#MM
Vložit
- čas přidán 18. 03. 2023
- #MM #美味道來 // 香港仔35年港式快餐店沒落 現為熟客堅持開門 食客自動自覺幫忙 午市只預備3-5位客人份量 日收入僅600元 80年代風光時期日賣80隻雞髀 養6名全職員工
清晨6時天還未亮,陽光曦微,香港仔大道的行人疏落,但原來天亮前的這個時段行人已經算比下午要多,算是這一條路的繁忙時間。「早晨。」老陳安坐在安樂快餐店門口,一邊抽著中南海香煙,一邊與不時經過的街坊舉起手打招呼。「你可以說我傻的,一個小時沒客人我都要在這裡呆等著一個熟客,但這都不是錢的問題,有間店在你不可以這樣鬆散,對不對。」大家身邊總有這一類型的店舖,簡陋殘舊,數十年如一日開門營業,但你每次都只是在門口經過,可能要多一點決心才敢走進去。娓娓地,美味地,今集為你道來一間追不上時間,但又默默安於角落的港式快餐店故事。
█ 街坊食堂
第一個來到的食客果然如老陳預料一樣,在7時20分左右來到,在7時半左右陸續又有多一個抱著小狗的中年大叔與滿頭白髮的嬸嬸光顧。抱著小狗的大叔坐在門口旁邊一張被雜物佔了一半的桌面,笑說「因為我光顧幾十年,每天每18元喝奶茶所以就要坐在門口位。」然後那位白髮嬸嬸從門口經過時拋下一句「狗奴才,不要說這樣多廢話,讓路給我走吧。」「狗奴才」聞道只是一邊大笑「對我是狗奴才」然後一邊摸著抱在膝上的小狗,小狗露出一幅滿足的神情。嬸嬸坐回自己的專屬位置後擱起一隻腳到旁邊的膠椅上,笑說:「 有人聊幾句頂下嘴,不知有多過癮。」
安樂快餐店位於香港仔與黃竹坑的交界,所以剛好都遠離了兩個地方的中心,位置不算僻但「吊腳」,無論從香港仔中心還是黃竹坑走路都要10分鐘左右的距離,店舖從馬路另一側所看又完全被天橋遮著,開店35年以來都是默默安於香港仔大道的盡頭。安樂快餐店老闆老陳每天明明早上沒甚麼生意都仍然堅持6時就開店,是因為他知道有一位熟客是多年以來都會在這段時間來光顧,「那兩個熟客早到,我5點45分一定要到這裡,晚一點他還坐在這裡等我。但他今天去了西環,今天第一個來的客人應該都要等到7點20分左右。」,「阿伯早晨。」老陳坐在門口的時候,疏落走過趕往上班的街坊都會對老陳打招呼,但都只是路過打招呼而沒有進店光顧。「在我這裡光顧的熟客都已經是數十年交情的了,每天固定5點45分來的阿吉(同音)那對孖生兄弟由這樣高的,到現在都三十多歲了。」老陳笑著用手在自己腰身高度比劃著那對兄弟的高度。
這時第4名客人張生來到,他是旁邊水電舖的老闆,一邊笑指「這裡是自助式的」然後自己拿起老陳剛煮好放在銀色吧台上的麵,走到自己的位置上吃。「這裡的客人每天都會坐回自己專屬的位置,看到克勤(另一名熟客)來到大家就知道差不多要吃完離開上班,不然就會遲到了。」「狗奴才」解釋。「這堆東西你幫忙拿出去吧,一起的。」老陳將一份煮好的三文治與熱奶茶,順囗地叫白髮嬸嬸幫忙送餐,「隨便吧,他沒有薪金給我的。」這間快餐店的員工就是只有老闆一個,所以熟客都會自動自覺一起幫忙,有時老闆娘不用上班就會回來幫忙,老闆娘不全職在快餐店是因為根本就請不起她,會連人工都虧了。「洗碗又是我、備貨又是我、醃製又是我、煮又是我 ,一手包辦誰與爭鋒,哈哈。」
到了早上9時左右忙過全日最忙碌的早市,老陳一句「讓個老闆給你做」就將店舖交給熟客看管著,然後戴上頭盔踩單車到香港仔大道旁邊的市場買午市及晚市食材。因為入貨量太少所以老闆用不著批發商供貨,每天都是這樣自己踩單車出去買材料,兩個單車籃的食材就足夠全日供應,電飯煲煮煮飯的份量都只是三至五個人吃。「你下午1時至3時不要來找我,我要關門睡覺。」
