماتفكريش أصلا ،انتي مابتعرفيش تتكلمي ولا بتعرفي تتصرفي ، انتي ضعيفة وملكيش حدود وصاحبتك بتستغلك ولازم تحطي لها حدود ، كل دة بعد ماوصلك انك تثقي فيه بتصدقيه وتقتنعي انك كدة وتتبني أفكاره وتصبحي نسخة منه وطالما تبنيتي أفكاره يبقى حتنفذي كل اللي هو عايزه منك لدرجة انك تعملي حاجات عمرك ماكنتي تتخيلي انك ممكن تعمليها ولا تقبلي أصلا تعمليها ، كل دة معناه ان النرجسي احتل عقلك وحولك فعلا لحد تاني غيرك مش انتي ودي اول حاجة لازم تفهميها وتتقبلي حدوثها عشان تقدري تتغلبي عليها وتغيريها اثناء العلاج لكن اذا حاولتي تتعالجي وانتي لسة جواكي النرجسي عمرك ماحتقدري تتقدمي فلازم تخرجي النرجسي من عقلك
٢- تاني خطوة انك تتخلصي من النرجسي اللي اصبح جواكي
دلوقتي نتيجة اللي قلناه دة اصبح النرجسي هو صوتك وانتي صوتك الأصيل الحقيقي وافكارك ونفسك اتلغى اصبحتي زي ماقلنا بتتبني أفكاره واصبح الصوت الداخلي بتاعك هو صوته اصبحتي بتنتقدي نفسك بنفس طريقته واصبحتي بتبرري تصرفاته بنفس كلامه اصبح هو اللي بيتكلم جواكي لانه أصلا سكتك من اول يوم ومنعك تتكلمي ولا تقولي رأيك وعلمك ان سلامتك في انك تقولي كلامه هو ،كل دة وانتي مش دريانة كل دة قبل ماتعرفي انه نرجسي ، فانتي اللي لازم تعمليه دلوقتي انك تسكتي صوته اللي جواكي دة وتبدليه بصوتك الأصيل اللي كان قبل ماتعرفيه ،طيب ازاي حنعمل دة ،لما تلاقي نفسك بتقولي لنفسك انتي غبية انتي فاشلة انتي مابتعرفيش تعملي حاجة ماتقدريش تنجحي في حاجة انتي ضعيفة انتي ام سيئة انتي مش حتقدري تعيشي من غيره انتي مش حتقدري على مسئولية اولادك انتي مش حتقدري تحطي حدودك معاه لانك خايفة منه لما تقولي الكلام دة لنفسك اعرفي ان دة مش انتي دة النرجسي اللي بيتكلم دي أفكاره اللي زرعها فيكي، لما تسمعيها كدبيها وانكريها وعشان تنهيها لازم نستبدلها بكلامك انتي لازم صوتك الأصلي يطلع عشان يوقف صوته ، طيب فين صوتك الأصيل حنرجعه ازاي؟
افتكري نفسك قبل ماتعرفي النرجسي افتكري الحاجات اللي كنتي بتحبيها افتكري افكارك وكلامك ولو كانت أفكار تافهة وكلام طفولي مش مهم مدى أهمية الأفكار اللي كانت عندك المهم انك ترجعيها عشان تسمعي صوت نفسك عشان تحيي نفسك الحقيقية اللي موتها النرجسي وحط نفسه وافكاره مكانها ،ارجعي لذكرياتك القديمة وهواياتك والاغاني اللي كنتي بتسمعيها وزوري الأماكن اللي كنتي بتعيشي فيها وبتحسي بنفسك وكيانك فيها وابدأي اسمعي صوتك وطبعا في الوقت دة حيظهر صوت النرجسي من جواكي ينتقدك ويقول لك ايه التفاهة دي انتي كبرتي انتيب تتصرفي تصرفات شباب وانتي فوق الأربعين او فوق الخمسين ولو كنتي فوق الثلاثين برضه حيقول لك كدة ، حيقول لك كدة من جواكي حالات كتير بتقول انا كبرت انا عندي ٣٥ او٣٧ او ٤٠ سنة دة مش كلامها لان الانثى السوية عمرها مابتحس بالعجز بتفضل شايفة نفسها جميلة وقوية طول ماهي عايشة فدة فكر النرجسي المزروع جواكي واللي لازم ماتسمعيهوش هو حيحاول يثنيكي عن انك تخرجي صوتك فحتلاقي أفكاره اللي جواكي توجهك للتفكير في أيامه الحلوة وتبدأي تلتمسي له اعذار وتفكري ترجعي له كل دة لازم تقاوميه وتفهمي ان دة صوت النرجسي مش صوتك ابدا
بالتدريج حيختفي صوت النرجسي لو انتي اصريتي انك تخفيه ويظهر صوتك - Krátké a kreslené filmy
ربنا يكتبلي الطلاق او هو يموت او يغور في داهية عاجلا غير ءاجلا برحمته ... يارب انقذني يا رب... انقذني يا رب انت عالم بحالي.... سخرلي جنودك... بيدك الأمر ..كن فيكون... ليس لها من دون الله كاشفة.... قل الله ينجيكم منها و من كل كرب....توكلت علي الحي الذي لا يموت.... أسألك يا رب بعزتك و جلالك تفرج عني ما أنا فيه... و تثبتني و تجعل لي من لدنك سلطانا نصيرا.... يارب اروح فين ... اعمل ايه.... اجعل لي ءاية ... بصرني.... امتي و فين و ازاي... يا رب صحيني من الكابوس...انا عشمانة فيك ان كل ده يطلع كابوس .. يا رب صحيني .. يا رب أتوسل إليك تنقذلي اللي باقي من عمري.... أنا في حماك يا رب
انا كل يوم اصحه من النوم اقول ياريت يكون كابوس واصحى منه يارب متجمعنيش معه فى الاخره انا مضطره فى الدنيا بس الاخره هو الملاز الوحيد
ربنا يفرج همك و همنا
اللهم امين
الله يفرج همك وهمنا
اللهم امين
انفصلت عنه بعد ١٥ سنة ولله الحمد والوم نفسي وبقوة لماذا بقيت معه طول هذا الوقت ..واتسائل لماذا كنت اخاف منه ...
الله ينور طريقك متل مابتنوري طريقنا ...وأحلى شي فيكي انك ملتزمة بعلاقتك مع رب العالمين ...هو حبل النجاة في الأول والآخر
كل شىء بالإرادة والتصميم ممكن ..ربنا ينتقم من كل نرجسى
وأنا أتمني أقعد معاكي 👌🌹❤️🤲أحلي حاجة النرجسيين عاملوها إنهم عرفونا علي شخصية محترمة ذيك أشكرك علي تعبك
ربنا معاكي حبيبتى 😢😢😢😢
اللهم اكفناهم بما شئت وكيفما شئت وسلمنا ياارحم الراحمين ولاحول ولاقوة الا بالله العلي العظيم اللهم صل وسلم على نبينا محمد وعلى آله وصحبه أجمعين
انا تزوج على بالغضب النرجسي حسبي الله ونعم الوكيل فيه حسبي الله ونعم الوكيل فيه اللهم انصر كل مظلوم
اسمك دة اكيييد مكنش صدفة ابدا
بجد لانه معبر جدا 🌹
فعلا كوثر عبارة عن سند لينا❤️❤️❤️
ربنايبارك فيكى ❤️ ❤️ ويديكى الصحة ويخليكى لينا ❤️ ❤️ ❤️ ❤️ بحبك
لكل إنسان من اسمه نصيب، اللهم اجعلها من أهل كوثر نبينا محمد صلى الله عليه وسلم مثلما جعلتها سند لنا يا رب❤️
احسنتي أ/كوثر 🌹
