أشتغل مهندس موقع مقاول ولا استشاري؟ لو انت لسه متخرج اعرف الإجابة | فن التشييد (10)
Vložit
- čas přidán 27. 07. 2024
- للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
--------------------------------------------------
00:00 المقدمه
08:21 دوري ايه في المشروع كمهندس مدني
08:34 دور مهندس موقع مع المقاول العام
15:14 دور مهندس الاشراف على التنفيذ مع المكتب الاستشاري
21:12 الفرق بين الاستشاري والمهندس المشرف على التنفيذ
24:24 انهي الأفيد ليه؟ مهندس موقع ولا استشاري؟
27:54 امته اقرر اني اشتغل في مكتب استشارات هندسية؟
29:59 ايه اللى تستفيده من حلقة النهاردة؟
--------------------------------------------------
عرفنا قبل كده إيه هي جهات المشروع الأربعة اللي بتدير المشروع من البداية للنهاية, وكان من ضمن الجهات دي, الجهة الإستشارية للمشروع, والمقاول العام, كل واحد بيكون ليه عدة مهمات بيقوم بتنفذيها طبقاً للعقد الموقع بينه وبين مالك المشروع, خلال حلقتنا النهارده هنعرف إيه هي المهام دي،وهنجاوب على سؤال مهم بيسأله دايما حديثي التخرج:أشتغل في مكتب استشاري ولا اشتغل في شركة مقاولات عامة؟وهل هتفرق معايا في الخبرة وفي سعري في السوق؟امته الوقت المناسب اللى اكون فيه جاهز اني اشتغل في مكتب استشاري؟ كل إجابات الأسئلة دي هنعرفها في حلقة النهارده.
طبعا جهات المشروع الأربعه وهي:المالك،والاستشاري،والمقاول العام،ومقاولي الباطن.وطبعا كل واحد بيكون له دوره في المشروع كما هو موضح بالحلقة.
دورك في المشروع كمهندس موقع بيكون في منطقتين:يا اما مهندس تنفيذ مع المقاول العام،أومهندس مشرف على التنفيذ مع الجهة الاستشارية.
1-مهندس الموقع مع المقاول العام:دوره انه يذاكر اللوحات جيدا،ويفهم تفاصيلها،سواء في مرحلة الخرسانات أو في مرحلة التشطيبات،وكذلك اللوحات التفصيلية لكل بند واللى بتصدر عن المكتب الفني.بالاضافه الى ان دوره انه يشغل مقاولين الباطن اللى تحتيه،ويقوم بمتابعة شغلهم يوميا،ويشوف طلباتهم،ولو في حاجه معطلاهم بيوفرهالهم.انت كمان ملزم تحل كل المشاكل الفنية والادارية اللى بتظهرأثناء التنفيذ،وكمان بتوفر توريدات الخامات اللى الصنايعية بيشتغلوا بيها،سواء من قسم المشتريات عندك في الشركة،او توفره بنفسك،بحيث ان الصنايعية مايعطلوش بسبب نقص الخامات.بعد كل ده بتبدأ مرحلة تسليم البند للاستشاري،عشان يتأكد انه متنفذ طبقا للكود والمواصفات،ويعتمد استلامه،ودي أهم مرحلة لمهندس الموقع،انه ازاي يعرف يسلم البند للاستشاري ويعرف ازاي يتناقش معاه ويقنعه بشغله.
2-المهندس المشرف على التنفيذ مع المكتب الاستشاري:فى الواقع ليس له اى تعامل مع مقاولين الباطن أو الصنايعية،ولكن تعامله بيكون مع المالك ومع المقاول العام.ودوره بيكون:انه بيدرس اللوحات جيدا،ويستلم البنود،والاشراف على الصب وعلى تكسير المكعبات،وظهور نتايج التكسير،وهكذا.فلازم تكون فاهم جودة كويس جدا في أعمال الصب،وبتكون واقف مع زميلك مهندس الموقع،انتوا الاتنين بتشرفوا على صب الخرسانة.ومن ضمن مهامه أيضا انه بيتاكد ان العينات المعتمدة من مواد البناء واللى موجودة في غرفة العينات،مطابقة للتوريدات اللى بتنزل في أرض المشروع.
الفرق بين الاسشتاري والمهندس المشرف على التنفيذ:المهندس الاستشاري لقب بيطلق على مهندس عنده خبره أكتر من 15 سنة،وده كلام نقابة المهندسن،واللى بتطلعلك كارنيه استشارات هندسية،طبقا للشروط اللى حاطنها،وده غير كارنيه نقابة المهندسين الأساسي.مهندس الاشراف على التنفيذ بيكون اللى خبرته أقل من 15 سنة،بس احنا في الموقع تسهيلا بنطلق عليهم لقب مهندس استشاري.
انهي أفيد ليه؟مهندس موقع ولا استشاري؟طبعا في بداية حياتك العملية شغلك كمهندس موقع مع المقاول العام،هو اللى هيفيدك أكتروهيكسبك تعامل أكبر مع المقاولين والعمال والصنايعية،وهيديك خبرة أكتر؛لأنه دايما بيكون تحت ضغط،وهو اللى بينفذ 90% من البند،والاستشاري بيجي يقفل ال10%،اللى هي حتة الجودة والاستلام.
