اني احچيلك قصتي طبعا احنة سنة من دخل داعش للفلوجة نزحنة من الفلوجة لعد محافظة واسط چنة كلشي معدنة اصلن طلعنة برواحنة اجينة وحنة الف دينار ما بجيوبنة وطبعا احنة چنة خايفين لان تعرفون كلشي معدنة وهاربين من الموت جانت ايام صعبة ردنة ناجر بيت بس معدنة فلوس ناجر وحنة منعرف احد واحنة جنة سنة و اهلنة بمحافظة واسط شيعة طبعا اجينة كاعدين بشارع اجانة رجال لحد هسة اذكر وجهة رجال جبير بالعمر جان اسمة ابو علي واجانة گال البابا انتو شسون بشارع بابا جان خايف ونوب سولفلة ونوب الرجال سئل بابا عن اسمة كالة اسمي عمر كالة واني اسمي ابو علي گالة اليوم تجي يمنة احچيلكم الصراحة چنة خايفين بس والله مننسة شلون استقبلون ابيتهم وكانت عدهم بنت ابعمري اخذتني لغرفتهة واعطتني ملابس وبدنة وسونة اكل لان چنة جواعانين وثاني يوم الصبح ابو علي كال يلة تعالوا لبيتكم خل اروح احنة استغربنة وگنالة بس احنة معدنة بيت ومعدنة فلوس ناجر بيت گال مالكم دخل رحنة ويا لگينا ماجرنة بيت وتارسة غرض لان طبعن كان فارغ وكلشي ممخلي البيت ينقصة من اصغر شي لاكبر شي والله ولگة لبابا شغل وگامو لمدت اسبوع يطبخون يدزونة اكل حتة احنة منطبخ مع انو همة چانو تارسين الثلاجة فواگه وخضروات وما لذ وطاب بصراحة بذيچ اللحضة حسيت احنة العراقين شكد واحد ايحب الثاني وشكد الشيعة يحبون السنة وشكد ماكو فرق بينة عشنة وياهم سنة كاملة والله حسينة روحنة مولودين من جديد ونوب ورة متحرت الفلوجة رجعنة البيتنة كان الفراق صعب ولحد هسة احنة ما ناسينهم وما ننساهم مستحيل احنة گمنة منگدر كل يومين اتلاثة لازم نتصل بيهم والله هاي القصة فهمتني انو بالعراق ماكو طائفية بس الايادي الخبيثة اتحاول تزرع الفتنة بينة شكرا لك يا عراق عرفتني على اخوان لي لا انساهم هاي قصتي يمكن هاي القصة قبل شي خمس سنوات ما اذكر بس هاي اول مرة احچيهة لناس اسفة على الاطالة بس موقف اخوانة الشيعة مينوصف بالكلمات لان الكلمات متكفي وحدهة
السلام عليكم انا من السعوديه و يعلم الله اني احب الشعب العراقي لما رايته من اخلاق وذوق هذا الشعب الرائع و بلنسبه للكرم عندهم كرم بلفطره والله يعطيك العافيه اخت قطر الندى على هذا الطبخ الجميل و المواضيع الايجابيه
انا من سلطنة عمان/محافظه ظفار... وانا اشهد انه العراقين أخوه ويد وحده عندنا عراقين سنه وشويه شيعه مثل الاخوان والي لاحظته السنه يدافع من قلبه على الشيعي لانه كان في حوار مابين إبن عمي وعراقي شيعي عن الطائفيه تدخل العراقي السني دافع لاخوه الشيعي جددددا حبيتهم وزاد احترامي لهم كثير بسبب ترابطهم ماشاء الله .....
اغاتي نصيحه مني كوني ابن النجف وطباخ مال قيمة راح انطيج طريقة طبخ القيمة النجفية الاصلية الي ولد النجف ابن عن جد يطبخون بيها اولا تقطعين البصح اربع ارباع يعني قطع كبار مو ثرم ناعم وتحمسي بالدهن وتضيفين فوكا اللحم . واللحم كون يكون قطع كلش كبار كلما كبار كلما كان احسن حتى تكون القيمة علاجية لان بالدك راح يكون خيوط تخلي القيمة علاجيه اذا مقطع قطع صغار مراح تصير علاجية واذا ما اندكت القيمة بالتخمام ( مدكة ) وانثرمت بست البيت او الخلاط مراح تصير علاجية مستحيل . وراها تحمسين اللحم ويا البصل لمدة تقريبا ربع ساعه وراها تضيفين فوكا الحمص الي هوه يكون منكع لمدة ليلة كاملة وتضيفين الماي واذا احد ماعنده كدر ضغط خلي من يقبق الكدر يخلي خاولي داير مداير القبق بحيث يحكمه ميطلع البخار ورا ما تستوي يدرخها بالتخمام ( المدكه ) وتضيفين البهارات وهي كمون وهيل مطحون ودارسين ونومي بصرة مطحونه وشوية طحين حمص حتى ما تمصل ابدا ( تمصل يعني ينفصل الماي عن القيمه ) وراها تضيفين المعجون ( والمعجون ما نحمسه لان اذا حمستي تصير القيمة سودة ) فنضيفه كبل وتضيفين الملح حسب الرغبة وتضيفين الزيت القيمة كلش تحب الدهن يعدلها وتخليها تفور ضروري جدا اقل شي فد ساعه نص ساعه لازم تفور مع االتحريك المستمر لان تحكك وتشوط اذا تنعاف وراها تهدريها براحتج وطبعا لكل كيلو لحم كيلو حمص وبالخدمه اغاتي ولا تنسوني من الدعاء . طبعا من اكثر الناس حبا للحسين هم المسيح سبحان الله عسا الله ينطيج مرادج
حبيبتي منور قطوره احنه الهسه والله نذكر كم ونكول والله جار ونعم الجار منكم ولا حسينه اكو فرق والهسه انكول هذا بيت ابو غياث تذكرين من يصير عيدكم كل الفرع يجي يمكم
حبيبتي والله انتو ذهب ورح اثبت تعليقج لان اني سويت الفديو خصوصا حتى احجي عنكم انتو نعمه الجار والقيمه مالتكم ليهسه نتذكرها 🥰 اني كل سنه بديت اطبخ قيمه واوزع على روح امي وابويه لان جانو يحبوها كلش
قناة مع قطرالندىkataralnada كان يكون وقت الصوم الكبير ، مرة كلت لماما يصير نخلي اكل جيرانا بالفريز واناكله بعد الصوم ، وبالفعل خلينا بالفريز و من اكلنا بعد اليوم يعني ورة فترة كان الطعم ابدا ما متغير 😌
