Mysterious Temple of India - Nidhivan ka rahasya
Vložit
- čas přidán 10. 09. 2024
- Mysterious Temple of India - Nidhivan #nidhivan
Mathura aur Vrindavan toh aapne suna hi hoga jahan kaha jata hai ki bhagwan krishna ne apna bachpan bitaya tha. Krishna ki bohot si kahaniya aaj bhi vrindavan ki galiyon mai aapko sunne milengi. Ye hi nahi, balki Vrindavan mai aapko km se km 20 se jyada Krishna aur Radha k mandir dekhne ko milenege jaise Prem Mandir, Banke Bihari Mandir aur bhi kahi sari mandir-ein.
Vrindavan, Mathura mai ek bohot hi popular forest hai, jiska naam hai Nidhivan. Aur kya aap jante hai ki ye forest kyu popular hai ya prasidh hai?
Unhi reasons k wajah se jo humne is video k start mai bataya tha.
Jee han, dosto, yahi wo jagah hai jahan har raat krishna aur radha apna prem sambandh sthapit karte hai. Aapko lag raha hoga ki ye ek jhoot ya majak hai, but is video mai hum aapko chauka dene wale proofs dikhayenge jiske baad aapko bhi pura yakeen ho jayega ki ye sari baatein sirf afwaah nahi balki sach hai.
Kahi sari badi news channels ne bhi is topic par kafi research kara hai aur articles/news dikhayi hai.
Par aisa kya hota hai yahan jo iss baat ko proof kare ki har raat yahan krishna swyam aate hai aur gopiyo aur radha ji k sath rasleela rachate hai?
Aapko tulsi ke paudhe k bare mai toh pata hi hoga jo hum aksar apne ghar mai chote se gamle mai lagate hai, Nidhivan iss sansar mai ek lauti jagah hai jahan par tulsi k bohot bade bade ped hai. In pedo k roots bhi bohot ajeeb tareeke se badi hoti hai. Kya ye ajeeb nahi hai? Aisa kaha jata hai ki yahi wo ped hai jo raat k samay gopiyo ka roop le leti hai aur swyam sri krishna k sath rasleela rachati hai. Han ab iss poore incident ki koi tasveer ya video kahi nahi hai kyuki aisa kaha jata hai ki jisne bhi aaj tak ye dekha hai ya toh wo andha ho gaya hai ya fir uski maut ho gayi hai.
Ab tak toh aap sochne par majboor ho hi gaye honge ki aakhir ye kaisa chamatkar hai.
Toh fir ye suniye, ye bhi kaha jata hai ki is jagah par jhadiyo k beech ek chota sa mahal hai, jiske andar har raat pujariyo k dwara sri krishna k liye khane ka saman, pan, chudiya, sringar ka saman rakha jata hai aur raat ko iss mahal k darwaze ko tala laga kar lock kar diya jata hai. Fir subah jab is mahal k darwaze khulte hai toh sari chize bikhri milti hai, bhog aadha khaya hota hai kisine, chudiya tooti hoti hai.
Ab kya ye hairan kar dene wali baat nahi hai? Jab is mahal k darwaze raat bhar band the toh fir andar kaun aaya hoga? Kisi ne bina andar aaye ye sari chize istemal kaise kari? Kya ye swayam krishna the?
Ye bhi kaha jata hai ki sri krishna aaj bhi nidhivan mai aaye tourist se milte hai. Han, wo unko apne asli roop mai nahi milte par unko apne hone ka ehsaas zaroor kara dete hai.
Aur ye hum nahi keh rahe, ye wo log kehte hai jinhone nidhivan k darshan kiye hai.