Video není dostupné.
Omlouváme se.
#MM
Vložit
- čas přidán 18. 08. 2024
- #MM #700萬種生活 // 9歲起做賭仔賭波跑馬打牌無賭不歡 00後上「戒癮島」搣甩賭癮 正生書院由戒毒所變自然學校 學揸船 剪髮 射箭 泥水 365日沖凍水涼 至少2年不得離島 學生曾跳海逃跑 島上禁拍拖私藏零食
成立於1998年正生書院,是不屬政府規管亦沒有正式資助的私營「特殊學校」。以前大部份入讀的學生都是由法庭判進去戒毒,現在大約有3成人因為毒癮,7成是其他成癮及行為問題,包括打機成癮、偷竊成癮、購物成癮、色情成癮等令他們不能自拔,及影響實際生活的東西癮症。
每早9時半,都有一班船由長洲駛進芝麻灣,每星期需入島留夜2至3晚的老師及工作人員,都會先在長洲採購食材及其他生活用品,再坐船入島。10時前,一班曬得一身古銅色的男生已在碼頭等候,將物資搬運上島。
現在正生書院男生有17人,女生有11人,留了最長時間的學生已有5年。老師說一開始進校的學生都覺得渡日如年,人人叫苦連天,後來不少人自願延長在島上生活的日子,希望考好DSE後才出村。正生書院分了男女宿舍和活動空間,每天6時起床,10時前睡覺,一天三餐都由學生根據記錄了餐單的伙食紙自行煮食,早上上堂2小時,下午就有泥水、船務、射箭、剪髮等工作和活動,全方位訓練他們的生活技能。
入讀正生書院的學生最少必須讀兩年,學校會視乎學生的能力和程度,編到不同級別小班教學。在校第一年是學生冷靜反省期,第二年是性格重組,建立正確價值觀。所以大家都說在正生書院,是學做人多過讀書。即使成績達標,如果表現未如理想都要留班。「他們適應不到外面的教育制度,與其在傳統課堂學不了東西,不如帶他們去體驗生活,一來磨練他們的意志,也令他們有生活技能。」傳道人Nick Sir解釋道。
家誠9歲開始無賭不歡,啤牌、麻雀、賽馬和賭足球,更會找家人幫手買外圍。「家人都是接觸賭博多,爸爸一放假就去麻將館打麻雀,喝醉了就會發酒瘋。我身邊同學都賭錢,可能受身邊人影響,我覺得賭博挺刺激,加上自己有種想贏的心態,慢慢成為了習慣,甚至賭到不回家。」
家誠的父母是聾啞人士,因為懂得的手語有限,他自小跟父母只能保持有限度溝通,無法好好表達心中所想。小時候因為媽媽不善表達,有次在餐廳動手教訓家誠時被人看到報警,2歲的家誠最後被法庭判入保良局,自小就在幾家院舍機構生活過。小學時他搬到大澳,跟做食肆的表姐一起住,那時他更是賭到天昏地暗。拿著每星期在餐廳工作拿到的$3,000人工,再趁父親睡覺時從抽屜取錢,在沒借貸情況下維持著每天開賭局。贏錢快感沖昏頭腦,就越賭越順,輸錢也輸得痛快,就是一發不可收拾的開端。「打麻雀贏一天1,000至2,000元都試過,外面有些人叫我『賭神』」。
「很多青少年成癮行為源自於空虛,認為人生沒有意義沒有價值,透過不斷重複某一些行為獲得存在感或快感,但我們就是要告訴你,生活不需要這些東西。」
因為學生背景都很特殊,有因為吸毒、賭博、加入黑社會、打架、援交等而進來的人,這裡的校規特別嚴明。男女生活空間須劃分清楚,不能使用手機,沒有電視和遊戲機,如果做功課需要上網,必須經老師開密碼及陪同。平日娛樂可看經篩選的電影和Netflix,嚴禁拍拖或藏有違禁品,每位入村的學生都不能帶私人物件,島上所用的衫褲鞋襪、生活用品,甚至內衣褲,都由校方中央購買及分發。早年正生學員很多有社團背景或出入過監倉,零食等物資容易成為收賣別人的福利或搞小圈子的利誘,為了避免這種私相授受的監倉文化,平日零食和食物都由物資部中央派發,不能私藏。
「沒有一間戒毒所是會讓你用電話的,因為防止他們跟外界接觸,取得毒品,甚至找人來接應。學校曾經有人試過違規用電話,聯絡某一些壞份子上島,做了一些破壞及偷竊的行為。」但如果長期跟外面世界沒有聯繫,接收資訊亦有限,學生重返社會後會脫節嗎?「我們都是在情況許可下,盡量讓他們跟外界接觸,例如我們會有戶外考察、交流和學界比賽,甚至帶他們去撒哈拉跑馬拉松,亦有報紙、影片及資訊性節目看。」Nick說,外人或者會覺得正生很嚴格,很受束縛,但年輕人學壞的原因,正因為多年來都沒有人管教過。「今天他們進來這裡受訓,是個機會用2年或者4年時間去學好怎樣做人。」
「我們學校性質像懲教院所,但又不完全是。這裡沒有閉路電視,沒有鐵閘,沒有鎖匙,全屬一種信任機制。」然而嚴格而規律的校規和生活,對一批年輕人而言,的確很有挑戰性。曾有同學為了出村而裝作自殺,有人經山路偷走或找人接應,更有人試過跳海游到長洲,最後被海員救起。正生原則是盡力幫助每個人,不過亦規定每位學生只有一次機會,出村後就不能再回來。學生和同工之間矛盾和衝突,是村中每天的日常。