امته أقرر اني أشتغل في مكتب استشارات هندسية؟في حالة لو انت أصلا مش حابب الكاريير ومش حابب طبيعة العمل والضغط بتاع المقاول العام،وعاوز تتخصص في سكة الستشارات الهندسية،ساعتها ممكن تحضر دراسات في الجودة،وممكن تتعمق أكتر في مجال التنفيذ،وتاخد كورسات أو دبلومات في جامعات محترمه،وساعتها بتكون متخصص في السكة دي،ولما تبدأ في السكة دي،لازم تكون مقرر انك مش هترجع تشتغل مهندس تنفيذ مع مقاول عام تاني؛لأن الرجوع هيكون صعب.
ده كان باختصار كل مايتعلق بالفرق بين المهندس الاستشاري والمهندس المقاول العام.
واللى تقدر تستفيده من حلقة النهاردة:انك تكون انسان عارف هو رايح فين،ومحدد هدفك من الأول،ولكن التردد والتشتت بيخلوك لاتصل.
ياترى استفدتوا ايه من حلقة النهاردة؟وهل الأنسب ليك انك تبدأ مع مقاول عام ولا مع مكتب استشاري؟شاركونا في التعليقات.
--------------------------------------------------
#استشاري #مقاول
#مهندس_تنفيذ #مهندس_موقع
#احترف_التنفيذ #عبد_الرحمن_الشرنوبي
-----------------------------------------------------------------
- لمتابعة الحلقات علي القناة أسبوعيا الرجاء عمل subscribe:
/ abdalrahmanalsharnouby
- لمتابعة القناة علي Facebook الرجاء الدخول علي الرابط:
/ abdelrahmnalsharnouby
- لمتابعة القناة علي linked-In الرجاء الدخول علي الرابط:
/ abd-al-rahman-al-sharn...
- لسماع الحلقات صوتياً علي Soundcloud الرجاء الدخول علي الرابط
/ abd-alrahman-alsharnouby
- لمتابعة القناة علي Instagram الرجاء الدخول علي الرابط:
/ abdalrahmanalsharnouby
- لمتابعة القناة علي Twitter الرجاء الدخول علي الرابط:
/ abdlrahamns
افضل مهندس فالانترنت واليوتيوب بالنسبالي وبججججد حرام حد يتفرج على الفيديوهات بتاعتك ومايعملش لايك
الله يكرمك يا باشمهندس, كلك ذوق, اكيد فيه ناس أفضل مني بكتير وبنتعلم منهم دائماً
انا رؤيتي للموضوع إن مهندس الإشراف علي التنفيذ عشان يكون خبرة بجد لازم يشتغل في مهندس موقع "مهندس للمقاول" في الفترة الأولي من حياته، ديه في حد ذاتها بتخليه {لما يكون مهندس "استشاري"} فاهم و مُلم بكل اللي بيتعمل من جهة المقاول. يعني يكون قاعد في الكراڤان و هو عنده الخبرة الكافية إنه يبقي عارف كل حاجة بتتعمل ازاي و اتعملت ازاي. و يبقي عدي علي الخبرة الكافية في الحياة و نضج كدة إنه يتواضع..حاجة بلاحظها إن المهندس الإستشاري بيبقي عنده "أنفة" كدة او تنك في نفسه شوية و ده بيسبب إنه بيغلط أو بيشوف نفسه فوق اللي حواليه...لازم في الأول يعدي علي التجارب اللي تخليه يتواضع كدة و ياخد الأمور ببساطة.
كمان حاجة هي إن شغل المقاول بيحتاج مهندس عنده سينس التطوير عالي و تطوير معدل الإنتاجية بتاعته قول عشان ينجز بسرعة فياخد وقت راحة لنفسه اكثر...و كمان تطوير الآليات اللي بيستخدمها كل يوم عشان يعمل شغله...شغله في مجال كله سرعة و ضغط هيخليه يـ(Optimize) شغله و يبقي عارف بالظبط الـ(extent) بتاع أستخدام كل أداة...بدل ما تلاقيه نازل بمخلة بجد فيها كل ادواته😅 بيبقي خد خبرة كافية إنه يعرف هو محتاج ايه بالظبط و مش محتاج ايه
كلام سليم يا باشمهندس ووجهة نظر تحترم
أتفق
انا نادر ما بعلق عالفيديوهات
بس ما اقدر يوم شوف حلاقاتك إلا أشكرك
الله يحفظك ويوفقك
الله يكرمك باشمهندس فايز, نحب انك تعلق على فيديوهاتنا على طول بقى 😊
إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ﷺ..
اللهم بارك اغبطك ربنا يتقبل منك ويبارك فيك يا بشمهندس
حلقة جميلة جدا ، وكلها معلومات
مشكور على مجهودك ي بش مهندس
الله ينور يا هندسة ربنا يزيدك من علمه وينفع بيك ❤️ بنتعلم منك كتير
الله يكرمك يا باشمهندس.
زميلي العزيز، أوافقك الرأي، ف مهندس الاستشاري زي حكم الكورة، وفرق كبير بين الحكم اللي ابتدا لاعب وبعدين بقى حكم، والحكم اللي طول عمره في التحكيم...
