طريقة الفطير الحادق
Vložit
- čas přidán 3. 01. 2021
- النهاردة هنعمل الوصفة التى طال انتظارها، الفطير الحادق، هنعمله بأسهل و أسرع طريقة فى الدنيا، يلا بينا....
•
•
•
(المقادير)
- كيلو دقيق
- نص لتر مياه
- معلقة كبيرة ملح
•
•
•
هنحط الملح على المياه و نقلبه، بعد كدة هنجيب الدقيق و نحطه فى العجان و نحط عليه المياه بالملح و نسيبه يعجن لمدة ٥ دقايق كدة، لو مفيش عجان نعجن بإيدنا لمدة ١٠ دقايق مثلاً.
•
•
هنقسم العجينة كور و نحط عليهم زيت نغلفهم بالزيت كدة و نحطهم جنب بعض فى طبق و نغطيهم و نسيبهم يرتاحوا ساعة.
•
•
•
ندهن السطح اللى هنشتغل عليه بزيت و نحط العجينة و نضغط عليها بإيدنا بعد كدة نفرد كويس بالنشابة و نبدأ نشدها بإيدنا لحد ما تبقى رفيعة جداً نبدأ نحط الحشو بقى.
•
•
•
أنا عملت ٣ حشوات، الحشو الأول مشكل جبن بالبسطرمة (موتزاريلا، شيدر أحمر، جودة، جبنة كريمى) مع البسطرمة.
•
•
الحشو التانى (موتزاريلا، سجق، فلفل اخضر، زيتون)
•
•
الحشو التالت (موتزاريلا، شيدر أحمر، سلامى، تركى مدخن)
•
•
بعد ما هنحشى هنقفل بالطريقة اللى فى الڤيديو دى.
•
•
بالنسبة للتسوية هنعملها على طاسة مبتلزقش الحاجة، هنحطها على درجة حرارة متوسطة مايل للواطى، ندهن الطاسة زيت و ننزل عليها بالفطير، بتاخد حوالى ٥ دقايق على كل ناحية (لحد ما توصل للون المظبوط).
•
•
•
بعد كدة الفطير هيبقى جاهز نقدمه مع مخلل و بطاطس محمرة، بيبقى مقرمش من برة و لونه جميل و طعمه أجمل، جربوا الوصفة دى بقى و قولوا لنا رأيكم 👌🏻👌🏻
•
•
•
•
#ZumasKitchen
#food #foodporn #foodphotography #foodie #foods #foodstagram #foodgasm #food52 #foodography #foodstyling #foodies #foodblogger #foodlover #foodbeast #foodoftheday #foodpornshare #foodpic #foodpics #foodgram #foodblog #instafood
هيبقى الفيديو افضل من غير موسيقى
انا جربتها بجد فظيعه😋😍
تحفة اووووي هجربه اول ما افطرر💃💃💃
جربتها ع طريقتك طلعت تحفففففففه
تحفه بسم الله مشاء الله 😍😍😍
دي اسهل طريقه انا شفتها للفطير الحادق تسلم ايدك 😍
تسلم ايدك والله بجد نا شبعت م المنظر 💪🏻🥰
ماشاء الله تبارك الله
تسلم ايدك 😍♥️
انت بتعمل عظمة بجد
تسلم ايدك ❤❤❤❤❤
الله يعطيك العافيه
ماشاء الله
زي مسمن المغربي 😮
معلش سوري ليكي بس الفطير دا اكله تراثيه مصريه من ايام الفراعنه يعني لو الوصفه شبها يبقي انتو الي بتقلدوها
وصفاتك كلها جميله انا بقيت من عشاق البشاميل بسببك #بشاميل_الخميس
تسلم ايدك يا شيف انا بتبعك على طول على الانستجرام
ممكن طريقة الفطير الحلو
❤️❤️❤️
زوج احلامي والله 😂😂😂😂♥️
يشبه المسمن المغربي... 🤔🤔🤔
انت احسن واحد بيعمل اكل على اليوتيوب والانستجرام بجد
بس عندي سؤال الميه تبقا دافيه ولا عاديه
هعملها في اليوم الفري🤤😋😍
نفس سوالى
بليز اعمل الفطير الحلو
افتح مطعم وسميه المزجانجي
هي ينفع تدخل الفرن
😯😯😯😯😯😯
حسب ابن آدم لقيمات يقمن صلبه
المياه دافيه ولا عاديه وممكن ف الفرن ولا لا ؟؟
نوع والمنزريلا ايه من فضلك
ينفع تتحط في الفرن بدل القلي !
الصح فرن اصلا فكك.من. العك العمله بس نار خفيفه وتابعيها
@@pegolemad4443 عك ؟
@@pegolemad4443عادى تقدر تسويها فرن او فى طاسه الاسهل لك و الاسرع لك .. الراجل بره بيعمله فى فرن عشان بيخدم على كميات كبيره
زى الحواوشى ف المنزل ..تقدر تعمله على شوايه او جريل او فرن براحتك .
اعمل ايه لو العجينه كل ما تتفرد تكش
يا حازم هو رومي وموزريلا بس
دا كدا فطير بن ناس مَش شرقي
شو يعني الحادق
ارجع نزل
مدخلتهاش الفرن ليه
ليه التصوير كدا ؟! ممكن تشتغل عالتصوير و بلاش الصورة الصغيرة دي وصفاتك ماشالله جميلة
هيحصل إن شاء الله
كيري فرنسيه قاطعوها
بصراحه الفطير مش كده المفروض العجينه ترتاح أكتر من كده وتكون طريه
ولازم طبعا فرد العجينه أكتر من كده تكون رقيقه خالص