正生書院的老師收入大約只有坊間薪金的6成,島上有原本身高糧準的老師,有工程師轉行進來教書,也有曾經因為吸毒而入正生,畢業後回來執教鞭的學生。老師和同工每星期都要留島過夜數天,比起傳統老師,可說是24小時候命。「生老病死,頭痛頭暈要去醫院,去法庭接同學,輔導聊天,下午一起開工,晚上一起吃飯,沖凍水涼和睡覺也一起。這樣子的生活叫「治療互動」。島上多蛇蟲鼠蟻,日曬雨淋,千奇百怪,在這裡生活我覺得是困難的,你不用最好打,但你要熬得住。」楊Sir如此形容。
80至90年代,香港社團文化興盛,很多人腳踏進了毒海,80年代正生創辦人林希聖在錦田租下幾萬呎簡陋的地方,由接收5位青少年開始做戒毒服務。後來找到芝麻灣的下徑村,遂跟教會合作,正式開辦正生書院。2009年經歷完遷入梅窩廢置學校被居民極力反對的事件,同年又捲入ICAC調查的風波,3年前一度經歷財困現倒閉危機,正生書院多年來跌跌蕩蕩的經歷,就如島上各人大起大落人生一樣。「香港其實有4至5萬適齡讀書但沒進學校的人,有自我排擠或者被人放逐了,其實他們很多都很想再讀書,不過過往環境等限制了他們。我們堅持生活和教育結合,希望給予他們正式學生身份之餘,能讓他們將來重返主流。」
策劃:Phoebe 王秋婷
拍攝:許先煜、蔡政峰、麥志豪
剪接:張妮
監製:陳慧敏
#正生書院 #賭波 #跑馬 #打麻雀 #戒毒所
#戒賭 #賭癮 #自然學校 #芝麻灣 #剪髮 #揸船 #泥水
#王秋婷 #MM_Phoebe #MillMILK
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 CZcams APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
1月跟陳校長入咗一次正生,發現經常聽到但係唔太清楚入面係點樣嘅呢個地方,其實充滿驚喜。
呢度有林林總總 年紀細但經歷五味雜陳的學生
每星期留島3天、人工比出面少幾成的老師
每月只見到小朋友一次的家長
與世隔絕的生活環境
介乎懲教院所同學校之間的生態
嚴厲與寬容、混亂與秩序、叛逆與服從
令呢度的人同事都好引人入勝
今次連資料搜集,前後都花咗啲時間觀察及紀錄,好認同片中林生最後嘅形容
表面青春陽光嘅少年
其實留島日子亦有陰暗又起伏
充滿淚水同掙扎的日常
雖然赤裸,但真摯又耐看
借呢度記錄埋:
-鏡頭前「硬曬軚」、怕怕醜醜嘅家誠
為今次訪問準備咗好耐,比考試更認真
張心意卡睇到我眼濕濕
-新聞台採訪拍攝剪接一腳踢的哲林,原來刀工好叻,煮嘢食有一手
-片中打交時做制服人的子鈞,彈結他聽出耳油
-操到大大隻,剪咗個oppa 頭、對剪髮有執著的子軒係剪髮部刀手,已經留咗5年,今年重考DSE,夢想係入u讀運動,但話如果入唔到開間Salon做全職髮型師都掂,剪頭髮只收$120(仲識彈琴)
-對晶石、地質學好有研究,個人又好環保的柏廸,以前沉迷打機唔返學,入到嚟冇得打機就自己用紙皮整咗好多精美嘅頭盔同槍,畫畫仲好靚
-人細心體貼,幫我剪頭髮的yoyo
-射箭贏咗好多次學界第一的琪琪
-年紀最細,收風最快最準,性格八妹仔但好識照顧人的管家婆嘉靖
佢哋都係班好可愛又多才多藝
各有特質,各有潛能同可能性嘅人
期待你哋打爆機,喺小島畢業果日
注:要鄭重credits兩個拍攝得好投入,喺我唔在場時幫手問問題嘅yuk and manson🥺
仲有用好短時間剪咗條咁長嘅片出嚟的同事🥺今次大膽(又任性)做咗條超過半小時的片,希望唔會嚇親大家,多謝每位鍾意呢個小記錄片實驗的人,令我哋知道長片都有市場同value🤍
條片好好睇,多謝你地帶來既故事!為這個香港社會注入返希望和改變既動力
片中有句:以後係咪見唔到你
剪接同事好避重就輕面對呢句bite,什至講得上剪得好粗暴,但又為內容價值不得不剪入去。
呢一個相信係極之復雜同困難嘅道德問題,究竟點去承受同處理呢一切?
其實係一種罪孽都不為過。
Respect!
多謝phoebe! 多謝mm小隊 ❤
又一條水準爆燈嘅片,真係唔洗講嘢!
感激各位嘅支持, 我係呢條片嘅本人,本人已正式離開正生書院, 對於各界嘅關心,非常感激和感動。觀眾嘅支持,我會努力邁進,創造更好的自己,並且真心悔改,多謝大家
我係陳姑娘呀。之前見到你的故事,好開心你找到一個地方讓自己好好反思生命。希望你一切安好,成為一個善良的人。
@@waichunchan3370 謝謝
你係家誠?
@@user-ld4st4lv6l 你係邊個?
Pt
感謝 Phoebe & teams 再次帶嚟咁高質嘅片。作為正生定期捐款者,都真係未曾試過咁詳細認識入面嘅實況 🙈 呢條片令我更加相信正生係值得香港人支持嘅 💪🏻
多謝KW的支持
想問下點捐,fb有個正生會,係咪嗰個
@@AC-pk5qo 我係經正生書院網站攪嘅,入面亦有詳列各捐款方法。
原來有捐款途道,我覺得捐呢個好有意義同值得
奶嘢了 :0)
幾十歲人,睇到尾真係忍唔住喊,唔係覺得成件事傷感,而係感動。
感謝MM帶我地了解正生同了解一班同學,亦希望各同學,無論在任何地方,時間,都可以發光發亮,謝謝你哋。
誠誠係一個感性既人~~我肯定!!
