شوربة السي فود أحلي من المطاعم هتجربوها بأسهل طريقة وبدون تعقيد..!!؟؟
Vložit
- čas přidán 22. 08. 2024
- ▶ المقادير:
1 بصل مفروم
ملعقة صغيرة ممتلئة ثوم مفروم
كابوريا / جمبري / بلح بحر
سمك فيليه / كاليماري
جزر / كرفس/ كرات
نصف ملعقة صغيرة فلفل أبيض
ربع ملعقة صغيرة كمون
ملعقة ملح حسب الرغبه
4 ملاعق عصير طماطم
نصف كوب حليب+ ملعقة كبيرة دقيق
كوب كريمة في حالة الرغبه بتحضير شوربه بمذاق الكريمة
------------------------------------------
أدواتي❤️ c8ke.com/hebaa...
------------------------------------------
الانتساب إلى القناة للاستفادة من المزايا:
/ @hebaaboelkheir
----------- OFFICIAL ACCOUNTS --------------
FACEBOOK
/ hebaaboelkheirofficial
INSTAGRAM
/ hebaaboelkheirofficial
______________________________________
TikTok
/ hebaaboelkheirofficial
______________________________________
sister's channel ❤️ / @user-am8era8bolkair8
______________________________________
Contact & Support:
hebaaboelkheirofficial@hotmail.com
احنا ف اسكندرية في مرحلة تحمير البصل بنضيف فصين مستكة ومعلقه دقيق بحيث يعطي سماكة خفيفة الشوربه
انا بعملها كده
ممكن تقولي الطريقة بالظبط
الله يسعدك قوليلي الطريقه باالظبط
همه الاسكندرانيه اللي بيفهمو
وانا بعملها بمستكه بردو
بعملها دائما بس بزود ورق لورا وحبهان بيبقي جميل جدا
وبشوح مع البصله جزرة مبشورة بدل السليمه
والكرفس بقطعه صغير خالص وبحط رشه منه في الاخر مع الكريمه بيبقي تحفه والله
وبعدين معلش نصيحه والله
جربي تشوحى الكابوريا والجمبري والجنوفلي الاول
وبعد كدة السبيط وفي الاخر الفيليه
هيديكى طعم احسن و هتضمنى أن الفيليه ميتهريش منك
جربيها وصدقينى هتدعيلي والله
والتوم مش بشوحه مع البصل
جربته مره حطيته مع الكابوريا والجمبري من غير تشويح
طعمه فرق جدا وريحته تجنن والله
أنا كمان باعملها كده زيك
بتقعد قد اي في الشوربه عشان تكون السمك استوى
انا برده تستغربت ازاي الفيليه قبل الكابوريا
طيب ممكن الطريقه بالظبط لو سمحتى
ممكن تقوليلي الطريقه بالظبط وتسلم ايديكي
ربنا مش ناسي عياطك لوحدك وانت بليل ولا ناسي كسرت نفسك وقله حيلتك ولا ناسي وجع قلبك لوحدك كل يوم ربنا هيعوضك عن كل الأذي والوجع ده بس أنت قول يارب..
