ازاي تتعاملي مع النرجسي بعد الانفصال
Vložit
- čas přidán 4. 09. 2024
- ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
ازاي تتعاملي مع النرجسي بعد الطلاق ؟
ازاي اتعامل بعد الطلاق وهو نرجسي شرير وكل شوية اتصال او مجيء للبيت وجر شكل على أي حاجة ومعاملته زي مايكون انا لسة مراته
بعض النرجسيين بيفضلوا بعد الطلاق يتعامل مع طليقته كأنها لسة زوجته من حيث السيطرة والتحكم وبعضهم بيكون من الجنان لدرجة انه بيتعامل كأنها زوجته فعلا ويبدأ يقرب ويعمل لها هوفرينج وكأنها لسة علي ذمته ودة بنشوفه اكتر لما بيكون الطلاق بائن بينونة كبرى لان النرجسي في الحالة دي بيكون مش مستوعب انها مبقتش ملكه ، في كل الأحوال ولا حاجة من دة حقه وانتي في الحالة دي المسئول الأول والأخير في الموضوع دة ، انتي مطالبة ادام ربنا انك تحطي حدودك لانك حتتحاسبي سواء سمحتي له يتجاوز بالهوفرينج او يتجاوز بانه يظلمك بالتحكم او الإهانة او أي نوع من أنواع التجاوزات ، لانك اصبحتي ملك نفسك ومطالبة بالحفاظ عليها ، ومن هنا لازم تفهمي ان اول حاجة لازم تعمليها في التعامل بعد الطلاق هي انك تحطي حدودك بقوة وتحافظي عليها وتمنعيه من انه يتجاوزها
يعني لازم يكون فيه طريقة رسمية للتواصل ماينفعش يتصل في أي وقت وكل وقت وماينفعش ييجي البيت وتفتحي له أصلا بدون مواعيد وماينفعش ييجي البيت وانتي مش معاكي حد كبير ولو اولادك أصلا كبار هم يروحوا له بيته لكن هو ييجي ويروح كأنه لسة بيته دة لا من الشرع ولا من الدين فانتي بس اللي لازم تمنعي دة ولو حتضطري تدخلي حد في الموضوع ، كمان التواصل يكون مكتوب مايكونش مكالمات غير للضرورة القصوى ، والتواصل يكون بخصوص الأطفال فقط ، انتي أصلا لو ماستوعبتيش ان الطلاق بائن وانه مبقاش زوجك فانتي بتساعديه ع التجاوز والعكس انتي لو لقيتي نفسك مش عارفة تصديه فانتي لازم تفهمي ان انتي كمان مش مستوعبة الوضع الجديد ولازم تنتبهي لحدود ربنا وزي مااتفقنا قبل كدة انك اذا عرفتي حدود ربنا صح حتعرفي تحطي حدودك بقوة وصرامة ،
ولما تحطي حدودك وهو يفشل في اختراقها حيبدأ بقى في التواصل الخشن او انه يقطع التواصل أصلا مع الأولاد وفي الحالة دي انتي بتتواصلي معاه برضه تواصل بالكتابة رسايل في حدود مصالح الأولاد لو كانوا أطفال ومش حينفع يطلبوا منه الحتياجاتهم ، وخدي بالك أحيانا الأولاد بيكونوا نفسيا مش جاهزين يتواصلوا معاه او هو بيتلاعب بيهم وهم بيرفضوا التواصل معاه فانتي مضطرة تشوفي وسيط حكيم بينكم
النرجسي بعد الطلاق هو هو النرجسي قبل الطلاق ماتغيرش ومش حييتغير واذا فتحتي له مجال حيبدأ يجرجرك للمعارك ولو باستخدام الأولاد انه يضايقهم ويجيبهم لك معيطين او انه يوصل لك عن طريقهم رسايل مستفزة او انه يقصر في طلباتهم ، وانتي طبعا نقطة ضعفك اولادك وهو خبير في استخدام نقط الضعف ، فعشان نتجنب كل الكلام دة لازم لازم يكون عندك ثبات انفعالي عالي جدا ، لازم ماتسمحيش له انه يستفزك ويجرجرك لارض المعركة زي زمان انتي تبعتي له كلمتين عن طريق وسيط او تكتبي له ع الواتس كلام مش فويسات تقولي له انك حتضطري تلجأي للمسئولين عن الأطفال في المكان اللي انتوا فيه وتبلغي عن الإساءة اللي بيتسبب فيها للأطفال او انك حتضطري تاخدي إجراءات قانونية وخليه يرد عليكي بقى وخدي عليه ادلة انه بيسيء لكي وللاولاد وبعدين نستخدمها بعدين كإثباتات عليه
عدم التواصل المباشر بينك وبين الطليق النرجسي بيجنبك المناقشات والحوارات الدائرية يعني بيجنبك اللف والدوران النرجسي والدخول في جدالات تستمر لساعات مالهاش أي لازمة اهدار وقت واهدار طاقة فالافضل لكي التعامل بالواتس او الايميلات