多謝你
家誠好有禮貌,希望佢再踏足社會時,將佢嘅滿滿自信發揮出來,做人做事都一帆風順💪
影片雖然超過30分鐘,但Phoebe和攝影師們、剪接都好出色,感謝❤一個好好嘅題才,有些位睇到鼻都酸😢
更要祝正生每位同學都有美好嘅將來,亦感謝每位導師和創校林先生的無私付出❤
上鏡喎
To be honest, since he is very focused on his own health. He should try and aim to study and become a sports teacher. Or even a trainer. And study some aspect of his well being.... I can see that his face has some spots. He needs to find out what is causing this and reverse his own health. It is good that he has a focus, but is he able to achieve this as well ? I do feel that, this place has trained them into a new direction. And maybe they need to see a kind of career advisor.. to see what their next path is. What kind of jobs, or what kind of provision etc. What kind of jobs, need what kind of qualifications, or what direction etc etc.
@@MeiinUK wtf they are only in grade / secondary schools... they don't need to see a career advisor or aim to become a trainer etc... in fact, it's kind of fucked up just because of them playing video games, gambling, having sex, etc, they need to be locked up and "trained into a new direction"...
@PAUL IP : Editorial should've edited that piece, cos the guy is still a teenager... and this youtube is a mega global platform. The newspaper agent, has no right to publish this level of details without the consents of the audience globally ? They should've edited this bit out, in all honesty. Or to cut it short like two seconds etc. Whether we also raise a generation of "good" internet citizens or "social media" citizens is down to us to share such details. Cos this wouldn't have appeared in a traditional media station. So why do this on a private basis or otherwise ? They have to take more care.
感激你的支持
今集影片長達 35 分鐘,係我哋一個好大膽嘅嘗試嚟!
直至呢刻,我哋都有啲擔心太長嚇親大家,希望唔會啦!
睇完,一定要用留言話我哋知,呢個實驗係成功嘅!
只要精彩, 35分鐘其實好短 MM=best of the best
多謝MM報導
睇晒全個首播之後,先知道原來已經過左8點!完全唔覺咁長
所以只要有質素嘅影片,長短其實唔係問題!
好好睇,從影片上令自己會思考
之前有d題目太短唔夠喉@@
我都係正生出黎,所以我今時今日用正生教法去教而家啲小朋友
我希望每代細路都可以珍惜係屋企時間,加油啊💪🏾
細然 你都加油💪🏽 from正生同工😊
但千萬不要學 鬍鬚焯 ! 😠😠
非常欣賞林先生的開放態度,不但讓MM拍到學生青春自信的一面,也讓MM來拍他們犯規的情況。人生就是這樣:有美好亦有陰暗,但只要坦然接受,有錯就改正,努力完善自己,就已不枉此生。正生書院是間有心的學校,身體力行造福社會,值得支持!
中學生犯規好正常... 但係呢度d人就好似變左罪犯咁lol
@@jackx123 黎得正生嘅學生經歷都比較多,始終正生除左係學校,都係有接近懲教意味嘅存在,如果一般學校對佢地嘅監管方法係幫到佢地,對佢地有用,佢地都唔會入黎正生。用另一角度睇,正生老師可能就係唔想佢地日後變囚犯,先咁嚴管教。
@@wanki6398 「如果⋯⋯,佢地都唔會⋯⋯」只係你一廂情願。打下機、賭下錢、援下交、shop下ping,日後都變到囚犯?
@@jackx123 至少佢哋出返嚟,分分鐘比你更識做人,入面啲人畢業後都心存感激,就你一個門外漢喺度指指點點紙上談兵扮好了解,批評人教學方式
@@chwconway 你都幾on9⋯⋯講到個個人都有問題教到個個豬咁乖就叫做教學?
以前只有港台睇倒咁既質素既節目。。。真係拍得好好
作為一個曾經係入面生活過嘅前學生,一路睇,一面回憶起自己當年係入面嘅生活,另一面感嘆呢一個地方生活比起從前真係改變左好多。
書院入面嘅生活,的確係一個微型社會。有好人有壞人,有火爆亦有好怕事。
好難得可以係一個地方入面,遇到好多平時唔會遇到,或者係你唔想同佢相處嘅人
令到自己離開左書院,入返社會之後。學識點樣去面對不同嘅人
好感恩自己曾經入住過正生書院。令我自己嘅人生都得到左好大嘅轉變。
曾經一位同工 "當時稱呼老師為同工 "講過,佢話:
「你而家係呢度住,你覺得好"巴",好難頂,好想快啲出村。
但我敢講當你離開左呢度,將來你大個左﹐你會想返嚟呢度。
你會掛住呢度。」
嗯... 盡在不言中。
多謝MM 多謝Phoebe 多謝正生書院
多謝PuiLam分享,你要加油💪🏻
要被社会毒打过,先知世外桃源嘅美好。
人生有一个很吊诡嘅地方:未经历过永远不懂,经历过懂了又无法回头。
再回首已百年身啊
真
So proud of you!
我都係前學生 出番嚟幾年 我當年其實根本未ready好離村 一心淨係想出返去 而家差唔多晚晚都係度諗如果當初繼續留低ready好先走 而家又會係咩出路呢 不過條路自己揀 咩街唔好喊😞
陳兆焯先生在我年輕時讀的中學任教,他帶領的籃球隊,當時在全港校際打響名堂。當年陳先生毅然離開高薪厚職的中學教師,而到正生任教做開荒牛,我們學生及老師無不感到可惜。90年代當時大家只會顧著人工、生活,而陳先生選擇理想。陳先生為正生付出的努力,著實使人敬佩。
祝願陳兆焯校長、正生書院及各員工、學員,身體健康,生活愉快
謝謝MM
香港社會有好多有心人。對年青下一代堅持同付出。比機會他們改過。加油
令人敬佩的陳校長,香港如多幾個這樣的教育工作者,何嘗培養不出優秀人才?
