ТОД МАГНАЙ ПОДКАСТ №106

Хурдан морь сонирхогч, үзэгч та бүхэнтэй уулзах эрхэм бол Хэнтий аймгийн Цэнхэрмандал сумын уугуул, Нийслэлийн Алдарт уяач Батсайханы Пүрэв-Очир байх болно.
2013 он буюу могой жилийн улсын шилдэг залуу уяачаар тодорч байсан тэрээр буурал дээдсээ залгамжилж, буянт хүлгүүдээ хурдлуулж яваа удам дамжсан уяач юм.
АХ-ын 29 жилийн ой, Үндэсний их баяр цэнгэлд хул шүдлэнгээ айргийн дөрөвт хурдлуулсан Ж.Тавхай бол түүний өвөөгийн авга ах.
1981 онд АХ-ын 60 жилийн ойгоор хүрэн морио айргийн тавд хурдлуулсан Хамбын Чунаг бол өвөөгийнх нь төрсөн ах.
Харин манай зочны хувьд бага балчир насандаа Зууны Манлайн алдарт Өндөр зулаас эхлээс хурдан хүлгүүдийг унаж хурдлуулж явсан бол өдгөө Нарт хонгор тэргүүтэй шандаст хүлгүүдийн уяаг тааруулж буй билээ.
Бидний ярилцлага 11-р сарын 7-ны даваа гарагийн 11 цагт Тод магнай пэйж хуудас болон юүтүбийн Тод магнай, Долгион зэрэг сувгуудаар дамжин хүрэх болно.