جزاك الله خير الجزاء
جعله الله في ميزان حسناتكم
امين يارب
بارك الله فيك يا مهندس كلامك مفيد جدا
شكرا ليك ياباشمهندس أنس ... كلك ذوق
جزاك الله خير ي هندسه 💝💝
جزانا وإياكم يا باشمهندس
جزاك الله خيرا واكثر الله من امثالك ♥️❤️❤️
شكرا ليك يا فندم...كلك ذوق
الله يحفضك باش مهندس انت ذهب ربي يكثر من امثالك ويرزقك الرزق من اوسع ابوابه على النصائح المفيدة الي تنصحنا هي
شكرا من القلب 💜
متابعك من العراق 💜🇮🇶
الله يكرمك يا باشمهندس كلك ذوق ❤
حلقاتك جميلة وكلها استفادة لدرجة انى بتمنى ان مدتها تكون بالساعات
الله يكرمك يا باشمهندس
استمر ياهندسة ربنا يجازيك خير
الله يكرمك يا باشمهندس
فيديو ممتاز ربنا يبارك فيك ياهندسة
الله يبارك فيك يا باشمهندس
طول ياهندسة براحتك واللة مهما الفديو طال مبملش من حضرتك انت مرجع أساسى بالنسبة ليا
الله يكرمك يا باشمهندس, بس انا مش مرجع متودنيش في داهية 🙂
@@alsharnouby 😂😂😂😂 أحلى مرجع والله
هههههه 😃
هي والله * 😅
ربي يوفقك أستاذنا.
امين يارب
السلام عليكم يا باش مهندس عبدالرحمن انا مهند علي متابعك من السودان تحيه طيبه
بالنسبه لي احب اكون مهندس موقع لانو دا المنصب الوحيد البحسكك بعظمه العندسه والشغل وطالما انت مهندس موقع ح تقدر تحس بضخامه الاعمال والانجاز وتكون فخور بنفسك تحياتي مهند علي ❤
شكرا علي مشاركتك يا فندم
ربنا يكرمك و يباركلك و يجازيك خير
شكرا ليك ياباشمهندس عبدالرحمن...كلك ذوق
الله يجزيك الخير يارب
لسا متخرج وبسال نفسي استشارات ولا مقاولات.. والحلقة سبحان الله نزلت من ربنا فالوقت المثالي
طب الحمد لله, نشنت صح باين عليا 😉
شو صار معاك صديقي بعد سنتين؟؟؟
بجد انت كنز
الله يكرمك يا باشمهندس
شكرا لمعلوماتك الجميلة
تحياتي لك من العراق
شكرا ليك ياباشمهندس حامد...كلك ذوق
يا باشمهندس يا ريتنى كنت سمعتك من ساعة م اتخرجت بس للاسف قدر الله وماشاء فعل .. بجد ربنا يجزيك الخير كله مجهودك رائع
شكرا ليك ياباشمهندس محمد...كلك ذوق
كلام مظبوط!
شكرا ليك ياباشمهندس كريم...كلك ذوق
للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
الله يكرمك ي هندسه و يزيدك يارب ممكن بعد اذنك فيديو عن ال pmp ارجووووك ؟
شكرا لاقتراحك ياباشمهندس
والله يا هندسه انا شغال مهندس موقع وكل الكلام اللي حضرتك قولتله انا حصل معايا بالفعل ضغط شغل واشراف علي كل المستودعات وتسليمات وحصر كميات واستخراج طلبيات وعمل ريكوستات وضغط جامد
وفي المكتب الاستشاري مهندسين اشراف نفس دفعتي قاعدين في الكرفانات ومش بينزلوا الا للاستلامات والتشيك قبل مهندس الاستشاري
ومن الضغط اللي انا فيه كنت بستغرب من اللي حاصل في الشركه اقول الناس مرتاحه وبتنزل دقايق وترجع تحت التكيف وانا من مستودع لمستودع اليوم كله مش بشوف الكرفان الا وقت عمل الريكوست او حصر كميه
وسبحان الله حسيت ان ربنا بعتلي الفديو الجميل دا في الوقت المناسب حسيت بنعمه كبيره والله الحمد لله
الف شكر يا مهندس عبدالرحمن انت عظمه ودايما بستفيد منك واخدت عندك كورسات واستفدت كتير منك ربنا يزيدك من العلم يا مهندس ❤
العفو باشمهندس عبد الرحمن، وببشرك كل نقطة مجهود بذلتها في الحلال ربنا هيعوضك عليها ده عن تجربة شخصية مني لإني كنت بعمل زيك 😇
الله ينور عليك
وعليكم يا هندسة
شكرا 💙
شكرا ليك ياباشمهندس أحمد...كلك ذوق
راجل جامد جدا ❤️❤️❤️
شكرا ليك ياباشمهندسه مريم...كلك ذوق
باشمهندس ياريت لو تعمل فيديو إزاي ندور علي شغل بطريقة صحيحة.. يا رييييت
راجع حلقة-ازاي ادور علي وظيفة مهندس موقع؟
czcams.com/video/YwBBx6ymE_I/video.html&ab_channel=abdalrahmanalsharnouby
بارك الله بيك مهندس وضحت هواي امور مجنت اعرفها.. بس ياريت تسوي حلقه عن مجال الاستشارات لان انا حابة اتخصص بي وما اعرف طبيعة عمله.