█ 安樂快餐店威水史
50年代工業發展的起步期,政府已經計劃將黃竹坑規劃成工業重地,70至80年代是黃竹坑工業的全盛時期,電子廠、塑膠廠、連煙草廠都有好像黃竹坑香葉道這個名字就源於煙草葉,有近40幢工業大廈,成千上萬的工人都在這裡工作。「整個黃竹坑都是工廠大廈,早晚下班這條街好像旺角一樣人來人往的,工人們下班走回香港仔、田灣、石排灣。」老陳指著門口那條沒甚麼行人的街,憶述是以前工人走路回香港仔的必經之路。但因為工業區規劃側重生產沒提供足夠的食肆用地,所以當年黃竹坑一帶就很流行「走鬼檔」,而老陳當年都是由「走鬼檔」賣早餐起家。「當年我在甄沾記大廈外面擺檔,連甄沾記太子爺都喜歡吃的。」老陳神氣地說道。那個年代很流行走鬼檔,香葉道明渠兩邊擺滿了各式走鬼檔,「我賣餐蛋麵、火腿蛋麵、奶茶咖那些,早上9時前要收檔。」老陳說當年自己一日打兩三份工,每天只睡兩三小時,當時老陳看好香港仔及黃竹坑發展,就以70多萬買下現時舖位。「只是學校都賣120個飯,每天光顧的學生來我的店我都搞不定,我要拿著3箱飯盒到工業學校門口賣。我的飯都是雞髀、雞扒、雞柳,加隻蛋或是叉燒蛋飯。」老陳好有印象當年只是一天已經會賣光一箱40磅的雞髀,一磅雞髀大概有兩隻,「現時沒有了,現時可能一天都賣不出一隻雞髀。」但到90年代工業式微,大量工廈單位空置,鄰近的香港仔工業學校業午飯又在近十多年轉為有供應商承包,於是安樂快餐店工人及學生的生意一下子都沒了。以前全盛時期養起6名員工,慢慢變成現在連自己都有點養不起,店舖每日收入大概600多元,但開店不計薪金單是成本都已經要500多元,所以2名子女寧願出外打工都不接手。
█ 沒落快餐店
當年香港製造業蓬勃生活節奏加快,工人午飯時間又短,快餐店於是乘勢興起,當年快餐店是一件「好潮好型」的事物,連張國榮都曾經代言過某連鎖快餐店,老陳在自立門戶之前都曾應徵工作幾個月偷師。70至80年代是港式快餐店的興盛時期,當年這個銀色吧台擺滿炸髀、薯條、漢堡包,半個世紀過去,一間一間倒閉,快餐店的腳步好似已經趕不上這個社會的速度。坊間不少店舖會用「即叫即做」來做噱頭,但安樂的情況則是,沒客人連想預先煮好都不行,所以「即叫即做」到真是叫隻雞髀他才從雪櫃拿出來解凍,亦因為每次即叫即做,所以每次出餐都至少要20分鐘明明是快餐店,但慢慢變得快不起來。
而安樂之所以還可以生存是因為比起快餐店,它更加像一個街坊食堂。差不多12時,明明店內一個客人都沒有老陳卻突然熬起湯煮起鮮魚飯「一會就有人來的了,來光顧很多年的了,我給他吃甚麼他都喜歡的,很乖的。」明明是快餐店卻煲起湯,煮起梅茶扣肉、鮮魚飯這類餸菜,「煲湯是我客人習慣喝的。不要說這個是例湯,說要例湯我不賣給他的,太糟蹋我的貨品了。」過了十分鐘左右真的有客人進來,還很自然地自己走進廚房拿筷子,老陳亦用早上看過的報紙鋪在桌上自顧自地吃起剛才煮好端出來的飯菜,與客人好像在家吃飯一樣兩人分享著同一碟的餸菜。「喜歡的話可以拿筷子去盛,坐下來吃就收50元。」老陳一邊吃飯,一邊拿出自己用北芪、黨參、甘草、烏豆釀製出來的烈酒佐飯。「我每天都要喝光一大支,如果每天買的話破產都搞不定,所以我決定自己釀。」
老陳抽抽煙,喝喝酒,時間就快來到4點多,原本我是約約老陳拍攝直到關門,但因為臨時有朋友邀約牌局,所以老陳就沒心思跟我們拍攝下去,安樂快餐店真的沒改錯名字,老陳何時都是這樣隨遇而安。