可惜,陈生已經走佬了
ABSCONED WITH TONS OF MONEY!
夢醒吧 !鬍鬚焯處心積慮 部署 搵大錢 , 現成功cap水 遠走高飛 嘆世界了! 😅😅😅 對牠來說 , 之前的 付出及辛勞 , 現在已得到回報了! 😅😅😅 希望牠永遠生活在牠的「樂土」 , 永遠不會有頑疾 , 永遠不用回來香港 這個 牠辛苦生活過的地方。
身為前學員,仲記得以前日日搬沙抬石炒英泥,辛辛苦苦起好個籃球場,可以打波又可以踢波,望住以前最高峰108人到望到依加既人數,再望返以前既個種生活同依加真係好唔同,前人種樹後人收,的確正生既生會同學習係可以令到個人變得成熟,識諗,有啲壞習慣都可以改變,但老實講,住得耐同入面表現好定壞都唔代表出返社會唔會行返舊路。始終現今社會太多誘惑,有啲表現好好既,出返去行返舊路,有啲表現一般既,唔被睇好既人,出返去行條新既路,重新做人。所以畢業出返社會,最緊要知自己想點!錯過就唔好再錯。
冇錯!村內生活只係暫時隔絕外面種種誘惑同壓力,出到去能認真建立番先得
如果經過正生幾年的教導也不能回正途就是可說自尋死路!他自己捱苦不重要,最是痛心是愛他的家人!
多謝你們之前的努力及建造,今天的正生全因一班有心人及你們的支持而可繼續幫助有需要的年輕人。❤❤❤
有一句我好認同
十幾廿年無人管
入黎兩年至四年學做人
行得返正路
兩至四年真係好值得
換句話講, 如果2-4年入面各位同學就可以學翻過去十幾廿年缺失嘅部份, 其實大家都算好叻!
👍👍👍👍👍
我17可不可以讀?
@@JackTonio3938我都想
真係好感動….多謝嗰啲不求回報嘅成年人,將呢啲迷途嘅小朋友係邊緣到救返黎🙏🙏🙏其實每個都好可愛好善良
睇到眼濕濕
@@mm.millmilk 多謝你地真心真意製作🙏
果d老師係受薪,不是不求回報。
@@carriewong9186 你有冇睇內容先…講緊係市面人工6成咋喎 仲要去到咁遠
你鐘意反駁 比你反駁囉如果你開心d
@@mm.millmilk 我响9年前曾積極參與正生搬去梅窩的事。我想問ICAC單官司最後點樣? 因為當時懷疑有人侵吞捐款真係好L嬲。
先前因為工作接觸過依班學生,帶過男仔出去outing。好難得佢地嘅自省能力好高,亦都願意面對自己最脆弱、真實一面。多謝MM再一次帶我去見返依班學生嘅成長
想support MM keep住做呢啲high quality 嘅長片,係呢個咩都要跑click跑views 嘅世界,仲願意花時間做呢種real content,真心respect
感謝Wong San , 有你哋支持會繼續努力做更多好故事💪🏻
各位同學比社會中好多人叻肯改變自己及面對錯誤!多謝書院各導師的付出!大家加油!
💪🏻
點街右唔教到下生佢地嘅負冇呢?? 呢個寫會咁系邊個嘅錯??二前7 80年袋d年青人個個都家勁唔好 環境幅習 冇杯勁家啦但點街右反冇呢d青少年唔入其土問題家呢
🤜🤜👍🏻👍🏻👍🏻👏👏👏
@@cooperdavid7694你寫好啲廣東話繁體字先啦!以前都有好多年青人入黑社會誤入歧途,半年前MM拍既灣仔烈佬阿力咪係
@@cooperdavid7694 紀匙刀油仁唔入其土,重腰既係豬錯能改
家誠幾靚仔😂加油每個人都有迷失嘅時候,只要識返轉頭搵返人生真正目標就可以了💪🏼
最緊要搵得返方向!
相由心生,真係睇得出的。家誠有種純樸嘅正氣同英氣,滿滿正生嘅熱血同歸屬感,加油!
@@ahshuuun 中學生黎咋...
@@ahshuuun 講得好好,真係由心而發,每個學生都好叻
@@jackx123入面個個都揾自己正確方向, 好叻仔叻女。
工作關係有接觸近幾屆嘅正生同學,佢哋好多個都係我接觸咁多人之中最真誠最識感恩既人,好希望佢哋每一位入返社會之後可以搵到佢哋自己嘅方向。好多謝mm將入邊最真實嘅一面拍到出嚟比外界既人睇,睇到最後真係好感動
正生書院好似一間醫院,
每位學生,可以理解為病人。無論基於什麼背景及原因,入得去,正生都會盡全力救治。
作為正生家長,以我哋嘅個人受嚟講:
經歷咗兩年磨練,仍然自願廷長留低的學生,正如家誠、子軒、俊傑……亦包括我嘅仔仔,通常都係願意改變、搵返自己、又搵到目標的年輕人。 正生嘅存在,正係幫助到呢班朋友仔。
BTW, 亞仔已經兩年半無返過屋企嘞,佢話要考完DSE先出村。即係話,最少要住多兩年半。 我哋全家都好支持佢,好高興佢有呢個決定。
亞仔有咁大嘅轉變,好感謝正生書院、一眾同工以及好多默默付出嘅義工!
Phobe 的故事很高質素,片長是想完整地去解釋,一個鐘也不夠。多謝MM😊
唔經唔覺就30分鐘 同好啱一家人食飯睇🧡
老師好有心,唔係單單打工為咗出份糧,而係真真正正希望幫到一班迷失過嘅小朋友,
我一直相信只要唔係做過D傷天害理殺人放火嘅人都值得俾機會改過,
人人都會犯錯,希望及時改過未來做個對得住自己嘅人~~
亞仔很幸運,在最彷徨無助之際,遇上正生。
佢係SEN仔,過度活躍症加上讀寫障礙。 讀主流學校實在搞唔掂!