السلام عليكم هذه قصه واقعيه عن الروح العراقيه..قصة تستحق القراءة كنت وفي نهاية التسعينات من القرن الماضي وبحكم اعمالي التجارية أذهب كل اسبوع إلى بغداد وتكون محطتي هو فندق سكمن وهو مقابل (المسرح الوطني) صاحبه رجل مسيحيّ (كان الجميع ينادونه أبو علي ) وكان عالي الجناب في اخلاقه وتصرفه وقد عرف اني من مدينة الحلة وقد اصبحت علاقتنا حميمه , وكنت كثيرا ما أجلس معه بالمكتب لنتجاذب أطراف الحديث , وقد قرأت اسمة الثلاثي وهو اسم مسيحي ينتهي بأسم (سكمن) , ولكن كل العاملين بالفندق والزبائن ينادونه (ابو علي) , اصبحت فضوليا وسألته كيف تكّنى (ابو علي) وانت مسيحي؟ ابتسم وقال سأسرد لك قصتي مع هذا الاسم . كان لي صديق تاجر من الناصرية ،وكان لي بذمته مبلغ 300 دينار وكان ذلك عام 1970 ،ذهبت بسيارتي المرسيدس، وكنت متزوجا في عامي الاول، اصطحبت زوجتي ،في يوم ربيعي غائم متوجها" للناصرية، وكنت اسير بسرعة تتجاوز ال120 كم.. كان امامي 4 سيارات حمل كبيرة، محملة بالحصى والرمل ،يسيرون برتل منتظم كنت اجتازها تباعا قرب مدخل الكوت ،وعند تجاوزي السيارة الأخيرة فوجئت بانهمار المطر بكثافة، و اصبح الطريق زلقا" ،حاولت التخفيف من سرعة السيارة، لكن دون جدوى ، لان السيارة انحرفت عن مسارها، ودارت عدة دورات قبل ان تتجه الىً البزل المحاذي للطريق العام، وشعرت بانقلابها، وصرخت بشكل لا إرادي وبصوت عال: يا علي، يا علي، يا علي يا علي ... تلاشى كل شيء وأصبح كل شيء بلون الدخان و فقدت الوعي .... بعد دقائق سمعت أصواتا"، وصيحات رجال يصيحون اللهم صل على محمد وال محمد ..بعد ان فتحوا أبواب سيارتي ،تجمهروا حولها ، بعد ان استفقت من غيبوبتي وجدت ان سيارتي لم تنقلب ،وانني توقفت بشكل عجيب على يمين الطريق . سالني الرجال المحيطين بالسيارة : انت ندبت من ؟! ،وبمن تنخيّت ؟؟ فقلت لهم: أيها الأخوة انا مسيحي، ولكن حين حصل الحادث صرخت بشكل لا إرادي ، بهتاف من داخلي :يا علي ، يا علي ، ، عدة مرات ، عندها تعالت اصوات التكبير و الصلوات على محمد وال محمد.. اقسموا علي اصحاب سيارات الحمل الذين اجتزتهم ، ان اكونً ضيفهم ،وكان لا بد لي ان ألبي دعوتهم الكريمة في مطعم قبالة السوق المسقف في الكوت ، وأثناء جلوسي وزوجتي في المطعم، بداوا بوضع جميع اصناف الطعام على المائدة ،وهم يقولون هذا ثواب لأبو الحسن (الأمام علي )..وأثناء جلوسي جاء احد بائعي السمك وطلب مني مفتاح سيارتي ،ففتح صندوق السيارة ووضع فيها سمكتين كبيرتين تتجاوز طول الواحدة منها المتر ،ثم توالت مختلف الهدايا من اصحاب محلات الفواكه والخضر، والأقمشة المختلفة ،وهم يقولون هذه على حب علي ابو الحسن وبعد هذا الكرم العجيب قررت العودة الىً بغداد وان أؤجل سفرة الناصرية... في طريق عودتنا ،قالت لي زوجتي: ما زالت اثار الصدمة على جسمي ، و تعلم انني حامل واخشى ما اخشاه ان يسقط الجنين ..فقلت لها: اطمئني ان من حفظنا من ذلك الحادث سيحفظ لنا مولودنا ..واستطردت بيقين قائلا" :تأكد انك ستنجبي طفلنا ،ولكن بشرط ان يكون اسمه (علي) ،إن كان ولدا ،وإن كانت بنتا" فسيكون اسمها فاطمة ...بعد بضعة اشهر ولد لنا علي هو اليوم بعمر 25 عام ،وأننا نحيي يوم ميلاده في الصحن الحيدري كل عام، حيث اننا تشرفنا بزيارة الإمام علي(ع) ، في عام 1971 ،وقمنا بتأجير احدى غرف الصحن الحيدري، وكان ايجار الغرفةً الواحدة يكلف احد عشر دينار سنويا"، وكنا نجدد الإيجار السنوي ،وبعد انهيار العملة وهبوط الدينار الىً ادنى مستوياته ،وارتفاع أسعار ايجارات غرف الصحن، الا ان غرفة علي ما زال بدل إيجارها احد عشر دينار سنويا"، لانه مسيحي وكلما مرض علي او إصابته الانفلونزا اذهب به للأمام علي (ع).. لقد اصبح ولدي ( علي) مشهورا" باسم (علي سگمن ). قلت لصديقي : القناعة و الثقة بالله تجعله ينجيك من المصائب والكوارث ، كرامة لرسول الرحمة محمد المصطفى ( ص) ، و الامام علي (ع)..
حسبي الله ونعم الوكيل بكل شخص حجه او زرع الطائفيه... اني سنية وزوجي شيعي ورا زواجي بأسبوع يله عيالي عرفوا بيه سنيه والجيران كلها متعجبه😁 .. وصار ١٣ سنه ما سمعت منهم كلمه تجرح وحتى اولادهم يعايدوني مرتين بالأعياد.
صدك اهم شيء التربيه. الف رحمه على والديج الي ربوا انسانه راقيه مثلج. العراق خسر هوايه ناس طيبه مثلكم. ياريت يرجع العراق مثل قبل ونشوف المسيحي والسني والشيعي اخوه واخوه دم مو حجي😢😢😢😢احبج واحب كل سوالفج وطبخج
احسن شغلة عند الشيعة هي التمن والقيمة 😂 اشاقة قبل لا اسافر للسويد ب 2007 جنت احب بنية شيعية كظماوية وجانو يطبخون تمن وقيمة خرافية وهي جانت تظملي ع صفحة وتروح الوالدة تجيبة منهم وجنت اكلها اريد جدر قيمة وحد وتمن وحد جنا سوا كاعدين بمنطقة وحدة ومحد يعرف طائفية هددونا وشلنا من منطقتنا ببغداد جديدة ورحنا لغير منطقة وراح كلشي حلو وراحت هذيج الايام الحلوة
عاشت ايدج وماكو اطيب من الاكل العراقي ولا نفس اطيب من نفسهم لان يسون الاكل من نفس طيبه وكرم اصيل وماكو تفرقه ان شاء الله رجعت الامور طبيعيه والتفرقه بس عند ... كم واحد حاقد على البلد
عاشت ايدج حبيبتي اني من طائفة الصابئة المندائية والله العظيم مجنة انحس باي فرق جيراننا جانو شيعة وكل سنة يطبخون قيمة اول بيت ايدزولة هو احنة لان يعرفون شكد نحب القيمة واحنا هم من نطبخ طبخات معينة قبل من نصب بالبيت ندزلهم هم وبيت جراننا ام احمد الله يذكرها بالخير سنية طبع جنة الكل بيت واحد والله العظيم اني ليهسة مااعرف صديقتي من جنت بالمدرسة المتوسطة والاعدادية هي سنية لو شيعية اني من بغداد تحياتي الج 👍👍👍👍👍💖💖💖💖💖💖💖💖💖💖💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐
تخبلين ياوردة اول مرة اشوف قناتج واشتركت بيها وشفت فيديواتج اغلبها... انت انسانة محترمة ورغم ديانتج تختلف عن ديانتنا بس تبقين انسانة راقية شكد حبيتج.. اني شيعية من الجنوب فديت سوالفج والراء بلسانج حلو
فديته النادره والفنانه والمعدله اللي تسولف سوالف تداوي الجروح العراقيه وتعقمها وتطورها وتظمدها من كل طاءفيه مقيته وكيدهم في نحورهم كل من ضخ لها وبشر الصابرين انشاءالله شده وزالت بحق دماء الابرياء ودموع الثكالى والإيتام
قطر الندى كل مااتابعج اكثر كل مااحبج اكثر انتي مو مجرد يوتيوبر عاديه تنقل تفاصيل يومه انتي اتحاولين اتفيدين الناس وتوصلين رساله احبج هوايه فخوره بيج هوايه استمري تستحقين الافضل.