وطبعا لازم تفهمي انه أساليب التلاعب مازالت زي ماهي ما احنا قلنا هو مش بيتغير ، فانتي لازم تكوني منتبهة له وسابقاه بعشر خطوات مش خطوة واحدة ، واهم الخطوات انك تكوني محصنة نفسك مع اولادك ، يعني ايه يعني علاتك بيهم قوية جدا ولو كانت بايظة بسبب النرجسي فانتي لازم تصلحيها وتعملي دة بهدوء وبخطوات مدروسة شوفي فيديوهين (ازاي تمنعي النرجسي انه يقلب اولادك عليكي؟ وازاي تسترديهم لو قلبهم عليكي فعلا) ، (ازاي تحمي اولادك من اضطرابات الانتباه او اي امراض نفسية ممكن يسببها لهم النرجسي؟)؟.بيشرحولك ازاي تستردي اولادك وتصلحي علاقتك بيهم
وتاني خطوة ان صحتك تكون كويسة وسليمة سواء نفسيا او بدنيا ، لازم تكوني محافظة على التشافي كأسلوب حياة بالرفاهية والعمل والرياضة وكل مافي التشافي من خطوات عشان تقدري تواجهي المعارك الأولى اللي بتحصل بعد الطلاق مباشرة ، وتأكدي انها فترة وحتعدي مش حتعيشي حياتك كلها كدة هو أصلا لما يفشل حيروح يدور على بديل ينشغل فيه ،
بالنسبة للأولاد هم كدة كدة بيقابلوا ابوهم وهو في بداية الطلاق بيكون متمسك بالرؤية جدا ودة طبعا بيستفيد منه في حاجات كتير جدا ، أولا يحاول يقلبهم عليكي ويشوه صورتك ادامهم عشان يفهمهم ان انتي اللي بتخربي البيت فيا اما يضغطوا عليكي ترجعي يا اما يقولوا حنروح لبابا فتضطري ترجعي عشان ماتسيبيهمش له ، تاني حاجة انه يذلك بيهم ويستخدمهم في ايذاءك لو قدر يسمم عقولهم ، ثالث حاجة انه يحاول يكون اب حنون يمكن انتي تتلخبطي وتقولي دة اب كويس حرجع عشان اولادي ، وفي النهاية لو مقدرش يعمل أي حاجة من الكلام دة اهو يضايقك وخلاص وفرصة يحافظ على وجودك كإحدى ممتلكاته وطبعا هو بيستخدم الأولاد بدون أي شفقة ولا رحمة بيهم وبنفسياتهم لانه أصلا لابيهمه أولاده ولا بيهمه غير نفسه
في النهاية التعامل مع النرجسي بعد الطلاق بيتوقف على قوتك وحدودك مع كل الناس لانه اصبح واحد من الناس الا انه أبو اولادك وبس ، المهم انك تدركي دة كويس وتقتنعي بيه وتستوعبيه هو خلاص بقى اجنبي عنك وملوش أي كلام عليكي ولا معاكي يبقى ليه أصلا بتدوري اتعامل معاه ازاي
الأولاد والفلوس خلي فيه وسيط بينكم سوا
#صحةـنفسية #القوة #الاكتئاب #النرجسي #النرجسية
الله يسلط عليه و يسخرلي جنوده و يكتب لي الانفصال القانوني الرسمي الابدي برحمته عاجلا غير اجلا
يارب 🤲🏼
اللهم اميين انا وانتى
اسمعي علي قناتي معاناتي مع النرجسي ج
رجاءاً دكتورة كتري من هالمواضيع تعول بعد الطلاق والتعامل معو بوجود ولاد خاصة إذا كانو معن
المشكلة مش فى طريقة التعامل ، المشكلة الكبيرة فى الاذلال عشان دفع النفقة وسط الغلاء اللى احنا فيه
فعلاً السنه الماضيه وقف النفقه ٥ اشهر .. النفقه كتنت فقط لأبنائه ولكن من قلة المروءه! مر علينا عيد الفطر وعيد الاضحى ولكن دفع بعدها بأثر رجعي. تابعت مع المحامي وطلب جميع النفقات. الله ينتقم منهم يارب
@@missa2445 ربنا يغنينا من فضله ، ومانحتاج لشرار خلقه
قولى كتير اللهم اكفنى بحلالك عن حرامك وأغننى بفضلك عمن سواك
ربنا يذلهم
@@AsmaaMohamad-mc9wb يا رب
بيفضل يقوللى انت من غيرى ماتعرفيش تعيشى هاتتسوحى انا اللى عمال اعلف فيكى بأكلك واشربك ، عشان عارف انى مش بشتغل بعد ماضيع عليا فرص قد كدا جاى بيعايرنى
حسبنا الله ونعم الوكيل هو وحده اللى هايعزنا وينصرنا ويردلنا حقوقنا فى الدنيا والاخرة وبغنينا من فضله
اسمعي علي قناتي معاناتي مع النرجسي
الحمدلله الحمدلله الحمدلله ربنا كرمني ومش محتاجة منه حاجة غير انه يبعد عني ويغور يتجوز وينشغل عني بقالي سنة واشهر مطلقه منه
بس لحد دلوقتي بيلاحقني قرفني في عشتي..