يااااااااااارب
@@wessamshaheen86 يارب
يااااارب يا كريم
ياحبيبي ياالله
يااارب
انا من اسكندريه بشوح البصل والجزر والتوم وبعدين بنزل الكاليماري او السبيط وبعدين الكابوريا والجندوفلي ولما يستووا تماما بنزل الجمبري اخر حاجه لانه مبياخدش وقت وبنزل كوباية مرقه سمك ولبن واخر حاجه الكريمه وبس وبيكون طعمها تحفه
هم هم هم. اللة
ممكن طريقه الشوربه
بتحطى دقيق ع اللبن ؟
@@kholoudahmed7524 لا
طيب لو مش عندي شوربة سمك
جميله جدا انا من السويس ونفس الوصفه اللى بنعملها بس ياريت تستبدلى معلقه الدقيق بمعلقه نشا بتقرق كتيرررر ولك كل الشكر وخاصه لو مكرونه بالسى فود بتبقى تحفه 🌹
عملتها بالنشا فعلا كانت تحفة شكرا جداااا
الفرق في اي القوام بيبقي اتقل يعني من الدقيق
@@user-kg4ie5hh8f ف الطعم
اذوب النشا الاول في المياه الأول
@@user-ek7pt4oz8y لا في حليب أفضل
هو اللهجة المصرية فيها سحر؟ ماشاءالله 🌸🌸 ربي يسلم ايديكي 🌷🌷
حبيبتى كلك ذوق
أنتى الأحسن حبيبتى❤
كلك ذوق تسلمى
هى الى صوتها ساحررررر
@@user-gj9qo6ow7p تم ياقلبى رديها
تحفه طبعا ابقي جربي اللبن البودر بدل الكريمه تحفه ااووووي وبيدي نفس التيست أو احلي بس حطي مثلا علي الكميه دي 6 ملاعق كبار
ازاي
ما شاء الله ع الهدوء والروقان وصوت الرقيق ياهبه وتسلم ايدك ع الطبخه وبتشرحيها باسلوب جميل استمري ولك مني اجمل تحيه🌹🌹👌🏻
عملت السينابون طلع تحففففففففففه
عايزين حمام محشى فريك بالله عليكى😘😘😘😘😘
بجد احلى هووووووووبه فى الدنيا❤️❤️🌹🌹🌹
واحنا عاوزين الحمام والديك الرومي عشان رمضان
أشهد أن لا إله إلا الله وحده لا شريك له له الملك وله الحمد يحيي ويميت بيده الخير وهو على كل شيء قدير وأن محمداً عبده ورسوله صلى الله عليه وسلم سلاما تاما
تسلم ايدك جربتها فعلا وكانت وهميه كل اللي اكلها فضل يشكر فيها اوي تسلميلي يارب يا وش الخير انتي
تسلم ايدك يا فنانه انا بعملها من غير بصل بحط توم بس والفيليه بحطه في الاخر عشان مايتهريش
يا ست هبه
في ظل الانهيار الاقتصادي و انهيار الجنيه و انتشار الفقر
طبق مثل هذا اصبح من رابع المستحيلات لمعظم المصريين
بيبقى فى طبق جاهز عند محلات الاسماك طبق سى فود مش بيبقى غالى بتاخديه وتعمليه فى البيت
نفس طريقتنا في بورسعيد بس بكلوويز احلي من بلح البحر وبنضيف كرفس وممكن بطارخ في موسمها هذه الايام وفي الاساس بدون كريمة اما حديثا بنعملها بكريمه اوحبه بشاميل خفيف