تحياتي ليكي انا مصريه وبعيش في مونتريال في مصر نفس الشئ بس اكل مختلف وكلنا كنا اخوات في الشارع مسلمين ومسيحيين ومفيش اي طائفية عيد الضحيه جيرانا كانوا يعملوا حسبنا في اللحم وفي أعيادنا نعمل الكحك والبسكوت مع بعض . وفي شهر رمضان كنا كلنا نزين الشوارع بالورق الملون والفوانيس كانت احلي ايام عمري .يارب ديم المحبه بين كل الشعوب بكل اديانه
حبي عاشت ايدج طريقتج سهلة جدا لان شايفه غيرج يخبصون الدنيا .. بيت اهلي يسوون هريسه بالمحرم كل سنه وندك بيبان الجوارين حتى يجون ياخذون وجوارينهم حايط ع حايط اشكد ما عدهم جدورة بالبيت يجيبوه من اكبر الى اصغر ،بالعافية عليهم يارب
على طاري الطائفية الله لايعودها علينا احنة سنة جانت عدنا جيرانة شيعية الله يذكرها بالخير ام جعفر جانت تطبخ قيمة نجفية كلش طيبة تعرفني اني احبها كلش من يصير وقت التوزيع ادز اطفالها علينا اتكول جيبو اكبر جداري عدكم وتملي الجدرية كلها قيمة هي المرة شيعية واحنة سنة ومن محافظات مختلفة جان يجمعنا شي واحد وهو حب الجار والأخوة لكن بسبب الطائفية والسنوات السود المرت علينا اتفرقنا الله يذكرها بالخير وين ماجانت 🍁
عاشت ايدك حبيبتي اني اول مره اشارك الله يحفظ العراق واهل العراق اني شيعيه قبل سبع اشهر تقدم لبتي شاب سني والله بس سأنه على اخلاقه وافقنه عليه وعيشين على حب الله واهل البيت ع يطبخون ويزورون اهل البيت اكثر من عدنه والحمد لله
الى من يعتقد طبخها يجب ان يذكر انه للحسين اعتقد واضح القيمة بثواب الحسين ولو كان لغيره ما كان اختارت يوم الذي استشهد به ابو عبد الله ع وهذا شرف عظيم لها ولكل محبي اهل البيت رائعة قطر الندى روحك رائعة وجميلة
تحياتي لحضرتج ربي يوفق الجميع اني اهلي من سنة 1996هم يطبخون لاهل البيت ولحد هاي الحضه واحنه من الطائفه السنيه ماعرفنه التفرقه طول حياتنه وانشاء الله ياربي يرجع عراقنا الي نعرفه وطيبة شعبنه واخوانا واحبابنا الي نكول عنهم هم فاكهة العراق اخوانه المسيح ربي يحفظهم ويحفظ كل العراق بكل اطيافه وقومياته
الله يرحمج خاله ام غزوان هم جنه ندز جدريه صغيره خطيه تدز النه بكدوره كبار متروسه للعين وجانت اي اكله جديده تنزل خاصه وره العنب تدز النه ماعون واي سنه ننجح بيها تجي تبارك النه حتلو جهالها مااتوفقوا بالامتحانات ورسبوا الف رحمه ع روحها بهذا اليوم وكل يوم
عاشت ايدج ذكرتيني بأيام زمان جانت امي تطبخ واني واخواني نوزع للجيران طبعا اني مثلج الاكلة الي احبها اطبخ منها كمية كبيرة واجمدها حتى ساعة الساعة اطلع واحمي
مرحبا... من جان عمري ٨ سنوات ومن جنا عايشين ببغداد بالسيدية جانوا جيرانا بالشارع تقريبا كلهم شيعة على فكرة اصداقائي بالفيس اكثريتهم شيعة!! فد يوم من ايام جان يوم عاشوراء فأمي جانت تحجي ويه صديقتها من ورا حائط البيت واني جنت العب دعابل فصاحبي كلي اني رايح اكل قيمة وتمن اذا تريد روح جيب جدر وتعال حتى ينطوك قيمة لان يعرف بيه اعبدها عبادة القيمة وتمن المهم رحت لهم وبيدي جدر شافتني جيرنا ألام فكالت لي امشي وّلي صابئي نگس وتفلت علية اني رجعت للبيت اجبي لان اصداقائي ضحكوا علية فمن شافتني امي ابچي كتلها هيج وهيج صار بيه كتلتني بالصوندة فجارتنا هم على فكرة شيعية بس من عرفت بالقصة فراحت للمطبخ وجابت لي جدرية قيمة وتمن كالت لي هاك اكل احنا ماناكل بالبيت قيمة وتمن واكلت ها القيمة وتمن ودموعي اصب 😂😂 اكلت كتلة من ورا القيمة ومع ذلك اكلتها
هذه جارتكم تمثل نفسها وبس للاسف💔اني من يمي دمي فار علموقف، يا ابن خالتي اني صديقتي مندائيه صابئيه قمه ب الشرف والاخلاق مفد يوم انتقصت من احد ولا بيوم سمعتها تحجي على احد🌷
اوف قطوره اني من الغزاليه طلعنا ب ٢٠٠٦ ورجعنا ب ٢٠١٢ ابد ما انسه ايام الطفوله اذكر جان بيتكم بعد الأسواق تذكرين ابو حسين ابو الكيمر والخالدي وحسن اسواقنا.
عزيزتي انه شعيه من البصره تحديد من قضاء الفاو جاورت كثير من الناس ماف يوم سألت انته شنو ملتكم على حب الله والإنسانية وبعد كم سنه ازوجة وانتقلت إلى كركوك هم نفس الشي جاورة عرب واكراد وتركمان ومسيح وهم مافرقت بيناتهم الحمد لله وشكر شوفي كل الاديان السماويه تحث على الإنسانيه ومحبه الصادقه
ماما من زغرنا تسولف عن جارتهم بالثمانينات مره جبيره وعايشه وحدها وعدها جلاب ثنين يخبلن ولامأذيه احد ولا شي ومحد يعرف ديانتها شنو ولاسائليها لحد ما ماتت واكتشفو انو هي جانت يهوديه ومحد يدري حتى ليطلعوها من العراق❤واحنا كل سنه نطبخ هريسه ودجاج بمحرم ونوزعه فصديق بابا مسيحي ندزله والناس تتعجب وسنه من السنين اخرنا طبخنا يوم اتصل ع بابا زعلان عباله ماشلنا حصته 😢❤فبابا كال هسه طلعي دجاج وطبخيله قبل باجر وودينا اله❤بس للاسف عمو تقاعد وسافر لغير محافظه وطبعا احب اوجه كلمه لكل الناس احنا اكثر بلد متفرق بين أي ديانه تحسنا كلنا نفس الدين والعادات والتقاليد ومنفرق ونكول هذا كافر وهذا مو من دينا ونحترم مناسبات بعض وشكو واحد طفل يكع يحجي بالديانات ويفرق هذا بسبب جهله وتخلف اهله الي نسو يزرعون بي الخير الي زرعو اهلنا بينا🙌🏻
عاشت ايدج واحب اهنيج عله روحج الطيبه والنقيه وذا نحجي عل طائفه ف اني شيعيه من اديالى وزوجي سني من الفلوجه وجمعتنه بغداد وناسها الطيبا وانشاء الله الله يحفض العراق وأهله وتحياتي الكم اختكم ام ريحانه من اليونان
