【石圍角邨】 留邨消費 真係可以改變環境?｜全港僅存的麥當勞叔叔｜人情味同商業化能否共存?｜高士威 荃灣 石圍角新城

優品360老闆林子峰旗下高士威集團
近年積極購買公共屋邨商場
作為中長線投資
或者將車位拆售套現
今日和大家去到備受爭議
位於荃灣石圍角邨的石圍角新城
石圍角新城的翻新工程已經完成
商場亦掛上新的橫額
口號寫上「留邨消費 改變環境」
相信口號本身的意思是指改善環境
事實上，高士威這次的翻新工程
無疑為居民的生活環境帶來重大改變
這些改變究竟是好，還是壞？
Email: [e-mail]
Patreon: / hkmalls
Threads: www.threads.ne...
IG: / hkmalls

[@stephenk7457]

人情味就普通啦，啲鋪頭都仲係有好多未租得出。。。士多又無咗，唔知係咪做翻新既工人好少，都差唔多搞咗2年有多，另外行人隧道口升降機都搞咗差唔多一年半，本來就話6月可以開，宜家8月都唔知開得未

[@dissociativedisorder]

張banner送殯藍😂

[@MichaelJames520]

呢啲地方唔好講，地方遠離高尚住宅區，又遠離愛國者區...一個高消費者都冇...只有和海濱花園同一命運😢變成比死城更差地方😢

[@Taiwan-fh6dp]

你到底有冇去過屋邨商場㗎？條條屋邨大致都係咁上下㗎啦（除咗極度方便或極度隔涉嗰啲之外），定係你想好似海港城、K11、IFC咁，以嗰啲所謂高消費人士、大陸客（即係你口中嘅「愛國者」）為主？大佬，屋邨商場嚟㗎咋，你要幾多客源先滿意呀，全香港每人日日都輪住過嚟消費好唔好？而家翻新後人流係明顯多過以前，亦吸到附近老圍村屋、象山邨居民，甚至係怡景園同綠楊邊皮部分人肯過嚟，仲想點樣？從來冇人話要做到四大核心區（中環、銅鑼灣、尖沙咀、旺角）嗰種程度喎。屋邨商場定位首先理應係照顧到自己條邨嘅人，但事實係翻新前石圍角食嘢除M記就得幾間差唔多樣嘅茶餐廳，仲要個場又冇冷氣，香港啲天氣咁「好」，夏天真係熱到hihi，同迫人落荃灣冇分別，有一千萬都唔會喺個咁舊又冇乜選擇嘅商場洗啦。以前舊街市先係真正名符其實嘅死城，你又唔講吓？而家多咗大快活、冰室、酒樓（整緊）、粥麵舖（整緊），起碼午晚市時段啲食肆係真係會坐滿人先吖。
跟住你話咩高尚住宅區，寶馬山、中環半山、淺水灣、九龍塘係高尚住宅區啦，咁請問呢幾度啲商場除咗九龍塘又一城有地鐵同城大學生幫手好啲之外，其他又好旺咩？甚至根本好多傳統豪宅區附近係連大型商場都冇多個嘅。就算畀你近高尚住宅區又點，班有錢佬要行商場都行IFC、PP、置地嗰啲啦，乜你覺得佢哋會咁神心專登過隔離某某邨行屋邨商場咩？會唔會諗多咗？仲有，屋邨商場主要賣啲小市民日常用嘅民生嘢，一餐飯都食幾千幾萬嘅佢哋會啱買咩？兩邊階層根本完全唔同，一個天一個地、一個東一個西、一個左一個右，所以你咩「地方遠離高尚住宅區」純粹就係攞嚟講，因為高尚住宅區近或遠都對屋邨商場人流幾乎冇實際影響（無論正面或負面）。
攞海濱花園嚟講就更加搞笑，海濱廣場死因係發展商野心太大，海濱遠離荃灣市中心，中間仲隔咗個工廠區，但就整到區域性商場嘅規模諗住做大量區外客，起到成半個朗豪坊咁大，冇咁大個頭又偏偏要戴咁大頂帽。到荃灣廣場起好已經流失咗好多區外客，而單靠當區居民又冇可能獨力支撐半個朗豪坊面積大細嘅咁多間舖位，慢慢自然就空咗大量舖出嚟，淨返百佳、麥當勞、屈臣氏、日本城等民生舖。自從海濱廣場封咗，部分海濱居民會改去對面海灣花園個商場，到今時今日海灣花園商場咪又好好地，冇出現咩「死城」？事實證明，海濱海灣係可以維持一個普通規模嘅屋苑商場，只係單靠佢哋撐唔起一個區域性商場咁解啫。再講，兩邊人口結構根本完全唔同冇可比性，唔好話你根本冇了解、冇實際巡過就空口講白話亂咁唱衰？！