عملتها النهارده وكانت تحفففففففففة التحف كلها بصراحه ولا اجمل ولا اطعم ولا اروع من كده انتى ما شاء الله عليكى مبدعه ربنا يخليكى لينا ❤️❤️❤️
عملتي كل كميه السمك الفيليه ولا استغنيتي ع حاجه
@@makkah9310 انا عملتها ب سمك فيليه واحد وكانت رهيبه بجد تحفه واسهل شوربه وفعلا شوربه سى فود
اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
بالبداية تسلم ايديك 👏👏
شو هالصوت وطريقة الالقاء روووووووعه 💯💯💯💯
سوري من هون
تحياتي من ارض المهجر
واحلي شابوه 🎩🎩🎩🎩🎩
ارجو من الجميع الدعاء لاخى المتوفى
الشهيد محمد صابر القمصانى 💔
الله يرحمه ويغفرله ويجعل مثواه الجنه ويصبركم يارب اتمني تدعمني وتشتركي ف قناتي الله يسعدك
الله يرحمه ويغفر له ويسكنه فسيح جناته ويلهمكوا الصبر علي فراقه
الله يرحمه ويغفرله ويسكنه فسيح جناته
ماشاء الله مبدعه كالعاده ياريت تجربي تحطي رشه جوزه الطيب بتكون رائعه معاها وكمان جربي تقلبي الكابوريا وبلح البحر مع البصل الاول لتعطي ريحه وطعم رائع انا من السويس
صوتك مفيهش نشاز مشاءالله انتي فنانة طبخ ❤متابعه جديدة من 🇲🇦
يع
لا اله الا الله اللهم صل وسلم وبارك على سيدنا محمد وعلى محمد استغفر الله العظيم اتوب اليه لا اله الا الله
بصراحة أنا عملتها على طريقتك 4 مرات و كل مرة تطلع احلى من اللي قبلها بس أنا بحب انها تكون اكتر كريمي مش سايلة زيك و تطلع تجنن ❤ شكرا بجد
طبق كلاسيك اورجينال .. فخم جدا ورائع 5 نجوم .. تسلم ايديكى وعنيكى يا هوبه يا حبوبه .. الوصفة حلوة قوى والطريقة بسيطة وسهلة .. الطريقة والشرح إحترافية .. للموهبة المعجزة المبدعة سندريلا المطبخ وساحرة القلوب والعقول ونجمة اليوتيوب .. 🌷🌻🌹⚘🌷🌻🌹⚘😞😙😍😘💚💙❤💟💜💛👍👍👍👍👍👍👍👍
تسلم ايدك يا هبة على كل حاجة بتعمليها وعلى تعبك معانا وتوصيلك المعلومة والشرح المفيد بصوت هادى وجميل شكرا مرة تانية انا سنى كبير وجدة والله العظيم اتعلمت منك حاجات كتير بحبك فى الله ياهبة
ممكن تبدلي عصير الطماطم بالهريسه العاديه مش الحاره هتدي اللون الاحمر و طعم كمان جميل
انا عمري ٧٣ سنة اسكندرانية واموت في طبخ الاسماك
انتي استاذتنا
الاول تسلم ايدك نشوح الكابوريه الاول و بعد كده بلح البحر وبعده الجمبرى و اخر حاجة السمك علشان السمك ميتهريش اسماعيلية تحياتي😍
احسن ناس وبجد نفسي ازورها جداااا ❤️
كلامك صح وتحية للكل
تسلمي وعاشت يداك يا عمري والله انطيج الف لايك على صوتك المريح وترتيبك ونظافتك وخطواتك عذرا لان البحريات منحبها تحياتي لك من 🇮🇶 العراق الحبيب 🌴 🌴 🌴 ❤️ ❤️
