صاحب الضويري - شوگ اهلنه
Vložit
- čas přidán 5. 09. 2024
- احنه دهله والحسن عدنه شتال
والحسن باهل المدن من شاتله ؟
والرياح شما تجي اعلينه شمال
والنسايم لو عليهن چاتله
اطبعينه لا تگول اطباع سوگ
والرضعناه شحلات ارضاعه
تگول ناگه والرسن الها يلوگ
والركبها شمري باطباعه
ويا هوانه البسمه خيّط شگوگ
ويا هواهم ما يخيط شراعه
چورينه من النجم ذاك الهلال
والنجم ذاك الضحچ ما فاتله
هنا چفوف الشوگ يومنلك تعال
شوف بدر الله الدوه بجناجله
يا حسنه الما عرف كحل العيون
ويا عيون مكحلات بلونّه
ويا حسنه التيهو كلهم يجون
اعله الشعاع النام تحت جفونه
ويا حسن و رگابنه لجدمك تهون
وماهو اظن للذله خالج كونه
احنه اولاد الهوه اعلينه حلال
والنبيعه ما نرد انخاتله
موش ذاك الوذر عيون الريال
والضمير بماي راچد غاسله
لو دريت شما حوت ديرة عگر
چا تركت اهل المدن وگصورها
تطيح والله وياخذك جاري الشكر
والشبچ گبلك شبچ ناطورها
مخدرات ولو هوه گذلهن يمر
بالعواهر چا غديت تزورها
يا هوانه السارح بروضه الغزال
ويا غصون اعله الشرايع مايله
مضمرات ويودرن ماي الزلال
فرهدن روحي الرچيچه الذابله
الله
الله الله استمر
نجم سهيل يلمع يعاند الشمس❤
شنو يعني دهلة ممكن توضيح
الماي الخابط او المستنقع الصغير اللي يحمل نسبة طين عالية