والنبي تدعوله يتجوز 🤲🏻🤲🏻
انا زيك بالظبط ليه مش عاوز يبعد
ممكن اتواصل معاكي
هذه هي الحقيقه المرة التي لاتستطيعي افهامها للناس التي تلومك وتقول لم لا تتركيه لماذا تتحملين العذاب في عشرته صعب الخلاص منه بوجود الاولاد راح يسوي نفسه حنين عليهم ولايتركهم بحالهم لانه يعتبرهم ملكه
اول شي خلينا نطلق والباقي سهل اذا بدنا نشوف خلقتو بعد طلاق ليش لحتى اطلق طبعا انفصال كامل
مقدرتش اشوف العنوان ومادخلش اعلق
الحلقة جت فى وقتها ربنا يبارك لك
هاسمعها كمان شوية
حسبنا الله ونعم الوكيل في كل اب اناني
هو فعلا بيشوه سمعتي عند الاولاد واناني مش بيفكر غير في نفسه.. بالعكس اتجنن آكتر وبقي بيصرخ آكتر..
يارب يتم الطلاق بقي علي خير يارب انتقم منه بيذلنا😞
استاذه ممكن حلقه رجوع لنرجسي بعد طلاق وفي زوجه ثانيه عندي اولادي اعمل اي
هل الرجوع بسبب الاولاد ليعيشوا في اسرة اي اسرة هم انفسهم لوتستشيريهم يرفضون اي حياة مع النرجسي كلها ضغوطات نفسية تعودين من اجل ان توصليهم الى الترجسية ليعيدوا حياة ابيهم لايرتاحون غي حياتهم ولايريحون غيرهم ستندمين في الاخر وقبل ذلك خذذي رايهم في ذلك وقرري
اخيراااا الفيديو ده ..مستنية معاملات من بعد الطلاق
صحيح
أيوة مش عاوز يبعد
وأخد أولادي وعايز يحرمني من عيالي وانا سبتهم معاه عشان يصرف عليهم.. لكن لا يعرف معني الحنية.. بشوفهم بحكم قضائي ٣ ساعات... وعامل تجاهل ومقضيها مع العلاقات الأخرى.. المشكلة في سمعة بناتي ولما يتجوزوا مين هياخد بناتي وابوهم معروف انه بتاع علاقات وانا سبته بسبب ذلك... هو نرجسي خفي.. اتكلمي يا دكتورة عن حالة الأولاد لما يكونوا معاه... بيخافوا جدا منه... ملهوش كبير.. مراوغ...
طيب إذا الاولاد مع ابوهم ومتلاعب بيهم وحارمهم من امهم وسمم عقولهم بسبب ان الام رفعت خلع عليه بعد رميه لها وطردها
للاسف كده الاولاد هيكون موقفهم ايه وحياتهم واذا يطلعوا أسوياء وطبيعين ؟!!!!
هذا بالضبط نفس وضعي الآن
هيرجع يسبهوملك صدقيني هوا بس بيضغط عليكي بيهم علشان تتراجعي عن الخلع بيستخدمهم فتره بس وفي الاخر هيضطر يسيبهوملك وساعتها واحده واحده معاهم وممكن تروحي لمختصين هيكونوا احسن
ممكن لينكات الفيديوهات الخاصة بالولاد؟
بارك الله في حضرتك
لو ليا حقوق ماديه ومعنويه ارفع قضيه ولا لا ؟
شكرا أ. كوثر ❤❤
انا مقتنعه مليون ف الميه بالكلام بس تنفيذه مش قادره عليه
The only solution is court.