ماشاء الله عليكي صوتك بيحسسني بحلاوة طبخك .بحس براحه وببساطه الطبخ.ربنا يوفقك .انا متابعه جديده.
عملتها على الفطار وأ تهرت شويه كانت جميله
صوتك وطريقتك زي بسنت نور الدين بالظبط وانتوا الاتنين محترمين وطريقتكم حلوه جدا
بجد تحفة تسلم ايدك اول مرة اعمل السي فود ونجحة بجد متشكرة جدا كنت بخاف اعملها وانتى شجعتيني💟💜💝
اتمنى تنوروني في قناتي
انا من السويس وبقولك انتي استاذه واستحاله حد يقدر يعدل عليكي انا النهارده بعمل طاجن اللحمه بالخضار في الفرن بالعجين علي طريقتك والريحه ماشاء الله قالبه البيت وبعمل كيك الافران علي طريقتك ودي تاني مره امبارح عملت الارز بلبن وكان عندي ضيوف وعجبهم مووووت لدرجه انهم اخدوا اكتر من طبق
تسلم ايدك انا بعشق وصفاتك ديما بعملها جزاكي الله خيرا
انا كنت بدور علي فيديو ليه اعملها ازاي لقيتك لسة منزلاه وابسط واحسن وصفة والله شكرا ليكي💙💙
مقدر امسكها كيف أكلها بس انتي ررررروعه والله
ياريت تصلوا ع الرسول صلى الله عليه وسلم
اللهم صل وسلم وبارك على سيدنا محمد وعلى آله وصحبه وسلم تسليما كثيرا الى يوم الدين
حلوة قوى انا بعملها كدة بس انتى حطيتى طماطم وعجبتنى الفكرة هجربها بالطماطم تسلم ايديكى❤
صح كلامك اهم حاجة في السي فود النظافة انا مبسوط انك أظهرت الجمبري نظيف من ظهره وشليتي الخط الاسود دلوقت انا حاكون واحد من المعجبين بيكي شكرا. والطباخ بتاعي الياباني. مبسوط هههه
ممتازة انا نعمل عضم سمك و قشور جمبري و جزر و بصل و كرافس يسلقو كلهم وبعدين اعمل بيه شربة و احبها ثقيلة شوية
انا عملتها وهو الفيدو شغال وطلعت روعه
تسلم ايديكي
تسلم ايدك ياهبة يا حبيبتى ربنا يوفقك انتي انسانة جميلة ورقيقة وأسلوبك حلو جدا وشجعتيني أفتح قناة واقدم فيها وصفات بنفس أسلوبك الجميل ده وربنا يوفقنا جميعا يارب
ممكن تبادل
انا بعملها بنفس الطريقة بالظبط وفعلا تحففة
تسلم ايدك وبالهنا والشفا حضرتك ممكن تعملى الارز البسمتي البنى بالقرفة والسكر المكرمل بالطريقة المميزة
السلام عليكم ورحمة الله وبركاته
بكل صراحة مبدعة وصاحبة ذوق
بالنسبة للمأكولات البحرية في البهارات أنا أتضامن معك بالنسبة للبهارات قدر بسيط حتى نتذوق الطعم الذيذ للمأكولات البحرية
ونستلذ بنكهاتها الذكية وبالتقديم على المائدة
سبحان الله البشر أذواق متعددة منهم من يتقبل الخضار ومنهم لا .ومنهم يتفنن بالخضار بتقطيع يبدع فيه ويزين الطبق
كل شخص حسب مايحب .
