الفرق بين اللحمة البلدى و المستوردة | ياسر نجم

معلومات تعرض لأول مرة عن اللحمة المستوردة
المصادر:
shorturl.at/czFM4
shorturl.at/zCO57
shorturl.at/aASY6
shorturl.at/ipJT3
shorturl.at/wBDE5
رابط الحلقة(القواعد الخمسة للغذاء الامن)
• التسمم الغذائى و أعراضة
انا مجبش لحمتى غير من جزارة الامانة ...انضف و أحلى حته لحمة
اللحة المستوردة دى مدخلهاش بيتى ابدا
أصدقائى عشاق الاكل فى كل مكان ازيكم
انا ياسر نجم و هوريك النهادرة اللحمة المستورده من وجهة نظر مختلفة شوية
فى موروث قديم كده عندنا عن اللحم البلدى و حلاوتها و طعامتها و قد ايه اللحم المستوردة دى حاجة سيئة جدا و عيب نشتريها .
و ان دى لحة الغلابة بس
حلو الكلام ؟
حلو الكلام
لكن انا عمرى ما اقتنعت بالموضوع ده و كنت دايما افكر
معلش يعنى : ولو مفيهاش اسائة ادب
هو احنا ليه بنحب كل حاجة مستوردة الا فى موضوع اللحمة ده؟
مش غريبة شوية ؟
وبعدين هو مش اللحم المستوردة دى كانت لحم بلدى فى بلدها؟
طب خد الكبيرة بقى
فى انواع لحم بتتباع فى مصر لكيلو بتاعها بيعدى ال 700 ج و دى بيبقى اسمها انجوس بيف ِAngus Beef ..صعب شوية تلاقيها بس لو بذلت مجهود شوية هتلاقيها عادى و دى لحمة اصلها شرق اسكوتلاندا و ابتدت بعض البلاد التانية تربيها زى هولندا و المنيا
هتلاقى تفاصيل الكلام ده فى المصادر
و دى بتطلع حتة لحمة زى اللى انت شايفها قدامك دى ...حاجة كده ممكن تتصور جمبها
الدهون بتكون متغلغلة جوة الانسجة بتاعة اللحمة و بتسيح مع الشوى و تدى طعم للحمة رهيب ( هتقولى جربتها دى يا نجم) هقولك لا و الله بس سمعت عنها
حلو الكلام؟
حلو الكلام
خد الاكبر بقى من الكبيرة
فى نوع من البقر اسمة واجيو (لو بنطقها صح يعنى)
النوع ده كيلو اللحمة بتاعة بيوصل ل 200 دولار يعنى الدولار لو ب 16 ج فكيلو اللحم هيعدى 2200 ج تقريا
والنوع ده موجود فى اليابان و استراليا وهى القمر اللى انتوا شايفنها دى و بيطع منها لحمة بالمنظر اللى انتوا شايفينوا ده حاجة كده استغفر الله العظيم الواحد يقطعلها بلاد و يسافر لها مسافات
طيب يا عم نجم انت عمال تكلمنا عن لحمة ب 2000 ج و لخمة ب 700 ج و مش هى دى المستورده اللى احنا عارفينها كلمنا شوية عن اللحم البرازيلى و الهندى و الحاجات دى
هقولك حلو الكلام
مصر بتستورد سنويا حوالى 400 الف طن لحمة من البرازيل و الهند
و 30% تقريبا من استهلاك اللحمة بتاعتنا بتكون لحم سودانى
تفتكر مين اللى بياكل اللحم دى كلها ؟
برافوا عليك ..انا و انت
و حتى لو انت حريص دايما انك تاكل لحمة بلدى.. فالمطاعم اللى بنروحلها ليل و نهار تقريبا مش بتستخدم لحم بلدى خالص
و انت بتاكل ومش حاسس بأى حاجة .امال انت فاكر الشيف اللى جوة ده شغال ليه مثلا؟
مهو ده وظيفتة انك تاكل و تنبسط و متحسش بحاجة
و خلينى اقولك ان برضو اصحاب المطاعم معذورين فى استخدامهم للحوم المستورده وبيطرو يستخدموها ل 3 اسباب:
اولا : انخفاض التكلفة : اللحوم المستوردة تكلفتها تقريبا نصف تكلفة اللحم البلدى و بالنسبة للجوده فهى قريبة منها جدا و تكاد تكون افضل و فى ظل المنافسة الشرسة اللى فى السوق و اهتمام المستهلك بالسعر احيانا على حساب اى حاجة تانية فبيضطر صاحب المطعم انه يشتغل بلخم مستورده
ثانيا: اللحوم المستورده مشاكلها اقل مع مفتشين الصحة ..عشان بيبقى عليها كل البيانات بتاعتها واضحة
زى تاريخ الانتاج و الصلاحية و بلد المنشأ و المستورد ...و يمكن تلاقى اسم البقرة كمان لو حبيت
ثالثا: اللحوم المستورده يمكن تخزينها بسهولة بدون مشاكل كتير و ده نتيسجة حفظها عن طريق الفاكيوم و سحب الهواء و ده بيقلل فرص نمو الباكتيريا
و الموضوع ده كنا اتكلمنا عنه فى حلقة القواعد الخمسة للغذاء الامن (تقدرو تشفوها من هنا) او بعد متخلصوا الحلقة هتلاقوا اللينك فى صندوق الوصف
يعنى اللحمة المستورده كده كده داخلة فى حياتنا و بناكلها كل يوم شئنا ام ابينا
حلو الكلام ؟
حلو الكلام
عزيزى المشاهد عايزك تتفاعل معايا كده و تشجعنى و تعمل لايك للفيديو و انت بتتفرج ..انا بتعب عشان اعملك الحلقات الجميلة اللى بتشوفها دى
ليه بقى اللحم المستوردة بتبقى اقل جودة من اللحم البدى؟
و ليه بتحتاج وقت اكتر فى السواء ؟
و ليه سعرها رخيص ؟
مش سعرها رخيص يعنى جودتها اقل ؟
خلينى اقوك ان الموضوع عندك فية شوية لبس
يعنى ايه؟
يعنى اللحمة البلدى عندنا غالية نتيجة ارتفاع تكلفة التربية مش اكتر و لا اقل
مزارع الابقار عندنا بتعتمد بشكل اساسى على الاعلاف و الاعلاف دى اصلا مستورده و بتكون غالية ..فعشان توصل البقرة عندك للحجم ده و تكبر بتحتاج أكل كتير جدا و ده تكلفتة عالية جدا على العلى المربى
لكن على العكس تماما بقى فى اى دولة تانية بتصدرنا لحمة
فالاعتماد الرئيسى فى تربية البقر بيكون على الحشائش و المراعى الطبيعية اللى هى ببلاش تقريبا
و بالتالى تكلفة تربية الحيوان بتكون أقل ما يمكن
حلو الكلام ؟
حلو الكلام
طب ليه اللحم المستورده بتشد و بتكون قاسية عكس اللحم البلدى؟
السبب فى الموضوع ده 3 حاجات:
أولا: قولنا ن البقر برة بيرعى فى الغابات و الحشائش و بيعمجهود عشان يلاقى الاكل ده ..فعضلات جسمة بتكون قاسية حبتين
ثانيا: سن البقرة نفسة بيفرق يعنى ممكن المزارع اللى برة مربى البقرة لسن كبير عشان يستفيد بلبنها لغاية ما يطلع عنيها و بعدين يدبحها و يبعتهالك على مصر
و بالمناسبة الكلام ده احيانا بيحصل فى اللحم البلدى برضو
السبب الثالث :ليه علاقة بيك انت كمستهلك
يعنى اختيارك لنوع اللحم احيانا كتير بيكون غلط
لان جسم البقرة فيه قطعيات كتير و كل قطعية منهم بتناسب نوع أكل معين و متناسبش التانية ..يعنى حتة اللحم مثلا اللى بتتعمل كباب حلة غير اللى حتة اللحم اللى بتتعمل ستيك غير حتة اللحمة اللى بتتعمل شاورمه
حلو الكلام ؟
حلو الكلام
أفرق ازاى بين اللحم المستورده و اللحم البلدى؟
مبدئيا كده صعب قوى لدرجة المستحيل ان الجزار يديك لحم مجمدة على انها لحم بلدى
لكن ممكن يديك لحم سودانى على انها لحم بلدى
أو لحم جملى على انها لحم بقرى