策劃:梁中勝
攝影:陸羽勝 葉天榮
剪接:梁芷澄 黎安敏
美術:梁芷澄
監製:陳靜雅
#香港仔 #香港仔美食 #港式快餐店 #快餐 #80年代
#雞髀 #梁中勝 #MM_Sam #MillMILK
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 CZcams APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
後記:
呢個係美味道來新系列!大家如果細心睇會發覺個重點唔算喺嘢食到,而係大家平時成日經過見到路過過但錯過咗嘅平凡舖頭。
《耐人尋味》系列,
令我諗返起......《老夫子》 😂😂
每日放工都會經過 睇完此片 搵次入去幫襯下
可以試下做牛池灣寶福餐廳 應該仲舊過你呢間
我91年讀香港仔工業學校,以前經常來食,剛開張時老闆娘在隔離開生果舖。校友們報到呀!校監係陳樞機,校長胡佬,見到老闆健在真係要舊 地重遊
伯伯打死都唔執,冇錢賺都唔執,好明顯係為咗「世偽」,老人家有個寄托個人都會健康啲。
但講真,若我係佢仔女,晨早叫佢賣咗間舖袋幾千萬好過,都唔知做嚟做乜,又冇客。
晨早估到間舖係買咗,唔係買咗,邊有可能冇生意咗幾廿年都唔執?
我住附近 成日同爸爸去食 老闆好有人情味 我爸爸係輪椅人士 佢鋪頭咁細 我哋入去都無黑面 仲好好招呼 ❤ 老闆人情味超好 同埋佢炒飯好大碟 次次我哋要兩個人食一碟😂
求問地址,想去看看伯伯給他鼓勵🙏🙏🙏
香港仔大道8號
強烈建議大家唔好一窩蜂去為打卡而去,一個有啲年紀嘅真係會做唔切,變相令他更加忙🙏🏻
老陳:「你哋班友自己煮啦,冇阻住我打牌」
😂
入去租個廚房😂
幾時去 唔到你理
@@VingChung 有晒畫面🤣
自從有領展之後已經愈來愈少呢d舖頭小店,其實呢d舖頭先最有人情味先最值得保留,而唔係依家個個商場都複製既食肆囉😢
呢個真
喱d米仆街中國人嘅管治羅
@@amigoyiu724 係咩講多少少嚟聽下?
@@user-tu7rm3ru4e
宜家落街果啲百分百,意樂,chicken factory,都係屬於大陸集團。再唔係就係啲大陸食店。見到都唔開胃。
之後街市入面啲細舖又靠翻新工程借機加租趕盡殺絕。
呢啲先係真既Hell Hong Kong囉,唔該。
@@amigoyiu724 係官商勾結嘅結果
我是來自台灣的觀眾,台灣也有一些這種濃濃人情味的老店,很喜歡這個頻道,用紀錄片的形式帶我們更了解一些香港原有的文化。
謝謝台灣朋友🫂
謝謝台灣朋友!
但是很快就後繼無人😢😢
我都係台灣觀眾黎
好鍾意呢種好有人情味嘅舖頭
我自己覺得台灣d老舖亦都越黎越少lor
@@take_choi 真的🥲
第一次留言,兩位主持做得好好呀~我係一個啱啱做完白內障手術中年女士,眼看好唔清楚,單一隻睇,另一隻要閉眼休息,真的隻眼開隻眼閉。暫時用雙耳聽節目,聽咗你地好耐喇,忍唔住留言,多謝你地班後生仔女,日日有片上,而我有追,更有訂閱/分享/今次好似第一次留言,哈哈哈唔好見怪,留言對於我地比較吃力,唔識打字,逐個字手寫,但今次一定要比個讚賞。
好多集也童年回憶,今集好特別,好感動到。 唔知道有冇寫錯內文,如有錯漏,多多包涵。
多謝你的留言!單眼都無錯字!希望你快啲康復!
多謝你地,香港好在有你們,我們先看到真正香港。
多謝你逐個字手寫都寫咁大段咁有心機!take care呀!