شكرا ليك ياباشمهندس ...كلك ذوق
رأى محترم اعتقد ان الافضل مجال المقاولات في البدايه ولو حب ينقل استشارات يبقى عنده خبرة ويقدر يكمل فيها
ده كلام سليم ويحترم 🙂
السلام عليكم يا بشمهندس انا متابع لحضرتك من زمان بس انا مهندس مكتب فني ونفسي حضرتك تعمل فديو عن مهندسين المكتب الفني ومستقبلها ومرتبتها 👍👍
الله يكرمك يا باشمهندس كلك ذوق, انا للأسف مش متخصص مكتب فني فمش هاقدر افيدك
جزاك الله خيرا يا هندسة ❤️😍
الله يكرمك يا هندسة ❤
مهندس ممكن تنزل حلقات كامله شرح عن تشريك الحديد في الاسقف و الكمرات يكون شرح مفصل مثل حديد ايه يكون فوق حديد ايه وايه يكون من تحت خصوصا بحتت الهوردي
كلامك مظبوط يا هندسه ، للأسف كنت ضحية عدم وجود فرص عمل و اشتغلت استشاري في الأول بس بعد ما دورت كتير علي شغل في شركات المقاولات ، و الحمد لله
ممكن الفيس بتاعك عاوز اسالك على حاجه
شكرا علي مشاركتك ياباشمهندس محمد
يا هندسه لو شغل صيانات وتشطيبات وشغال بدون ولا مقايسه ولا مواصفات وكله شفاهى فعلا يا هندسه هنطبق كل الكلام دا إزاى
الكلام دا فى الخرسانات يعتبر سهل شويه حتى لو مفيش لوحات خالص سهل الواحد يتعامل بالكود حتى لو مفيش مواصفات اوى يعنى
عظمه يا هندسه والله ربنا يبارك ف حضرتك ❤ وحابب أبلغ حضرتك اني فعلا حابب شغل شركات المقاولات ومقرر اني اشتغل مهندس تابع لشركه مقاولات وليس مكتب استشاري لانها الشغل بذاته والخبره 👏❤
شكرا ليك ياباشمهندس بسام...كلك ذوق
ممكن يا بشمهندس تعمل لنا حلقه عن البرامج المطلوب نتعلمها فى مجال الري
بس انا ماشتغلتش في مجال الري للاسف 😅
@@alsharnouby بس حضرتك فى أكاديميه بناء وفيها محاضرين كتير تقدر تخلى حد منهم يعملنا حاجه شبه كدا فى مجال الري
طيب اللي بقاله فترة كبيرة اكتر من ٥ سنين شغال استشاري بس حابب يشتغل مقاول يعمل ايه ؟؟
بقدم ف شركات مقاولات كتير بس للاسف مفيش فرص بتجيلي !
ايه الحل ؟؟
❤❤🔥🤝🏻
عظمة يا هندسة ❤
حلقة ممتازة ومقنعة تمامًا
كلام مظبوط
والله يا هندسة الي انا شايفة من رأيي يعني والي انا ان شاء الله عايز اعمله اما اتخرج اني اشتغل الاول تنفيذ (مهندس مقاول عام ) عشان اكتسب خبرة كويسة وبعد كده ممكن اعمل شفت كرير واشتعل مهندس تصميم بما اني دارس تصميم وبردو ابقا أطور نفسي فيه
والله ده خطة عمل ممتازة وترتيب منطقي لمراحل حياتك العملية وان شاء الله تنفذ الخطة ده وتكون موفق فيها
@@alsharnouby
❤❤❤🤝🏻
يارب ❤
حبيبي يا هندسة ❤
احلي تعليق انو مبروك تخرجتو وبكامل قواكم العقلية ههههه
🙂
احسنت
شكرا ليك يا فندم...كلك ذوق
سؤال ياهندسة عامل المحارة طلب إن عامل البناء يشد خيط من بره علشان الواجهة الامامية والجانبية هل ده صح
ايوة فعلا عايزين نضائح
خاصة الله يبارك لك لو انا مهندس معمارى
عشان انا خريج عمارة لك ن مفيش ناصح امين قدامى زى حضرتك الصراحة غير قليل جدا
عشان متشتت جدا و فى حاجة نفسية صعبة شوية
شكرا ليك ياباشمهندس ...كلك ذوق
لو سمحت يا هندسة انا بشتغل مشرف انشاءات اية الدورات المعتمدة اللي ممكن اخدها عشان تاهلني للعمل بالخارج
جزاك الله خيرا يا باشمهندس
ده اول تعليق ليا علي فيديوهاتك ، المحتوي جميل ما شاء الله ومفيد جدا ، وكويس جدا أن حضرتك منزله علي الساوند ويا حبذا لو حضرتك تنزلنا الكلام نفسه علشان أقدر أطبعه وأقرأه واعمل عليه Highlights، لاني بتعب جدا في الكتابه ورا حضرتك ، وشكرا لحضرتك يا هندسه ❤️
انا ناقص اجي بنفسي وتشوفني وانا بقول الحلقة يا محمد 😄
@@alsharnouby😂😂😂😂
وجهة نظرك طرق ولا إنشاءات حتى لو راتب الطرق أفضل ؟
الطرق بقى ليها سوق واسع جداً, الفترة الأخيرة, لو الراتب كويس توكل على الله
جزاك الله كل خير باشمهندس
بالجد حلقة مفيدة جدا جدا ،اوفيت وكفيت، انا مهندس مدني اتخرجت من ستة سنين وبالجد كنت تااايه شديد ما بين التنفيذ والإشراف لكن عند رغبة في شغل مهندس كإستشاري وحابب إني أكمل في هذا المسار إن شاء الله
شكرا علي مشاركتك ياباشمهندس ايهاب ...بالتوفيق ليك
