#MM
Vložit
- čas přidán 30. 09. 2023
- #MM #牌子嘢 // 大部分茶餐廳早餐湯用金寶忌廉雞湯 豉油西餐紅白湯味道由金寶奠定!紅湯曾賣$3.5等於一日工資是貴價來佬貨 曾研發粉葛鯪魚湯但廠房刀片都斬斷
金寶湯公司本是一間寂寂無聞的罐頭蔬果商,靠著發明濃縮罐頭湯改變世人喝湯習慣,現時成為年銷售額86億美元的公司,是世界最大罐頭湯生產商。金寶湯來港後在地化,用在豉油西餐紅白湯和茶餐廳早餐湯底上,打入以家庭湯水為主的香港市場,擁有近九成市場佔有率,這集要拆解金寶湯家傳戶曉的原因。
歷史
金寶公司在1869年,由蔬果批發商Joseph Campbell 和罐頭商Abraham Anderson 在新澤西州康登鎮成立了Anderson & Campbell公司,賣罐裝番茄、蔬菜、啫喱、肉醬等,到1895年才有第一罐Beefsteak Tomato罐頭湯。1897年,Joseph的外甥John Dorrance加入公司,為研究濃縮湯,還自掏腰包買實驗室設備。埋頭做實驗,他終於在同年發明濃縮罐頭湯,因為減少了水這最重的成分,而且6人份罐頭由30安士減到10.75安士就能裝起,運輸成本減低,整體成本下降70%,1900年代初一罐290克的湯,售價由3毫減到1毫,擊敗很多對手,公司由賣蔬果罐頭,變成賣湯為主,利潤在7年間升了3倍達2,100萬,1922年 公司名字後面加上Soup字,正式成為今日我們認識的金寶湯公司。
來港後在地化
金寶湯一直是世界最大的罐頭湯公司,現時在超過100個國家都能買到,在一個世紀前,就進入煲湯文化深厚的香港,現在是普羅大眾的平價速食湯,初來到香港時,其實是由當時的高級豉油西餐廳入手。
太平館是香港第一間港式西餐廳,亦係其中一間最早用金寶湯的餐廳,30年代起在港做豉油西餐
附送紅白餐湯,第一代的紅白湯已用金寶湯,吃的都係達官貴人。由於在30年代,金寶是貴價「來佬貨」,運輸成本高,太平館一碗紅湯賣港元$3.5,白湯$4,在當時已是工人一日工資,港式西餐廳如太平館、安樂園都有用。當年太平館更將金寶罐放在門口櫥窗,表明用真材實料美國貨,是高尚的象徵。
到1984年 ,香港金寶湯向一般消費者大賣廣告,就是那時開始可以在超市買來煮飯,變得大眾化,普遍茶餐廳粉麵湯也用它,白色的,有點奶香的雞湯,就是金寶忌廉雞湯,因為罐湯比較像忌廉,比起雞粉就沒那麼死鹹。金寶雞湯對茶餐廳來說可說是萬用工具,他們會下一小勺在撈麵以沖走煮麵水的味道。
香港有7成金寶湯味道是本地研發,常見的是忌廉蘑菇雞粒湯,大受歡迎後卻下架的中湯系列如酸辣湯也是經典。不過在地化過程中也有不少失敗例子,金寶嘗試複製港人愛喝的粉葛鯪魚湯,但很難,品牌在美國廠房研製時才發現粉葛很難切,經常斬崩刀片,要生產就要更換全套機器,加上有嚴格規定罐湯裡不能有骨,難保證鯪魚肉無骨,最後也擱置了。
不過在疫情期間,金寶罐湯成為重要留家防疫食物及食物銀行補給,2020年第四季時銷量有52%增長。隨著香港經濟發展,食材選擇更豐富,金寶湯外國貨的矜貴地位減退,但那種家庭式的味道已深入民心。
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 CZcams APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
香港餐廳嘅 白湯 係用 百德阿姨+牛油,粟米湯係用 地們,字母湯 先至係用金寶..
我最喜愛的金寶湯用法:白汁雙蔬 - 將西蘭花、椰菜花烚熟,加上用少量水開成的磨菇湯造成濃汁,淋上蔬菜即成。想fancy啲,可以加芝士放入焗爐焗一陣,就變成餐廳裡的芝士白汁焗雙蔬,簡單易做零失敗,請客時都見得人
70後表示
細個夜晚有金寶湯飲算係一件大事 😁😁
以前唔知佢毒
細個時阿媽周末唔想煮飯,就會食「西餐」,即係洋蔥豬扒+嘉頓方包+金寶雞湯,我哋呢啲細路仔最開心,簡直覺得係人間美味
呢集終於變返真正既“牌子野”👍
茶餐廳係專用金寶忌廉雞湯,要隔渣加滾水,雞粉同味精,少許胡椒粉同鹽,滾起後熄細火備用,多數係用於早餐大光麵湯底,如改丁麵就用回原裝味粉!!