不斷的挫敗、迷失、逃避......就連佢自己,都覺得唔妥。
1. 渴望友誼,但係ADHD衍生的社交能力障礙,令佢不受同輩歡迎。
嗰份自卑感同孤獨感,連亞媽都戥佢難過。
2. 學業上,填鴨式的教育,就算幾勤力,都係無法應付。升讀中二,中英數卻連小四都不如。
很想努力,但又提不起勁......極矛盾。
3. 打機,算不上沉迷,偶爾偷錢買武器。即使改正,意志力薄弱之下,好快又會再犯。
與其在主流學校hea讀又消磨意志,不如搵間啱佢嘅學校啦!
了解到正生書院可以幫到佢,但係最大的挑戰:要離家兩年,彼此都好唔捨得。
最終,咬緊牙關,將亞仔交俾正生書院。
而家諗返,願意改變並接受挑戰,唔係人人都做得到, 好佩服佢嘅決心同勇氣!
係感動又發人深省嘅一集 38分鐘係新嘗試 但都一口氣睇晒
前「賭誠」咁生性好似個大哥哥咁好勵志
希望所有年青人都苦盡甘來 生活可以重回正軌 開開心心
Thank you MM 辛苦晒
多謝cara個鼓勵!
多謝你的支持
睇完覺得正生應該都教埋啲家長點樣同仔女相處🙏🏻例如會唔會過多嘅批評之類,將來離開學校嘅時候點樣一齊生活都係好大課題🙏🏻希望學生們將來都繼續做一個好人🫶🏻
冇啦 有好多父母都其身不正
@@poeycheung 真系生仔要效牌 唔生唔系最
成年人其實好難教嫁啦
父母先最難教
仲要正生教
叫政府攞開發大嶼山既$教啦
一班導師真係好有heart,佢地為嘅係學生返回正軌
回顧初心,亞仔本着「求變」嘅目標自願入嚟,在學做人方面,佢果然好爭氣,轉變程度令人振奮,用「中咗六合彩」嚟影容亦不為過。
亞仔與學員、同工相處融洽,做事主動咗,有責任心又講原則,仲會自我反省。作為家長,見到孩子有咁大進步,簡直係夫復何求啊!
今年內,我計劃行Steam A去讀書移民。問佢會否同行?亞仔話唔捨得正生,想有更多改變,決定考完DSE先走。我哋當然尊重佢嘅決定,畢竟,學好做人比一切都重要。
最後,再次多謝正生書院,林生、陳校長、全體同工、所有義工,感恩你哋嘅默默耕耘,多年來的無私付出。
當然,仲要多謝你自己,正生每個勇於改變的年輕人!
求上主賜福您們一家!
@@tpgolfnet Thank you and all the best for you.
睇到佢哋就諗起當年因為戒毒入晨曦島,都係咁嘅生活,當年試過3度都係沖凍水涼,仲要係山水流落嚟,真係凍到入心入肺,嗰陣時點樣可以冇咁凍,就係沖涼前跳落海游一陣,適應咗之後再沖山水涼,咁就冇咁凍,眨吓眼過咗20年,當然已經成功戒毒,今年連煙仔都戒埋
家誠 好多人睇好你架❤ 繼續努力
多謝你的支持
有幸參與正生書院新校舍嘅建造工程,幾年間見到佢哋呢班學生不斷進步,每次見面都好有禮貌打招呼,講早晨。希望大家唔好戴有色眼鏡去判斷呢班年輕人,加油。
見到正生書院既學生更應該加分! 因為佢地比普通學生更有勇氣同毅然先可以成功畢業.
見到家誠家長日冇人來探佢,替佢感到難過,希望家誠將來好好做人 自己建立自己溫暖的家。
多謝你的支持
另外,我一直係MM嘅subscriber,估唔到會喺正生相遇。 多謝MM送蛋糕俾亞仔,佢仲話:MM的哥哥有教佢剪片,好多謝你呀🙏🏻
05:31 家誠係個好有禮貌可愛的男孩子,還懂得給女仔拉櫈 🥰, 各位同學仔要加油呀!!!
多謝你的支持和鼓勵我會繼續加油
好精彩,睇到眼濕濕🥹感覺到無論係MM採訪團隊、導師定一班學生對待大家都好真誠好純粹!🤍好開心見到班學生可以搵返自己嘅價值
兩至四年學好,
能夠成為一個有用既好人,
投身社會,就算祇是做一名小角色都是值得,
不過要我在裡面做導師就真係唔得,
因為我受不了苦,
所以我很讚賞呢幾位導師,
學員們及導師們都加油。💪
多謝MM又再提起這個特別的更新中心,
讓更多人知道及記起這間有意義嘅地方。
Truly respect! 我敢講依班學生比社會上一部份人都仲"正常" 細個有邊個唔貪玩唔犯錯 有部份只係唔適應普遍社會制度就比人標籤為唔正常
多謝MM帶咗社會嘅另一面比我地睇 各位學生加油!!
