Vložit
- čas přidán 6. 09. 2024
- #MM #700萬種生活 // 烈佬回家 灣仔江湖過海到大角咀重新生活「以前出嚟行古惑現時出嚟行派飯」
阿力的一撮紅髮在陽光下像火，他端坐在看台上看著球場的人打波，球來球往，伴隨著一些呼喊與碰撞聲，阿力數十年的青春就是這樣在灣仔及修頓球場燃燒過。「那裡大牌檔附近是我第一次『劈友』的地方，大佬一定會讓你試一次（劈友）的，看看你會不會怕，我沒有怕。」阿力指一指修頓看台後的盧押道，70年代是一列大牌檔，他還記得「南記」的老闆人很好會請他們六位一同睡在修頓球場的兄弟吃飯。現時大佬移了民，修頓的兄弟失聯了，阿力猜想不是吃白粉死掉就是老年一身病。「700萬種生活，我的生活是上半生的江湖平淡，下半生的生活精彩。」
█ 烈佬與修頓球場
這個灣仔烈佬的故事，要由當年的灣仔中心，亦是阿力遇到五個小混混同伴和大佬的地方，修頓球場說起。70年代，只有7、8歲的阿力就已經有家不歸每日在修頓球場過夜，跟大佬流連與小混混為伍。「他（大佬）有一天在修頓球場看球，看見我們這些在球場過夜的小朋友，就說『喂，我們去吃飯，去逛街』，我們都只是貪玩就跟去。」雖然沒有說出口，但只有十幾歲的阿力都知道跟大佬去吃飯、去玩，即是跟了他，是他的人。「當時我們會去戲院睡覺歎冷氣，指指個鼻就可以進場，因為那個場（戲院）是我們『睇』的，之後又會去龍門吃飯。」龍門酒樓位於修頓球場斜對面，阿力回憶指龍門酒樓日間是普通人飲茶的地方，晚上就是黑社會的地頭，「我們那時叫龍門客棧，即是講打講殺的地方。」有時吃飯吃到一半，大佬桌上的大哥大電話一響，聽完電話一句「別吃了，走吧」就去「現場」劈友，「大佬說動手就動手，不動就不動，通常都是站在後面『紮個馬』便完事。」如果真的要動手的話，通常都是一起坐車出發，然後有個人負責送貨（武器），見到仇家就衝過去劈，歷時一分多兩分鐘便完了一埸血戰，「打架打不久的。」「龍門客棧」於2009年結業，現址為恆生銀行。
「70年代的修頓球場是個龍蛇混雜的地方。」新亞研究所博士、曾出版《灣仔畫當年》的柴宇瀚道。「龍門客棧」就在修頓球場斜對面，除了有黑社會「打躉」外，地盤判頭亦會在那裡飲早茶
所以清晨6時左右，就會有一大批地盤工人在修頓球場等開工，「亦有熟門路的三行工人會上龍門找判頭，或是互通找工資訊。」而鄰近就有間集看症與戒毒於一身的貝夫人診所，除了很多人街坊輪街症排長龍，還有很多「道友」等派發美沙酮戒毒或者止癮，所以吸引了毒販拆家在那兒兜售生意。阿力說早上6時、9時，下午3時及7時四個時段，修頓球場就變成毒品的交易現場，球場有何風吹草動都可以由在附近酒樓的黑社會支援。而柴博士亦指很多癮君子在買粉後就會直接在廁所內吸食，所以以前在修頓工作的清潔工都是有江湖氣息，才能震懾住癮君子，亦有不少毒品會攝到花槽底等球場內的窿窿隙隙，但阿力自己從來都沒染指過白粉等毒品，因為大佬不准，「我們以前叫四仔，那時找一張錫紙或找個火柴盒用來『追』，不是打針的。」時間再晚一點，修頓球場就是街友睡覺的地方，阿力記得有50至60人在那裡過夜。
█ 水兵與駱克道
跟大佬吃完飯，到下午3時多的分域街碼頭有水兵上岸，阿力他們6人就會帶水兵去駱克道紋身或者酒吧。自小就逃學不唸書的阿力會用僅有的英文，「You」、「Eat」，再加扒飯的手勢，或是「Beer」再加一個灌酒進口的手勢來邀請剛剛下船的水兵到酒吧吃喝玩樂，從分域碼頭將水兵帶到5分鐘路程外駱克道酒吧街。「我們與酒駱克道酒吧的阿姐（大班）熟稔，又給我們六人衣服又給我們六人東西吃，所以就幫幫忙拉生意。」阿力指當時的酒吧都是打正招牌「無上裝」，意即吧女們都是沒穿上衣，「問水兵看不看女，有時帶完路水兵就給十元八元小費，但那時的大班不准我們留在入面看，有時帶水兵進去時偷看。」阿力指除了酒吧，最多的就是魚蛋檔色情架步，翻看70年代舊報紙就發現有近百間。