ربنا يكرمك يارب يادكتورة انتي جميلة
من فضلك عايزين حلقة عن الزواج الثاني انا كنت زوجة ثانية وانفصلنا وبيحاول يرجعني وبيقول بيحبني جدا بس كان بيخاف موت من الزوجة الأولى وبيسمع كلامها جدا بالرغم من عدم وجود أطفال بينهم رغم انه ذو سلطة قوية وذو نفوذ بيه في شغله طبعا حضرتك فهماني وشخصيته قوية جدا في الشغل غالبا ثالوث الظلام ... وممكن يشتمها ويقفل وترجع تتصل بيه على طول وتقوله بتطمن عليك ويكلمها عادي جدا كانت تتصل بيه كل عشر دقايق ولازم يرد عليها كنت مستغربه وضعه معاها جدا وازاي بيقبل انها تتحكم فيه كدة وتمسح شخصيته خالص وانا كان بيفتري عليه جامد لاني كنت طيبة معاه وهيه كان بيترعب منها وبيسمع كلامها كدة ازاي اية السبب وانا دلوقتي لسة براقبه وبحاول افك التعلق بفديوهاتك بعتذر على الاطاله بحبك اوي❤
شو نعمل ازا انفصلنا و بدون طلاق صارلنا ٦ شهور و بيجي ياخد الاطفال على اخر الاسبوع و يرجعن
طيب ليه مطلقتليش
انا في الست سنوات ولا يزال في حياتي والله سئمت منو
النرجسي طليقي بيقول لابنه اني انا مراته هو ماطلقنيش القاضي هو اللي طلقني وهو زوجي طول العمر
مريض نفسي
ياإلهي كأنك معايا ❤
الحمدلله الناس بقى يقنعوني بضرورة التواصل بعد الانفصال حاولت لكن حسيت اني لسة ف سجنه مخرجتش تلقائي وقفت تواصل وحطيت حدود وبفكر الف مره قبل اي رد ع محاولاته للتواصل
❤🎉❤🎉 هلا ومرحبا بيكى اختى الحبيبه 🥰🌹
و الله يا أستاذة حتى التعامل بالرسائل لا يمكنك النفاذ من سمه و شره فلما تبعث رسالة مثلا بخصوص الاولاد راح يلاقيها فرصة أنو يرد عل. الرسالة بكلام يستفزك فيه و يحاول يقود الحوار لصالحه فمن نظري حتى الرسائل بلاها انا هذا اللي بعملو يإما ببعث شخص يكلمو مكاني يإما بنتي الكبيرة بتكلمو بخصوص مصاريفهم
بعد م عرفت خيانته المتعدده وسبته بس مش عارفه اكرهه هو بعد تماما ونفصلنا بس بحن اعمل اي
ربنا يصبرك انا عارفه و ساكتة انا اول سنه جواز لسه مش خيانه جسدية
التقرب من الله والدعاء باه تنسايه
نفس الشي اعاني منه مع علم هو لعملي القاء وتخلي لوجود البديل انا بحن كتير لبيتي راح اموت من وحشي وشوقي لبيتي ادعولي الله يعوضني خير
@@user-xk3yu2nl8n حسبي الله ونعم الوكيل فيه بقالك اد اي متزوجة
افتكري دايما انتي سيبتيه ليه واتخيلي انك رجعتي لنفس الجحيم تاني وهتندمي والمرة دي لو رجعتي مش حتخلصي منها بالساهل وحتطلع روحك. افتكري دايما ان اللي سيبتيه بالعقل مينفعشي ابدا ترجعيله بالقلب واسالي مجربة😊
بيكرة بنتى المراهقة فيا وبيحكيلها عنى
المشكله انه يتلاعب بعياله
الله يفتح عليكِ .. الكلام ده بوقته تماما ..
الحمدلله وصلت لمرحلة انه أولاده هم الي رافضينه ورافضين يروحولوه لانه كل ما يشوفوه يزعقلهم على اساس انه مشتقلهم ويوم واحد في الأسبوع مش كفاية يشوفهم فيه وهو متجنن من ده
وبقلهم انا مش راضي عنكم وبدعي على امكم وانا صايم والكلام ده
❤❤
❤❤❤❤❤❤
اسمعي علي قناتي معاناتي مع النرجسي
طيب وبالنسبة لانه بيتصل باولاده ليل ونهار
حددي ساعه في اليوم مخصصه للمكالمه او وقت معين غير كذا مش مسموح له يخترق وقتك
اسمعي علي قناتي معاناتي مع النرجسي
❤❤❤❤❤