正生同學要加油啊
我讀中學果陣睇到啲片已經好欣賞正生教學生做人
好過其他中學勁多
99%教書 0.9% 課外/比賽 0.1% 教做人
同時亦非常佩服各位老師同校長
好人一生平安
多謝你地救咗咁多學生嘅一生
未試過係CZcams 留言,不過哩條片值得我噤做。生命影響生命,好多謝MM可以俾大家看見一群好有生命力既年輕人。
P.s.家誠同噤多位正生既同學,都多謝你哋俾我哋可以輕輕看見你哋既生活,看到你哋既喜樂同挑戰,加油。
你哋嘅留言係MM嘅動力💪🏻
唔知入面既學生睇到呢條片未
希望同佢地講聲加油
而家既忍耐同努力
會成為你地日後既力量
相信好多學生本來都唔壞, 只係因為無人教無人管或者信錯左人或事
學返好就得
加油
BTW多謝MM比左條咁精彩既片
我一啲都唔覺得睇左半個鐘
希望你地得閒再去探下佢地
片入面,我見到朋友的囡囡,由小學開始已經食煙拍拖,到現在肯做家務,正生書院真係改變她很多,乖左好多👍希望社會投入資源去幫助正生書院,幫助更多誤入歧途的年青人重回正軌🙏
多謝MM出專題,關心年輕人❤
多謝你鼓勵
睇完呢集真係好感動同時好感慨,感動係見到呢度嘅同工願意不辭勞苦去陪伴一班迷失嘅年青人生活,俾佢哋感受到可能連屋企都唔會俾到佢哋嘅愛,而見到年青人嘅改變,能夠重返正途,學識點做人,亦係好令人鼓舞,感慨嘅係雖然社會看似繁榮,但人心越來越複雜,因為資訊發達,對物質追求、各式各樣成癮行為有年輕化趨勢,而好似正生書院呢類幫助年青人嘅非牟利機構卻唔到政府資源,畢竟呢啲又唔係維穩、擦靚個招牌嘅工作
正生書院真係好值得支持同保留
好過懲教班垃圾😮💨
先生唔好打交!
做政府工過日晨 或 真心協助下一代成長 都係無對錯既選擇 ,
只係後者更多人會欣賞而已 , 不太需要比較同攻擊既
有啲人教到,有啲唔得
有啲人鍾意比較、引戰,有啲唔係
入去受,衰完入嚟又出去再衰過~真係有用?
柳記懶到出汁!長官成日訓覺又吾做野!比晒B仔做,佢地白出糧!
感謝MM,這條片雖長,但全都是精華...
要改變一個生命並不容易,而正生從來無放棄過這艱巨的使命,這堅持真叫人佩服!
真係好好睇,半個鐘的片都只係啱啱好。暫時2023年最感動的故仔。
好喜歡MM團隊無特別話要好似其他影片咁為了展示正生陽光一面就不斷講幾熱血同捱得,或者為咗講陰暗面就不斷報道學生背景或者校園問題,反而好平衡地帶大家睇到正生的光明與黑暗面(其實有邊個地方唔係咁)。MM加油!
Btw 家誠同學校的所有同學都加油呀!
多謝支持🫂
好多年前曾因義工服務去過正生探訪,所以喺呢段片中睇番有好多地方仲保留住舊貎,仍然堅持住嗰份質撲,令我好感動同敬佩!各位年輕人都要加油喲!耶穌愛你哋💖💖
好睇,ed 節目唔夠長既話了解唔到佢地既生活,睇睇下半個鐘好快過又唔悶😊
家誠加油!
睇到家長日果part,我眼濕濕…睇到人地有屋企人搵,自己冇果仲感覺..其實佢地都好單純,欠缺既係關愛,唔好睇低佢地!!好好生活,好好生存!
對於校長所講既野,我真係有所保留,雖然佢既出發點係岩既!!
感激你的支持😊
條片真係好高質好有溫度,感覺正生先係真正學做人嘅學校,比起香港傳統學校只顧及成績有用得多,好多謝呢班老師🙏🏻🙏🏻加油同學仔💪🏻💪🏻🥰
條片睇到眼濕濕, 唔好話佢地, 呢個世界真正了解自己既人又有幾多呢.....
多謝MM拍左條好好睇既片🙏
30分鐘過得好快!
多謝林先生同埋一班同工既付出🙏
香港需要呢一間學校
入邊嘅同學仔個個皮膚都好好,好羨慕😂仲勁多大隻仔OMG果然健康生活就係爆肌🎉
35分鐘既片,有深度有意義 亦比到觀眾有反思同多角度思考既空間,十分之出色。想同各位正生既同學仔講,無論以前點錯都好,把握到機會為人生奮鬥,成為好青年,你唔需要成為邊個眼中既萬人迷或者係成功人士又或者係邊個邊個既大佬,學習到正確嘅價值觀,理性思考,處理人際關係絕對係非常珍貴既能力。最重要係你地年紀輕輕已經做到面對錯誤再改過!好多人都做唔到,你地做到之餘仲周身技能,加油,鳳凰終會浴火重生。
另外,正生老師更加值得尊敬,救贖一個個邊青,真正以生命影響生命 Respect!
真心好感動... 班學生係入面既日子係我地唔會願意去捱同想像得到既, 有決心同堅持去做一件事係好不容易, 加油!!!
好同意教育係要融入生活, 情緒各方面去令學生應對將來唔同人同事. 唔只係一d硬幫幫書本上既嘢, 成績好唔代表所有, 黎個都係一個存在係社會錯既標準
呢集睇到好感動 睇住創辦人林生講野 真係肅然起敬 頭頂好大個光環 呢d人必須善有善報 長命百歲!! 希望香港多d呢d人
希望呢一間咁有意義嘅書院可以一直存在係香港
無錯, 香港的未來靠佢 地。
好好睇, 其實唔夠喉, 可以長D。
老師用心教學, 呢種教育好難得, 請多多支持。
咁特別嘅題材都比你哋諗到, MM好嘢!
