ПЕСНЯРЫ - «Завушніцы» караоке | PIEŚNIARY - «Zavušnicy» | «The Earrings» Belarusian Karaoke

слухай ды трэніруйся тут: • Video
сл. Максіма Танка, муз. Уладзіміра Мулявіна
О, колькі раз прасіў я
Назначыць мне спатканне;
О, колькі раз хацеў я
Прызнацца ёй у каханні!
Ды ўсё перашкаджалі,
Калі дзяўчыне верыць,
То павадак вясновы,
То прымаразак-шэрань.
Але і я - упарты.
I каб свайго дабіцца,
Прасіў я шчыра майстра
Зрабіць ёй завушніцы.
На гэтых завушніцах
Я напісаў закляцце -
Усё, што не сказаў ёй,
А ў чым хацеў прызнацца.
Сягоння не ўцячэ ўжо
Ад слоў маіх гарачых
Ні ў час, калі смяецца,
Спявае або плача.
Ні ў час, калі прыляжа,
Змарыўшыся, змярканнем,-
Звіняць ёй завушніцы
усё пра маё каханне.