Lies of P اقتباس ممتاز بشخصية متميزة | مراجعة
Vložit
- čas přidán 8. 08. 2024
- Twitter: / bilal_ghareeb
*
00:00 مقدمة
02:41 القصة
08:20 الجيمبلاي
25:05 البريزنتيشن
26:52 الخلاصة
*
Game: Lies of P
Developer: Round 8 Studio
Publisher: NEOWIZ
Platforms: PlayStation 5, PlayStation 4, Xbox One, Xbox Series X and Series S, PC
تصنيف السولز ومما لا شك فيه انه واحد من اكتر التصنيفات تأثيرا في تاريخ صناعة الالعاب وكان ليه دور كبير في ظهور ممارسات كتير مختلفة من قبل المصممين والمطورين في مختلف العابهم بمختلف تصنيفاتها بل انه اتسبب في ظهور صب-جنرا كاملة انتشرت بين المطورين المستقلين بشكل كبير وهي العاب السولز لايك او العاب السولز-بورن وهو التصنيف اللي بتتصنفه اي لعبة بتحاول تقدم تجربة مشابهة لألعاب سولز المعروفة بس بتكون من مطور غير فروسوفت وعلى مدار الكام السنة اللي فاتوا شفنا كتير من النوعية دي من الالعاب منهم اللي قدر يقدم تجربة قريبة فعلا ومنهم اللي فشل فشل ذريع ولكن حتى مع نجاح البعض من الالعاب دي في تقديم تجربة قريبة بل ان منهم اللي قدم حاجات مميزة وافكار خاصة بيه كمان الا انه اغلب الناس كانت بتتفق على حاجة واحدة وهي انه ان تركيبة فرومسوفتوير كان بيبقا ليها طابع مميز محدش عارف يوصله , وبما ان احنا جبنا سيرة التجارب المميزة فلازم نجيب سيرة واحدة من تجارب فرومسوفتوير اللي كان ليها احساس وجو مفيش زيهم فعلا وبالنسبة لي هي افضل لعبة من العاب فرومسوفتوير انا هنا بنتكلم عن بلودبورن وطبعا اي حد بيحب اللعبة عارف حالة اليأس والترقب اللي كل عشاق اللعبة منتظرين بيها أي حاجة عنها سواء جزء تاني او اضعف الايمان حتى نسخة ريماستر واصدارها على البيسي ووسط الحالة اللي كان فيها عشاق اللعبة بالشكل ده بيتم الكشف عن لايز اوف بي وتحديدا في يوم 19 مايو من سنة 2021 وهي لعبة سولز لايك مبنية على رواية بينوكيو للكاتب الايطالي كارلو كولودي ومن تطوير الاستوديو الكوري راوند 8 ونشر نيوويز لأجهزة الجيلين والبيسي , وبالفعل ومن اللحظة اللي كل الناس شافت فيها العرض ده كله افتكر بلودبورن على طول وده بسبب التشابه في التوجه الفني والاجواء العامة لللعبتين وبصراحة شخصيا وعلى الرغم من اني كنت معجب جدا بعرض الكشف والاجواء والفكرة نفسها اصلا الا اني كنت متخوف شوية لأن اللعبة من تطوير استوديو معندوش خبرة في النوعية دي من الالعاب وكل اللي اشتغلوا عليه قبلها هي بليس انليشد ودي لعبة ام ام او ملهاش علاقة بتجارب السولز ولكن على قد ما كنت متخوف على قد ما كنت متحمس جدا للمشروع وخصوصا بعد توالي عروض الجيمبلاي للعبة وبالفعل بتنزل لايز اوف بي في 18 سبتمبر من سنة 2023 ومن الواضح اني اخر بني ادم على وجه الارض يلعبها تقريبا بس ده ميمنعش اني بعد ما خلصت رحلتي مع اللعبة واللي استمرت ل32 ساعة اني حابب اقدملها مراجعة فخلونا نشوف مع بعض لايز اوف بي قدمت ايه - Hry
قناتك روعة تستاهل مليون متابع ❤
كلام يفرح الواحد والله متشكر جدا على المشاهدة والتعليق
افضل مراجعة للعبة👏🏻👏🏻
شهادة تفرح الواحد والله على راسي 🤍
انا عندي اللعبه بس للحين مالعبتها ، بعد مراجعتك الحلوه حمستني اللعبها الحين🔥
اولا شكرا على التعليق وثانيا استمتع ... قدامك لعبة جميلة 👌
يا سلام، 28 دقيقة ❤️ شكرا
العفو على ايه ، حاجة تفرحني جدا ان المحتوى عاجبك ❤️
مراجعة موفقة وعادلة
الحمد لله شهادة تفرح الواحد جدا بصراحة 🤍
جعل محد يراجع غيرك 👏
سامع الطبلة من عندي خلي بالك 😅😂