我係廣州人,我從來無飲過,金寶湯在大陸完全無市場
@@taochen2952你唔飲嘖唔代表其他廣州人唔飲囖,以前廣州嘅百佳都有得賣。以前屋企煮通心粉都經常用佢
@@taochen2952你廣州無人飲 ,但係香港好多人都飲過。
@@timily2012 其实广州太多好嘢食,真系唔使饮罐头汤
@@JohnWick-xy7nz 係咖,香港就係無好嘢食,所以個個都係食麵包即食麵、飲罐頭湯。還有問題嗎?
謝謝你們的講述, 服務。
abc 湯童年回憶🥫
最愛牛尾湯,隨意添加蕃茄蓉、粟米粒、雜豆、蘑菇粒、洋蔥粒、腸粒、蜆殼粉、一塊薯餅增加濃稠、用兩罐水溝淡鹹度。凍水落材料煮滾一分鐘,合上蓋焗5分鐘即成,腸粒可以後加保原味。同樣各忌廉湯均可,只去掉蕃茄蓉,魚蓉可代替腸粒,莊遜腸及紅圈鯖魚柳為佳。Taste沒有牛尾湯賣。
牛油、麵粉、加水、鹽就可以開到忌廉
金寶省了時間,而且出品穩定,這也造就港式茶餐廳快靚正👍🏼
03:07個乞嗤好出眾🤪🤪
creamy “傑”嘅罐頭湯,例如蘑菇湯同雞蓉湯,係先唔加水,將罐湯放入煲裡面用低火加熱攪拌,煮成糊狀,然後先至加小量水攪勻煮開,再逐次加小量水攪拌,直至完全稀釋之後轉中火煮滾。煮呢啲湯想煮得好冇粒粒又唔滾瀉,係完全唔能夠離開個爐,不停地攪住。
之前試過出酸辣羹, 好正, 好懷念
睇到我好肚餓~
最鍾意金寶既New England Clam Chowder,大紅罐冇中文字個款,加蜆肉薯仔同奶油煮,熟左再刨一堆芝士系上面,同法包或者梳打餅一齊食😂
好高質既片呀,資訊量有多。可以的話,旁白妹妹咬字好d, 注意懶音,會聽到更開心❤️
最鍾意用黎做汁煮意粉❤
細個最鍾意字母湯~😊😋
香港啲行貨冇記錯全部都係產自馬來西亞
真正美國貨係要網購、中高檔超市(Fusion、CitySuper等)以及賣外國貨嘅鋪頭先有
香港版多啲款又好味啲,美國版好鹹
@@ShiNoMiRenge 係美國住得耐, 反而係鐘意香港忌廉雞粒蘑姑個味
@@elitegrowth9499 咁啱我都係移咗到美國
我覺得美國貨隻味比較純粹啲,香港行貨有啲香料混搭調配下味道更加豐富
亦有澳洲生產,美版在360,大生會有,但番貨期不一定。約$12一罐。
中湯系列個酸辣湯好好飲
西湯系列會唔開稀,直接用黎撈意粉/羅絲粉。
近年搵唔返我童年回憶兼至愛CHICKEN NOODLE 雞麵湯
最鍾意羅宋湯加辣辣油
最鍾意雞蓉粟米湯加隻蛋花
好期待😻
細個屋企有金寶湯飲係好特別嘅事 通常父母係唔捨得買 太貴😂😂 (利申00後
而家啲罐頭湯都10幾蚊一罐… 啲超市有時做緊36-39蚊 3罐
唔覺得平
@@JackyWHC01我記得錦耐都係差唔多價……諗諗下…我食左金寶好耐😅
@@JackyWHC01在美国超市都要卖14港币一罐
Mil Milk的製作永遠都咁高質素
都食得罐頭湯 最緊要方便 快靚正 健唔健康 算啦😂
好好睇呀
其實好鐘意飲佢嘅酸辣湯,可惜已沒有了~!
我中意睇呢一類型既影片 長知識了🤭
有機會去香港玩時,去超市買啲試試先~~
酸辣湯世一,可惜冇咗😢
好睇
最鍾意嘅酸辣湯同竹笙海皇羹冇咗😢😢😢😢
細個鍾意飲金寶既羅宋湯,不過出黎食得多餐廳,覺得都係出面既濃啲香啲,就無乜再買。而家主要買雞粒磨菇同周打蜆湯。
酸辣湯只見過一期, + 之後就無見過。酸辣湯+烏冬,勁好味。
基本上只有 Select 系列係可食用
我都好掛住酸辣湯。
以前我哋屋企視金寶湯為貴價餸,嗰餐有金寶湯就等如加咗餸
最記得ABC湯, 細個成日飲
金宝湯做汁撈意粉或焗飯好正
煮通粉1定用金寶湯,尤其是忌兼🐔湯。perfect match ❤
雞蓉粟米湯加烏冬先係王道😍😍😍
蘑菇湯 世一.