無意中睇到哩一條片,睇晒全片我喊左幾次。好感動,學員們你地加油。感激同工同MM 拍左哩條片。好人一生平安快樂
正生同學,你哋可以坦然面對以前嘅自己,真係好唔容易,睇到你哋內心嘅強大,看見你們自信滿滿,為你們感到驕傲,請繼續努力, be a better me。多謝正生校長,所有老師及同工,你哋對年青人嘅付出及愛。
睇完呢段片諗番起以前中學果陣曾經有機會去過正生交流,佢地又黎過學校打籃球友誼賽,唔講唔會覺得佢地係曾經犯過錯既學生,你只會覺得都係一班好普通有夢想既年輕人,感謝有正生書院既出現,將唔少迷路既年經人帶回,亦希望佢可以繼續經營繼續幫助更多有需要嘅人❤
見到正生書院同學,比外面名校學生更乖更落地。家誠好聰明、乖仔。多謝老師們的付出。希望各位同學學成之後有好嘅未來。加油!
我是马来西亚的观众,非常喜欢这一集,看得到Phoebe 和拍摄团队的认真,不知不觉就看完了❤️ 感谢林生和导师们的付出,希望全部学员成功打爆机,找到自己的方向,在喜欢的邻域发光发热❤️
真係唔可以少看原生家庭既影響😢祝願佢地早日完成治療 重新生活🤲🏼
Phoebe 你個feature做得好好呀❤感動香港都會有呢種以人為本嘅學校, 充滿愛嘅一間學校❤如果其他主流學校都可以咁以人為本,用愛出發去設計課程, 辨學,根本就唔會再有所謂壞學生,從來個問題都响個制度,唔係喺啲小朋友度😢家誠同學!正生書院嘅同學們!加油加油!!
其實有寵物陪伴嘅生活就已經係一個好好嘅生活!
好好的報導!
好好的學校!
好好的學生!
好好的狗狗!
very touching!!!
不得不說,對比內地幾多不正規強制戒網概“豫章書院”相比。正生才更能讓人感到所有人都可改變。僅僅從正生願意向外界分享自己校內的真實生活,展現學生的爭端。正生老師同學生過相同的生活等等幾點就能夠感受到正生真系有溫度的學校。感謝Mill Milk帶給我們的精彩節目。作為大陸人能看到這樣的節目很開心。
amazing vid as always,片中嘅林生非常真誠,主動叫mm 拍返關於darkside ge 事情,希望正生嘅學生們加油,喺學哂應學嘅野後重投社會,身體健康,平安快樂❤
😢家誠故事有點難過,但佢好積極,做咩都掂,又有好奇心學野。本質個底真係好出色。用對方向,將來做邊行叻邊行。
佢家人畀唔到正常健康環境佢。兩歲畀人打到被人發現去院舍。🥲🥲
但佢仲覺得自己賭錢好勁,要小心再成癮。
正生書院應該要多點投資。起碼要有熱水沖涼喇。
好好睇👍🏻 好睇過星期日檔案
感謝整個團隊 非常用心拍攝
呢班小朋友 只係一時迷失
多謝正生俾機會佢地重新做人
多謝老師同工們願意犧牲小我 完成大我 好無私既精神
呢班學生其實全部都好叻好聰明好好刻苦耐勞
只要將佢地帶返入正路 佢地一定會有好好既將來同前途
睇完真係好感動❤大家都要加油
我覺得家誠真的很棒!感覺他如果專精某一個領域的話 可以做得很成功 當然我不只要稱讚家誠 我覺得其他的學員都值得我們去稱讚及肯定 當中我覺得林先生做的很棒的一點就是他願意讓拍攝組紀錄學員做錯事的一面 而他也說了願意去面對自己的陰暗面的重要性 當你認識到了自己的陰暗面且做出改變才是最重要的事!
感謝您的支持
@@user-zt7me7qu2z thank for your support
Phoebe唔單止做節目咁簡單,睇得出好有heart
人只要有悔意係值得擁有「改過」嘅機會
太細個未必有長輩灌輸正確觀念同價值觀俾佢地從而犯錯,但當犯錯後有人願意去教個陣一定要好好珍惜
學生們加油!
多謝你的鼓勵和支持
@@mm.millmilk 支持你哋🫡🫡🫡
❤
校長親自示範咩叫人性嘅真相
所以你都相信黎智英有洗黑錢?
都係提翻你一句,切勿跟車太貼。到今時今日我依然都係企係陳校友嗰邊
口口聲話正生財困, 捐錢果啲信咗佢, 最後被人揭發唔係財困 唔係詐騙係乜野?
@@airkenny9999 所以你係咪都相信犯咗國安法既人係咪全部都罪有應得,抵撚死?
@@airkenny9999 sorry,呢個政府我真係信唔落,一句「嚴重懷疑」就控制曬輿論風向,最可悲既係信以為真既嗰班人
好感動,睇左兩次,睇到最尾好嬲,好嬲班家長。
明明講好左要學好守規矩,唔俾帶違禁品,但係竟然有家長比違禁品比啲小朋友,咁只會由愛佢變成害佢。試想像下過咗兩年後佢哋出返嚟,繼續喺呢種環境下生活,佢哋又會唔會行返夠路呢?
我認為作為家長如果想為佢哋好,除咗小朋友自己要學習做人,家長都要學習點樣去做好父母呢個角色,咁先係真真正正幫到班年青人!
呢一集真係好好睇,好多謝你哋將呢啲故事帶比大家❤
呢班小朋友比一般小朋友更堅毅,只係欠缺良好嘅原生家庭,或不適合嘅教育制度磨滅意志;遇上正生伯樂,他日都可以出人頭地。Respect。
好令人深思的一條片,多謝林先生創立左正生書院,令行差踏錯嘅小朋友多左更加人性化嘅選擇去改過自新。
好感動,家誠好有禮貌好聰明 祝你前程錦繡 希望有好既發展❤
有笑有淚,呢一集拍得好好,多謝校長將事情兩個面都主動拎出黎俾MM採訪
今次嘅故仔好有意義,多謝你俾我地知道社會上仍有一班唔放棄年青人嘅人,亦多謝依班年青人冇放棄自己。Phoebe 最後一段好有意思,展現埋最現實嘅陰暗面,令成個故仔更立體!