駱克道的紅燈區可說是百年歷史，開埠初期，港府為設法阻止英兵外逃，除訂立法例之外，亦致力改善英兵的生活環境，當時七號警署現址為一座海員宿舍，又因接近海軍船塢，於是便在在灣仔口建了一座海陸軍俱樂部，接近俱樂部與海員宿舍的駱克道便成為供水兵海員消遣的場所。柴博士指70年代駱克道至銅鑼灣一帶有過百間酒吧，很大程度上外國人對於香港霓虹招牌的印象，就是源於外國水兵的「夜蒲」經歷。阿力指當時的吧女或舞女甚至會特地進修英語及起洋名，開拓客源。
「每晚我們六人會分成兩三人一組跟著『收租佬』，一個晚上走20個場『收數』，一間舞廳營業額平均都有十萬八萬元，雖然這十萬八萬元是我們袋在我們衫袋中，但不會真的是進我們袋的，先替大佬拿著而已。」
█ 紋身、水兵、古惑仔
阿力的胸口前兩臂都紋著充滿江湖味的紋身，「妖仔、妖女、豹、虎以及一個紅孩兒，胸口的妖仔妖女最痛。」駱克道當年會有紋身舖出現，跟酒吧一樣是迎合水兵紋身文化，後來結合東方色彩創出龍虎鳳圖案，一併吸引到本來在灣仔流連的「古惑仔」去紋身，當年江湖上最有名的就是灣仔紅燈區的「新奇」紋身店，而阿力的紋身就是在新奇老闆，他稱為「肥佬」的老闆免費紋上去。「 我一開始都沒有打算紋的，但肥佬叫我紋， 說『你出來混都似樣點』。」他憶述每次喝酒喝到酒酣耳熱的時候，水兵就會想紋身，「酒吧大班說『帶他們上去紋身』，我就帶他們上去紋身。」阿力還記得每次上到「新奇」都會有很多人坐著輪候，肥佬通常買了阿力六人份的長麵包給他們吃，「肥佬人很好，不過現在都已經過身了。」
█ 飄泊的前半生
直至60歲前阿力都沒有一個家的概念，在灣仔過著三十多年的露宿生活，，不然就是在監房內過日子，他由17歲開始被判入勞教中心，有時日子真的難熬，他會故意犯法坐監，「就這樣走入超級市場，一排朱古力都是三個月。」，至今出入監獄40多50次，人生有最少20多年都在監房內渡過。「放（監）出來的時候我都會回到修頓，因為他們（兄弟）都在那裡，或者有時會在監房內遇到他們，犯小事會判的監房來來去去都是那幾個。」判監刑期最短的試過是亂拋煙蒂故意不繳罰款的三個月，「警察都認得我的，有時犯了小事前門入後門出﹐灣仔警署的廁所在後門，會叫『去後面去廁所』，這樣就知道是叫我走了。」最長的刑期則是六年，是在卡拉OK消遣時與人衝突錯手打死人被判誤殺。那次在酒吧包廂，隔壁有醉漢衝進來，胡裡胡塗開口就罵髒話，逞一時意氣大夥隨手拿起酒瓶煙灰缸就往醉漢身上砸，不消兩分鐘的圍毆就把醉漢砸死，回過頭來的時候同夥已經全都走光，警察趕到就將他拘捕。「不狠心不行，打架不是你死就我死，那時打架沒人情講，斷手斷腳都是這樣。桌面有甚麼一拿起就打頭，這是一定的。」
█ 回家的下半生
「這裡是蘭杜街，我們叫作爛賭街，人們在這裡賭十三張、十五胡，每逢賭馬這裡就坐滿人。」阿力站在他兒時舊居的門口笑道，他從前坐在這裡的板間房，現時唐樓已經變成光潔明淨的商業大廈。阿力蘭杜街的兒時舊居離修頓球場只有約5分鐘的路程，但他都是不回家，寧願與修頓兄弟過著餐風露宿的生活。「覺得在街睡比回家開心，以前我爸爸行船只有媽媽管我，我媽又常常拿藤條打我，又要做散工常常不在家的。」阿力可能一個月可能會有一兩次趁媽媽不在時偷偷回家，看看有甚麼東西可以拿出來與修頓兄弟分享。「有飯吃就六人一起吃，有衣服穿就六人一起穿。」