@@alsharnouby
آمييين يا رب ،، تسلم يا هندسة وربنا يكرمك وينفع بيك الناس ويزيدك من العلم والمعرفة
يا هندسه انا لسه متخرج السنادي وكان نفسي اشتغل مقاولات بس في فرصه قدامي حاليا كمهندس اشراف علي التفيذ اقبلها ولا لأ مع العلم ان عندي جيش في شهر ١
سلام عليكم ورحمة الله وبركاته
وعليكم السلام ورحمة الله وبركاته
بشمهندس كنت عايزة اسال حضرتك انا عايزة افتح شركة interior design وعندي خبرة ٣ سنين في المجال بس مش عارفة اجيب منين شغل عشان بالتالي افتح شركة
كلام جميل جدا والله يا هندسة ووضحلي حاجات كنت فاهمها غلط ولكن انا عايز ابدأ حياتي كمهندس مقاول عام وبعد كدة اتجه إلى مجال الاستشارات الهندسية واكمل فيها وأحضر دراسات فيها وحضرتك قلت ممكن تحضر دورات تنفيذ من جامعات برة ...ممكن اعرف افضل الجامعات في تعليم دبلومة التنفيذ دي ؟
السلام عليكم ..تحية طيبة يابشمهندس .. شكرا لك على المحتوى القيم الي بتقدمه.... حبيت استفسر انا الان مهندس ميكانيكا ومتخصص في مجال مكافحة الحريق مت ٣ سنوات وحاب اغير روتين شغلي وافكر بالمكتب الفني طبعا الي بيعملو مخططات ويستلموا والمهام الي ذكرتها انفا انت ومتردد من القرار وحاب تفيدني بالامر خصوصا اني حاب المجال وحاب اتعمق فيه والمقاولات مافي وقت للاطلاع كله شغل بتلي قدامك تنفيذ وشكرا
🌹
شكرا 🙂
انا مش مهندس لكن متابعك من زمان الوقتى بتعامل مع صنيعية بتقابلنى مشكلتين اول حاجة بقول الصح و اللى انت بتشرحه فى فيديوهاتك و مبيتنفذش ثانى مشكلة الاتفاق على سعر بعد الشغل يزود فلوس تحت كذا مسمى منها شاى منها اصل دى مصنعية زيادة لو نفذ الصح اللى بتعلمو منك و المهندسين عموما على منصات التواصل مستنى ردك
هندسة هو الشوب دروينج المفروض على شركة المقاولات ولا الاستشارى!؟
أولا ربنا يكرمك يا باش مهندس، سؤالي شرحك في الفيديو ينطبق ويشمل تخصص ( مدنية وإلكتروميكانيكال ) كمان صح؟؟ يعني المجالات اللي تشتغل في قطاع التشييد..
لأني مهندس مهندس ميكانيكا ومهتم بمجال الإليكتروميكانيكال..
وشاكر جدا لك والله ..
ايوة يا هندسة المقاولات بتلم كل التخصصات الهندسية
طيب سؤال هل دا ينطبق على كل الأقسام اللي شغاله ف المقاولات؟ لاني ف قسم كهرباء وشايف أن مهندس المقاول التنفيذ نفس شغل مهندس الاستشاري الإشراف على التنفيذ!! لاني اشتغلت الاتنين ومش شايف اي فرق بل بالعكس انا ف الإشراف على التنفيذ بيظهر مشاكل كتير وبنزل اتناقش مع التنفيذ لحد ما بنلتقي حل
إيه رأي جضرتك في مجال ضبط جودة الخرسانة؟
اهلا بيك باشمهندس, من حيث ايه تحديدا ؟
السلام عليكم ورحمة الله وبركاته شكوا علي المعلومات المهمة اللي حضرتك بتطرحها كان في سؤال لحضرتك هو الافضل لمهندس في بداية حياته انه يشتغل تنفيذ ولا مكتب فني وايهما افضل حاليا
الأفضل يشتغل تنفيذ لو مناسب ليه وبعد كده ممكن لو بقى عنده خبرة كافية في التنفيذ يتجه للمكتب الفني
إللي بيسمعك مش مهندس ممكن يكون صاحب عقار أو مطور عقارات
شكرا ليك يافندم...كلك ذوق
طيب يا هندسة أنا من الغربية خريج ٢٠١٩ ولسه مخلص جيش ومعروض عليا شغل طرق في شركة مقاولات في موقع بين الواحات الداخلة والفرافرة بمرتب٥٠٠٠ وشغل تاني في مكتب استشاري في شرق السويس بمرتب ٤٨٠٠ حضرتكم ترجح مين فيهم؟
بالفعل انا بدأت استشاري وحاليا بدور ع فرصة مقاول عام
بالتوفيق ياباشمهندس محمود
باش مهندس ايه المشكله يكون المهندس متنوع الخبره فاهم شغل المقاولات وشغل الاستشارات وحتى في شغل التصاميم... ارجو الرد كونكك ما شاء الله مهندس لامع وفهمان
دلوقتي ياهندسه المهندس الإستشاري اللي بيقي معاه الكارنيه دا لازن يبقي مقضي 15 سنه في الإستشارات الهندسيه ولا خبره في التنفيذ عمتاً؟؟؟
خبرة في التنفيذ عامة
بعد اذنك يا بشمهندس انا دلوقتى مش فاهم دور مهندس موقع مقاول في استلام البنود هوانا مش المفروض استلم البنود من المقاول الباطن مش من الصنايعى وان لو الصنايعى عمل حاجة غلط يبقي دا دور مقاول الباطن؟!!
