DALLI JWAĦĦAL F’ZAMMIT, IWIEĠBU IBNU
Vložit
- čas přidán 24. 08. 2024
- ONE.COM.MT •
It-Tlieta filgħodu l-eks Ministru Nazzjonalista u eks Kummissarju Ewropew, John Dalli, tkellem dwar il-każ li kien wassal biex hu jispiċċa minn Kummissarju Ewropew. Hawn reġa’ ta rendikont ta’ kif, fi kliemu, l-uffiċċju Ewropew ta’ kontra l-korruzzjoni, l-OLAF, intuża biex hu jiġi mġiegħel jirriżenja.
Giovanni Kessler, li kien imexxi l-OLAF, instab ħati minn qrati fi Brussell li interċetta telefonati b’mod illegali bejn John Dalli u l-canvasser tiegħu Silvio Zammit.
U quddiem dawn is-sentenzi, Dalli, li qed jiffaċċja proċeduri fil-qrati Maltin reġa’ tkellem dwar dik li, skont hu, hi l-innoċenza tiegħu. Dan filwaqt li reġa’ kellu kliem iebes għall-eks President tal-Kummissjoni Ewropea Josè Manuel Barosso.
Iżda l-aktar li spikka kien meta pponta wkoll lejn l-eks kanvasser tiegħu Silvio Zammit, f’dikjarazzjoni li ġabet reazzjoni minn iben Zammit stess, li qal missieru tressaq il-qorti minflok John Dalli.
Kienu l-ġurnalisti li staqsewh fuq l-eks kollaboratur tiegħu Silvio Zammit.
Zammit, eks kunsillier tal-Partit Nazzjonalista, illum mejjet, kien tressaq il-Qorti b’rabta ma’ dan il-każ ta’ allegata korruzzjoni ta’ miljuni ta’ ewro kbar b’rabta mad-direttiva tat-tabakk. L-akkuża kienet li ntalbu l-flus biex tiġi influwenzata din id-direttiva.
Mal-midja, it-Tlieta filgħodu Dalli tkellem dwar l-allegat rwol ta’ Zammit u qal li, fit-telefonati, kien qed jaġġornah biss fuq dak li kien qed jiġri dwar il-politika f’Malta.
Mistoqsi dwar affarijiet li allegament irriżultaw li qal Silvio Zammit, John Dalli tenna li kien Zammit li attribwixxa lilu kliem li ma qalx.
JOHN DALLI
EKS MINISTRU
“He had his own plan, I was not part of it absolutely and everything is very clear.”
Dalli qal li dan li qed jgħid hu kkonfermat mill-OLAF fir-rapporti tagħhom. “Ma jitwemmnux,” qal Dalli li nsista li l-OLAF qalet li ma talabx flus.
Iżda t-tifel ta’ Silvio Zammit, illum Kunsillier tal-Partit Nazzjonalista nnifsu, qal li Dalli ma jafx jistħi.
Zack Zammit kiteb fuq Facebook u qal li ma kienx biżżejjed li missieru baqa’ leali lejn John Dalli sal-aħħar sakemm miet fl-2022.
“Baqa’ qatt ma kixfu. Il-pubbliku għandu jkun jaf li dak kollu li kien ingħad fuq John Dalli dwar it-tentattiv ta’ tixħim tiegħu b’€60 miljun kien minnu. Iva, minnu,” qal Zack Zammit.
U kompla jgħid li missieru kien qal lill-familja kif ġraw l-affarijiet tassew, iżda l-lealtà tiegħu lejn John Dalli wasslitu biex joħroġ għonqu għalih u qatt ma jikxfu.
“Silvio Zammit għadda proċeduri kriminali fuq dan il-każ, minflok John Dalli. John Dalli għandu jkun raġel u jgħid li kien hu li missu għadda proċeduri kriminali u mhux missieri,” qal Zammit li tenna li qatt ma basar li se jasal s’hawn.
Iżda, żied li mhux se jippermetti li John Dalli jħammeġ isem missieru sempliċiment għax mejjet.
John Dalli did not blame Zammit when he was still alive. Now that he is dead, he found it convenient.