在監房的二十多年時間中，阿力見不了媽媽最後一面，放監的時候，大佬移民了，修頓的兄弟不是吃白粉死掉，就是中風一身病。「去做替工自己搵自己食，洗碗、清潔、掃垃圾、洗衣房，甚麼都做，過得一天就一天。」三十多四十歲時沒再跟大佬兄弟一起混，但仍繼續露縮街頭。大約2000年的時候灣仔老地方不准再讓人露宿過夜，於是在搬去跑馬地行人隧道的時候認識到同路舍街訪的社工，更被他們所打動﹐大約3年半之前成為了該機構的全職助理，再在大角咀租了一個單位，領養了一隻叫作「阿花」的狗狗，在60多歲的時候有了自己的家，亦有等自己回家的阿花。「我現在喜歡喜到這個家，有阿花等我，我當她是女兒一樣，一個月帶她洗澡一次，要800元。」基於阿力的街友背景，阿力全職助理的工作職責主要與協助街友有關，包括購買及派物資，跟著阿力採訪走在大角咀的街頭時，走過一兩條街就會有街坊及街友向阿力打招呼。「以前『出嚟行』是做古惑仔，現時『出嚟行』是用個心出來給街友，『行』的意思就是派物資給街友。」阿力現時都會懷念灣仔，「一來是人情味，二來是義氣味，我們以前說義氣的。」阿力在訪問中提過數次，「想好似以前灣仔咁」，「以前灣仔」對阿力而言是大哥、是兄弟、是「出嚟行」的義氣，現時阿力過海了，由灣仔來到大角咀，都能找回以前的灣仔。
策劃：梁中勝
攝影：林亦 葉天榮 伍永健 張志孟
剪接：林亦
監制：林京賢
#灣仔 #修頓 #古惑仔 #街友 #劈友
#梁中勝 #MM_Sam #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 CZcams APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記
阿力的故事令我諗起黃碧雲的《烈佬傳》，場地一樣連說話口吻都好相似，不過阿力沒吸毒又沒販毒，經歷更加暴烈但現時再說出來是淡淡然的感覺，對阿力而言聽起來誇張的生活就是他以前的日常。比起「巴閉，英雄主義，疊馬」，跟大佬更像是一種隨波逐流的生存手段，以後的每一步，劈友、收數或是入獄，每個分歧選擇都自然發生。除了阿力本身的故事，另一個我想做到的就是透過阿力說出當時的時代背景，地區與人物之間的連繫。
如果唔係依家呢個已經睇化左人生既阿力，我驚講野直腸直肚既你做訪問會有生命危險😂
@Nig.ger400 你要明白，要鼓勵同埋報導更新人士，唔係用你呢種功過相抵既心態可以解釋
佢既其中一種最大作用，係話比你聽無論你做過幾多壞事，你肯真心去從投社會，都可以作為一個「人」去做貢獻
一個人做既壞事比法庭去判決左而且服完刑，就代表社會制度下佢已經償還左佢既過錯，並唔係你呢D連佢做既乜都未了解過，只係聽到「黑社會」三個字就急住判人地死刑既人可以決定
@Nig.ger400 不如你分享下佢殺左你邊位屋企人
@@gustavewill 高質留言值得貼堂
@Hit The Road 阿力嘅故事我係見到明周的文章發現，因為個篇文章的角度係用紋身切入，我覺得仲有好多空間可以挖掘於是就再聯絡同路舍幫手接觸阿力
浪子回頭金不換，到呢個年紀有狗相伴、有瓦遮頭、有全職工作，通通都得來不易，衷心祝福阿力同埋狗狗阿花以後生活幸福美滿🙏🏻
🙏😇
雖然發生左既事已經改變唔到, 但起碼阿力選擇用行善來充實自己既餘生, 比起當年去劈友, 呢個決定需要既勇氣更加大
劈友大勇氣啲
最後個溫馨小提示笑死我😂阿力個頭仲要好似Yondu好得意🤣!! 好開心見到佢嘅轉變啊～希望伯伯都可以安享晚年💙
真係笑死我. 主持係想佢畀 d 忠告, 吾係點劈法🤣
真系笑死😆
佢可能以为温馨小提示系教年轻人点样劈友
笑死，我大笑左岀聲，真係以為佢會勸下世，點知係教人點劈🤣🤣🤣🤣🤣😂😂😂😂😂😂
笑爆.
