أرباح خيالية من العمل الحر في الترجمة كـ فري لانسر | freelance translator
Vložit
- čas přidán 13. 06. 2020
- هل ممكن فعلاً تعمل أرباح من الترجمة على الانترنت ؟ يعني هل ممكن تكون مصدر دخل ليك ينفع تعتمد عليه؟
مش انا اللى هرد عليك انا هخلي واحد من مواقع العمل الحر نفسه هو اللى يعرفك الترجمة ممكن تكسبك كام بالظبط وهتشوف بعينك ناس مترجمين عرب مصريين ازاي كسبوا أرباح خرافية من الترجمة
استعد للصدمة ... اللى هتشوفه دلوقتى دة لا هو خيال ولا هو أحلام ببساطة لأني شغال بنفسي في مجال الترجمة ليا اربع سنين وعارف ان الناس دى فعلا بتكسب الأرقام دي بدون أي مبالغة
معقولة انت ممكن تعمل ارقام زي دي ؟ وتقدر تكسب أكتر من 80 ألف دولار من الترجمة ؟
الإجابة بكل بساطة فعلا تقدر تحقق الأرباح دى، مش بقولك ان الموضوع سهل ، بس بقولك انه ممكن، وفي الفيديو دة هعرفك ازاى تعمل كدة . ازاى تبدأ صح في مجال الترجمة أو حتى أي مجال freelance عموما وتعمل دخل شهري يكفيك وزيادة .. ولكن ............
من حوالي سنة نزلت فيديو اتكلمت فيه عن الموضوع دة ، وبالمناسبة لو لسا ما شوفتوش ممكن ترجعله بعد كدة هتلاقيني سايبلك الرابط بتاعه في مربع الوصف وف آخر الفيديو دة
دة رابط الفيديو: • الربح من الانترنت للمب...
المهم ان الفيديو دة جاتلي عليه تعليقات بتقول طب منا ممكن استخدم ترجمة جوجل ، الرد على الكلمة دى هي لا طبعا مينفعش تستخدم google translate نهائي، ليه بقا ... عشان 3 أسباب:
1- ان ترجمة جوجل مش دايما بتكون دقيقة أو صحيحة ، وهنعمل فيديو ن شاء الله نوضح فيه الفرق بين ترجمة جوجل وترجمة واحد مبتدئ وترجمة واحد محترف عشان تعرف كويس العميل بيدور على ايه
2- ترجمة جوجل متاحة للزبون وهو عارفها وغالبا جربها قبل ما يجي يطلب منك تترجمهاله، لأنها مجانية ولو كانت نفعت معاه مكانش هيدفع فلوس عشان حضرتك تترجمهاله (مش بعزقة وخلاص يعني)
عشان كدة لو عملتها من جوجل هو هيعرفها على طول وفي الحالة دى هيعمل حاجة من اتنين ،
يا إما هيلغي الأوردر (وكدة يبقا رحمك) يا إما يقرر انه يأذيك ف شغلك بأنه يديك ريت سيء (نجمة واحدة مثلا ويقول ف الريفيو بتاعه انك بتستخدم جوجل
3- تالت سبب يخليك ما تستخدمش جوجل ، هو ان لو الموضوع كدة ماكانش حد غولوب، كان كله دخل واشتغل وكسب فلوس، لكن الموضوع لازم يكون فيه شوية تعب
فلهذه الأسباب ولغيرها ، ما ينفعش نهائي انك تستخدم Google translate
طيب دة معناه ايه
دة معناه ان انت أو انتى لازم تمسك النص تقراه بنفسك وتفهمه كويس وبعدين ترجع تكتب اللى فهمته دة باللغة المطلوبة
بحيث انه ميبانش ان النص مترجم ... لا اللى يقراه يحس انه مكتوب باللغة دى أصلا مش مترجم
طيب هي الناس دى بتترجم ايه بالظبط ؟
