රස්තියාදු චාරිකාව අපි මේ ආතියේ සංචාරය කරන්න තෝරගත්තෙ ලංකාවේ මත්ස්‍ය සම්පත වැඩි ප්‍රමාණයක් ලබාදෙන ඒ වගේම සුන්දර මුහුදු තීරයකට හිමිකම් කියන "සලාපුරය" එහෙමත් නැත්තන් හලාවත ප්‍රදේශයයි.
🔹මුන්නේශ්වරම් කෝවිල
හලාවත ප්‍රදේශයේ තිබෙන වැදගත් ආගමික සිද්ධස්ථානයක් තමයි මුන්නේශ්වරම් කෝවිල. මෙය හලාවත - කුරුණෑගල ප්‍රධාන මාර්ගයේ හලාවත සිට 2km ක් දුරින් පිහිටා ඇත.අවම වශයෙන් ක්‍රි.පූ 1000 දක්වා දිවයන අතීතයකට මෙම කෝවිල හිමිකම් කියනවා. මෙය දකුණු ඉන්දියානු කලාපයේ ශිව දෙවියන් වෙනුවෙන් ඉදිවුන පැරණිම දේවස්ථාන 5න් එකක් විදියට සලකනවා .පලමුව පිහිටවූ ඊශ්වර කෝවිල නිසා " මුන්නේශ්වරම්" ලෙස කියා නම් කර තිබෙනවා. පුදබිම් සංකීර්ණයේ ගණ දෙවියන් ,අයියනායක දෙවියන් හා කාලිමෑණියන්ට කැපකල තවත් දේවාල 3කුත් දැකගන්න පුළුවන්.
නව රාත්‍රී ,ශිව රාත්‍රී ඇතුළු ප්‍රධාන හින්දු ආගමික උත්සව හා අගෝස්තු,සැප්තැම්බර් මාස වල වාර්ශික මංගල්‍යය උත්සව මෙහි පවත්වනවා.
හලාවත මුහුදු තීරය විශේෂ වෙන්නෙ වෙරළට ආසන්නයේ තියෙන ගල් පරය නිසයි. සැඩ රලේ වේගය මේ ගල්පරය නිසා අඩුවෙලා තමයි වෙරළට එන්නෙ. දිය නෑමට නම් එතරම් සුදුසු වෙරළ තීරයක් නෙවෙයි හලාවත තියෙන්නෙ. මොකද මේ ගල් පරයෙන් එහා තියෙන්නෙ ගැඹුරු මුහුද. ජීවිත හානි කිහිපයකුත් වාර්තා වෙලා තියෙනවා.
අපි ඊලගට බලන්න ගියේ හලාවත ලංදේසි බලකොටුව. පෘතුගීසි ජාතිකයින් විසින් ඉදිකරලා තියෙන මේ බලකොටුව තුක අද වෙනවිට හලාවත පොලිසිය සහ බංධනාගාරය බලන්න පුළුවන්. පැරණි ගොඩනැගිලි වල ඉතිරුවෙලා තියෙන කොටස් කිහිපයක් බලන්න පුළුවන්.
හලාවත නගරය පහු කරලා වෙරළ උද්‍යානය පැත්තට එද්දි හලාවත කළපුව උඩින් වැටිලා තියෙන පාලම දිගේ තමයි එන්න තියෙන්නෙ. මේ කලපුවත් හලාවත නගරයට එකතු කරන්නෙ හරි අපුරූ සුන්දරත්වයක්. කලපුවේ ලස්සන බෝට්ටු සවාරියක ගිහින් බලන්නත් පුළුවන්. කොළඹ ඉදන් එන හැමිල්ටන් ඇලත් මේ කලපුවට සම්බන්ධ වෙලා තමයි තියෙන්නෙ.
වෙරළ උද්‍යානය පාස් කරලා කිලෝමීටර් 3ක දුරක් ආවම එන්න පුළුවන් දැදුරු ඔය මුහුදට වැටෙන මෝයකට බලන්න
දැදුරු ඔය දිග අනුව ශ්‍රී ලංකාවේ 6 වන ස්ථානය හිමිවන අතර දිගින් කි.මී. 142 ක් එනම් සැතපුම් 88ක් පමණ වේ. අතිතයේ "ජජ්ජර නදිය "ලෙස හඳුන්වන ලද දැදුරු ඔයේ ඉතා කුඩා කාලයකදී ජල මට්ටම සීග්‍ර ලෙස ඉහල යන බව සැලකේ. දැදුරු ඔය හරස් කර දැදුරුඔය ජලාශය ඉදි කර ඇත.
එක් පසකින් ඉමක් කොනක් නොපෙනෙන සාගරයත් අනෙක් පසෙන් කළපුවත් ඉදිරියෙන් දැදුරු ඔයත් තියෙන මේ තැන ගැන කියන්න වචන නැති තරම්. හවස ඉර බහින වෙලාවට යන්න පුළුවන් නම් පුදුමාකාර සුන්දරත්වයක් තියෙන තැනක් තමයි මේ මෝයකට. අපිටත් පුළුවන් උනා ඒ වෙලාවට මේ සුන්දර දැදුරු ඔයේ මෝයකට බලන්න යන්න.
මේ දේවල් ගැන අපේ කැමරා කාචයේ සටහන්වුණු රූපරාමු තමයි ඉහලින් තියෙන වීඩියෝවේ තියෙන්නෙ. ගිය අය බොහොමයක් ඇති. නොගිය අයත් ඇති. හැමෝම බලලා ඔයාලගේ අදහස් කියාගෙන යන්න.
අද අපේ "රස්තියාදු චාරිකාව" CZcams නාළිකාවට සමාජිකයන් 1000සේ සීමාව පසුකරන්නත් පුළුවන් උනා. වීඩියෝ බලන subscribe කරපු ඔයාලා හැමෝටම ගොඩක් ස්තූති.
එහෙනම් තවත් මේ වගේ ලංකාවේ සුන්දරම තැනකින් හමුවෙමු.
හැමෝටම ජය ප්‍රාර්ථනා කරනවා.🙏❤
Music - CZcams Audio Library
Camera - Gopro Hero 10
Facebook : dushyantha.sajeewa.1?mibextid=ZbWKwL
Facebook Page : dushphotograp?mibextid=ZbWKwL
Instagram : dushyantha_s_jayasinghe_?igsh=MXA3bnpzczFjNHJkaQ==
Tik Tik : tiktok.com/@dushyantha_s_jayasinghe
#chilaw
#deduruoya
Whatsapp Channel : whatsapp.com/channel/0029Va9YHjgEVccSjB3BSy1x