10. Spiritisme ontbloot| Die Groot Stryd

Andre en Rebecca Joubert
“Want die Here self sal van die hemel neerdaal met ’n geroep,
met die stem van ’n aartsengel en met geklank van die basuin van God; en die
wat in Christus gesterf het, sal eerste opstaan. Daarna sal ons wat in die lewe
oorbly, saam met hulle in wolke weggevoer word die Here tegemoet in die lug en
so sal ons altyd by die Here wees. (I Thessalonicense 4:16,17).
Dekades gelede het verhale oor naby-dood-ondervindings (in Engels NDEs,
near death experiences) bekend geword toe mense wat gesterf het en weer
bygebring was, ongelooflike beskrywings gegee het van wat hulle gesien en
gehoor het terwyl hulle “dood” was. Duisende van hierdie verhale was op skrif gestel en
bestudeer. Oral oor die wêreld, insluitend die Christelike wêreld, het miljoene begin glo
dat hierdie verhale bewys het dat die dode nie regtig dood is nie. Hierdie grondliggende
geloofsbelydenis van spiritisme is een van Satan se mees wydverspreide en effektiewe
misleidings.
Om die waarheid te sê, spiritisme het in Eden begin met die slang se leuen wat hy
aan Adam en Eva vertel het, “Toe sê die slang vir die vrou: Julle sal gewis nie sterwe
nie;” Dwarsdeur die geskiedenis het dit in verskillende vorms voorgekom, maar altyd
met die onderliggende stelling dat die lewe selfs na die dood, nog voortduur. Hierdie
gedagte was die kern van een van die grootste valse godsdienstige bewegings van die
19de eeu met die Fox susters se aanspraak daarop dat hulle antwoorde op hulle vrae van
die geeste van die dooies ontvang het, maar wat later as bedrieglik bewys was.
Gedurende die aarde se laaste konflik, sal Satan miljoene deur spiritistiese
verskynsels mislei. Die boek van Openbaring dui aan dat hierdie een van die maniere
sal wees wat hy sal gebruik om die wêreld onder sy beheer te bring.

[@maggie7747]

Baie dankie. Gesënde Sabbat.