بس الصراحة ماشاءالله عليكي مبدعة وتراعي الأكلة الطيبة .
وهذا ليس غريب عن مصر أم الدنيا بلد الكرم والطيب والذوق لكي كل الشكر والتقدير والإحترام ولمتابعينك الكرام وأسف إن أطلت بالكلام ولكن الطعام ذوق وقليل في زماننا هذا يحب أن يتذوقه .
حفظ الله مصر الكريمة وأدام الله عليها الأمن والأمان قيادة"وشعبا"ومن سكن فيها وهذا أقل مايمكن أن نتكلم به وندعوه لكم من قلب كل سوري أكرمتوه في بلدكم الكريمة .
دمتم جميعا"بخير وبحفظ من الله الكريم
لو سمحتي في الدقيقة 3.17 ظهر في المقطع بعض الروبيان عند سلقك للخضار وقطعة من السمك هل هي سمكة التونا
ممكن حضرتك تعلمينا ازاي نعمل وجبة كامله.. يعني انا عملت صينيه سمك الوقار كانت روووووعه بس معرفتش اعمل جنبها ايه نوع رز ايه وسلاطه ايه؟ يعني ياريت حضرتك تعملي الوجبه كامله متكامله معلش😂انا عملت برضه النجرسكو.. والفراخ المشويه المحشي وسلاطه الرايتا.... بجد بجد بجد روووووعه ربنا يباركلك يارب ❤
ممكن تكتري شوية خضار مع صينية السمك وتقدمي جنبها رز بسمتي
انا عندى قناه وعملت وجبه كامله ارز وشوربه وجمبرى ولسه هنزل الجزء التانى ممكن حضرتك تنورى هى اسمها nomi kitchen
ياريت تنورونى
ممكن تبادل
ممكن تنورينى ف القناة وليا كل الشرف وعندى طريقه ساهله جدا لارز الصياديه👌
احنا فى بورسعيد بنحط لازم مستكه قبل البصل على طول ومش بنحط فيها جزر كرفس بس ومش بنحط فيها لبن
انا عملت الشوربه ع طريقتك يا شيف هبه وبجد طلعت تحفففه..تحففه وكانت اول مره ف حياتي اعملها اصلا ...بجد تسلم ايديكي وربنا يبارك فيكي احنا دايما بنتعلم منك كل جديد وجميل والله..ممكن بقي طريقه حلوه للجمبري البانيه عشان يتعمل سندوتشات..ممكن
🎉
بجد مش عارفه اشكرك ازاي طلعت حلوة جدا ..وطىعت حلوه من غير اللبن ..جوزي بيحبها من غير كريمه ..شكرا جدا
اكيد حلوة من قبل ما اجربها الله يصلح مابين ايديكى
تسلم ايد حضرتك وتمتعينا بكل
بكل شي جميل وراقي
شكرا لحضرتك استاذتي الفاضلة مع كامل احترامي وتقديري الشديد لحضرتك وقناتك المحترمه 🌷🌹💐👍
الكارى الهندى الاصلى ده اساسى فى السمك بانوعه والرزمارى
تسلم ايديك انا بعملها بنفس طريقتك وبتكون روعة بس انا ببشر الجزر واقطع الكرفس صغير وبيكون باين في الشوربة بيعطي شكل حلو للشوربة عند التقديم
الله عليكى بجد ربنا يوفقك كل حاجه من ايدك بجربها تطلع تحفه❤️❤️❤️❤️
انتي سكر و وصفاتك سكر و صوتك مُريح اوي ما شاء الله عليكي 🌹😍
تسلم ايدك .. لا انا بسلقهم نص سلقة و ارمي المية الاول ... ( غلوة بسيطة ) ... بعدين بشوح السمك الاول و اشيله علشان مايتهريش .. بعدين القشريات ... واما تدخل في السوا بنزل الاسماك .. و الشوربة ساعات بتبقا شوربة عادية او مية مع معكب مرقة خضار وعليها رشة توابل سمك بتبقا نفس الطعم ... و بضيف حبهان و فص مستكة دا ضروري جدا .. و بعملها اتخن من دي شوية , بزود الدقيق عن كدا و ساعات معلقة نشا صغيرة كمان
تسلم الايادي علي الذوق الراقي شكرا جزيلا علي كل ما تقدمه لنا ولك مني الف تحية وسلام 🤲♥️🤲
بقولك بنسبه لريحه كابوريا اضيعها ازاي
تسلقي وترمي المية يعني ما بقاش فيها طعم
تسلم ايديكي حبيبتي على الشوربة الرائعة..عمري ما عملت شوربة سي فود وكانت مظبوطة زي طريقتك..انت جميلة . وتقدمت الوصفة بكل سهولة ..وصوتك هادي ..وشرحك مرتب. وانت جميلة الجميلات ..كل وصفاتك رائعة...ربنا يكرمك..تستاهلي كل خير ..دعواتي لك بالتوفيق..أنا دكتورة فاطمة
هبه انا بعملها حلوه اوي انا من بورسعيد كل أنواع السمك عندي بعملها صريقه روعة وزي بتاعت المطاعم بظبط احلى كمان وانتي كمان طريقتك جميله
ازاي
ياريت تعرفينا طريقتك
shams Hob انا من دمياط وعملتها فى قناتى اسمها nomi kitchen وكتبت الطريقه فى تعليق لهبه
طيب قولي طريقتك يا قمر
انا من السويس وبقولك ولا اروع من كدا استاذة ربنا يحسن ما بين ايدك ودايما في تقدم ❤❤❤❤❤❤❤
تسلم ايدك وربنا جربتها تحفه حاجه كده خيال شكرا جدا 🥰🥰
بعملها كدا بالظبط بس بدل الكريمه بحط حليب بدسمه يعني ب قشطه بجد طعم بشكل لا يوصف
تسلم اديكي جميله جدا وانا من السويس وبعملها كده وانا بحب كل وصفاتك لانها جميله ذيك وشكرا علي كل وصفاتك
جربتها والله تسلم ايدك و ربي يحميك كثري من وصفات مزيان ❤
انتى احسن قناه ع اليوتيوب فعلا ❤️
تسلم ايدك أنا جربتها و طلعت تحفة انا من أشد المعجبين بيكى
تسلم ايدك بصراحه وصفاتك سهله وصوتك حلو وقليله الكلام ربنا يباركلك
مميزة و اكلات ولا اروع و ذوق لا يقوم .