你好叻,復康期間都留言,亦竟然喜歡年青人拍攝頻道,祝你早日康復,身體健康。❤
我都係幾十年香港仔街坊,上次嗰集見你哋入嚟都覺得幾有趣,估唔到會特登嚟再做多一集介紹👍
太好的題材,太好的故事,在這世代,一定要間店舖係你的物業,才可以堅持,而叔叔也不會計算利益而放棄感情的性格,才不會把店舖賣出,其實老香港的人比較重感情看輕點利益,但如果有下一代,可能就沒有這個人到無求品自高的故事了,祝老闆和老闆娘身體健康,平安快樂
住左南區三十幾年,因為地理位置…雖然行經此路唔多過十次同從未幫襯過呢間小店。但都多謝MM呢條片令我知道呢間小店嘅故事😊
最喜歡這種有老故事的系列,加油MM,期待系列下一集😄
多謝🙏🏻記得CLS💪🏻
wow你個icon😳🤣
感謝你嘅介紹,影到我老豆好靚仔🫰🏼🫰🏼🤣
大家不妨過去坐下,飲杯奶茶吹下水,佢都好開心😁
小弟推介-炸雞脾、奶茶、咖啡都好,但其實炸雞翼都好正🤣🤣
多謝世伯肯接受訪問!
@@mm.millmilk 佢可能覺得終於可以拋頭露面🤣🤣
@@oppband 我feel到你爸爸都好開心
@@samleung6959 係,我都feel到🤣🤣所以非常感謝你地嘅支持🙏🏼🙏🏼
@@oppband 想問下條片出咗之後係咪排晒長龍,有啲想去食但好遠仲諗緊😂
Sam既故事質素有保證👍😎
多謝kenngykful !
這集介紹的非常棒!🎉😊
各位弟兄還是姐妹,天國近了,我們應當悔改,信耶穌。
伯伯好搞笑,最後俾錢果度笑死😂
2蚊唔找啦,張紙唔值2蚊吖🤣
睇完散步,再睇到呢條片片頭,更加覺得surprise
鍾意呢個系列,系列名《耐人尋味》改得好,用「故」事、講「味」、講人情味、講兒時記憶的味道。
比起失去才懂珍惜,多謝mm 趁現在將佢地記錄起。
多謝你!
多謝你Alan!我都覺得改得好好😂
好感動!老闆好盞鬼!
你哋哩集一出,睇嚟老闆會有排忙!😂
阿Sam好正☺️,humble,善良,有同理心,脾氣超好👏
就係要呢啲 唔係要食物嘅味道 係要真正香港嘅味道
繼續努力 香港應該仲有唔少㗎
老香港人說故事 充滿情懷 很好的題材
這間香港仔安樂快餐好懷舊,老闆也捱出頭置物業在那區,感受到他真的用心做,街坊也是常客到來幫襯,都是老闆建立良好關係,我🈶️機會回香港一定去幫襯,感受一下那種美食,㊗️願老闆生意興旺,身體健康。
我係廣州人,我超級鐘意HK文化,我對哩種老式快餐店好喜愛,希望香港多d保留啦,內地d店越來越難搵哩種,太可惜了😢
到時落hk想食多d哩d🥹🥹
你識寫繁體字好利害
希望兩地都可以保留到
人情味係連鎖店無嘅嘢🥲
@@samleung6959 因为我哋d输入法都可以用拼音打出繁体字噶
落嚟食啦
老闆讚個熟客好乖😂佢煮乜就食乜😊
老板同老板娘好好人,以前响香港仔做野都常常食佢哋啲住家飯,又有靚湯飲。
阿Sam做既故仔都好好睇!耐人尋味系列希望可以繼續做下去
謝謝你們!香港越來越小這些小店,需要比下一代知道香港歷史!!