我廿幾年前已經喺灣仔經常見到佢，勤力做嘢，熱心幫人！
街坊相認！不過阿力以前個頭好似唔係咁😂
拍得好好，題材好特別，了解到一些平日未必看到的事。希望啊力你人生越來越精彩，加油🫶🏻
雖然他有過凶狠的過往,但從結尾看得出力哥心地其實善良。
祝他晚年幸福!
64歲有了自己的家，找到陪伴自己的阿花，莫名想喊😭
你們的片真的很有質素，各類人物各種題材，真的很有深度。
浪子回頭金不換👍🏻
@Nig.ger400 多次入獄的人更難回頭，這是事實，但也證明其回頭更珍貴。人之可貴，在於其命運之自主性，若判定人性不能改，那不必有教育了。
他是有歷練，有故事既人，同浪唔浪子無關。爛佬比起假正經既人，來得真實。
所以人生一定要學壞入黑社會！咁樣先會顯得自己偉大！
@@bensonyeung2545 ?
佢嘅意思係，走歪左，之後再走返正就抵讚，平平無其，規行矩步，成世人都冇做壞事嘅人就唔抵讚🤔
行錯上半個人生，現在已醒覺是一個大丈夫，呀力💪💪💪加油支持你，🎉祝你身體健康、事事順心、生活快樂😊😊😊😊😊😊
阿力:「多謝大家支持!」
祝福為各街友出力的各位~😄
阿立送飯！一盒充饥！了不起的義工
力哥真係一個很好的榜樣，以前唔生性 ，坐過監，唔代表一切，祝 力哥好人平安
一直都奉行「不要對壞人太過寬容，不要對好人太過苛責。」
烈佬， 值得尊重。感謝mm 訪問佢。希望訪問多啲有故事的人
我都係灣仔街坊⋯⋯呢個訪問睇完有淚光😢
片中麗麗大厦是我故居，嘆今物在人非，已成🐔檔及檔房喇。🥺
上半生嘅江湖平淡,下半生嘅生活精彩-----講得出呢句,證明真係睇透咗自己嘅人生,好正!!
最緊要嘅真係要自己肯幫自己，機會係人地俾但係自己一定要珍惜。改過自新係永遠都唔會遲。
仗義每多屠狗輩，感受過最貼身既刀光劍影同世態炎涼，能夠從中抽身既，可能先係最明白同平等去尊重生命既人
風景，由自己一筆一筆畫出嚟，而重點係知唔知自己想畫甚麼，而阿力係64歲果年想到了，更要讚義工們，默默地付出，默默地為灰暗的基層增添色彩。
力哥加油！你領養的狗狗女兒好可愛
睇完條片 其實你心地善良 祝你同女兒生活幸福美滿
好唏噓，好真實😢多謝個個社工幫助力哥🫰🏻
好中意今集tune出嚟顏色～用淡/灰階的顏色敘述阿力哥過往的點點滴滴 ～真係好似帶咗觀眾返到以前嘅感覺❤️好正 辛苦後期剪接嘅同事🥹🫶🏻
衷心多謝各位社工!!
我細個都喺灣仔大多謝你哋 呢一集好落地 有溫度人情味
見到呢位先生人生咁大改變, 從壞人變成一位善良的人, 人生真的好奇妙, 替佢開心呀
近年我出去遛狗時, 有時踫見阿力, 我們互有打招呼.
祝願阿力永遠健康快樂.
