Vložit
- čas přidán 22. 07. 2024
- 天后清風街，去年出現一家型格十足、裝潢超地道的酒館餐廳：酒虎詩龍，看似主打fusion菜式，實則是以港式小酒館自居，用真炭火燒烤的創作小菜，有點像日本流行的居酒屋，讓放工後的上班族，輕鬆跟朋友吃點小菜，喝上幾杯，高高興興聚一聚。
酒虎詩龍的兩位主理人：子龍和阿明，都是fine dining出身，跟過不少三星名廚學師，年前決定開設餐廳，於是把自身在fine dining累積的經驗，融入到料理創作及餐廳服務中，嘗試以全新的角度打造港式燒物，出人意料的味道，一流的飲酒氛圍，難怪晚晚爆場。
主打的炭燒燒物，離不開一塊靚炭。
酒虎詩龍採用貴價的備長炭，設兩個炭爐，一文一武，根據不同食材的特性，靈活調整火候烹調燒物。燃燒時既能維持穩定的高溫，快速封着食物表面，確保每一道菜達到最佳的烹飪狀態，同時又比普通木炭燃燒時，產生的煙霧較少。加上備長炭燃燒會產生獨特的煙燻香氣，正好為食物增添一份自然而濃郁的炭烤風味。
說是港式炭火燒烤，實則每道菜式均以中餐元素結合西餐烹飪技巧，事前經多重工夫處理及準備。
像視覺效果極佳的薰衣草五香粉煙燻乳鴿，先風亁2日，確保鴿皮乾身，再經白滷水低溫浸煮，炭火燒烤後，掃上蜜糖及灑上薰衣草五香粉 ，上枱前再以蘋果木輕輕煙燻一會。當打開鍋蓋，煙燻香氣四溢，乳鴿皮脆肉嫩，十分高質。
炭燒黑毛豬叉燒配蠔油豆也是招牌必吃，選用西班牙黑毛豬脢頭，肥瘦均勻，豬味濃郁。叉燒用自家特製的叉燒醬醃入味，再吊起風乾，置炭火上燒至表面焦脆，肉質鮮嫩。叉燒配上濃郁的蠔油醬汁黃豆，入口鬆化，為鹹香的燶邊叉燒提升一個層次。
除了炭燒肉類，小店的炭烤海鮮同樣亮眼。阿明師傅每天親自到街市採購各種海鮮，除了每日推出的白鱔和馬頭魚等，再精選當日海鮮設計成Special Menu。
白鱔只用每條重兩斤以上，取中間厚肉部位，去頭尾位置後，去骨風乾，燒至皮爽肉嫩，並配搭港式口味的子薑和陳皮豆豉汁調味，獨特的配搭，為食客帶來新鮮感。
馬頭魚則以日本餐廳的立鱗燒方式呈現，先用熱油澆淋，令外皮魚鱗立起，再以炭火烤熟，最特別是配以鮮魚熬製的自家酸菜魚湯，最後下點酸菜和花椒等配料調味，可見師傅心機。
酒虎詩龍以港式小酒館自居，並不單單只有港式元素的食物，還提供由香港酒廠出產的「陀地」孖蒸和玉冰燒，尤其與酒虎詩龍濃味的菜式非常合拍。但兩款米酒因產量不多，都是以分享形式和客人共飲。
兩位師傅把fine dining的烹飪技巧和服務細節全數運用，酒館開業近一年，由零到一，從寥寥可數的客人到現在建立了一群回訪熟客。這裏不只是一處菜品精緻的餐廳，而是有獨特風格的港式文化小酒館。
乳鴿．五香薰衣草 $128
炭燒黑毛豬叉燒配蠔油豆$298
新鮮白鱔·陳皮豆豉汁 $128
立鱗燒馬頭魚·酸菜魚湯 $148
酒虎詩龍 @dionysus_loong
地址：天后清風街3號地鋪
電話：6587 5174
營業時間：星期一至日 6pm-12am
撰文：Sharon Chan
攝影：Peter Li、Fong Ka Him
剪接：Peter Li 、Fong Ka Him
美術：Anita Lam
#小酒館 #炭燒 #黑毛豬 #叉燒 #陳皮 #豆豉 #燒白鱔 #乳鴿 #立鱗 #酸菜魚 #生蠔 #米酒 #孖蒸 #玉冰燒 #本地酒 #天后美食 #TalkFood #TalkFood 天后