والله اني شيعي وفدوة اروح للسنة كلهم وعمري صار ٣٠ وعمري ماعرفت شنو معنى السنة والشيعة لهسه وجان ابويه بالجيش يكول بالرمادي وربعه كلهم سنة ومسيح دائما يعزموه هناك واحنه هم نعزمهم بمحافظتنه ولهسه حبايب واخوان يارب يرجع العراق بكل خير
اني سكنة الكرادة ومعروفة الكرادة بسكانها المسيح جانو جيراني والله فد ناس واخلاق وجانو يحضرون مجالس العزاء للام الحسين (ع) وعشقهم قيمتنا بس بعد كلهم هاجرو وهم يبجون خصوصا النساء الكبار يكولون وين نلكا هيج كنائس هنا الله يذكرهم بالخير وحدة من عدهم قبل متسافر لامريكا جابتلي ملابس ابنها من جان صغير معتزة بيهن لابني ذكرى من عدهم
اعشق القيمة قبل سنة تعلمتها عن طريق الشيف صالح للاكلات الشعبية من النجف هوه تحياتي اله وهس جاي اشوفه بقناتج بس اني جنت اسويها لحم البقر فقط ممسوي غنم هاي المعلومة مال لحم الغنم اول مرة اعرفها منج طبعا اني ولد مواليد 97 طالب واحب شغلات الطبخ
اجيت من بغداد للعمارة لان ابوية شغله هنا وصارلي ٧ سنوات وية صديقاتي ولحد الآن ما اعرفهم شيعة لو سنة بس الي اعرفه هم صديقات زينين ومحسسوني بغربة فد يوم ❤️
مره جنت اني وابوي بغداد منطقه شارع حيفه بل سياره نوزع غاز لل افران الصمون جان تكضنه سيطره وهميه واني جاني عمر عشر سنوات الي واكفين بل سيطره كله ملثمين وراكبين دراجات شايلين اسلحه واحد من ذول الملثمين سحب اقسام المسدس وحطه براس ابوي واني كمت ابجي جان ابوي داس بانزين ضرب واحد من اصاحب الدرجات وابوي كتله بل سياره ابو الدراجه مات وجان يصير الرمي ياخيه من كل الجهات زرفو السياره علينه طبعن ابوي مقبل يسلم الجنسيه لين احنه شيعه وجان ابوي طكته طلقه بجتفه الله لايعيد ايام الطائفيه بجاه الحسين اللهم احفظ العراق واهله من كل شر كلا للطائفي
عَل فكره اني متابعه جديده وأشرف بمعرفتج وأحب قصة قطر الندى كلش هوايه ومكنت أتوقع او اسمع وحده تكون اسمها قطر الندى كلش حلو اسمج حبيبتي منوره اني سعيده جدا بمعرفتج شكرًا الج
عاشت الايادي اني اسويها بنفس الطريقة احنا بالبيت كلنا انحبها بالنسبة للطائفية مجان نعرف شنو معنى هاي الكلمة شارعنا الليل جنا ساكنين بي بي سنة وشيعة وبراس الشارع أكراد واحنا مسيحيين والبيت المقابيلنا صابئة احلى ايام عشناها سوة وكل الجوارين جانوا خوش ناس ربي يحفظ العراق واهله الطيبين
عاااشت ايدج حبيبتي ندووش ماكوو فرق بيناتنه ان شاء الله اهلنه علمونه ماكو تفرقه اني امي سنيه وابويه شيعي والحمد لله منفرق حتى جيرانه جانو صابئه وقت رمضان اخلي امي تصبلي ماعون اودي ال صديقتي لقاء اسمها يمه حطيلي شوربة اودي ال لقاء تفطر مثلنه 🤣 امي الله يرحمها جانت تضحك تالي من كبرت وصار عمري ١٧ عرفت صديقتي من الطائفة الصبية وكلش احبهم . حتى جانو يحبوني يسموني الشكراى عود الشقراء لان هم من اهل البصرة بس صابئيين .. وهنا تعرفت على بنية مسيحية جنت اول سنه الي بتركية وماعرف تركي وهي وزوجها وابنها عمره١٥ يعرف تركي صاحتني وترجمولي والى هسه صار خمس سنوات علاقتي بيها مستمرة . لكم دينكم ولنا ديننا بس الي زرع الطائفية هو الله قبيلهم .. تحياتي الج . وشكرا لان ذكرتي اسمي لان انتى فعلن اصيلة 🇮🇶😘 🥰
احجيلج قصتي ..جيرانه سنية زوجت ابنها والله مارزقة بأولاد لمدة 6سنوات فديوم صار موسم الطبخ مال ابا عبدالله بعاشور وجانت جيرانه هواية تدعي لابنها ان يصير عنده طفل تقربت من الجدر مال قيمة كالت يصير تخوطون الجدر وتدعون لابني بمكاني لان اني اخجل كتلها ليش تعالي انتي خوطي ونذري اذا يصير عنده طفل تنذرين و تشاركين الطبخ حتى لو كيلو واحد وفعلا خاطت الجدر ونذرت والله العظيم والله العظيم السنة الوراها الله سبحانه وتعالى رزق ابنها توأم بنية وولد ببركات اهل البيت والله هسة تكولين دابالغ لو أألف ومن حصلت مرادها لسة وجيرانه تشارك بالطبخ التمن والقيمة كلنا العراقيين من شمالنا لجنوبنا عايشين على بركة اهل بيت الرسول ونتفق على محبتهم ولاوجود لواحد ينكر هذا وان شاء الله مترجع ايام الطائفية وكلنا على قلب واحد ومحد يفرقنا ...تسلمين حبيبتي قطر الندى لان جمعتينا بهذا الحديث
تسلم ايدك يااختي الشاطرة ذوقك حلو بغدادي أصيل اختي الكريمة كنت صغيربعمر ٩ أعوام إلى الكبر إلى الحصار كان والدي رحمه الله تعالى وولديكَ يعملها بدهن الحرلنةبشهر محرم يوزعونها مع حولي وهو يذبح ويطبخ لانه صاحب مطعم ونعمل ذكر ونطبخ تمن هنودكثير ويسألوني جوارينة انتو سنة لو شيعة أسأل والدي يجاوبني احنة عراقيين انحب عمل الخير
قبل ٣ سنوات جنت احس بالطائفية بكل مكان ، الى ان طلع قبولي بجامعة الموصل واني شيعي فبوقتها كنت مستعد للمرور بتجربة مجهولة وخصوصا الموصل كانت محررة للتو ، فسكنت بالاقسام الداخلية وهنا قدّر رب العالمين ان اسكن بغرفة من 8 اشخاص بيها ، اني و سني من الانبار وكردي من دهوك وتركماني من ديالى وشيعي من كربلاء وهذولي كانوا وما زالو من اعز اعز الاصدقاء عشنا احلى ايام ولحد هسة ندمع اذا تذكرناها وبهذه الطريقة ، دفنت الطائفية في الموصل . اعتذر عن الاطالة
عاشت ايدچ وربي يوفقچ لما يحب ويرضى ويجعلها بميزان حسناتچ .. احنا شيعه وماكو فرق بين كل الطوائف وبيت عمي من الثمانينات ساكنين بمنطقة الامين الثانيه وربي جيرانهم ع اليسار مسيح وع اليمين صابئه ومقابيلهم سنه ومسيح والمنطقه كولها اشكال وانواع الطوائف وكولهم گلب ع گلب وناس اتحب ناس والاحترام والتآخي متواجد بيناتهم اجنا كنا ساكنين كم سنه بنفس الفرع ومن اروح لبيت عمو الجيران نفسهم ما متغيرين .. الله يبعد عنا كل انسان حاقد يريد يدمر العراق واهله