المصيبة الاكبر انه زرع نفسه داخل ابني
فضلاً فيديو كيفية الحل مع ابني الذي
مقتنع تماما بافكار الشيطان النرجسي والده واصبح نسخة منه 😢 عمره 15 عام وايضا اخوه الاصغر بسنة لكنه ليس الصورة بالكربون وكأنه انا
فعلا عندك حق في كل كلمه قولتيها
أنا فعلا كل يوم ادور علي كل الحاجات اللي كنت بحبها علشان احس اني عايشه وفعلا فرقت معايا اووووى
الحمدلله ❤
يارب نكبر كمان وكمان طول مااحنا مع بعض 💪💪
الحلقه دى بكتني يا دكتوره فعلا نفسي القديمه وحشتنى اوى كنت مرحه ومحبه للحياه وطموحه😔 يارب ردنى اليك ردا جميلا
😢
فعلاً الحلقة دي مهمة جدا، نورتي فكرنا الله ينور عليك
مستنياكى دكتورتى😍😍
مبروووك جيش د. كوثر سند😘😘😘
ألف مبرووووووك لكى و لنا ا. كوثر و يا رب دايما في تقدم للأمام... ربنا يبارك لك
الف مبروك عزيزتي كوثر. 🌺❤️ القناة دي نورتني و علمتني كتير. تحياتي من كندا
الف مبروك101 الف ...ربنا يزيدك من فضله يارب
نعم لتقدير الذات وحب أنفسنا 🥰💖
جزاك الله خير على كل ما بتقدميه لخدمة الناس ونفعهم
جزاكم الله خيراً عالمجهود الجبار الله يصلح حالك ويوفقك ويهديك ويسددك دكتورتنا الجميلة
ألف مبروك أستاذة كوثر وعقبال المليون أنت تستهلي التقدير
جزاك الله عنا كل الخير وعلى فيديوهاتك القيمة جداا....شكرا ومبروك على مئة الف مشترك...تستاهلي قناتك دي نجاة وطريق صحيح للضحية النرجسي..الف شكر
الف مبروك استاذتنا الرائعه عقبال المليون ربي ييسر لك امورك ويفرجها عليك دنيا وآخره يارب 🇸🇦🤍🌹
الف مبروووك وعقبال المليون ان شاء الله 💖💖💖
مبارك حبيبتي عقبال المليون مشترك و مزيد من الوعي اللهم اكفنا شر النرجسيين المنافقين
مبروووك الف مليون مبروووووك وعقبال المليون ياااارب
اول تعليق اول مشاهدة شكرا ليك قبل ماشوف الفيديو
الف مبروك ياحبيبتي ويارب دايما من نجاح لنجاح
حلقه قويييه جدا جدا جدا شكرا الك سيدتي الفاضله نور الله قلبك مثل ما تضي لنا الطريق من جديد
حضرتك تستاهلى اكتر من كدا يا استاذة كوثر ويبارك فى حضرتك يارب
الف مبروك استاذه عقبال مايبقوا مليون مشترك كل فديوهات حضرتك مفيده ربنا يبارك فيكى وبجزيكي خير نرجسي قضا علي شخصية تماما بقا صوته هو البيحركنا ويتحكم فينا وبقينا تابع له
الف مبروووك يا أستاذتنا يا غالية ❤️❤️❤️❤️❤️😘😘😘😘
والله كريم نقطة جدا مهمة انتي صح ،الحمدلله رب العالمين على هذا نور والوعي شكرا يا أستاذة كوثر، ممتنة، ربنا يكرمك
حلقه مهمه جدا يا دكتور ...جزاكي الله خيرا
حضرتك مش معقوله ست كوثر ربنا ينورك زي مبتنورينا ويجزيك عننا الف خير
الف مبروك .. و ربنا يباركلك و يجمعنا و اياكم في الفردوس الاعلى 😍😍😍⚘️⚘️⚘️⚘️
