ခရမ်းသီးနှပ်(အမြန်နည်း)
Vložit
- čas přidán 21. 07. 2020
- ခရမ်းသီးနှပ်(အမြန်နည်း)
ခရမ်းသီးနှပ် အမြန်နည်းဆိုပြီး အထင်မသေးနဲ့နော်။ အရသာက ရှယ်ကောင်းပဲ။
ခရမ်းသီးနှပ်ကောင်းကောင်းကလဲစားချင်တယ်။ အကြာကြီးလဲမချက်ချင်တဲ့သူတွေဆိုရင်တော့ အခုနည်းလေးနဲ့ ခရမ်းသီးနှပ်စားကြည့်နော်။ အိစံအဖေရဲ့ ချီးမွမ်းတာကတော့ မြေအိုးနဲ့ချက်တဲ့ ခရမ်းသီးနှပ်ပြီးရင် အခုချက်ထားတဲ့ ခရမ်းသီးနှပ်က အကောင်းဆုံးပဲတဲ့။ ဘယ်လိုချက်လိုက်တာလဲဆိုပြီးမေးကော။ အိစံကလဲ တကယ်က လွန်ခဲ့တဲ့ ၅ နှစ်လောက်က အခြားအိမ်မှာစားခဲ့ဖူးလို့ ဒီလိုနည်းလဲချက်လို့ရတာပဲဆိုပြီး အကြံရတာကနဲ့ ချက်ဖြစ်သွားတယ်။ အဲ့ကတည်းက အခုထိ ခရမ်းသီးနှပ်ချက်ရင် ဒီနည်းလေးနဲ့ပဲချက်တယ်။ စားကောင်းတယ်။ လွယ်ကူတယ်။ ဒါဆို ဘာလိုသေးတယ်။ လိုတာကတော့ လိုက်လုပ်စားဖို့ပဲနော်။ အဲ့တော့ ဒီ video လေးကိုကြည့်ပြီး ခရမ်းသီးနှပ်လေး လွယ်လွယ်ကူကူချက်ကြည့်ပါရှင်။
ပါဝင်သောပစ္စည်းများ
၁။ ခရမ်းသီး - ၃၅ ကျပ်သား (သို့) ၁ ပေါင်ခွဲ
၂။ ဆနွင်း - လက်ဖက်ရည်ဇွန်း လေးပုံတပုံ
၃။ အရောင်တင်မှုန့် - လက်ဖက်ရည်ဇွန်း ၁ ဇွန်း
၄။ ပုဇွန်ခြောက်မှုန့် - ထမင်းစားဇွန်း ၃ ဇွန်း
၅။ ကြက်သွန်နီကြော် - ထမင်းစားဇွန်း ၄ ဇွန်း
၆။ ငါးငံပြာရည် - ထမင်းစားဇွန်း ၁ ဇွန်း
၇။ Goody နေကြာဆီ - ထမင်းစားဇွန်း ၈ ဇွန်း
(လက်ဖက်ရည်ဇွန်း = 1 teaspoon = 5 ml)
(ထမင်းစားဇွန်း = 1 tablespoon = 15 ml)
===============================
awesome.thank you.
ကျေးဇူးပဲ အိစံရေ ခရမ်းသီးကို ပထမဦးဆုံး ချက်ဖူးတာ ရှယ်ပဲ 😋