شكد انتي راقيه، وبصراحه من زمان مشتركه بقناتج، لكن صارلي يومين فقط من بديت اتابع فلوكاتج. عجبتني باسلوبج وشطارتج، ياريت لو تستمريت بفلوكات السفرات مع عائلتج للباركات
السلام عليكم ليش تنسون مواقف سيدعلي السستاني المشرفه ايه الله فتوى المرجعيه اخ ايساعداخو من زمان هسه بزمن كورونا العنده ساعدالماعنده من اكبرحاجه الى اقل حاجه واحنا اهلل الكرم والجود عراق علي بن ابي طالب والحسين والعباس عليهم السلام ايدوحده للمووووووت ربي يحفظ كلل العراق
عزيزتي كلامج بخصوص المجتمع العراق وفقرة توزيع الطعام بالمناسبات الدينية من ذكرتيها جدا فرحتني لان هذا ان دل على شئ فيدل على نفسيتج الحلوة وهدفج من نشر القصص الايجابي الي هي تحد وتعزز من الفكر المتعصب..تحياتي
من باب التذكره ... اخوان مرات من نروح للسوك نشوف شياب لو نسوان كبار ( عجايز ) گاعدين بـ السوگ ومبسطين بشغلات بسيطه جدااا ويجوز ما ألها قيمه ومحد يگلبها مثلا جواريب أو ليف حمام مال گواني لو بخور عرب لو حرمل لو علج مر وگاعدين بهذا الجو الحار ع باب الله ولان بضاعتهم بسيطه ضالين خطيه بس يصفنون بـ الوجوه لان محد يشتري منهم ومرات لان هاي المرأه المبسطه جبيره ومااااااااااا كاشخه وما يگلبون بضاعتهم . صدگوني أخواني ذول الناس ساحگتهم الدنيا سحگ بسنونها وشايف من تشتري منهم يرد الدم بوجوهم .. أخواني أشترو منهم حتى لو شي ممحتاجينه تره والله تفرحونهم وتفرحون عوائلهم المنتظره يرجعون ألهم بعلاگة مسواك .وشكرا على القرأه وأ الله يخليك اذا تكدر تشترك بقناتي اكون جداٌ ممنون لأني بحاجه الك
اني احچيلك قصتي طبعا احنة سنة من دخل داعش للفلوجة نزحنة من الفلوجة لعد محافظة واسط چنة كلشي معدنة اصلن طلعنة برواحنة اجينة وحنة الف دينار ما بجيوبنة وطبعا احنة چنة خايفين لان تعرفون كلشي معدنة وهاربين من الموت جانت ايام صعبة ردنة ناجر بيت بس معدنة فلوس ناجر وحنة منعرف احد واحنة جنة سنة و اهلنة بمحافظة واسط شيعة طبعا اجينة كاعدين بشارع اجانة رجال لحد هسة اذكر وجهة رجال جبير بالعمر جان اسمة ابو علي واجانة گال البابا انتو شسون بشارع بابا جان خايف ونوب سولفلة ونوب الرجال سئل بابا عن اسمة كالة اسمي عمر كالة واني اسمي ابو علي گالة اليوم تجي يمنة احچيلكم الصراحة چنة خايفين بس والله مننسة شلون استقبلون ابيتهم وكانت عدهم بنت ابعمري اخذتني لغرفتهة واعطتني ملابس وبدنة وسونة اكل لان چنة جواعانين وثاني يوم الصبح ابو علي كال يلة تعالوا لبيتكم خل اروح احنة استغربنة وگنالة بس احنة معدنة بيت ومعدنة فلوس ناجر بيت گال مالكم دخل رحنة ويا لگينا ماجرنة بيت وتارسة غرض لان طبعن كان فارغ وكلشي ممخلي البيت ينقصة من اصغر شي لاكبر شي والله ولگة لبابا شغل وگامو لمدت اسبوع يطبخون يدزونة اكل حتة احنة منطبخ مع انو همة چانو تارسين الثلاجة فواگه وخضروات وما لذ وطاب بصراحة بذيچ اللحضة حسيت احنة العراقين شكد واحد ايحب الثاني وشكد الشيعة يحبون السنة وشكد ماكو فرق بينة عشنة وياهم سنة كاملة والله حسينة روحنة مولودين من جديد ونوب ورة متحرت الفلوجة رجعنة البيتنة كان الفراق صعب ولحد هسة احنة ما ناسينهم وما ننساهم مستحيل احنة گمنة منگدر كل يومين اتلاثة لازم نتصل بيهم والله هاي القصة فهمتني انو بالعراق ماكو طائفية بس الايادي الخبيثة اتحاول تزرع الفتنة بينة شكرا لك يا عراق عرفتني على اخوان لي لا انساهم هاي قصتي يمكن هاي القصة قبل شي خمس سنوات ما اذكر بس هاي اول مرة احچيهة لناس اسفة على الاطالة بس موقف اخوانة الشيعة مينوصف بالكلمات لان الكلمات متكفي وحدهة
واني أقره تعليقج اعيوني دمعت والله العظيم
صارت ويانا بس اجونا من ناحية العلم وجانت بيهم وحدة حامل امي الله يرحمهه حتى جهزت الطفل ولحد هسة من رجعوا يتواصلون وي اختي.
الحمد لله ع سلامتكم ولو انتو بنفس الوضع همين جان سويتو هيج العراقيين اهل نخوة وحميه لعنه الله على من زرع الفتنه والطائفيه بين المسلمين
وردتي البنفسجية
شكرا لمشاركه القصه. قصه جدا جميله ومؤثره
شكرا لمشاركتج القصه هذه ماعرف ابچي ماعرف ابتسم ، جلدي كسبر واني اقرا، الله يسامح الي كان السبب بلي صار بينا
اني مسيحية بس جوارينا كلهم جانوا يجيبون النا تمن وقيمة وجانوا جوارينا مقابيل بيتنا وباليل جنا نسهر وياهم من جانوا يطبخون الهريسة والتمن والقيمة جنا جهال وجانت احلى أيام واني هنا بامريكا اتحسر عليها ومن حبي بيها من شفت الفيديو. كلت خلي اتفرجه وإسويها عاشت ايدج حبيبي والله يقويج وينطيج الصحة والعافية واحنا كلنا اخوان وماكو فرق كلنا عراقيين ودم وحنية العراق تمشي بعروقنا 🌹🌹🌹❤️❤️
السلام عليكم
انا من السعوديه و يعلم الله اني احب الشعب العراقي لما رايته من اخلاق وذوق هذا الشعب الرائع و بلنسبه للكرم عندهم كرم بلفطره
والله يعطيك العافيه اخت قطر الندى على هذا الطبخ الجميل و المواضيع الايجابيه
والله رغم انك عايشه بامريكا بس باقيه ع تقاليدنا الجميله
بين قوسين انت ( معدله ) ربي يحفظج ويحفظ ابو بيتج او اولادج
انا من سلطنة عمان/محافظه ظفار...
وانا اشهد انه العراقين أخوه ويد وحده عندنا عراقين سنه وشويه شيعه مثل الاخوان والي لاحظته السنه يدافع من قلبه على الشيعي لانه كان في حوار مابين إبن عمي وعراقي شيعي عن الطائفيه تدخل العراقي السني دافع لاخوه الشيعي جددددا حبيتهم وزاد احترامي لهم كثير بسبب ترابطهم ماشاء الله .....