00:00 港式小酒館即係咩？
01:36 酒虎詩龍的誕生～子龍師傅篇～
02:04 酒虎詩龍的靈魂～備長炭爐～
03:57 酒虎詩龍的誕生～明師傅篇～
04:10 炭燒黑毛豬叉燒配蠔油豆的做法
04:50 乳鴿．五香薰衣草的做法
05:29 雞皮仙貝的做法
05:57 新鮮白鱔·陳皮豆豉汁的做法
06:44 立鱗燒馬頭魚·酸菜魚湯的做法
07:32 原來仲有Special Menu
08:51 明師傅帶路去街市買餸
10:18 點解廚房愈來愈多人工作？
12:26 點解叫酒虎詩龍？
12:52 嚟到一定要試嘅本地靚酒～玉冰燒 孖蒸～
13:52 Sharon試食時間
14:40 兩位師傅用心經營酒虎詩龍的感想 - Zábava
做食市好現實，好食及價錢會反應到有幾多人幫襯。人地咁旺一定有他吸引人嘅地方。
食過，好有氣氛，好好食，可以再食😋
有人揸法拉利，有人揸比阿迪
豐儉由人，食唔食得起都好講欣唔欣賞，未埋位就吊，人云亦云，用第一身感受就最公道
附合人設～～總有人又要百二蚊又要李嘉欣😂
之前去食過，氣氛好好食物都好好！
絕對唔覺服務態度有問題，上次同佢哋反映有碟嘢燒得燶咗少少佢哋都即刻換過👍🏻👍🏻👍🏻👍🏻
同埋換碟換得好密，香港小數有咁多服務員嘅餐廳
睇到流洒口水,一定好好味
真心好食🤤尤其燒鱔 無骨仲要juicy
正喎，令我諗起台北大安間大隱酒食。
Sharon 都加油💪🏻💪🏻💪🏻
Yvonne 加油💪🏻💪🏻💪🏻
jeng!!
呢間想試好耐 ， 老闆加油
👍👍👍
睇得出好有心機 似乎都幾正 可惜我窮 食唔起一碟咁貴既叉燒同鱔
128蚊個鱔得兩舊,,,食唔起,,,啲野食係好正,不過定價真係太高
受訪人士幾好反應👍🏻
演技好過華仔
食唔起、返大陸、兄弟們一起去吧！😂
味道不錯，不過唔平
食材我見好多都係本地貨，好唔好食見仁見智，但賣得實在太貴。
淨係幅牆都知唔簡單啦，北上既繼續北上啦，你地走哂我排少兩張枱🙏🏿
MC仁真跡
唔識野 甘鯛同馬頭有咩唔同？
落架la 條片，如果唔係累人俾食環署檢控
（炭爐過唔到牌）
Urgent
😂
見OpenRice留言，好多話服務寸過馬X! 咁真係幾好食都冇用😢
咁咪好鬼慘 廚房FINE DINING質素 出面串過大排檔 😆（如果留言係真既話）
Openrice都信😂，幾多垃圾打手文章
人地已經講咗係fine dining, 價錢正常。
大陸邊有咁嘅質素，平有乜用，樣樣都落味精
@@DannyChan-yd2bg 大陸食肆，成街酸辣味，五香粉味
頑張れ。❤不日拜訪
Talk food，出晒名鱔稿架啦😂
吓， 而家先知？ 網絡打手， 唔洗點做， 去人地間店， 幫人賣吓廣告， 又食又有錢， 之後再加埋亂吹既留言， 就成為左一個令多人中伏既陷阱。 以前就寫雜誌， 現在就響網亂吹， 食完會飛， 仲會升仙仲得。
如果真係宣傳咁有效唔會咁多鋪頭執笠啦、上次英記又話係鱔稿我由細食到大都咁多客，根本唔駛賣廣告都比班人吹到又鱔稿，無知好可怕
如果唔吓吓扯上 fine dining 可能更加容易塑造自己餐廳嘅風格。😂
How much per person?
$500
連黑腳都未係，就咁做嗰散仔就話跟過師父🤭
300蚊叉烧?