الف مبررررروك وعقبال 1000000000مشترك وعقبال ما الوعى يزيد لكل الناس👍👏🌹🌹🌹
الف مبروك عقبال المليون ان شاء الله انتي تستاهلي كل خير ربنا يجازيكي عننا خير في ولادك وفي حياتك اللهم امين
الف مبروك ماما كوثر عقبال المليون 🎈🎈🎈🎈🎈.. الفضل فضل ربنا وحضرتك.. انا عن نفسي حياتي اتغيرت 🙏🙏🙏💞💞
حضرتك انقذتي حياتي.. اشكرك من كل قلبي 💞❤️💗💗💗💕💕💕❣️
سبحان الله دايما فيديوهاتك بتيجي في وقتها❤️❤️
الف مبروووووك ياامي ياغاليه بحبك
حضرتك تستهلي نكون ملاييين ربنا
يجعله في ميزا ن حسناتك
جات في وقتها thank you so much
اللهم بارك في عمر الاستاذة كوثر سند حبيبتي 🌹
شكرا على الفيديو والفكرة البسيطة ودمك الخفيف وذوقك الجميل في الملابس ، صلينا الفجر فين( بحبها)
مبروك يحبيبتي انشاء الله تكبر وتكبر القناه ربنا يباركلك في صحتك وعافيتك يارب وشاكرين جهودك ،يالله الحلقه ممتعه ومفيده ،حكمة السنين يالله انتي كنز يااستاذه كوثر ربي يسعدك ويحفظك
إن شاء الله
ياالله انا بموت فيكي دانتي يا استاذة كوثر....حسستيني بالقوة والراحة والطمأنينة كلماتك راحة نفسية ربنا يسعد قلبك وانا اسمع الحلقة عدة مرات واركز بكل كلمة قلتيها 🌷❤🌷🌷🌷🌷🌺
الحمدلله يارب مالوش اى رصيد عندى ولا ذكريات حلوة ...من اول يوم زفت
الف مبروك انشالله عقبال المية مليون حتى لايبقى أثر للنرجسية وحلقة رائعة مهمة جدا اااشكرا
الله يكرمك يا استاذة كوثر نورت عقولنا من بعد ما كنا تايهين في هذه العلاقة السامة
دايما مميزة ورائعة بحب جمال روحك وانسانيتك ربي يسعدك
دعاء من القلب روحي يا استاذة كوثر ربي يفرحك وربي يفتحلك باب جنة الفردوس الاعلى والله استفدت من الحلقة دي كتير شكرا من كل فلبي
تستاهل كل خير يا دكتور ة❤
الله يبارك لك يادكتوره ويجزاك خير وعقبال المليون مشترك 🌹🌹🌹🌹انا ممتنه لك جدا جدا دوبي افهم حياتي مع النرجسي لمدة ٢٠سنة عرفت السر وراء تلك التصرفات الحمد لله انتي نعمة من الله لنا
تستحقي ملايين المشتركين جزاك الله كل خير وادامك نعمة في حياتي وحياة احبابك وجمعني واياك في الفردوس الأعلى من الجنة استمري من اجلنا انتظر فيديوهاتك دوما خالص تحياتي وحبي
أيوه صح ، كلامك صح.
عندي احساس بالذنب.
كان عاوزني أشرب سجاير معه.
Ms Kawther may Allah bless you ❤️❤️ congratulations well done for all your hard work you deserve all the best 🥰 inshallah you get to 1 million 👍👍
أنا بأدوس لايك قبل حتى ماأسمع الفيديو لأني متأكدة إنو حايكون حلو وراااائع
الف مبروك وعقبال المليون 🥳 🥳🥳
كل حلقاتك ممتازة..روعة تمكن..نجاح..
حضرتك كلك شباب و جمال و دين و انسانية تبارك الله نعم الانثي مدام كوثر سندنا كلنا
تحيه تقدير ليكي دكتوره كوثر...