اغاتي نصيحه مني كوني ابن النجف وطباخ مال قيمة راح انطيج طريقة طبخ القيمة النجفية الاصلية الي ولد النجف ابن عن جد يطبخون بيها اولا تقطعين البصح اربع ارباع يعني قطع كبار مو ثرم ناعم وتحمسي بالدهن وتضيفين فوكا اللحم . واللحم كون يكون قطع كلش كبار كلما كبار كلما كان احسن حتى تكون القيمة علاجية لان بالدك راح يكون خيوط تخلي القيمة علاجيه اذا مقطع قطع صغار مراح تصير علاجية واذا ما اندكت القيمة بالتخمام ( مدكة ) وانثرمت بست البيت او الخلاط مراح تصير علاجية مستحيل . وراها تحمسين اللحم ويا البصل لمدة تقريبا ربع ساعه وراها تضيفين فوكا الحمص الي هوه يكون منكع لمدة ليلة كاملة وتضيفين الماي واذا احد ماعنده كدر ضغط خلي من يقبق الكدر يخلي خاولي داير مداير القبق بحيث يحكمه ميطلع البخار ورا ما تستوي يدرخها بالتخمام ( المدكه ) وتضيفين البهارات وهي كمون وهيل مطحون ودارسين ونومي بصرة مطحونه وشوية طحين حمص حتى ما تمصل ابدا ( تمصل يعني ينفصل الماي عن القيمه ) وراها تضيفين المعجون ( والمعجون ما نحمسه لان اذا حمستي تصير القيمة سودة ) فنضيفه كبل وتضيفين الملح حسب الرغبة وتضيفين الزيت القيمة كلش تحب الدهن يعدلها وتخليها تفور ضروري جدا اقل شي فد ساعه نص ساعه لازم تفور مع االتحريك المستمر لان تحكك وتشوط اذا تنعاف وراها تهدريها براحتج وطبعا لكل كيلو لحم كيلو حمص وبالخدمه اغاتي ولا تنسوني من الدعاء . طبعا من اكثر الناس حبا للحسين هم المسيح سبحان الله عسا الله ينطيج مرادج
فدوة لكلبج معدلة واللة اني سني ومصاب ابا عبداللة مصابنة وكل سنة نطبخ الحمدللة اول البارحة الوالدة يحفظها ربي طبخت قيمة وتمن وماجورين بحق الحسين
انا اردنيه ما عندنا شيعه بالاردن فلل اسف ما عشت مثل قصصكم الي كتبتوها بالتعليقات الله يديم العراق بخير والامان ويبعد عنكم مين يفرقكم ♥️♥️
نورتي القناه تحياتنا للاردنين كلهم
اكو شيعه بالاردن ويطبخون قيمه بالرابيه
حبيبتي منور قطوره احنه الهسه والله نذكر كم ونكول والله جار ونعم الجار منكم ولا حسينه اكو فرق والهسه انكول هذا بيت ابو غياث تذكرين من يصير عيدكم كل الفرع يجي يمكم
حبيبتي والله انتو ذهب ورح اثبت تعليقج لان اني سويت الفديو خصوصا حتى احجي عنكم انتو نعمه الجار والقيمه مالتكم ليهسه نتذكرها 🥰 اني كل سنه بديت اطبخ قيمه واوزع على روح امي وابويه لان جانو يحبوها كلش
هلو
قناة مع قطرالندىkataralnada كان يكون وقت الصوم الكبير ، مرة كلت لماما يصير نخلي اكل جيرانا بالفريز واناكله بعد الصوم ، وبالفعل خلينا بالفريز و من اكلنا بعد اليوم يعني ورة فترة كان الطعم ابدا ما متغير 😌
تحية لجارنا الأعزاء ولكي عزيزتي رباب ♥️
الله يرحمهم يارب
الله ينتقم كل من زرع الطائفية بين أبناء شعبة انا من النجف وأفتخر بأخواني السنة والشيعة والمسيحيين والصابئة الايزيديين واليهود تحياتي من النجف.
Mustafa Hussain واحنا هم نحبكم والله ولا يوم فرقت بين الديانات ❤️❤️ربي يحفظك عراقي وافتخر،، اكو ناس لحد الان اتفكر من تفكيرك ناضج
السلام عليكم
هذه قصه واقعيه عن الروح العراقيه..قصة تستحق القراءة
كنت وفي نهاية التسعينات من القرن الماضي وبحكم اعمالي التجارية أذهب كل اسبوع إلى بغداد وتكون محطتي هو فندق سكمن وهو مقابل (المسرح الوطني) صاحبه رجل مسيحيّ (كان الجميع ينادونه أبو علي ) وكان عالي الجناب في اخلاقه وتصرفه وقد عرف اني من مدينة الحلة وقد اصبحت علاقتنا حميمه , وكنت كثيرا ما أجلس معه بالمكتب لنتجاذب أطراف الحديث , وقد قرأت اسمة الثلاثي وهو اسم مسيحي ينتهي بأسم (سكمن) , ولكن كل العاملين بالفندق والزبائن ينادونه (ابو علي) , اصبحت فضوليا وسألته كيف تكّنى (ابو علي) وانت مسيحي؟ ابتسم وقال سأسرد لك قصتي مع هذا الاسم .
كان لي صديق تاجر من الناصرية ،وكان لي بذمته مبلغ 300 دينار وكان ذلك عام 1970 ،ذهبت بسيارتي المرسيدس، وكنت متزوجا في عامي الاول، اصطحبت زوجتي ،في يوم ربيعي غائم متوجها" للناصرية، وكنت اسير بسرعة تتجاوز ال120 كم.. كان امامي 4 سيارات حمل كبيرة، محملة بالحصى والرمل ،يسيرون برتل منتظم كنت اجتازها تباعا قرب مدخل الكوت ،وعند تجاوزي السيارة الأخيرة فوجئت بانهمار المطر بكثافة، و اصبح الطريق زلقا" ،حاولت التخفيف من سرعة السيارة، لكن دون جدوى ، لان السيارة انحرفت عن مسارها، ودارت عدة دورات قبل ان تتجه الىً البزل المحاذي للطريق العام، وشعرت بانقلابها، وصرخت بشكل لا إرادي وبصوت عال: يا علي، يا علي، يا علي يا علي ... تلاشى كل شيء وأصبح كل شيء بلون الدخان و فقدت الوعي .... بعد دقائق سمعت أصواتا"، وصيحات رجال يصيحون اللهم صل على محمد وال محمد ..بعد ان فتحوا أبواب سيارتي ،تجمهروا حولها ، بعد ان استفقت من غيبوبتي وجدت ان سيارتي لم تنقلب ،وانني توقفت بشكل عجيب على يمين الطريق . سالني الرجال المحيطين بالسيارة : انت ندبت من ؟! ،وبمن تنخيّت ؟؟ فقلت لهم: أيها الأخوة انا مسيحي، ولكن حين حصل الحادث صرخت بشكل لا إرادي ، بهتاف من داخلي :يا علي ، يا علي ، ، عدة مرات ، عندها تعالت اصوات التكبير و الصلوات على محمد وال محمد.. اقسموا علي اصحاب سيارات الحمل الذين اجتزتهم ، ان اكونً ضيفهم ،وكان لا بد لي ان ألبي دعوتهم الكريمة في مطعم قبالة السوق المسقف في الكوت ، وأثناء جلوسي وزوجتي في المطعم، بداوا بوضع جميع اصناف الطعام على المائدة ،وهم يقولون هذا ثواب لأبو الحسن (الأمام علي )..وأثناء جلوسي جاء احد بائعي السمك وطلب مني مفتاح سيارتي ،ففتح صندوق السيارة ووضع فيها سمكتين كبيرتين تتجاوز طول الواحدة منها المتر ،ثم توالت مختلف الهدايا من اصحاب محلات الفواكه والخضر، والأقمشة المختلفة ،وهم يقولون هذه على حب علي ابو الحسن وبعد هذا الكرم العجيب قررت العودة الىً بغداد وان أؤجل سفرة الناصرية... في طريق عودتنا ،قالت لي زوجتي: ما زالت اثار الصدمة على جسمي ، و تعلم انني حامل واخشى ما اخشاه ان يسقط الجنين ..فقلت لها: اطمئني ان من حفظنا من ذلك الحادث سيحفظ لنا مولودنا ..واستطردت بيقين قائلا" :تأكد انك ستنجبي طفلنا ،ولكن بشرط ان يكون اسمه (علي) ،إن كان ولدا ،وإن كانت بنتا" فسيكون اسمها فاطمة ...بعد بضعة اشهر ولد لنا علي هو اليوم بعمر 25 عام ،وأننا نحيي يوم ميلاده في الصحن الحيدري كل عام، حيث اننا تشرفنا بزيارة الإمام علي(ع) ، في عام 1971 ،وقمنا بتأجير احدى غرف الصحن الحيدري، وكان ايجار الغرفةً الواحدة يكلف احد عشر دينار سنويا"، وكنا نجدد الإيجار السنوي ،وبعد انهيار العملة وهبوط الدينار الىً ادنى مستوياته ،وارتفاع أسعار ايجارات غرف الصحن، الا ان غرفة علي ما زال بدل إيجارها احد عشر دينار سنويا"، لانه مسيحي وكلما مرض علي او إصابته الانفلونزا اذهب به للأمام علي (ع).. لقد اصبح ولدي ( علي) مشهورا" باسم (علي سگمن ). قلت لصديقي : القناعة و الثقة بالله تجعله ينجيك من المصائب والكوارث ، كرامة لرسول الرحمة محمد المصطفى ( ص) ، و الامام علي (ع)..