خلينا اقولك امثلة على الشغل اللى بيطلب ف مجال الترجمة دة
1- ممكن مثلا واحد عنده موقع أو شركة عندها موقع بالانجليزي ومحتاجة تبدأ تدخل السوق العربي وتستهدف العرب، بديهي جدا ان اول حاجة هيعملوها هي انهم يترجمو الموقع بتاعهم، فهيجولك يطلبو منك تترجملهم الموقع بتاعهم بطريقة كويسة واحترافية
2- ونفس الكلام دة ينطبق على تطبيق أو لعبة على جوجل بلاي
3- كمان ممكن حد يبقا عايز يترجم إعلان لشركته
4- وممكن حد يطلب منك ترجمة قانونية لعقود أو شهادات ميلاد أو إخلاء مسؤولية أو تنازل وكل الحاجات دى
5- لو انت جامد شوية كمان ممكن يطلب منك تعمل سابتايتل لمقطع فيديو (الترجمة اللى بتتكتب تحت الفيديو زي الأفلام الأجنبية كدة)
طيب انا خلاص قررت اشتغل مترجم فريلانسر واكسب بالدولار ...... اعمل ايه بقا ؟
أولا كل اللى عليك هو انك هتعمل حساب على أحد مواقع العمل الحر زي اب ورك فريلانسر وغيرهم
ثانيا هتعمل بروفايل قوي يشد العملا ويخليهم يختاروك ويتعاملو معاك من خلال انك تكتب وصف احترافي تبين فيه مهارتك وقدرتك وانك فاهم كويس العملا عايزين ايه
ثالثا هتدور في المشاريع المعروضة وتبدأ تشوف ايه المشروع اللى انت تقدر تشتغل عليه وتقدم عرض للزبون
العرض دة بيشمل السعر ومعاد التسليم .... لو الزبون عجبه العرض بتاعك هيختارك ويشتغل معاك (بس خلى بالك ان المنافسة كبيرة ولازم العرض بتاعك يبقا مميز عن غيره)
رابعا لو انت على فايفر أو خمسات لازم تهتم بالبروفايل بتاعك جدا جدا لأن الموقعين دول مش بيعتمدو على فكرة مشاريع وانت بتقدم عليها
لا الفكرة بتاعتهم ان الزبون هو اللى بيدور عليك ويقرر يتواصل معاك بناء على البروفايل بتاعك
خامسا بقا ودى أهم نقطة واللى بتضمن استمرارك في الشغل وبتضمن انك تخلص الشغلانة وتخش على غيرها وهي انك لازم تسلم الشغل ف المعاد اللى اتفقت عليه وبجودة عالية زي ما قولنا بدون استخدام اى ترجمة الية ولا جوجل ولا غيره
الكلام في الموضوع دة كتير ، بس للأسف الفيديو بتاع النهاردة خلص لو عايزين فيديوهات تانية من النوع دة قولولي ف الكومنتات وانا تحت امركم
للدعم علـــــــى باتــــريـــون: / hassan_ahmed
تابعني على صفحة الفيس بوك : / english.with.hassan.92
تابعوني علي انســــــتجــــرام: / elhassan.ahmed92
تابعوني علــــــــــى تـــويـــتـــر: / i_exist_not
#العمل_الحر
#انجليزي_وبس
#حسن_عبدالمطلب
فقط على قناة حسن عبد المطلب لتعليم اللغة الانجليزية للمبتدئين وأشياء أخرى
معاكم حسن احمد مترجم لغة انجليزية فري لانسر
اتمنى يكون الفيديو دة مفيد لكل اللى بيسمعونا
....................................
ودي سلسلة محادثات اللغة الانجليزية
• محادثه انجليزيه قصيره ...
ودي سلسلة قواعد اللغة الانجليزية
• الضمائر في اللغة الانج...