انا من اول 3500 مشترك
يااريت عرفتك وسمعتك من زماان كنت صلحت كتير اشياء بحياتي وكسرت القيود وتحررت من أسر النرجسي
في ميزان حسناتكم يا اختي الكريمة 👍👍👍👍👍
ذلك فضل الله علينا وعلى حضرتك أسال الله أن يستخدمك ولا يستبدلك اللهم آمين حبيبة قلوبنا ويجازيكى عنا خيرا
أولا الف مبروك وعقبالى يارب لما يبقى مليون مشترك في القناه الثانيه جزاك الله خيرا كثيرا ثالتا. احلى كلمه صوت النرجسي يسكت وصوتي يطلع
مبروك عقبال المليون
جزاكى الله خيرا بجد محدش جنبي بعد ربنا غيرك
ربنا يبارك فيكي وفي عمرك
الف مبرووووووووك مزيد من النجاح
الحمد لله انا من الأوائل اللي يحضرو الفيديو😍
كلامك درر ومهم جدا بالتوفيق
الله يحفظك د. كوثر انتي نورتي حياتي وخليتني امشي بطريقي وما بصش ورايا انتي جميله وخليتني اشوف نفسي جميله ربنا ما يحرمنا منك انتي هدية من ربنا ♥️♥️♥️♥️
انتي مش كوثر سند وبس انتي فعلا سند الله يطيل بعمرك يا دكتورة 😍
قناة فوق الرائعه تحياتى لشخصكم الراقي بالتوفيق ديما
مبروك ليكى سيدتى الفاضلة
بفضل الله وبفضلك يااكرم انسانة خليتي حياتنا مع النرجسي تتعافى ونرجع حياتنا الاولى الحياة الصافية ونتهناو من هاد المرض.الحمد لله والشكر لك وربي يفرحك تحياتي من الجزائر🇩🇿🇩🇿🇩🇿
عفوا دكتورتنا الجميله الفضل لله اولا فهو الذي يسخر ويرزق ويوفق عباده 🤗
ربنا يكرمك ويوفقك يا دكتوره ويكتر من امثالك يارب . عشت معاه شهر انقذتى حياتى وان شاء الله هطلق منه
انت ممتازة والله ربنا يباركلك حبيبتي
ازاي الانفصال؟؟وهو لازء ومسيطر ولاسند..حاشا الله تعالى😢
حتى الزرع المنزلى بيموته والله
كلامك حقيقى جدا
الله المستعان
باذن الله قريب
يارب اتشافى ع يدك بحب اسمع كلاامك
دائما استمع لك وانا ابكي
وبعد ما اخلص الفيديو اهدا ارتاح لكلامك🥲❤️❤️❤️❤️
جميلة جدا يا جميلة أنتِ ... ربنا يحفظك
انتى مميزه جدا شكرا على مجهودك
قمر والله ربنا يحفضك ،والله الفيديو ده جاه في وقتو ،انا بقالي اسابيع عايشه في عتاب ونقد نفسي ،عايشه حالة احباط وعدم تقدير الذات
ربنا يوفقك يارب ❤
ألف ألف مبروك ياأستاذة كوثر والله تستاهلي كل خير على مجهودتك الكبيرة 😍😍😘😘
فرحتنى انك من اسكندرية بلدياتى 💕
الف مبروك ياحبيبتي
اه فعلا والله كل ده حصل ربنايقويني يارب
ربنا يجبر بخاطرك ربنا بيكرم عشان اخلاصك
الحمد لله رب العالمين..انفصلت عن النرجسي وحصل الطلاق من تلات اسابيع ....
الحمد لله ظهر صوتي وتلاشي من جوايا عايشين مع بعض بس عملت حدود والحمد لله اتغيرت ومبسوطة وهو بعيد ربنا يخلصنا منهم علي خير
انا بصبح على بنتي الصغيره بأغنية ياصباح الخير يلي معانا طبعا هاي اغنية امي الله يرحمها المفضله
مزيدا من التقدم والنجاح
ماشاء الله دكتورة كوثر حضرتك شحصية جميلة جدا وموهوبة. ونعمة من عند ربنا
ربنا يوفقك يادكتور انتي نورتي عقولنا والله
جزاك الله عنا خيرا ولايحرمنا الله من حضرتك وعلمك ويبارك فيك ويزيدك نور على نور ويرزقك الصحةوالعافية والستر الجميل ،حياتي بدأت تتغير للأحسن بفضل الله ثم حضرتك
الله الله حلقه روعه
لان الانثى السوية عمرها مابتحس بالعجز بتفضل شايفة نفسها جميلة وقوية طول ماهي عايشة 🥰❤
الله يبارك فيك ويخليك يا اروع انسانه
جزاك الله كل خير على تعبك معانا استاذتي الفاضلة كوثر 💕💐💕الحمد لله نفس ما بتقولي انا عمال اعمله اريد ان اعيد نفسي القديمة و كذلك اهلي و اقاربي دائما يقولون لي نريد ان نراك ....السابقة القوية المستقلة الانيقة 😊🥺نسيت هذا الصفات بعلاقتي مع النرجسي
وانا كمان والله