心哋要有幾好嘅團隊，先會花心機去做個shot，用欄杆去遮住街友嘅面口 👍🏻👍🏻👍🏻👍🏻👍🏻
可以面對自己做過的事其實是一件很難的事 祝安好
mm嘅題材好新穎亦好貼地
見到阿力咁大轉變，希望佢可以更好。。。無咩做到，只好祝福佢同佢隻小狗
好鍾意阿力依個故事，用人物故事帶出時代改變
70年代同宜家完全係兩個唔同嘅年代。
出名嘅有心心聯誼會、紅肚兜、藍鑽、輝煌、紅磨坊、金邊門、金像獎，當場搞都唔會有人理。
國際大刀會的古與今
p.s. 勁，未夠一日35萬view
🥶
欣賞力哥
經歷無數
仍然保存一棵善心
亦幸好遇到好心人
幫助
傳奇人生未必係多金多女溝，烈哥也算是一種另類傳奇😎 「體驗劈友」呢個簡直一絕🤣大人細路唔好學啊！
烈哥比我好大感觸
人一直向上追求完美，成日覺得自已冇樣好
但原來你的起點有可能係人地的終點
感恩好重要，足夠生活已經好好，再多當奬勵，而唔係應份
最尾笑死，點解佢個溫馨提示同我心目中諗個個唔同，佢想提人點斬會好啲🤣🤣🤣🤣🤣🤣🤣🤣🤣
為佢喺人生後半搵到愛，人生得到轉變感到高興。
仗義每當屠狗輩，英雄莫問出處，浪子回頭金不換，力哥你好嘢💪🏻💪🏻👏🏻👏🏻👏🏻👏🏻👍🏻👍🏻👍🏻👍🏻🙏🏼🙏🏼🙏🏼🙏🏼
負心多是讀書人..haha
@@booboobearbaby 我係讀書人，70年中五畢業，但我一生見得人，拜得神，唔似而家啲所謂大學生，唔明理，唔孝順，唔愛護自己嘅出生地香港同叛國。😤😡😠🤬
力哥好前衛.其實坐完監再認識監房又認識損友！出完又群番損友之後有坐監察.人每個都有犯錯'知錯能改真英雄!真係要對你敬禮:英雄莫問出處.香港有力哥做好事.多數你.祝福你💪💪👍👍👍👍👍🏆🏆🏆🏆🏆♥️♥️
點樣叫改過？禮拜六買枝旗算吾算做善事？
以前的義氣仔女，那時候生活就係咁樣，沒有多大的選擇，幸好阿力到最後都修心養性，能夠安享晚年
鍾意呢果題材， 係香港某區住耐左真係特別有感情，我港島住左近30年，要搬去其它區都吾慣，90年代的灣仔特別熱鬧，龍門客棧對龍凰印象深刻，太原街附近特別有老灣仔味道，我好鍾意行
楊春雷記得嗎？重有公廁下面食蜆。😂
力哥好嘢💪🏻祝願佢身體健康，生活繼續精彩～多謝mm嘅製作🤍
好攪笑同佢講呢排多咗斬人有無溫馨小提示，點知阿力答無咖，無話教佢咁樣斬咁樣斬咖🤣🤣🤣我當堂笑咗，any肥希望阿力同阿花以後生活愉快，身體健康
wath are any肥？🤔
呢條片好多人睇呀！👏🏻👏🏻👏🏻多謝MM嘅努力，你哋團隊繼續加油👍🏻
力哥嘅人生都好傳奇，真係唔係幾相信今日嘅力哥，變得咁正直同熱心助人，祝福佢身體健康！繼續做佢認為啱嘅事情❤
其實香港地好似阿力遭遇嘅人真係唔少， 但係有幾多個 可以行返轉頭 ，就真係好少 ，香港地少人多，接觸黑社會是好平常的事，尤其是屋村 ，我都是差不多經歷，但冇佢 出入監房咁多次， 做人行返轉頭真係幾難 ，希望大家都有一啲包容心
共勉之
多謝回覆 ，我到現在都戒唔到舖賭引， 見到人哋可以重新嚟過，自己都有啲羨慕
經歷咁多都能夠做返好人真係一個好困難嘅選擇嚟，能夠堅持真心佩服
力哥改過自身，真男人。
當年未出世或太年輕嘅朋友，如果太難想象的話：
銅鑼灣當年就似足宜家曼谷嘅Patpong或Nana Plaza等知名紅燈區，strip club一樣係外面有著但入去就全部半/全裸體，但就乾净少少。但當年係魚蛋檔多過酒吧夜總會幾倍，水兵會去魚蛋檔篤完魚蛋妹先去酒吧。而鋼管舞音樂同常係Jazz Rock，例如Eric Clapton - Cocaine，King Curtis - Wet Funk，等。俾錢就可以帶女女去bar後面嘅房仔研究人體學，唯一唔同嘅就係以前唔需要戴套。毒品就夜晚周街有得賣，相比曼谷宜家就需要識人先買到。