Have fun & Keep learning - Věda a technologie
بالتوفيق والله الفيديو هايل جدا والمعلومات مفيدة جدا ربنا يوفقك يارب 🙏
تعليق حضرتك أسعدني جداً يا بشمهندسة
وبالتوفيق ليكي، قناتك هايلة جداً ما شاء الله وبتقدم معلومات مفيدة لأي حد بيفكر يسافر كندا
شرح ممتاز ويعطيك العافية ويا ريت يكون في فيديوهات اكتر للعمل على ابوورك وفريلانسر كمترجم انا عايز ادخل المجال ده وبالتوفيق
شرح مبسط ومرتب ربنا يجازيك خير ياريت بس تحطلنا لينكات الفيدوهات الي قولت عليها
شكرااا على المعلومات 👍🏼
الله يجازيك إستمر لنا بمواضيع العمل على انترنت وتكون بالاثباات
ربنا يباركلك و الله فيديو مفيد جداً
فيديو بسيط ومميز جدا
عايزين معلومات اكتر وجزاك الله خير الجزاء
جزاكم الله خيرا
بالتوفيق يامستر بس أهم حاجه ماتنساش وتكمل منهج تالته ابتدائي
لو سمحت انا لسه طالبة في اداب انجليش المفروض اكتب ايه في البروفايل ، علشان عايزة ابدأ اشتغل في الترجمة
شكرا علي الشرح ..اخي كيف يتم دفع مستحقاتنا..قبل الترجمة او بعد
شكراً جزيلاً لحضرتك يامستر حسن
الشكر كله ليكم ولدعمكم بعد ربنا
انا خريج ترجمة من سنتين وبدور عاشغل ترجمة ياريت اقدر اشتغل 😢
Thank u so much for this informations 💋👌
ياريت طبعا
لو طلبوا مني احدد مبلغ اطمح له مثلا باليوم او بالشهر كم احط ؟
طيب في برنامج عالمي اسمي garmmarly بيصحح الاخطأ الاملائيه النصوص وممكن يقبله العميل
فيديو خاص من فضلك كيف افتح حساب في free lance مثلا و شكرا
ازاي اعمل فيزا لتحويل الفلوس سواء فريلانسر أو من برا أو داخل مصر وكمان لو عايزة الفلوس تتحولي بدولار مش بجنية اعمل ايه عشان ميتخصمش من فلوسي فرق التحويل
يعطيك العافية يا غالي .. لو سمحت حابب ابدا انا موجود في مصر لو في امكانية للتواصل لو سمحت ؟؟
أنا معنديش فيزا أعمل اي؟واتعامل إزاي مع البنوك الألكترونية؟
عاوزه اسال حضرتك لو محتاجه ترجمه من العربي الي التركي او الايراني او الباكستانيه مثلا هل في منصات لهذة اللغات مجانيه للترجمه ؟؟
طبعا موجود مترجمين للغات دي على مواقع العمل الحر
وأشهر منصتين متخصصتين في الترجمة هما Proz و translatorscafe
انا مترجم تركي موجود في حال حاجتك للترجمة
طيب لو سمحت لازم يكون معايا شهادة ترجمة؟
خليتك الف لايك
عايزه اشتغل ف الترجمه إبداء فيها ازي واعمل حساب ازي
طيب هل ممكن سحب الارباح عن طريق ويسترن يونيون
ازاي اعمل profile في الترجمة اصلا
بدي اسال حضرتك
كطالبة تقريبا سنة ٣ ترجمة عربي انجليزي ألماني بنفع ابدا بدون خبرة ؟
و بكون فكرة منيحة لتسديد مصاريف الجامعة ؟
انا عملت حساب ولكن ما بعرف كيف ابدا اشتغل
يعطيك العافيه اخي عندي سؤال
لو مثلا انا طالب جامعي وسويت حساب بنكي للعمل الحر وبدأت شغل عشان اسدد قسوط الجامعة لحتى اتخرج واتوظف... هل هي فكرة جيدة ام لا؟
هذه ليست فقط فكرة جيدة ولكنها ممتازة ومثالية ..... خاصة أن بعد انتهاء الجامعة بيكون الدخول في مجال العمل الحر على الانترنت أمر صعب جداً بسبب ضغوط الحياة
طب بالنسبة لشركة اوكتا
ايه اهم الكورسات الانجليزي
انا خريجة اداب انجلش بقالي سنة وماعنديش خبرة في الترجمة وعاوزة ابدا وانا كنت متفوقة جدا في الجامعة بس الفكرة عندي رهبة من اني ابدا فعاوزة اعرف ابدا ازاي في المراقع دي
