大野🐰小煮意🐷煎焗斧頭豬扒拌🧅洋葱汁 ✨附食譜及做法✨

大野🐰小煮意
🐷煎焗斧頭豬扒拌🧅洋葱汁
煮咁厚身斧頭豬扒通常會先煎再用焗爐焗，今次我用煎焗方法一隻鑊就煮到方便好多，當中有兩個小小方法無焗爐都整到斧頭扒，大家係咪好想知道快啲睇片啦！🤗🤗
✨材料✨
斧頭豬扒 1件（大約400g)
洋蔥 1個
蒜頭 1個
✨調味料✨
喜馬拉雅山粉紅岩鹽 適量
黑胡椒 適量
麵粉 半茶匙
白酒 適量
油 少許
✨✨做法✨✨
1️⃣ 斧頭豬扒解凍後用 1 湯匙海鹽加水浸住豬扒，水要蓋過整件豬扒浸半小時，浸好後用水冲洗乾淨再印乾水份。
2️⃣ 洋葱切幼條、蒜頭原個打橫一開二保留蒜頭外皮。
3️⃣ 用廚紙印乾豬扒表面水份在邊位切幾刀，每邊灑上粉紅岩鹽及黑胡椒，每邊再加油搽勻。
4️⃣燒熱鑊加入半湯匙油，鑊夠熱放入豬扒蓋上鑊蓋煎兩分鐘，反轉另一面再蓋上鑊蓋煎兩分鐘至兩面都金黃色（💡用中火）。
5️⃣用夾夾住豬扒煎到邊位至金黃色。
6️⃣加入蒜頭再加入一茶匙白酒蓋上鑊蓋煎焗2分鐘反轉另一面重覆以上做法。（💡用細火）。
7️⃣裝起蒜頭，斧頭豬扒用碟裝起再蓋上錫紙等豬扒靜止5分鐘。
8️⃣用煎完豬扒鑊加入洋葱炒至軟身及起焦，加入半茶匙白酒炒勻後加入麪粉再炒勻，將半飯碗水分多次加入一邊加水一邊炒，用少許鷄粉、糖、黑胡椒調味，再煮至汁杰身就可以。
9️⃣煎焗斧頭豬扒拌洋葱汁就完成🤗
💡大野兔小貼士💡
✨✨浸鹽水會令肉吸收水份肉質會更濕潤及肉入面都有咸味。
✨✨用煎焗方法係煎肉同時可以利用加入水份所產生蒸氣做到焗煮效果而且肉質無咁易乾，蓋住鑊蓋煎另一好處不用彈到周圍都係油。
✨✨加入水份時不用加太多大約一茶匙已夠，主要令到有水蒸氣做到煎焗效果。
#煎焗 #斧頭豬扒 #洋葱汁
#煎焗斧頭豬扒
#大野兔小煮意