ТОД МАГНАЙ ПОДКАСТ №98

Ирэх даваа гарагт үзэгч, сонсогч та бүхэнтэй уулзах эрхэм хүмүүн болбоос Сүхбаатар аймгийн Түмэнцогт сумын харьяат, Тод манлай уяач Сайрийсүрэнгийн Төмөр-Очир байх болно.
Хурдны өлгий Сүхбаатар нутгаас төрсөн ганц Тод манлай уяач. Мөн орон нутгаас төр түмний цэнгэлээ зорин ирж амжилт үзүүлэн, алдрын дээдэд хүрсэн хүмүүн тул төлөвлөгөөнд эртнээс бичигдсэн байв.
Гэвч учрал таарахгүй байсаар өнгөрсөн жил зүүн бүсээр таарсан юм. Утсаар ярьж санал тавиад уулзах цагтаа очвол адуунд явсан эзгүй байв.
Уралдааны дундуур завчилж байсан тул дахин нэг, хоёр залгаад холбогдож чадаагүй юм. Харин энэ удаа Хэнтий аймагт болсон "Их хурд-9" уралдааны үеэр тааран морь ирэх хооронд ийн хөөрөлдсөн билээ.