حاول تزود الفيدو يا باشمهندس 😂
طب بص على الكومنتات حتلاقي مهندس محترم بيقولي نقص مدة الفيديو؟ اعمل ايه بس ؟ 🙂
تمام يا هندسة
بس حبيت أستفسر منك لو أنا شغال مهندس الاستشاري
وحبيت أنقل مهندس جودة في شركة مقاولات
في المقابلات بيكون الأولوية لمهندس الإستشاري ولا مهندس تنفيذ المقاول أكثر
وشكرا جزيلا يا هندسه
الاولوية بتكون في مين اللي هيدير الانترفيو كويس ويقلبه لصالحه وهيرد على الاسئلة باجابات صحيحة قدر الامكان
والله يا هندسه الحلقه لو بقت ساعتين حتي مش هنزهق ولا هنمل
هل حضرتك شايف ان انزل مع مهندس شغال شغل اهالى فقط هيفيدني ولاهيبقي تضييع وقت والافضل انى ادور على مكتب معتمد
الأفضل حاليا شغل الشركات حاول تقدم في شركات كبيرة تكون واخدة شغل عندك في المدينة اللي انت فيها
طيب يبشمهندس حضرتك مجبتش سيرة اشتغل تصميم أمته.. مش دى خطوة بتسبق انى ابقي مهندس موقع افضل ولا لا؟
شوف فيديو عندي علي القناة كنت عملته بيتكلم عن النقطة ده
هو فين المهندس المعماري ؟ هو المهندس المعماري هو الاستشاري؟
طب حضرتك بالنسبه لواحد حديث تخرج لسه ميعرفش اي حاجه غير بسيط هل لما يبدا شغل هيلاقي الي يساعده و يعلمه و عادي يسال ولا هيبقي شايل حاجه ميقدرش عليها و يكره المجال اصل كا شركه ليه يعين واحد ممكن يقعد شهر مثلا مش بستفاد منه بحاجه
انا فاضلي سنه في الكليه ولسا طالع تدريب مع مهندس معرفه شغله مباني ارياف اشراف بينه وبين المالك فقط وحاسس اني مضيع وقت او شايف ان الموضوع حفظ اكتر ما هوه فهم واختلافات كتير عن الاساسات اللي درستها هل اكمل تدريب ولا ادور علي شركات كبيره وادفعلهم فلوس للتدريب ياريت حضرتك تفهمني
.
لا هو مفيش انك تدفع فلوس في التدريب, لو شايف انك مش بتستفيد حاجة حاول تقدم على تدريب في شركات كبيرة, قبل العيد عشان تنزل بعد العيد مباشرة
جزيت الحنة يباش مهندس انا بتابع حضرتك للاسف من فترة قريبة وليست بعيدة و لم انزل تدريب صيفى و انا حابب اشتغل مع شركة مقاولات مهندس موقع فايه نصيحة حضرتك هل انزل تدري ب وانا خريخ انا مهندس معمارى
لا تدريب بعد التخرج, اشتغل في الموقع واقبض مرتب المهندس اللي في دفعتك
هندسه لو سمحت أنا حديث تخرج ومعنديش خطه محددة لمستقبلي
بس مستني أفهم المجال كويس وأدرسه وبعد كده أقرر
خايف أقرر علي حاجه معينه وأنا لسه مش فاهمها سواء تنفيذ أو استشارات أو تصميم
أيا كان المجال أنا فعلا لسه بدري علي م أعمل خطه لمستقبلي وأحدد
ولحسن الحظ إن جميع أقسام مجالنا بتشترك في بداية واحدة وهي العمل لفتره معينة كمهندس تنفيذ لكسب الخبره وفهم أصول الصناعه وبعد كده ممكن أرسم خطة وأحدد طرقي
مع العلم إن نفسي أشتغل في مجال التصميم وأحترفه
بس زي م قولت أنا منتظر أفهم المجال الأول بشكل عام
هل أنا كده بفكر صح ولا لازم أوقف نفسي وآخد قرار في الوقت الحالي
حاول تجرب الحاجة اللى تجيلك علشان تعرف تحكم كويس وكمان شوف المجال انت حابب تكمل فيه او تشتغل فيه بعد كدا وحاول تطور من نفسك فيه
وربنا يرزقك يا بشمهندس ويوفقك
الله ينور يهندسه
بس المكاتب الاستشاريه بياخدو حديث التخرج لقله المرتب ....
وشركات المقاولات بتطلب خبره دائما....