الموضوع بسيط هتعملي حساب على اى موقع او كذا موقع هتلاقي ناس طالبة مترجمين، هتقدمي وتعرضي عليهم خدماتك بطريقة تكون مقنعة للعميل كأنك بتعملى انترفيو ، وأكيد فيه ناس هيوافقو يشتغلو معاكي ، بالتوفيق
أنا آداب انجلش وعملت Interpreter في مالي
Peacekeeping forces
? مستواي جيد جدا
لكن ما عنديش خبره في الاون لاين
instagram.com/elhassan.ahmed92/
عاوزه كل فيديوهاتك لوسمحت
طيب انا سجلت في الموقع وفي اقتراحات شغل ترجمة بس بيبعتولي ارقام واتس ابعت عليها اسمي والبلد بس رقم الواتس اللي عاوزة ابعت عليه ما بيعملش اعمل ايه
يا اخي الرابط.... وين
اين الرابط
ترجمة عربي إسباني متوفرة ؟
تقدر تحصل على مالك باليورو؟
انا في كلية تربية عام انجليزي بس لسه في سنة اولي..هل ينفع اني ادخل المجال ده من دلوقت..حضرتك قولت اننا مينفعش نستخدم جوجل ترانسليت وفي الحالة دي هيبقا عندي مشكلة في بعض الكلمات والتعبيرات اللي هتقابلني..اعمل ايه؟ وهل العمل ف المجال دا بيحتاج لاب توب ولا الاندرويد العادي يمشي؟ لو سمحت ياريت ترد عشان كذا مرة ابعت لحضرتك ومش بترد
أولا بعتذر عن التأخير ف الرد
ثانيا طبعا ينفع تبدأ في المجال من دلوقتى
ثالثاً الصح انك تعرف معاني الكلمات والتعبيرات والمقصود منها وتوظفه في الجملة حسب السياق، حتى لو هتعرف معنى الكلمة من جوجل عادي لكن ما تاخدش ترجمة الفقرة كلها وتبعتها للزبون
رابعا مش شرط لاب توب ممكن من الفون عادي، وإن كان اللاب توب أريح بكتير في الشغل
ولو عايز تفاصيل أكتر دى صفحة القناة ممكن تبعت عليها أي سؤال: facebook.com/Hassan.AbdElmottalib/
شكرا
بدايه الفديو2:02
عظمة علي عظمة يا هندسه ... عايزين دولارات الترجمة دي
الدولارات في كل حتة مش الترجمة بس ...... المهم بس الواحد يجتهد وربنا هيكرمه
سوري بس عندي سؤال .. لما الموضوع مربح كدا ليه الناس الكتير جدا الي بيسافرو امريكا و انجلترا
مبيشتغلوش فيها !! يعني مثلا هما بيبقوا بالفعل أتقنو اللهجه و اكتسبوا كم هائل من ال vocabularies !!؟
ارجو الرد
أولاً مش اى حد بيتقن لغتين يقدر يترجم إلا بعد فترة تدريب، زي بالظبط ان مش أى حد مصري مثلا يقدر يكتب مقال كويس باللغة العربية الفصحى اللى هي لغته الأصلية (لازم تدريب ودراسة للغة العربية وقواعدها كويس)
ثانياً الترجمة للغة العربية في دولة واحدة هتكون كميتها قليلة لكن ميزة العمل الحر انه مش مقتصر على دولة واحدة وان الواحد بيشتغل مع ناس من جميع دول العالم
ثالثاً فيه ناس فعلا اشتغلت في الترجمة عادي جداً ، منهم مثلا واحد اسمه كيميا وعنده قناة كبيرة عاليوتيوب وبيتكلم عن الموضوع
لو كان الكلام ده صحيح لي النااس إلي ميجيدوا اللغه ميعملوش كده
اخي هل عندك علم بموقع يقوم بترجمة او عرض مرادفات للمصطلحات العربية في مجالات متخصصة مثل الاقتصاد والادارة الى اللغة الانجليزية. لاني اجد صعوبة في ايجاد مرادفات لتلك المصطلحات وقوقل غير مضمونة ؟؟؟
Glosbe
ازاي اعرف انه جاهزة اني اشتغل ف ترجمة فريلانسر ولو مش جاهزة ازاي احسن من نفسي ف الترجمة وهل يوجد ترجمة طبية لاني ف كلية طب وحابة استفيد من معرفتي ف مجالي
لسه من قريب بدأت أفكر في الترجمة الطبية هل حضرتك وصلتي الحاجه؟
انا لسه بادئ دلوقتي افكر في الموضوع ده.. وصلتوا لحاجة؟