依啲鋪仲會係度唔執笠,只有一個原因:自己鋪😄
Hi MM👋🏼
我想推薦一間舊式香港麵包店,係喺兆康商場(連商場都係好舊式)入面既,叫澳斯林餅店,我係喺兆康讀中學,食足咁多年,畢咗業後十幾年只要一有機會入屯門,都會順路去買,有時仲要一買買好多,放喺屋企食幾日。
每次入親去都覺得勁親切,因為係前舖頭後焗餅工場,度門永遠唔會閂,每次去都有聽到整餅師傅喺度傾偈,有時又會出下黎幫手收錢,係外貌好凶狠但係超級有禮貌好溫柔嘅叔叔😆。唔係好肯定佢哋係咪真係一家人,淨係知佢哋感覺好close。
盡量都多啲去幫襯係因為好驚佢哋有一日會俾人收購就要執笠之類。依家移左民後,最掛住就係呢間舖頭,所以好希望呢一間有人情味又好食+絕對唔係空氣包+價錢又合理嘅麵包舖開一直做落去。
希望你哋會去專訪啦🥹🙏🏻!
#加油mm👍🏼
#每晚都睇你哋啲片送飯🫶🏻
我讀觀瑪諾就豪華餅店:。@
奧斯林最早期好像在屯門鄉事會道開店。
老陳d對答真係好正,好幽默。
與其嫌棄佢,不如去了解佢 👍好句
謝謝分享,可知MM正在拯救老香港…加油!
多謝阿sam呢個訪問 鋪頭出面條橋斜路係我細個踩單車嘅地方 我好少食佢啲嘢 因為一隻雞脾十幾蚊我食唔起 最多食腿蛋治 好多回憶返晒嚟
三十年前,記得我讀Form one 時已坐在安樂食午餐。之後老闆做外賣,推車在學校側門賣飯盒
好好睇,多謝 MM用心製作,請多拍香港快被遺忘嘅一切
睇完這一集代表香港的故事。大圍有間客家菜都經營30幾年,又係一個好值得講嘅故事。
希望你 pm milmil, 畀啲資料佢哋, 睇下呢間客家菜肯唔肯做訪問。 佢哋呢個環節, 我覺得很好看, 回味到細個時的回憶。
我喺附近翻工 每日都經過
因為佢門口裝修好懷舊
有時又見到伯伯坐門口休息或者幾個老友阿叔一齊玩牌
成日好好奇依間鋪係點
但真係唔敢入去😂
多謝MM幫我解謎啦
唔趕時間時去幫襯下啦😊
我之前趕住去釣魚 順便入去食個快餐
食左個肉餅飯都覺得幾好食
可惜果到真係太偏僻
好少可會專登行入去食
呢啲正正就係舊香港嘅人情味,熟客入嚟裝一碗飯攞對筷子就坐低食呢個正
很有心思和溫度的一集 ❤ 希望可以在同類topic做多幾集,發掘其他小店老店背後的故事
感謝,SAM! 人情味既感覺只能珍惜!優質故事剪接拍攝到位!非常有感染力!
祝伯伯身體健康 休閒快樂
好好睇 多謝你哋 好有心❤
新系列好睇呀!拍攝手法和訪問手法好唔同😊期待有更多片🎉
Ps.生炸脾配曲薯條加凍奶茶❤正
同 Natalie 食完又同 Chucky 食 😄
期待Sam 仔首隻“美味道來”嘅故仔
今日去完幫襯,留意返下午一點至三點老闆話會落閘瞓覺。今日食咗火腿奄列同雞髀薯條,加杯凍檸茶,正❤😊
作者好有心,讓我們更愛香港.
嘩,係香港仔散步學嘅延伸故事。Sam Sam,睇完你呢個舊舖故事突然有感而發。唔知你知唔知道荃灣石圍角商場業主突然提早喺本月底收番曬所有老舖重新裝修,十幾間40年歷史嘅辦館、文具店、茶餐廳、雜貨店等全部要清場結業,店入面肯定有好多故事發掘。另商場入面仲有間全港唯一僅存舊裝修,還有麥當樂叔叔坐陣嘅麥記去向未明。可惜呢d曾經陪伴石圍角居民及邨內三間中學學生數十年嘅舖頭31號後將會消失,取而代之係冷冰冰商場連鎖店。。。
多謝你!
多謝你介紹
「吾係錢的問題」,樂天知命的叔叔❤
唔係錢既問題,因為舖已買,哈
@@royleung6624 但他依然願意每天虧損地為幾十年寥寥可數的老客服務,如果吾係買咗間物業套現吾好?別吃不到的就是酸的,當年的七十萬也算不了小錢
@@ManaSakura88 因為呢種諗法,亦係今天社會嘅果,無限循環。 或許有日明白一點,錢係生活一部份,並不是全部。可能會有另一番體會。或者睇一本書 [錢買不到的東西]。
我是马来的!确实很喜欢这种有人情味的小店!是否有人或组织,可以帮他们旧店翻新!让这份浓浓人情味的香港茶室可以持续经营下去!