تسلم ايدك اساسي شوربه السي فود تمام مع سعتك بس زياده (طلامه في فليه سمك ) اضافه عظم سلسله السمكه المخليه منها الفليه مع راس السمكه بعد نظافتها جيدا ولانها بها كميه جلاتين بها خصوصا لوسمكه هامور وادعي لي مشرف مطاعم ومصمم ماكولات بحريه بالمملكه جزاكي الله كل خير
أنتي دايما مميزة
بسم الله ما شاء الله تسلم يديك روعه كل سنه وانت طيبه وبصحه يا حبيبه قلبي
ماشاء الله تسلمى أكثر من رائع انتى بتعمل لوحه فنيه ❤
اول مره عملتها بطريقتك كانت ف عزومه وعجبت الكل تسلم ايدك ❤😅
تسلم ايدك تحفة جدا بس بلاش طماطم خالص وشوحى توم بس بلاش بصل وبلاش خضار كفاية الى فى الاول بس فعلا شكلها يفتح النفس والله وتسلم ايدك ❤️❤️
قشر الجمبرى أنا باعتبره ثروة قومية وبدلا من غليه ورميه بعد الغل اقوم بتجفيفه فى فرن البوتاجاز دون أن يحترق ثم تنعيمه فى المطحنة ووضع بعض الملح والبهارات عليه وحفظه فى برطمان صغير نظيف فى الثلاجة ... هنا ممكن ناخد كمية بودرة ونضعها فى الشوربة أو ناخد منه عند عمل الأرز الصيادية بطعم الجمبرى
من الممكن أيضا فى هذه الوصفة وضع بقايا واشواك السمك لو لم يكن (مخلى) عند عمل الشوربة... شكرا جدا لك
عملتها وطلعت رهيبه
عليه أفضل الصلاة والسلام عليك يا حبيبي يا رسول الله
عملتها حلوه اوي تسلمي حبيبتي
واللى مش عندو قشر جميرى
تحياتي
اكثر ما يعجبني بفيديوهاتك انها مباشرة وواضحة لا ثرثرة فيها واسفة لهذا التعبير حيث نجده بفيديوهات اخرى مملة ارجو ان تستمري بهذه الطريقة
وصفاتك ممتازة تناسب كل الاذواق في كل الدول
تسلم ايدك حبيبتي انا عملتها النهاردة على الفطار أكثر من رائعة ❤️
تسلم ايدك جميل وانتي جميله كلك ذوق واسلوبك بسيط وشيق ❤
ماشاءالله شاطرة وكل وصفاتك جميلة وكلها بجربها 😘
ممتازة يا هبه تسلم ايدك وعينك 👌❤حبيبتي احنا فى اسكندرية بنضيف بس عود كرفس
ممكن طريقه تنظيف الكابويه والجمبري وبلح البحر والكلي ماري عشان مش عارفه انظفه ازاي وأنا لسه مبتدئه في الطبخ بليز
والله العظيم ماشاء الله عليكي انا بحبك بصراحه والله يا شيف وانا لسه عندي ١١سنه وكل حاجه بتعمليها بجربها وبتطلع تحفه. ممكن تعملي فيديو اسأله واجوبه و تظهري فيه. أظهري في القناه لو سمحت. والمونتاج تحفه. انا بقول لكل الناس ولكل القنوات تتابعك والله لان انتي احسن شيف بالعالم. وبتمنى لك التوفيق. بس لو سمحت اعملي اي وصفه بصوتك مش تركبي الصوت ولو فيديو واحد بس. اخر طلب ممكن تعملي جوله في مطبخك
تحفه تسلم ايدك
عملتها بطريقتك انهاردة بس من غير سمك
و اضفت كرفس في اخر غلوة
و أحيانا كنت بزود شوفان نص مطحون بيدي نكهه و كمان فائدته عالية
حلوه اوي تسلم ايدك انا بضفلها سنه جنزبيل فريش بتبقا حلوه جدا
عليه أفضل الصلاه والسلام عليك يا حبيبي يا رسول الله
بجد انتي انسانة جميلة
واي حاجة بكون عاوزة اعملها بدور عليكي بالاسم
تسلم ايديكي كلك ذوق ومصداقية لطريقتك في الشرح 😍😍
انا بحب وصفاتك اوى ممكن تعملى وصفات للاكل الدايت شكرا❤️❤️
بحبك اوووووي ياهبه والله وكل وصفاتك معموله بحب وبامانه انتي رائعه
ياريت تنورونى
انا بنحبك اوي يا احسن شيف في الدنيا والبسبوسه بتاعتك تستاهل احلي بوسه
جميلة جدا جربتها احسن من المطاعم
بجد تسلم إيديك أنا عملتها وعجبت جوزى وأولادي جداااااااااا شكرا
هو ينفع القاروص اخليه واعمله فيليه فى الشوربة مع الكالامارى والجمبرى
جربتها تحفه خالص
بجد جميله جدا انا جربتها في منتها الجمال تسلم ايدك😍😍
رووووعة كان نفسى اعرف طريقتها هاعمل أكلة سمك وجمبرى بكرة وان شاء الله اعمل الشوربة الروعة دى
انا من عشاق شوربة السى فود بالكريمة وانتى عملتيها بشطارة
هايلة ولسة عاملاها وطلعت تحفة .. الله يباركلك