ELEZZJONI LI KOMPLIET TIFRED LILL-PN

ONE.COM.MT • Kważi tliet xhur eżatt minn telfa storika oħra għall-Partit Nazzjonalsita, bħalissa fid-Dar Ċentrali għaddejja l-votazzjoni tal-ewwel rawnd biex jinħatar is-successur tal-kap caretaker Simon Busuttil. Il-votazzjoni interna f’Tal-Pieta tagħlaq ftit aktar minn siegħa oħra u f’Għawdex tagħlaq dalwaqt. Din l-elezzjoni bejn l-erba’ kandidati għall-kariga għenet biex tkompli tifred flok tgħaqqad lill-Partit Nazzjonalista. Tul il-ġimgħat tal-kampanja l-kandidati kienu aktar mehdijin jattakkaw u jisparaw f’saqajn xulxin, flok jitkellmu dwar il-viżjoni u l-programm tagħhom għall-partit u għall-pajjiż.