家誠好可愛,好有潛能,期待佢將潛能用於正途,發光發亮的一天☀️
💪🏻
一個很有啓發性的感人故事,拍攝手法實際到位,故事中的年青人敢赤祼地剖白自己的過去,面對鏡頭自然不造作,…. MM Phoebe 表演出色,參與並體驗同學們的生活作息,溶入角色不浮誇,這條片可堪稱為寫實的社會作品,值得表揚👍👍👍
好想感謝導師們,好有心去教好同學,亦都好感動見到呢班同學仔,肯去捱苦肯去學好,希望係正生嘅磨練可以鍛鍊到學生嘅耐性同改到過去嘅壞習慣,正生書院一路走過黎係遇到好多困難係好唔容易
可能有人會覺得同坐監冇分別,但我睇就覺得似修行
对啊,和尚也不是这样吗。。。😅
其實算一種寄宿學校,雖然呢度知識唔係重點
果然係才子 Sam!
聽到修行呢兩個字,我個腦係即刻“叮”左一聲!完全同意
修行即修心,讓自己躁動的心沉淀,過去的心癮,種種過失,通過靜下來,傾聽自己的內心,向過去的所作懺悔,并永不再犯,繼而影響身旁的人🙏🏻
每日返工放工,覺得呢種生活遠離煩惱
今集好高質素,睇到好感動!家誠同其他同學仔要加油呀❤
謝謝Phoebe,這是近來看到最令人感動的片段,半小時對我來說是短了。
這些故事更值得留下來,也讓更多人知道青少年的陽光及背後的掙扎,沒有成長只有陽光而沒有陰暗,更重要是正視自己,並為自己人生負責任
冇壞學生,只有冇人教嘅學生,多謝正生書院各位,有教無類,先係真。香港精神! support and thanks MM
入過正生 人生空虛寂寞凍不再 正!好耐之前睇過呢間學校嘅Docu 好簡陋 原來經歷過咁多慢慢演變成衣家咁 白雪雪嘅班房現代感咗 祝各位在校生畢業生為自己爭氣、為家人爭氣、為愛錫你嘅人爭氣 努力!加油! 曾經錯過唔代表永遠都係錯 錯而能改善莫大焉
又係好有感嘅一集!
Thank you MM
Thank you Phoebe
Thank you 林先生
Thank you 正生各位導師
Thank you 正生各位學生
正能量滿滿
我是一個基督徒!只能在教會幫助一些小工作!對社會問題實在有心無力!今天晚上看到這個片 , 實在感恩有這些主內弟兄姊妹 , 可以幫助這些需要幫助的孩子們!也很開心這些孩子們努力改變自己過去的錯誤!願神祝福各位活出更好的自己!
多謝mm 團隊和Phoebe 帶來咁高質ge 故仔, 睇到好眼濕濕,由靈魂深處被感動,好有心ge 一個製作,好東西是需要支持,希望可以繼續睇到你地團隊咁高質ge 製作,加油
多謝andy 支持!
人係要自己幫自己,不過要有,有心人提醒一下,這些機會不一定能遇到,佢地可能比一些人幸運,為自加油……大家都要
呢種題材很好,又可以幫助學校增加透明度....香港實在有太多被社會離棄既人,想努力返正軌都無力,有機構可以幫助實在太好了
多謝呢度每一位有為精神書院出力嘅人士包括老師謝謝叔叔所有師傅所有人士你哋都係為呢個香港為呢個世界出咗好大嘅努力冇你哋嘅貢獻就冇呢個好嘅環境冇呢度嘅正生❤
條片好觸動我,首先好欣賞正生書院裡面的職員,感受到愛孩子嘅心,呢份工一定好唔容易!本人從事青少年工作,都自問未能有你地咁無私無畏!好多得有你地!
正生嘅同學仔,你地要堅持啊!其實你地已經比好多大人勇敢,勇於面對自己的迷失和問題!
要相信自己一定可以搵到自己嘅正路!
最後,希望社會各界都比多點支持學校和這些迷失的年青人!比多D資源學校同職員啦!(點可以唔攞返正常人工架?)
正生真係拯救咗好多細路👍🏼
人生總有走錯路的時候,迷途時有人為你指導正確方向是一件幸福的事
家誠同所有學生都好勇敢,要露面接受訪問唔容易,你哋已經好叻,一定要加油呀!好好改過你哋一定前途無限!
好感動嘅一集,好似被人遺忘的一群,老師及學生,但佢地存在嘅目的同影響人生之大,值得我們敬佩。
這些青少年人都是被社會遺棄的一羣,謝謝主藉有心人帶領回正路,願神祝福每一位助人者和被助者。
睇完有啲空虛,當好似至身現場仲認識緊唔同個性嘅時候,條片就已經完左。
往往最能感動人嘅並非物資而係真摯嘅情感。
多謝Phoebe 呢個真實又感動人心嘅故事
係一個短片,流量至上嘅年代 ,能夠有勇氣拍一條長片,而且咁有深度和溫度嘅片,確實不容易!其實長片都有好多捧場客!
所有人都值得second chance 睇完條片好感動 祝福島上所有學生順利重返社會 可以搵到人生方向👍🏻
我之前因為唔覺意報錯咗大學嘅課程, 所以就修讀咗一個社會服務的課程, 需要到正生書院搞活動, 並且為佢哋服務, 總共三日.
呢三日的活動真係好深刻, 可以去大自然嘅環境之下去勞動, 雖然過程辛苦, 但係有好大得著. 同學非常積極參與活動, 而且學會多種都市人較難接觸的生活技能.
最深刻的是當我訪問其中一位老師, 佢講到話佢犧牲咗城市嘅工作選擇每星期連續三晚跟正新的同學一起生活, 以及教導他們. 社會上還有這些咁熱心嘅老師, 實在難能可貴😊
家誠簡直係男神!
btw 呢集好有意義!