我中學讀香工,成日幫襯,真係充滿人情味🥰🥰
慈幼會精神,我九鄧
我87入讀香工,94畢業,以前叫安樂戰場,因為好多學生叫飯
請問係味近鴨脷洲橋底
@@fungkuenlin947 yes
@@fungkuenlin947 yes yes
多謝MM報導!願香港人更珍惜這類小店。🙏
睇完live再留言,耐人尋味好有意思!比個讚Sam!
呢個企劃好引人入勝,支持阿Sam
Well done , good story, very topical HK story. 做多幾集好喜歡睇呢類型
係薄扶林工作時,如揸車行香港仔隧道再行紅隧時,就會見到呢間快餐店,但從來冇幫襯過,估唔到佢嘅歷史是如此精彩👍🏻多謝Mill MILK嘅介紹👍🏻
超高質,完完整整睇左三次
這份堅持值得尊重🙏
呢個系列幾好喎!好想睇落去!加油sam💪🏻丫京聲音導航真係好正
多謝MM報導 ❤好鍾意呢d有人情味嘅故事
真心好睇。 有意思有人情味。 嘢食邊度都有,但係每個人嘅故事個個都唔同先有意思
同意
多D分享呢類香港人和事,帶動正能量😊
做得好好!好鍾意睇返以前嘅老店!
其實由訪問睇得出呢代人同上幾代人價值觀好大不同(請注意唔係想分對同錯),
我相信MM 係有同老細約實訪問時間,唔會咁Walk in 阻住佢做生意😂訪問到後半,突時有朋友約打牌,就冇心機做埋下半場😂有 D唔尊重採訪者,當然係我太敏感呀
呢D待人方式真係好Amazing 😂,,換係另一個後生老細咁做,一定被人X到上天花板😂
真係唔憂做先可以咁做😂
阿 Sam果句"好搞笑",真係好玄妙😂😂
好似找錢咁,找足數係基本,同我講咩外賣紙唔止呢條數,我做客有責任管理成本?根本係掛住打牌,懶得去找😂😂
利申:如果做生意,我都想好似佢咁😂
同意。一個已無心經營兼對人無禮的阿伯。完全提不起興趣幫襯。費時阻佢打牌!
希望再拍啦!隻雞髀同曲條好吸引呀!支持小店
鍾意咁有人情味嘅故事
希望有人接棒幫老闆手
俾老闆可以安享晚年
老班宜家就係过退休生活,有d手藝,唔使就悶。
老闆都唔使交租,感覺係同熟客交情已經成為生活
Thx MM令更多人了解濃濃人情味的小店❤️❤️❤️
我都係由細到大嘅香港仔人,果個位置真係好偏僻,所以香港仔生活左幾十年都未去過,靜係知有呢間鋪
老熟客會幫手出餐呢啲事,而家好少有喇,呢份人情味真係難得
我以前住附近搭巴士返學時,我都見到這間快餐,我同阿Sam一樣也沒有機會去光顧,我心想:這些地方會有多少人去食呢?真有點好奇,還加上我已搬離南區,我估我未必能夠找到答案!謝謝Sam為我尋找了答案!
我覺得這快餐店是老闆的第二個家!(他真勁可以在後生時買起這舖,有本事!)😊
好溫暖!仲有,開頭啲jazz好正!襯托得好🎷
最美味既人情味,睇到好窩心~ sam 加油 mm加油~
Thanks Sam. My son he is 11 and really like this story. He asked to leave a message to you and looking forward more quality stories.
多謝wayne同埋你仔仔!
阿SAM 出品,必屬佳品
漸漸發現,SAM 每一條片都能夠令我引起思考,共鳴
多謝你呀Chau!
以前 2位 小朋友 打完網球 行落天橋
必經 安樂 但冇入去 因為佢地舖置 是
要 落橋後 (逆行返轉頭),所以 網球/壁球班友落完橋 順勢直接一路行前面去了另外果間茶記, nevertheless ,
見 主持介紹 安樂 D野又幾正,下次會特登 探下老闆,支持小店 !