فبتالي اغلب المهندسين بيروح المكاتب الاستشاريه وهو مغلوب ع أمره
مين قال ان شركات المقاولات بتطلب خبرة دايما؟ 🙂
@@alsharnouby يعني في شركات مقاولات عامه بتطلب حديث تخرج ؟ ولو بتطلبه بيبقى ايه مجالات عمله؟ هل بيعمل نفس اللي بيعمله مهندس الخبرة ؟
أنا معاك فى وجهة نظرك يا بشمهندس لكن انا حاسس انك متحامل على الاستشارى شوية
ممكن توضحلي ازاي؟
السلام عليكم ورحمة الله..بعد اذنك يا باشمهندس محتاج اسال حضرتك سؤال شخصي يخصني مش هينفع اكتبه ف كومنت فهل ممكن اخد رقم حضرتك للتواصل..وجزاك الله خير الجزاء❤️
يمكنك التواصل مع المهندس عبد الرحمن
# علي رسائل الصفحه الخاصه به علي الفيس بوك
facebook.com/abdelrahmnalsharnouby
# علي رسائل الصفحه الخاصه به علي لينكد ان
www.linkedin.com/in/abd-al-rahman-al-sharnouby-86905a123/
#admin
ليه مينفعش المهندس يشتغل مقاول ؟
سلام عليكم مقاول خشب يا هندسه
بش مهندس عبدالرحمن انا متابع حضرتك بقالي فترة كنت عايز اسئلك حضرتك على حاجة بس لو يمفع في الخاص 😅 بعد اذن حضرتك
يمكنك التواصل مع المهندس عبد الرحمن
# علي رسائل الصفحه الخاصه به علي الفيس بوك
facebook.com/abdelrahmnalsharnouby
#أو علي رسائل الصفحه الخاصه به علي لينكد ان
www.linkedin.com/in/abd-al-rahman-al-sharnouby-86905a123/
#admin
طيب انا عندي فرصة اعمل كمهندس مالك (ادارة كاملة تمثل المالك) وانا جزء من هالادارة، وانا مهندس حديث تخرج.. اعمل ايه؟ 🌚
الافضل تشتغل تبع المقاول العام عشات تتعلم شغله كويس جدا , النقطة التانية محدش بيكون في موقع ممثل المالك الا المهندسين الخبرة الكبار لان القرارات بتكون حرجة جدا ومهمة للمشروع كله
السلام عليكم
ممكن رقم موبيل للتواصل مع حضرتك
يمكنك التواصل مع المهندس عبد الرحمن
# علي رسائل الصفحه الخاصه به علي الفيس بوك
facebook.com/abdelrahmnalsharnouby
# علي رسائل الصفحه الخاصه به علي لينكد ان
www.linkedin.com/in/abd-al-rahman-al-sharnouby-86905a123/
#admin
انا مؤيد لكلام حضرتك جداً جداً
🌿
. بس انا عاوز استشيرك في حاجه يا هندسه انا خريج السنه دي والحمد لله تقديري امتياز بس مفيش تعيين عندنا في الكليه عشان هيا خاصه واستكفت معيدين بس انا حابب مجال الشرح وعندي اسلوب شرح كويس وده بشهاده زمايلي والباش مهندسين اللي شافو شرحي فحابب اسأل حضرتك هل احضر ماستر ولا بلاش طالما انا مش هكون معيد فالكليه وهل لو هحضر ابدأ وانا فالجيش واستغل فترخ الجيش ولا هيبقى موضوع مرهق ومش هقدر اخلص التمهيدي وانا فالجيش
. وشكرا مقدما 🌹
لو هتحضر خلص التمهيدى فى فترة الجيش
والله حسب فترة جيشك لو هيبقى عندك الوقت الكافي للتحضير والدراسة اوكيه حضر مفيش مشكلة,
ولو شايف انك تقدر تفيد المهندسين من خلال شرحك ايه المانع ما تعمل ماجيستير وتمشي في سلك التدريس
باش مهندس بعد اذنك، انا مهندس معماري وبعد التخرج اشتغلت كمقاول لمدت سنتين ومهندس مالك لمدة سنة، وحاليا شغال مقاول بس مكتب فني إعداد مخططات الشوب درونج، وجاتلي فرصة كمهندس موقع إستشاري (تشطيبات)، لانو بيني وبينك السنتين الي اشتغلتها مقاول متعمقتش في التشطيبات كتير وكان اكتر شغلي فيها شوب درونج وحاسس اني اذا انضميت للفرصة بتاعت المكتب الاستشاري دي حتضيف لي خبرة كويسة في التشطيبات، لاني كاستشاري حاستلم من المقاولين اعمال التشطيبات، ممكن بعد اذنك تفيدني اذا امكن؟
هل لسه الفرصة قدامك ؟
انا التعيين فرض عليه ان اكون مهندس استشاري وخبرتي 0% حديثة التخرج ماذا افعل🦦
ايه الاخبار حاليا ؟
السلام عليكم
بشمهندس لو سمحت استفسار
ايه اقصي عدد من الاجهادات الشد والضغط يقدر السيخ الواحد يتعرضلة ؟
مثال : ليه لو عندي كمرة مستمرة طولها ١٢ م مقسمة لتلات كمرات طول الكمرة الواحده ٤ متر والتسليح السفلي للتلات كمرات واحد ٣ فاي ١٦ ليه بوقف حديد السفلي لكل كمرة بعد وش العمود وبقطعه بطول ٥ م ليه مستخدمش سيخ ١٢ م ويمر بطول الكمرة ال١٢ م ؟؟ وكذلك الامر في البلاطات السوليد ليه ميتفعش استخدم سيخ بطوله يمر بأكثر من باكية
