大野🐰小煮意🍯免焗爐蜜汁燒排骨🐷 ✨附食譜及做法✨

大野🐰小煮意
🍯免焗爐蜜汁燒排骨🐷
今次用易潔鑊煮蜜汁燒排骨，預先醃好用鑊煎焗好快就煮好，完全有用焗爐整嘅效果，簡單又易做！非常好味！👍🏻👍🏻
✨材料✨
豬仔骨 500 g
洋蔥 半個
蒜頭 6粒
紅蔥頭 3粒
✨醃料✨
叉燒醬 2湯匙
玫瑰露酒 1湯匙
鹽 半茶匙
煲仔飯豉油 1茶匙
✨調味料✨
蜜糖 2湯匙
玫瑰露酒 1湯匙
✨✨做法✨✨
1️⃣ 解凍豬仔骨後將背面薄膜搣走再切件。
2️⃣加入生粉清洗排骨再用水冲乾淨，隔乾水份再用廚紙印乾水份。
3️⃣洋蔥切條、蒜頭及紅蔥頭切開連同醃料加入豬仔骨後用手撈勻，包保鮮紙放入雪櫃醃2至3小時。
4️⃣燒熱鑊加入2湯匙油（用中火）將豬仔骨兩面煎香。
5️⃣將醃豬仔骨洋蔥、蒜頭、紅蔥頭連汁加入後兜勻（用細火）蓋上鑊蓋焗煮10分鐘，煮到5分鐘時兜炒一下。
6️⃣加入蜜糖玫瑰露兜勻後（用細火）蓋上鑊蓋焗煮5分鐘。
7️⃣（用大火）兜炒至汁杰身至包住每件豬仔骨至焦香效果就完成🍯蜜汁燒排骨🐷
💡大野🐰小貼士💡
✨✨用生粉清洗肉可以去除肉解凍後積聚血水及雪氣味，再用水冲洗乾淨。
✨✨整蜜汁燒排骨或叉燒用玫瑰露會比較好，用其他酒做不到蜜汁燒排骨食落有淡淡酒香獨特風味。
✨✨可以改用鷄髀、豬梅頭肉做蜜汁燒鷄髀及蜜汁叉燒，一樣咁好味。
#蜜汁燒排骨 #豬仔骨 #燒味 #燒排骨
#免用焗爐 #用鑊煮 #方便 #易煮
#大野兔小煮意