利申：老豆以前70年代喺金邊門，紅磨坊，新月等做過酒保。阿哥97年移民泰國開酒吧。
Thx for info，零零後表示震撼。原來以前嘅香港係咁，真係好似當年啲電影。紛亂而蓬勃，精彩同危險並存，腎上腺素keep住飆升。同而家簡直兩個世界。
得喇得喇,你哋球隊嘅作風喺業餘界都好出名,我完全明白🤣
力哥
你仲响大角咀咩？
定搬左其他地方
我同你响大角咀有幾面之缘
我露宿街頭時你有比個飯盒我食
想揾你或你機構嘅聯絡方式
依家我好左喇起碼有屋住喇可以有能力幫下人
好感動，你可以去九龍大角咀橡樹街29號櫻桃大廈地下，Impacth辦事處搵阿力！或者幫下個到的街友
以人感染人，以生命影響生命，感動 😭⋯⋯
恭喜丶恭喜
@@samleung6959 五該灑
黎緊時間親自過黎報到
能夠記得過往潦倒，今日重生可幫人，抵讚，因為甚多人一朝富貴便忘記往日蔽毅，反面不認舊時人。
每個人去領會生命課題的步伐都不一樣，縱然兜兜轉轉，最後還是有所領悟。在他人看似不堪的歲月，但他的經歷而付出可能比那些平步青雲大半世的人更有價值。
社會上重有好多衣冠禽獸，表面係好人，其實係壞事做盡，賣港賣國求榮者，唔對路就着草去外國做乞兒！
阿力哥好可愛，希望佢人生愈來愈精彩。
最好知錯👍在後半生有幫助積福👍。 年青人行錯都是自己吾行正道，吾吃苦，吾努力做正常工。 由細到大要用腦，帶眼做人，吾好貪心不努而得的野。
我反而覺得阿力可以表達改邪歸正既過程內容唔夠多
或者呀力好耐之前已經行返上正路，所以言語之間都feel到佢對自己變化無乜太大感觸，反而好安於現今既生活
不過就係呢種態度先令到成條片好有感覺
力哥，祝福你！ 希望你未來充滿幸福！呢次係我第一次CZcams 課金，期待MM再出d動人既香港故事。
力哥加油，支持你👍👍
力哥，每個人都有曾經行差踏錯的時候，看到你現在有一份穩定工作，有一個有瓦遮頭的家，真是得來不易，一定要好好珍惜啊
有過去 先有現在 ❤
多謝今日比我地呢個故事
尊重🫶🏻🫶🏻
最後一個問題畫龍點睛😂
好鐘意呢個系列❤拍得好真實
好鐘意mm呢類人物故事❤️
呢個頻道拍d片越黎越高質
優質channel！搵到背景咁有故事嘅人嚟分享
同埋剪輯好好 好有溫馨嘅感覺
令人想一路睇落去佢係點樣改變
5個鐘12萬view，阿Sam勁呀！👏🏼👏🏼👏🏼
多謝Patrick！
行得正企得正，不用再提心吊膽過日子，現在可能靠汗水換來成果，雖然沒有以前那樣輕鬆生活，但小瓦摭頭過得心安理得又未嘗不是一件好事，力哥加油💪🏻
阿力好可愛，感覺到佢對人果份真心
阿力個髮型令我聯想到
紅 色
有 角
三 倍 速
修頓反擊戰
祝福阿力哥，感謝幫助街友同低層人士
最近有看到訪問80-90年代在NYC唐人街的黑社會，他們都是坐過監出嚟、改邪歸正的。當他們談到想當年、感覺都有共通點、他們對友情很真又很單純。聴說新移民、在家沒感受到愛、在學校又被欺凌、所以小學就流連街頭⋯⋯
這個重生，值得欣賞！Mill Milk ,實體披露阿力的傳奇人生，激讚！🦋🦋👏🏻👏🏻👍🏻👍🏻
人非聖賢 有D人既留言真係以為自己有幾好 過去係點又如何 今日既佢係點先係重點 而佢既過去奕不過係一個學壞左少少既古惑仔姐 當年打架唔博命 就交條命出來比人架喇 同埋力哥昨日做自己 今日都係做自己 只係想成為點樣既自己呢個諗法唔同咋嘛 冇話佢今日想做番D咩事黎補救過去