我覺得佢嘅羅宋湯都好好飲呀 忌廉湯真係麻麻
我的,ABC雜菜湯,羅宋湯,玉米濃湯,仲在日式雜菜湯和周打湯
最鍾意馬鈴薯蘑菇湯,不過而家冇咗lu😢
Thanks
周打蜆最好飲,但成日冇貨. 另外我係一罐湯+0.85罐熱水咁煮
新英倫周打蜆?
OMG so interesting!!!
金寶酸辣湯正!
今晚即刻入返杯🍻
唏!如果。。可以講得慢少少就更加好喇!
ah sa looks good with glasses😄
美國都有粟米湯, Walmart都有得賣。都係金寶。 Campbell cream of sweet corn soup.
飲得多味精勁多睇E生
3:06 嚇Q死😂😂😂
酸辣湯 好似唔多見到 而家
飲完多數生非之
可能味精/咸太勁
最愛ABC 字母湯!
除非病倒就死或者打風好耐,唔係都唔會食罐頭, 點會特別鍾意嫁?
細個飲最多是蔬菜字母湯。😊
點解唔係阿京聲演 有親切感多啲😂
原來要凍水開,下次識😂
以前有出酸辣湯,為何找不到?
金寶湯有低脂版!好鬼死難買到!但真係低脂好多!好鐘意買!
自己煮會加急凍小海鮮,有小蝦 魷魚 蜆肉 魚塊,凍櫃就有,低脂又好味!
我到而家都仲會得閒去買!
十幾數一罐二人份量,好平
最鍾意粟米火腿
原來有教點樣唔結粒😂學識了
不過都試過煲耐啲,佢就會冇咁多粒粒
酸辣湯好正, 煮個雲吞就一餐
剪接剪得好tight, 有少少促, 但可能係我個人口味問題😂, 加油
想睇廚師腸🙊
太平館老細介紹嗰陣背景有人好大聲打咗個乞痴收晒音😂😂😂😂😂忍唔住笑咗
俾3:06個乞嚏嚇親🤣🤣
諗起猛龍過江李小龍一開頭飲湯嗰幕
10月1日睇下金寶湯都有人批評係撐美國,又無端端講埋肥佬黎,真係九唔搭八。😜
我自己十分支持MM,加油!👍🏻💪🏻
支持MM 👍🏼👍🏼👍🏼💪🏽💪🏽💪🏽
弱智如天上星星,多不勝數😂
@@ddwong7366 點解你會知嘅?🙄😱有國安人員同你講?定你就係國安人員,怕唔怕洩露國家機密?
thx sharing #khicas #緣飾
想聽新奇士橙
3:07 咩料😂
香港特色😂
3:08大叫嚇左一下😂
金寶懶人去露營必備❤
從前我哋會用美極湯包,是錫纸內一包湯粉+脱水蔬菜。(卽味精湯)好處是輕。
Yes
8:54 咩叫"罐gun3" 網方法? 應該讀"官 gun1", 唔係"罐 gun3"
原來真係停產左中式湯🥺🥺酸辣湯好好飲㗎😭😭😭😢
本身最鐘意飲金寶既粟米竹笙海皇羹 TAT 無左
+1 ,真係有大牌檔水準
+1 個海皇羹好正,希望會再出番啦
金寶個海鮮湯個蜆長期有沙🤣
金寶 中式湯當年有咩款式??
3:06 乜料
03:06 cut 😂😂 邊個喺度搞事 😂😂
要求重新嚟過 😂😂
3:06 條友打個大乞嗤夠晒地道
新英倫周打蜆湯真係冇得輸😁
金寶湯係窮人恩物
煮個白飯開罐湯又一餐
但金寶有冇營養?
现在都已经系即食包了不用煮直接倒热水
THX
11- 10- 23,惠康做$43.9 四罐。
有無ABC字母湯的Fans啊?我由細到大都鍾意飲呢款,不過近年覺得愈來愈咸😅
細個鍾意飲,而家覺得好鹹,唔知係佢鹹咗定我口味淡咗🤔
氹細路仔飲最好,飲多D會識英文
以前有一款係雞粒字母湯,但而家得返ABC雜菜湯
🙋細路仔時候有得飲會好開心
我係用牛尾湯加字母粉,由細食到大😂
我成日都將意大利雜菜湯當宵夜
請問如何把罐內餘下的湯都倒出來? 😅我有時會成罐食...
我以為自己較左1.5速😂😂😂
諗起粟米六粒飯
忌廉蘑菇湯冇以前咁好飲, 啲味道都變曬。
還好條片有字幕,根本聽唔明主持人講緊乜嘢
金宝幾時再出返海皇瑤柱羮🥳😤
我第一份做水吧,仲有金寶湯,後期啲餐廳都好少用
3:07 邊個叫?