@@zeyadhamada7167 لا للاسف أجلته لامتيازي لانه عايز وقت بس حاليا بذاكر واحسن من لغتي الانجليزية وناوية اخد كورس ابن سينا من خبرة صحابي فهم بيشكروا فيه جامد دا اللي بعمله واللي ناوية عليه @D/Rewan Elmorshidy
@@gehad1418 تمام شكرا جدا على اهتمامك ربنا يوفقك ان شاء الله❤️
@@zeyadhamada7167 الشكر لله ربنا يوفقك
انا ماعنيدش شهادة بس أحكي تركي وعربي ونكلش هل أستطيع أن أقدم على وضيفة في أي شركة
هو مش تقديم في شركة
دة عمل حر
أقصد اني لا أريد أن اعمل مترجمة حرة إذا أردت أن اعمل في شركة هل يقبلون بي بلا شهادة
لو سمحت بيقولوا المنافسه قويه جدا جدا جدا ع المواقع دى وبيقولوا ان الربح منها مش سهل بمعنى لو انا ألسن سنه اولى ونفسى أشتغل واكسب فلوس هل هينفع ولا لازم تدريب برا وكورسات
فعلا المنافسة قوية وفعلا الموضوع بيحتاج وقت ومجهود
لكن طالما فيه ناس قدرت تشتغل كويس وتكسب يبقا أى حد يقدر عادي
وبالنسبة للمستوى أنا معرفش انتى محتاجة كورسات ولا لا ... هو المهم ان مستواكي يكون كويس بصرف النظر واخدة كورسات ولا لا
شكرا لردك
اللي عايز يبقي كويس اوي فالترجمه يعمل ايه
Adjust your attitude
وياريت لو حضرتك تقول امثلة لبعض المواقع وتعملنا فيديو كمثال
ايه أكثر اللغات المطلوبة لو سمحت
كل اللغات مطلوبة وليها شغل
لدي لغة تركية هل يمكنني العمل بهذه المنصة؟
أكيد
ترجمة الايطالى الى عربى او العكس مطلوبة ولا لأ ؟
أكيد مطلوبة بس طبعا مش زي الانجليزي
ينفع اشتغل ف كذا موقع ف نفس الوقت
أه طبعا عادي
80 الف دولار في السنه ولا شهر😂
ترجمة من الفرنسي للعربي مطلوبة و للا وايه المنصات لي فيها بكثرة
مطلوبة طبعا
وأهم المنصات هي freelancer و upwork و fiverr
هل يمكن اعمل مترجم وانا ما عندي دبلوم
عادي مش مطلوب اى شهادات
@@Hassan_AbdElmottalib طيب اذ كان مستواي عادي يعني مش فلونت
طيب هو انا ممكن اشتغل من على التليفون عشان مش عندي كمبيوتر اتمني حضرتك ترد
اه طبعا عادي جداً
فيه ناس شغالة معايا من على تليفوناتهم وجودة الترجمة بتطلع كويسة كمان
طيب كيف اسحب المصاري بعد ما اكسبه
فيه طرق كتير منها باي بال وبايونير والتحويل البنكي على حسابك المحلى
@@Hassan_AbdElmottalib هل حقا يمكن الربح من هذا المنصات
الذكاء الاصطناعي خربها خلاص 😂
قصدك ف مواقع بتترجم هي و ترجمة َمش حرفية
ممكن رقم تليفونك
كلميني عالصفحة دى
facebook.com/Hassan.AbdElmottalib?mibextid=ZbWKwL
السلام عليكم انا خريجه آداب انجليزى قسم لغويات و ترجمه بس بقالى عشر سنوات في البيت عندى ظروف تضطرنى اشتغل من البيت تنصحني اعمل ايه
وعليكم السلام ورحمة الله وبركاته
هتعملى حساب على اى موقع للعمل الحر زي فريلانسر وابوورك وفايفر وخمسات ومستقل أو عليهم كلهم وتبدأي تشتغلى في مجال الترجمة أونلاين من البيت
ولو محتاجة تفاصيل اكتر دة رابط صفحتنا على الفيس بوك:
facebook.com/Hassan.AbdElmottalib
@@Hassan_AbdElmottalib كنت بفكر اعمل قناه يوتيوب ايه رأيكم
فكرة كويسة بردو
الشغل كتير والأفكار كتير بس كله محتاج صبر
@@Hassan_AbdElmottalib جزاك الله خيرا و بارك لك في عمر
@@Hassan_AbdElmottalib يعنى ممكن اعتمد على اليوتيوب كدخل و ممكن تعرفني نظام الربح منه ايه بعتذر عن الاطاله