支持你原諒林鄭
@@babyyoda4942 佢跟本唔打算需要你或者我既原諒 什至跟本冇將你同我放在眼內 唔洗睇到自己咁重要
回頭是岸，發現人生美好的另外一面，縱使已到花甲年華，能痛改前非一心向善，為自己餘生劃上一筆美好色彩，其實善與惡只係人轉念之間的事，祝賀阿力未來人生更精彩。。。。。。。
我都去過龍門飲茶！你唔講我都差啲唔記得😂力哥「好掛住以前既灣仔」係…我都好有感覺…好掛住以前既灣仔
記唔記得有雙喜呀，父親死前一日重去飲早茶，翌日消息傳出，報紙檔阿叔話買保險受佢都唔受我媽咪，可想而知好人至好死，死得好快，之前深夜我上瑪麗重可以同佢倾偈，自己去埋大便，吃過午餐才走，所以做人要多做好事，知過能改，知足常樂，方為正道！
力哥好耐冇見喇，原來你過咗大角嘴，祝你身體健康 生活愉快
歡迎嚟我哋中心橡樹街29號搵阿力聚舊！佢都好想見到啲舊街坊💓
反而好尊敬辛勤的社工們 ^^ (力哥好型)
好睇過劉X華電影，我都係灣仔生活咗50多年！聽返阿力講修頓昔日住事
呀力好用心幫無家者 支持呀力 支持impacthk
大大力拍手👏🏻讚賞您地高質素內容兼拍攝得好好！第二個掌聲獻比呀力
支持 呀力雖然行過好多路入過去坐牢但今日有所改變好好
久唔久想聽下你講野 雖然我腦袋10成不可以有記憶但我都想聽下你講野
最緊要搵到生存意義，活得開心
好鐘意呢類型嘅片 加油
浪子回頭，好感動❤
有隻狗狗陪伴
Sam做 人物訪問 進步咗，加油！
江山易改，秉性不難移，决心用後半生彌補前半生。鼓勵，加油!
"對劈友有咩温馨提示"🤣
呀力以為係問緊tips 點樣劈落去….🥲但同時之間，「無溫馨嫁」透露住真實劈過人果種緊張 血腥….
好鐘意睇呢D故事，好寫實！謝謝製作 ：）
國際大刀會下 好快會變番以前既灣仔 ❤
好中意睇呢啲故仔❤
阿力💪從前環境無奈，相信心是善
力哥有冇睇留言？其實你唔洗咁內疚，我相信一個普通人都未必可以控制好自己，更何況以前個個打交都咁狼，保命行先好正常
Glad to see Alec 阿力 has been changed into a meaningful life and a happy career 🎀
Not to mention his lovely dog too 🐕
積極面對才是正確和最大的男子氣概👍
真正嘅浪子回頭金不換 好佩服力哥哥改過自身嘅決心 更佩服佢而家行善為樂嘅精神！祝你好人一生繼續平平安安！🙇🏻♂️🙇🏻♂️🙇🏻♂️
好鍾意MM呢個題材, 好開心睇到力哥既故事, 如果可以描寫多d佢既轉變歷程就更好~
好鐘意睇呢D香港人故事，加油力哥，做人最緊要知道自己要做D咩想做D咩，睇到你由黑社會變到依家做義工感動😢
阿花細個好可愛，大個好靚～～
The 香港!
Interesting!!
Great shooting!
面白かったです😀
睇完條片之後諗起呢段歌詞
（其實中段就有音樂響腦海）……
來忘掉錯對 來懷念過去
曾共渡患難日子總有樂趣
不相信會絕望 不感覺到躊躇
在美夢裏競爭 每日拼命進取
奔波的風雨裏 不羈的醒與醉
所有故事像已發生飄泊歲月裏
風吹過已靜下 將心意再還誰
讓眼淚已帶走夜憔悴……
好一句，上半生既江湖平淡，下半生既生活精彩。
好一個地道情懷👍🏻有故事的人特別好看
呢啲咁嘅人千祈唔好當佢係偶像，佢犯嘅罪呢一世都贖唔完
好有意思既題材，多謝mm!