حسبي الله ونعم الوكيل بكل شخص حجه او زرع الطائفيه... اني سنية وزوجي شيعي ورا زواجي بأسبوع يله عيالي عرفوا بيه سنيه والجيران كلها متعجبه😁 .. وصار ١٣ سنه ما سمعت منهم كلمه تجرح وحتى اولادهم يعايدوني مرتين بالأعياد.
صدك اهم شيء التربيه. الف رحمه على والديج الي ربوا انسانه راقيه مثلج. العراق خسر هوايه ناس طيبه مثلكم. ياريت يرجع العراق مثل قبل ونشوف المسيحي والسني والشيعي اخوه واخوه دم مو حجي😢😢😢😢احبج واحب كل سوالفج وطبخج
متابعك يمني مقيم في امريكا أحنا اليمنيين نحب كل العراقيين من كل الطوائف بدون استثناء ونحب كل العرب
اني شيعيه واحب السنه واحب المسيح كلهم على راسي
الله على هلاخلاق الحلوه ابدا ماغلطنا من اشتركنا بقناتج. احنا سنه وكلنا العراق ماكو فرق
كلنا اخوان
طبعا. والله العظيم. جدا جدا. اشكرج. يا ورده. اني طلبج. منج. هاي الطبخه. قيمه النجفيه. وعدتيني تسويها ونفذتي طلب مشتركينج. وعاشت. ايدج. يا معدله. احلا. قطوره. عوافي.
وياج. ابن النجف الاشرف 🌺🌺🌺🌺🌺
همام العراقي تدلل من زمان طلبتها انت ههههه
قناة مع قطرالندىkataralnada هههه. والله متقصرين. طيب. نطلب بعد. لو. تعبتي من الطبخ ههه😹🤗🌺🌺🌺🌺
ههههههههه تفضل كول
قناة مع قطرالندىkataralnada ههههه زاد فضلج. غلا. 🌺والله. الصراحه. تخجليني 🤗
بس انطيني عطوه. خلي افكر شنو. نريد من. اكله 😻😋😋😋
اليوم سويت القيمه والتمن على طريقتج. وطلعت تخبل. والله دعينالج بالبيت على هالطريق. صدك مثل طعم قيمه النجف.
والله كلنه اخوان ماكو فرق اني شيعيه وخواتي ماخذين سنه وام رجلي سنيه والحمد لله ماكو فرق فدوه لعينج وماجوره حبي
هلو..طبعا اني شايفته هذا الفديو بس تعرفين هسه ايام عاشور و دا اريد اطبخ القيمه ف راجعت الطريقه.....وجيرانكم اشكد حبابه وانسانه طيبه وكريمه...
تصدكين اني هم من اطبخ قيمه ارجع على هذا الفديوا هههههههه
احسن شغلة عند الشيعة هي التمن والقيمة 😂 اشاقة قبل لا اسافر للسويد ب 2007 جنت احب بنية شيعية كظماوية وجانو يطبخون تمن وقيمة خرافية وهي جانت تظملي ع صفحة وتروح الوالدة تجيبة منهم وجنت اكلها اريد جدر قيمة وحد وتمن وحد جنا سوا كاعدين بمنطقة وحدة ومحد يعرف طائفية هددونا وشلنا من منطقتنا ببغداد جديدة ورحنا لغير منطقة وراح كلشي حلو وراحت هذيج الايام الحلوة
اني شيعي واحب واتشرف بالسنة
عاشت ايدج وماكو اطيب من الاكل العراقي ولا نفس اطيب من نفسهم لان يسون الاكل من نفس طيبه وكرم اصيل وماكو تفرقه ان شاء الله رجعت الامور طبيعيه والتفرقه بس عند ... كم واحد حاقد على البلد
والله العظيم اني اول مرة اشوف هيج نفس طيبه وأخلاق ماتنوصف وأسلوب فوق الوصف راقي .. عراقيه اصيله .. الله يحفظج حبيبتي .. حضرتج وجه مشرف لكل عراقي❤❤❤
عاشت ايدج حبيبتي اني من طائفة الصابئة المندائية
والله العظيم مجنة انحس باي فرق جيراننا جانو شيعة وكل سنة يطبخون قيمة اول بيت ايدزولة هو احنة لان يعرفون شكد نحب القيمة واحنا هم من نطبخ طبخات معينة قبل من نصب بالبيت ندزلهم هم وبيت جراننا ام احمد الله يذكرها بالخير سنية طبع جنة الكل بيت واحد
والله العظيم اني ليهسة مااعرف صديقتي من جنت بالمدرسة المتوسطة والاعدادية هي سنية لو شيعية
اني من بغداد تحياتي الج 👍👍👍👍👍💖💖💖💖💖💖💖💖💖💖💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐
كلامج ذهب حبيبتي. اتشرف بيج وبكل اهلنه الصابئه المندائيين
تخبلين ياوردة اول مرة اشوف قناتج واشتركت بيها وشفت فيديواتج اغلبها... انت انسانة محترمة ورغم ديانتج تختلف عن ديانتنا بس تبقين انسانة راقية شكد حبيتج.. اني شيعية من الجنوب فديت سوالفج والراء بلسانج حلو
فديته النادره والفنانه والمعدله اللي تسولف سوالف تداوي الجروح العراقيه وتعقمها وتطورها وتظمدها من كل طاءفيه مقيته وكيدهم في نحورهم كل من ضخ لها وبشر الصابرين انشاءالله شده وزالت بحق دماء الابرياء ودموع الثكالى والإيتام
الدم العراقي مخلوط بالدم اليمني تحياتي لجميع الشعب العراقي
عزيز النفس تحياتنا لكل اهل اليمن
قطر الندى كل مااتابعج اكثر كل مااحبج اكثر انتي مو مجرد يوتيوبر عاديه تنقل تفاصيل يومه انتي اتحاولين اتفيدين الناس وتوصلين رساله احبج هوايه فخوره بيج هوايه استمري تستحقين الافضل.