[@moslemaalex]

ابقار الواجيو بتتغذى على الشيكولاتات والحلويات الفاخرة عشان كده اسعار لحمها عالي جدا

[@yassernegm-8854]

ده كلام خطير خلى بالك 😆

[@moslemaalex]

وعلى فكرة سعر الكيلو ٣٥٠٠ جنيه 🙈🙈

[@yassernegm-8854]

طيب و الله جايزة اكتر مشاهد مركز ..فعلا الحسبة اتعملت غلط 🙈

[@yasserelzahhar]

حلقة دسمة و جميلة جداً ⁦♥️⁩

[@yassernegm-8854]

الحلقات الدسمة دى بتبقى حلوة جدا في الشوربة 😂

[@jackadam77]

كيلوا الواجو بيف A5 بامريكا مستورد من اليابان 350 دولار يعني بالجنية مع سعر الدولار فوق ⬆️ خالص 11550 لحلوح

[@hodaelzeky6752]

عسل ياحبيبى ربنا يوفقك كمان وكمان
بس حتة اللحمة اللى مع الشيف روووعة ...العنوان واسم المحل لو امكن 😀

[@yassernegm-8854]

ده محتاج فيزا و تأشيرة 😂

[@C.naghy50]

نزل الفيديو دا ع جروب food code و kersh keepers

[@yassernegm-8854]

للاسف مش بيقبلوا لينكات يوتيوب

[@AhmedMahmoud-ne1bc]

اللى بيحب يصلى على النبى يجى جمبى

[@saedsad8182]

ازاي اعرف اللحمة بلدي من اللحمة السوداني رد على 😢😢

[@yassernegm-8854]

انا وضحت يا فندم في الفيديو من لون الختم ..الختم البلدى بيبقى لونة احمر وردى و السودانى بيكون بنفسجى 😊

[@hodaelzeky6752]

احلى لحمة واطعم لحمة على الاقل مش مغشوشة 🤨

[@yassernegm-8854]

فعلا الغش فيها صعب جدا