علي بن حمري / ياهاجسي
Vložit
- čas přidán 29. 07. 2018
- ياهجسي شمر سواعيدك وقم
انا علي من المواقف لزايم
أكبر من التفكير وأدهى من الغم
لاصارت فعولك هباب وثلايم
ومن عمنا خيره نعده لنا عم
واليا صفا وقتك فلاهوب دايم
وكانك ضميت أورد على صافي الجم
ادحم بجنبك ياقوي العزايم
وعن دلة الارفل تنز وقل اكرم
لابارك الله في دلال الجلايم
والشور صيده والرجاجيل مغنم
ان كان لك حظوه ..ولك حظ قايم
ولاتجي في محفلٍ قبل تعزم
ومن جاء بلا داعي يشوف النقايم
وإن شفت مايجرحك في مجلس قم
مرواحك أجمل من مجالس هلايم
ياحبني حباه لمنـثــّر الدم
وإكرام من يستاهلون الكرايم
تغابنو العربان في الحال.. والضم
وفي البندق الزينه .. وفأم الزمايم
وأحذر ليا سليت سيفك تندم
مايقصر الاشبار غير الندايم
واجعل مراتب خطوتك طلع سلم
يانازل السلم فلا لك سلايم
واليا دعاك اللي تحبه فقل تم
مزاور الغاليين هبة نسايم
وجنب عن الغيبات والذم والنم
أخس ناس منقلين النمايم
وإن شفت في نفسك شفاحة هوى صم
النفس ماتشفحك لاصرت صايم
ومن يتبع الحرمات لابد يحرم
تر ماورى الحرمات غير الحرايم
ويامطاوع الخفرات تؤكل وتهضم
وتغدي فريسه للجزوع المهايم
واليا بغيت البنت فانشد عن الأم
والخال خالي ... والعمام العمايم
وترى النسب ريحانة ن قدرها الشم
ومايأكل الريحان غير البهايم
وعن ماجهلته قولك الله واعلم
أفضل ولامبنى يجيله هدايم
ورفيقك إليا شفت منه أذى شُم
جـنــّـبه حتى أنها تزين العلايم
أفطن من أللي كنهم شوك معــّـقم
صرايمٍ عكس السيوف الصرايم
وما تأخذ الشرما .. سوى الرجل الاشرم
وأحذر وساويس المرض والوهايم
وإليا بليت تحمـّ،ـدالله وتنعم
الحامدين أولي النعم والنعايم
وإن كان ماقسـّمك من الشاة مقدم
جوعك شبع ولاصغار القسايم
ومن كثر الصدقان لابد يغــّـرم
تر كثرة الصدقان ساس الوزايم
صدقان للضحكه.. وصدقان للهم
وصدقان لاجاب الزمان الطمايم
فإذا عرفت الراس والعين والفم
فمالك ومال جنوبها والقوايم
وأوزن كلامك قبل يظهر وتبلم
هرّجك يورّدك الضرم والضرايم
كم واحد من منطقه يشرب السم
مصطح وهروجه هروج السقايم
ولاتشكـّـا للعرب وأنت تعلم
إن التشكــّي هزّمةً من هزايم
مايرخص الرجال غير التهمهم
وإضرب مثل ( مايشتكون الصتايم )
ومن عوّد الحـُرّمه على حاضر وسم
بكره تبيعه بيع لاسام سايم
إن نوّمتك فقـــوم .. وإن نامت فنم
وقارن جداد امورها بالقدايم ...
الحمدلله.. صح لسانك
صدقان للضحكه وصدقان للهم
وصدقان لاجاب الزمان الطمايم
ياربي ادحم جنبي ياربي
ياااااااارب
صح لسانك
عزالله صادق
عن كنك كفو وشاعر
.
وش معنى الشرما
يعني مشقوق البرطم و يقصد فيه اللي ما تعرف تكلم