Sharon 可否執執啲手指甲呢…巧吃人化？？？😰😰😰
同啲爭鮮撚講omakase，簡直係對牛彈琴，咁嘅mindset咪成世食爭鮮囉
睇完後立即打電話去訂枱
永利威玫瑰露酒都係香港酒，玫瑰露配雞同埋豬都好好食
好似冇明火炭牌，😅😅😅
Fine dining 價錢
食廚的經驗與廚藝。又不是真系Fine dine 。似酒館食嘢飲酒。若不買海鮮又點收貴價錢，又不會飽，又可以叫多幾款嘢食
既然啲生意做到做唔切，仲畀錢人拍片。因住畀業主睇到呀😁！
人地做fine dining 收咁既錢都正常吧 又有服務
第一次睇TalkFood d片，然後見到咁多haters comments，唔知係 TalkFood多定係呢間餐廳多呢？🤔
BTW, d haters孟咁話貴又話又北上吃，其實你地行動就得啦，唔洗係度打鑼打鼓喎～真搞笑 😌🤭🤪
網絡多咗資訊，乜人都睇到，食慣三十蚊大大碗酸辣五香粉勁濃工業味料嘅人也多，佢地認為越平越好就係標準
同一班人，如果條片係介紹深圳嘢食，佢哋仲落力屌
而家香港太多未食過食唔起就咩都屌一餐🤭生活得唔好既人特別多怨氣😆
環境居酒屋可惜價錢唔係居酒屋😂😂
咁嘅價錢😂 不如去搶
咁佢又冇揸槍逼你入去食嘅
@@raypoker4568 佢個價錢同搶冇乜分別啫
呢隻雞皮香港好多串燒店都做到咁乾咁脆，個客話喺香港無見過😂笑咗
要平就自己煮啦，人地花心思攪創新，有新口味新菜式，試菜唔駛時間唔駛材料咩。。。。
300蚊义燒覺得貴，咪你自己返屋企蒸件鯇魚腩啦。。。
其實真係聽到無感覺，香港人就係人吹佢又吹，所有餐廳做訪問都話自己食材揀最好、對客人招呼又最好、唔賺都要客人食得最好，好悶。往往到你去食無鏡頭影住，又變咗另一回事⋯⋯
🤔奇怪 做fine dining嘅人都唔識讀fine dining。FI DYING 定 Fly丹寧😂
一街人都係咁讀 buffet -> pro fei，lounge -> launch，youtuber -> youtube 爬 時，你都無謂要求咁高
啲youtube爬唔讀書又唔做功課，上次介紹「妖河街夜市」真係無得頂。香港羊群就係咁，互相傳染玩到爛，得妖人處且妖人😂
放鬆啲，生活係活生生的，多變而不死固固。好多時係行業中有佢自己叫開既一個讀音，原因往往係工作上既便利所致，最後習非成是。舉個例，我都係做廚，咁多廚唔同國籍，唔同口音，一種食材幾種叫法同讀音，第一次聽我都搲晒頭呀，一樣咁工作。
忙到半夜? D人都上晒深圳啦
返深圳食抵過佢多多聲
快d返去食多d喇😂
@@lau9876547 今日返 呢啲咁嘅搵老襯店你記得去多啲
一碟叉燒三百,唔怪之得大家都北上食飯！
窮人放落口 都唔識分好唔好味架啦 最緊要平 飽肚咪算囉 🎉
@@chirslo7594都唔係要咁貴嘅
@@Ben24lee食開iberico叉燒，價錢差唔多份量但係少呢度一半🤔
同埋上網睇叉燒128$ wor
咪就係，香港人出糧基本過萬以上，咪又係一對手，同大陸人有咩分別，唔怪之得政府要北上引入外勞啦！我就好支持全面引入外勞啦，收2、3千蚊，任勞任怨
真炭火?我見到用火槍加工哦
你睇黎要驗下眼先😂
去就快D ， 迟下关门没得去啦
去祖國消費 唔好俾人湯到一頸血😢
話明港式，返祖國又點港式😅，你想返咪返囉。。。冇人會阻住你😅
睇條片，所有野都燒到濃曬，技術爭少少，開左一年都唔改善?
貴 食唔起
即係居酒屋、