哇你真係有印象😂
真的好喜欢这系列。画面用心还有一些插画,故事情节也清晰真实。这些故事不记录起来以后看不到了
真ga,我真係好欣賞依一集,好有味道,香港人呀,就係要依D味道。
假如想繼續做,舊屋邨應該有機會搵到。
這間店令我想起,沙田禾輋商場3樓的漫畫租書店,十幾年都無乜見到人入去幫襯,可能只做熟客,但仍然開到而家,MM可以考慮去訪問一下。😂
漫畫鋪正喎!
真係去左訪問😂
最新嗰集
見證住時代變遷既小店,好有懷舊味道!
呢個專題好好! 期待下一條新片!繼續努力!
情.愛.意.呢一集我全部感受到
伯伯身體健康 輕輕鬆鬆做落去 ☺️
我以前在該鋪附近做保安,初初去食覺得好唔慣,但後來發覺這裏不錯,想食什麼可以提早同老闆講,有時可以買餸去叫佢加工,老闆好著重煲湯,但數量有限要留,奶茶咖啡也相當不錯
新主題好好👍🏻從呢啲快餐店可以了解到香港既文化
亦令我諗番起自己既童年
拍得好好,主題也很吸引,讓大家都知道和認識老一輩既堅持,和幽默既對話😂😂,繼續加油,拍多啲好嘢。。來自澳門🇲🇴的😊
香港仔係我地頭, 講真幾十年都冇入過去😶Sam 冇講錯, 每次經過都會覺得佢點解唔執😅 原來佢哋都有自己嘅態度😌
以前見佢有做學生歺,不過都以十年前計的事。我往香港仔50幾年都未入過去。
唔難估到係自己鋪,老闆開黎過日晨。
原來係你地頭!都係我地頭!
@@samleung6959 你係mm嗰個阿sam?我讀小六時在學枚天台睇往大橋落成。
@@Bbbbillythekid因為條橋起左,所以家父間舖變左隱世快餐店🥲
呢條片做得好好
好鍾意睇呢啲題材 支持
花甲之年老香港,👍製作流聲歲月的題材👍有❤人💪!蒼海桑田留記錄,保留文化傳承,緬懷昔日光輝🙏🙏加油💪
田灣有間叫樂富小食,鋪仔細細做左20幾年都未汁,都幾耐人尋味
多謝Sam👏🏼👏🏼我細細個就喺黃竹坑長大,香港仔係我哋嘅蒲點,但都唔知有間安樂喎😅多得你介紹先知有呢間滄海遺珠~係人情味吖👍🏼👍🏼💖
很有趣的題材,期待再有類似的店鋪介紹。
老陳嘅性格快餐店,的確好有性格👍幸好他當年係買鋪,否則今時今日也不可以悠然自得地過日子,每日同老街坊聚首、有說有笑,安安樂樂❤
覺得Chucky出場試食炸髀和Sam的結尾對白(好似好小見佢一口氣講咁耐😂)是今集彩蛋👏👏👏
真係好少,因為我唔係好識對鏡頭講嘢😂
好題好題👍🏼
我細個讀隔離中學,都係靠安樂生存。淨飯$5+咖喱汁$0.5,盛惠$5.5。如果咁啱有薯仔啫係加餸。
注:其實你啱,佢真係污糟。我地細個食佢飯盒間唔時就肚痛,會加個「唔」字係餐廳名前面😂
以前我都有靠這類飯過早學時期,職員見是學生一盒白飯加咖哩汁,有時真係隨機有加到少少薯仔和牛腩碎,現在真係好少餐廳這樣賣了
黑店。何來什麼人情味?
老香港又有人情味❤🫶🏻🫶🏻好鐘意,老陳好搞笑😂
「耐人尋味」,真係食出個回味!
下次可以試下介紹鴨脷洲大街周家園涼茶,都係一間好有歷史既老鋪😊
我喜欢这系列 多做这些经典老店 10年前我去香港旅游 去过那个九龙冰室电影那一间茶餐厅 好吃少人又全部老人家 很有feel.. 回味无穷
呢個topic好正 Sam好波👍🏻
呢個系列有特色 好睇!
老闆好有性格🥰🥰
嗌個“早餐”,真係唔知你想食乜,真心讚(講埋食乜真係唔難)
非常好看,好有心!
好鍾意呢個題材, 好有舊香港人味