དབུ་མ་བཞི་བརྒྱ་པ། 22 རབ་བྱེད་བརྒྱད་པ། སྟོང་ཉིད་ལ་སྐྲག་པ་སྤང་བ། མཁན་ཆེན་བསོད་ནམས་རྒྱ་མཚོ།
Vložit
- čas přidán 3. 02. 2023
- དངོས་བསྟན་སྟོང་ཉིད་ཀྱི་ལྟ་བ་གཙོ་བོར་སྟོན་པའི་བསྟན་བཅོས་ལེའུ་བཅུ་དྲུག་གི་བདག་ཉིད་ཅན་ཞིག་སྟེ། རྒྱ་གར་གྱི་སློབ་དཔོན་ཨརྱ་དེ་བའམ་འཕགས་པ་ལྷས་མཛད། ཁ་ཆེའི་གྲོང་ཁྱེར་དཔེ་མེད་ཀྱི་དབུང་རིན་ཆེན་སྦས་པའི་ཀུན་དགའ་ར་བར། རྒྱ་གར་གྱི་མཁན་པོ་སུ་སྨྲ་ཛཱ་ན་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་བསྒྱུར།
བཞི་བརྒྱ་པའི་འཆད་ཁྲིད། ཉེར་གཉིས་པ།
བཞི་པ། སྟོང་པ་ཉིད་ལ་སྐྲག་པ་སྤང་བ་ནི།
༩
ཀུན་ཡོད་མ་ཡིན་ཅི་བྱ་ཞེས། །
ཁྱོད་ལ་འཇིགས་པ་སྐྱེ་འགྱུར་གྲང་། །
གལ་ཏེ་བྱ་བ་ཡོད་ན་ནི། །
ཆོས་འདི་ཟློག་བྱེད་མི་འགྱུར་རོ། །
༡༠
ཁྱོད་ལ་རང་ཕྱོགས་ཆགས་ཡོད་ཅིང། །
གཞན་གྱི་ཕྱོགས་ལ་མི་དགའ་ན། །
མྱ་ངན་འདས་པར་མི་འགྲོ་སྟེ། །
གཉིས་སྤྱོད་ཞི་བར་ཡོད་མི་འགྱུར། །
ལྔ་པ་བྱེད་ལས་ཡོད་མེད་ཀྱིས་མྱང་འདས་ཐོབ་མི་འཐོབ་བསྟན་པ་ནི།
༡༡
བྱེད་མེད་མྱ་ངན་འདའ་འགྱུར་ཞིང་། །
བྱེད་པས་ཡང་སྲིད་འགྱུར་ཏེ་དེས། །
བསམ་ཁྲལ་མེད་པས་མྱ་ངན་ལས། །
འདས་པ་ཐོབ་སླ་ཅིག་ཤོས་མིན། །
དྲུག་པ་འཁོར་བ་ལ་སྐྱོ་བ་རྣམས་ནི་མྱང་འདས་ཐོབ་པར་བསྟན་པ་ནི།
༡༢
གང་ལ་འདི་སྐྱོ་ཡོད་མིན་པ། །
དེ་ལ་ཞི་གུས་ག་ལ་ཡོད། །
རང་ཁྱིམ་ལས་བཞིན་སྲིད་པ་ནི། །
འདི་ནས་འབྱུང་བའང་བྱ་བར་དཀའ། །
བདུན་པ་སྡུག་བསྔལ་གྱིས་གཟིར་བ་དག་མྱང་འདས་མི་ཐོབ་པར་བསྟན་པ་ནི།
༡༣
ལ་ལ་སྡུག་བསྔལ་ཟིལ་མནན་ཅིང་། །
འཆི་བར་འདོད་པ་དག་སྣང་སྟེ། །
དེ་ཚེ་དེ་དག་གཏི་མུག་ཕྱིར། །
གོ་འཕང་དམ་པར་མི་འགྲོར་ཟད།
བརྒྱད་པ་གང་ཟག་གི་རིགས་ཅན་མཆོག་དམན་གསུམ་ལ་བསླབ་པའི་རིམ་པ་བསྟན་པ་ནི།
༡༤
སྦྱིན་པ་དམན་པ་ལ་གསུངས་ཤིང་། །
འབྲིང་ལ་ཚུལ་ཁྲིམས་གསུངས་པ་སྟེ། །
མཆོག་ལ་ཞི་བ་གསུངས་གྱུར་པ། །
དེས་ན་རྟག་ཏུ་མཆོག་ཏུ་བྱོས། །
༡༥
བསོད་ནམས་མིན་པ་དང་པོར་བཟློག །
བར་དུ་བདག་ནི་བཟློག་པ་དང་། །
ཕྱི་ནས་ལྟ་བ་ཀུན་བཟློག་པ། །
གང་གིས་ཤེས་དེ་མཁས་པ་ཡིན། །
༡༦
དངོས་པོ་གཅིག་གི་ལྟ་པོ་གང་། །
དེ་ནི་ཀུན་གྱི་ལྟ་པོར་བཤད། །
གཅིག་གི་སྟོང་ཉིད་གང་ཡིན་པ། །
དེ་ནི་ཀུན་གྱི་སྟོང་པ་ཉིད། །
༡༧
ཆོས་ཆགས་དེ་བཞིན་གཤེགས་རྣམས་ཀྱིས། །
མཐོ་རིས་འདོད་པ་རྣམས་ལ་གསུངས། །
ཐར་པ་འདོད་རྣམས་ལ་དེ་ཉིད། །
སྨད་འགྱུར་གཞན་དུ་སྨོས་ཅི་དགོས། །
༡༨
བསོད་ནམས་འདོད་པས་སྟོང་པ་ཉིད། །
ཀུན་ཚེ་བརྗོད་པར་བྱ་མིན་ཏེ། །
གནས་མིན་གནས་ལ་སྦྱར་བའི་སྨན། །
དུག་ཏུ་འགྱུར་པ་མ་ཡིན་ནམ། །
🙏🙏
🌅🙏🙏🙏🌅