ឆ្នេរអង្កោលរីកមុខមាត់ថ្មី ក្រោយទទួលបានចំណងដៃ ផ្លូវប្របមាត់សមុទ្រមួយខ្សែភ្ជាប់ពីក្រុងកែប
Vložit
- čas přidán 20. 11. 2023
- ឆ្នេរអង្កោលរីកមុខមាត់ថ្មី ក្រោយទទួលបានចំណងដៃ ផ្លូវប្របមាត់សមុទ្រមួយខ្សែភ្ជាប់ពីក្រុងកែប (Video inside)
(កែប)៖ ឆ្នេរអង្កោល មានទីតាំងស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ដែលជាទីតាំងកម្សាន្តដ៏ទាក់ទាញមួយ ស្ថិតក្នុងខេត្តកែប។
ភ្ញៀវទេសចរដែលទៅកម្សាន្តនៅទីនោះ អាចសម្រាកលម្ហែកាយ ស្រូបយកខ្យល់អាកាសល្អបរិសុទ្ធ ទស្សនាទេសភាពព្រៃភ្នំ, ហែលទឹកឬលេងទឹក, គយគន់ថ្ងៃលិច, បោះជំរុំ ឬបោះតង់, ស្ទូចត្រី, ញុំអាហារ, ពិកនិច, ទស្សនាឆ្នេរខ្សាច់, គយគន់ថ្ងៃរះជាដើម។ អ្វីដែលពិសេសស ឆ្នេរអង្កោលសំបូរគ្រឿងសមុទ្រធម្មជាតិ ដែលរកបានដោយប្រជានេសាទ ដូចជាក្ដាម បង្គារ ជាមួយតម្លៃសមរម្យទៀតផង។
ពីមុនឆ្នេរដ៏ស្រស់ត្រកាលនេះ មិនសូវមានភ្ញៀវទេសចរប៉ុន្មាននោះទេ ដោយសារមិនទាន់មានផ្លូវចូលដល់ឆ្នេរ ប៉ុន្តែពេលនេះ ឆ្នេរអង្កោលបានរីកមុខមាត់ថ្មី ក្រោយផ្លូវមួយខ្សែប្រវែងជាង ១០គីឡូម៉ែត្រ ភ្ជាប់ពីផែទេសចរណ៍ក្រុងកែប មកដល់ឆ្នេរអង្កោល បង្កលក្ខណៈងាយស្រួលដល់ភ្ញៀវទេសចរ។
ថ្លែងក្នុងកិច្ចសម្ភាសជាមួយបណ្តាញព័ត៌មាន Fresh News នៅមាត់ឆ្នេរអង្កោល លាយឡំដោយសំឡេងរលកសមុទ្រ និងខ្យល់បក់ខ្លាំង លោក ឆាង ឆៃ អភិបាលស្រុកដំណាក់ចង្អើរ បានបញ្ជាក់ឱ្យដឹងថា បន្ទាប់ពីផ្លូវភ្ជាប់ពីផែទេសចរណ៍ក្រុងកែប មកដល់ឆ្នេរអង្កោល អនុញ្ញាតឱ្យធ្វើដំណើរបាន មានបងប្អូនភ្ញៀវទេសចរយ៉ាងច្រើនកុះករ បានមកកម្សាន្តនៅឆ្នេរអង្កោល ពិសេសថ្ងៃបុណ្យទាន និងចុងសប្តាហ៍ ដោយពីក្រុងកែប មកកាន់ឆ្នេរអង្កោលនេះ ចំណាយពេលត្រឹមតែ១០នាទីប៉ុណ្ណោះ។
លោកអភិបាលស្រុកបញ្ជាក់ថា ឆ្នេរអង្កោលជាឆ្នេរធម្មជាតិ មិនទាន់មានការកែច្នៃ មានខ្សាច់ល្អ និងទឹកថ្លា អាចឱ្យបងប្អូនប្រជាពលរដ្ឋ លម្ហែកាយយ៉ាងសប្បាយរីករាយ។ អ្វីដែលពិសេសទៀតនោះ ឆ្នេរនេះមានគ្រឿងសមុទ្រស្រស់ៗ រសជាតិឆ្ងាញ់ប្លែក ដែលបងប្អូនប្រជានេសាទក្នុងតំបន់រកបាន។
លោកបន្តថា អាជ្ញាធរតែងតែណែនាំជាប្រចាំ ដល់បងប្អូនអាជីវករលក់ដូរនៅឆ្នេរនេះ ត្រូវរៀបចំបញ្ជីមុខម្ហូប ដោយមានដាក់តម្លៃច្បាស់លាស់ និងសមរម្យ កុំឱ្យមានការលួចបន្លំភ្នែកជញ្ជីង ធ្វើយ៉ាងណាឱ្យភ្ញៀវ ដែលមកលេងម្តងហើយ ចង់មកលេងជាថ្មីនៅពេលក្រោយៗទៀត៕
ស្រស់ស្អាត❤❤❤👍👍