* لو فيه تفسير لفيديو ع اليوتيوب ياريت
بص يا باشمهندس محمد, ده سؤال تصميم انشائي ممكن تسأل فيه حد من مهندسي التصميم المتخصصين وهو هيفيدك أكثر مني 😉
@@alsharnouby تمام ، شكرا يا مهندسنا ، حضرتك بنستفاد منك كتير وربنا يجازيك خير يا هندسة ♥️
الله يكرمك حبيبي بالتوفيق
@@alsharnouby ♥️♥️
هو على حسب اللي اتعلمته في الكلية أن في البلاطات السوليد كل باكية بيبقى عليها مومنت مختلف عن اللي جنبها وبالتالي أقطار اسياخ الحديد بتختلف علشان احافظ على أن يكون عندي نفس عدد الاسياخ في الباكيات كلها ولكن مع اختلاف الأقطار علشان يقاوم المومنت أما بالنسبة للكمرة مش عارف حاجة زي دي الصراحة ولكن هسأل لحضرتك فيها
طب لو سمحت يا بشمهندس انا طالب لسه داخل اولى مدنى بس عايز ادخل فى المجال ده من دلوقتى انا عارف انه لسه بدرى بس انا حابب انزل المواقع وامشى فى الطريق ده من دلوقتى بحيث انى ابقى متخرج وقادرانى ادير موقع بس انا حاليا معنديش ادنى خبره بالمقاولات ومفيش موقع راضى يقبلنى ومش عارف ابدء الموضوع منين وفى نفس الوقت مش عايز اضيع الفتره دى من الخمس سنين بتوع الكليه من غير ما استفيد ارجوا الرد للضروره وجزاكم الله خيرا
أحييك على تفكيرك.
هو مفيش مجال ابدا بيه شغل غير التنفيذي أو الاستشارات
قصدك مجال في انهي تخصص ؟
مثلا مكتب فني او تصميم و الاتنين بيقولوا لازم يكون عندك فكره عن التنفيذ
لا طبعا ممكن تبدا اي مجال المهم تكون متأسس صح في التنفيذ
@@alsharnouby تمام جزاك الله خيرا يا بشمهندس
السلام عليكم يا بشمهندزين😂
😇
طب يا هندسة انا مهندس خريج 2019 و اشتغلت بقالي فترة كمهندس استشاري و كنت مضطر لانها الفرصة الوحيدة اللي توفرت ليا .. ممكن تنصحني اعمل ايه او اكتر حاجة استفيد بيها في الوقت الحالي ؟
المفروض يتحدد ان مكتب الاستشارات لما يجى يعين مهندسين اشراف على التنفيذ لازم ميقلش خبرة المهندس عن ٥ سنين خبرة ويكون اشتغل ال٥ سنين دول كمهندس تنفيذ مقاول علشان اثناء التسليم لما تظهر مشكلة يبقى عنده الخبرة ازاى يحلها ويكون الحل عملي بناءا على خبرته فى مجال المقاولات مش يرميها فى حجر مهندس التنفيذ المقاول ويرفض الاستلام ويمشى
كلام سليم باشمهندس محمد, ده بيفرق جدا جدا
حضرتك مين من مصر 🇪🇬يا هندسه
القاهرة
@@alsharnouby احسن ناس والله العظيم
في شغل كتير ف مصر ومشاريع كتير على جميع المستويات ، ليه مفيش طلب على المهندسين
وليه الحاجة اللي المفروض ٢ او ٣ مهندسين يعملوها الشركات بتضغط على مهندس واحد يعملها !
ليه مفيش قانون يحكم الموضوع ده ويلزم الشركات بعدد من المهندسين على حسب حجم المشاريع اللي بياخدوها !
.
.
.
عشان المهندس نفسه هو اللي قبل.. بس مفيش حل غير القانون فعلا
ممكن تكون أحد الأسباب ان مفيش سيولة عند الشركات كافية انها تشغل المهندسين اللي محتاجاهم في المشروعات بتاعتها بمعني ان عدد المشاريع اللي واخدها الشركة اكبر من السيولة اللي معاها اللي تخليها تعين مهندسين عندها, فبدل ما المشروع عاوزله عشر مهندسين, يبقي يعينوا فقط خمسة وهكذا
حاول تقلل م̷ـــِْن وقت الفيديو اختصر ربع سَـآعــهْْ تكفي تحباتي
بص يا باشمهندس علي الكومنتات هتلاقي مهندسين محترمين بيقولوا لي زود مدة الفيديو, اعمل ايه بس ؟ 🙂
بص يا باشمهندس علي الكومنتات هتلاقي مهندسين محترمين بيقولوا لي زود مدة الفيديو, اعمل ايه بس ؟ 🙂
زيد يا باشمهندس
جزاكم الله خيرا يا بشمهندس على كل المعلومات دى
عايز اعرف ايه افضل طريقة للتواصل بين مهندس التنفيذ والاستشارى عند ارسال Rquest لانه بتفاجى ان الاستشارى مش عنده rq او نسى انى سلمته ؟
فيه موظفين document control عند المقاول وعند الاستشاري هما اللي بيتواصلوا مع بعض