تحياتي ليكي انا مصريه وبعيش في مونتريال
في مصر نفس الشئ بس اكل مختلف وكلنا كنا اخوات في الشارع مسلمين ومسيحيين ومفيش اي طائفية عيد الضحيه جيرانا كانوا يعملوا حسبنا في اللحم وفي أعيادنا نعمل الكحك والبسكوت مع بعض . وفي شهر رمضان كنا كلنا نزين الشوارع بالورق الملون والفوانيس
كانت احلي ايام عمري .يارب ديم المحبه بين كل الشعوب بكل اديانه
اللهم بلغنا شهر رمضان لافاقدين ولامفقودين. عاشت ايدج عمري
حبي عاشت ايدج طريقتج سهلة جدا لان شايفه غيرج يخبصون الدنيا .. بيت اهلي يسوون هريسه بالمحرم كل سنه وندك بيبان الجوارين حتى يجون ياخذون وجوارينهم حايط ع حايط اشكد ما عدهم جدورة بالبيت يجيبوه من اكبر الى اصغر ،بالعافية عليهم يارب
أمنية المستحيلة هههههه عاشت ايدكم
على طاري الطائفية الله لايعودها علينا احنة سنة جانت عدنا جيرانة شيعية الله يذكرها بالخير ام جعفر جانت تطبخ قيمة نجفية كلش طيبة تعرفني اني احبها كلش من يصير وقت التوزيع ادز اطفالها علينا اتكول جيبو اكبر جداري عدكم وتملي الجدرية كلها قيمة هي المرة شيعية واحنة سنة ومن محافظات مختلفة جان يجمعنا شي واحد وهو حب الجار والأخوة لكن بسبب الطائفية والسنوات السود المرت علينا اتفرقنا الله يذكرها بالخير وين ماجانت 🍁
قصه حلوه وانشاء الله الاجيال الي ورانه تبقى تذكر هيجي قصص حتى لا تنمحي الطيبه العراقيه. العراقيين كلهم خير وبركه .
عاشت ايدك حبيبتي اني اول مره اشارك الله يحفظ العراق واهل العراق اني شيعيه قبل سبع اشهر تقدم لبتي شاب سني والله بس سأنه على اخلاقه وافقنه عليه وعيشين على حب الله واهل البيت ع يطبخون ويزورون اهل البيت اكثر من عدنه والحمد لله
الى من يعتقد طبخها يجب ان يذكر انه للحسين اعتقد واضح القيمة بثواب الحسين ولو كان لغيره ما كان اختارت يوم الذي استشهد به ابو عبد الله ع وهذا شرف عظيم لها ولكل محبي اهل البيت رائعة قطر الندى روحك رائعة وجميلة
اني من النجف هم اكو كومه سنه من الدليم ويطبخون لامام الحسين عليه السلام
عاشت ايدج يا مبدعه بطريقة طبخ القيمه وبطريقة طرح افكارج المنوره، ربي يحفظج ويحفظ عائلتج بحق محمد وآل محمد .
اكو دليم بالنجف
عاشت ايدج روعه احبها هم هواية الشيف عامر تحياتي 🌷🌷🌷🥰🥰🥰
الشيف عامر شكرا عزيزي وايدك العايشه💐
قناة مع قطرالندىkataralnada ممنون لويمكم جان جيت أكلت هممممم
على راسي البيت بيتك 😁🌷💐
تحياتي لحضرتج ربي يوفق الجميع اني اهلي من سنة 1996هم يطبخون لاهل البيت ولحد هاي الحضه واحنه من الطائفه السنيه ماعرفنه التفرقه طول حياتنه وانشاء الله ياربي يرجع عراقنا الي نعرفه وطيبة شعبنه واخوانا واحبابنا الي نكول عنهم هم فاكهة العراق اخوانه المسيح ربي يحفظهم ويحفظ كل العراق بكل اطيافه وقومياته
طريقتج كولش سهلة وبسيطة ومكوناتهة قليلة راح اكول لماما اسويهة هاي السنة لان ماما هواي اجيب مكونات وبعض البهارات تسويهة مرة
الاصيل يعرف اصلاء مثله. يعني قصه جارتكم صدك حلوه. والنعم منهم ومنكم. القيمه هذه بالضبط مثل الي نسويها بالعماره وحتى نفس اللون.
الله يعطيك العافية ويحفظكم انسانه راقية جدا ( معدلة ونعم من اصلكم)
الله يرحمج خاله ام غزوان هم جنه ندز جدريه صغيره خطيه تدز النه بكدوره كبار متروسه للعين
وجانت اي اكله جديده تنزل خاصه وره العنب تدز النه ماعون
واي سنه ننجح بيها تجي تبارك النه حتلو جهالها مااتوفقوا بالامتحانات ورسبوا
الف رحمه ع روحها بهذا اليوم وكل يوم
عاشت ايدج ذكرتيني بأيام زمان جانت امي تطبخ واني واخواني نوزع للجيران طبعا اني مثلج الاكلة الي احبها اطبخ منها كمية كبيرة واجمدها حتى ساعة الساعة اطلع واحمي
اقسم بالله اني جدتي لوالدي سنية وجدتي لوالدتي ايضاسنية واختلطنة باهلهن احسن ناس حبونة كثير وحبيناهم كنا نزورهم بالعطل ونرجع محملين مالذوطاب ومن يزورونة الوالدميقصرحتى قطع قماش يرسل للكل حبيت اكول لمن تهجرنة السنة ذرفو الدموع علينة اكثرويوم اللي توفة والدي رحمه الله اكثرالباكين عليه جيرانة المسيحي مايكل ابودانيال لأن والدي ميمرعيد الهم اذا مياخذحلويات هووامي وبيبيتي ويروح يعايدة ارجوكم لنحافظ على هذه الاخلاق لأن الطائفية زرعوهة الاشرارانحني لكل الطوائف فكلها ورود من حديقة عراقنا الغالي
مرحبا... من جان عمري ٨ سنوات ومن جنا عايشين ببغداد بالسيدية جانوا جيرانا بالشارع تقريبا كلهم شيعة على فكرة اصداقائي بالفيس اكثريتهم شيعة!! فد يوم من ايام جان يوم عاشوراء فأمي جانت تحجي ويه صديقتها من ورا حائط البيت واني جنت العب دعابل فصاحبي كلي اني رايح اكل قيمة وتمن اذا تريد روح جيب جدر وتعال حتى ينطوك قيمة لان يعرف بيه اعبدها عبادة القيمة وتمن المهم رحت لهم وبيدي جدر شافتني جيرنا ألام فكالت لي امشي وّلي صابئي نگس وتفلت علية اني رجعت للبيت اجبي لان اصداقائي ضحكوا علية فمن شافتني امي ابچي كتلها هيج وهيج صار بيه كتلتني بالصوندة فجارتنا هم على فكرة شيعية بس من عرفت بالقصة فراحت للمطبخ وجابت لي جدرية قيمة وتمن كالت لي هاك اكل احنا ماناكل بالبيت قيمة وتمن واكلت ها القيمة وتمن ودموعي اصب 😂😂 اكلت كتلة من ورا القيمة ومع ذلك اكلتها
هذه جارتكم تمثل نفسها وبس للاسف💔اني من يمي دمي فار علموقف، يا ابن خالتي اني صديقتي مندائيه صابئيه قمه ب الشرف والاخلاق مفد يوم انتقصت من احد ولا بيوم سمعتها تحجي على احد🌷
سبحان الله هاي جارتكم مو بشر
احنه بالديوانيه الصابئه عايشين ويانه وناكل عدهم وياكلون عدنه ومتعايشين ولا كانه اكو فرق بالدين وماحاسين بهيج شي وللعلم احنه ساده ومعممين بس منفرق ابد بهيج امور
الله يغفر لجارتكم ويعقلها ويسامحها
امسحها بينا اخويه والله قصتك استفزتني حيل
اني عشت بالانبارواني شيعيه يفرقون هوايه وخاف اكول اني شيعيه كلت سنيه بس احنه الشيعه ماعدنه قلب نفسيتنه طيبه ونحب العالم كلهه واني زوجي سني وهم مافرق بس عيالي عنصريين كلش
المعقول انتي تربي عيلك على حب الكل وليس على العنصرية هذة مشكلة الاهل
كلمه(عيالي ) يعني اهل الزوج😬😅 بس هذه الكلمه في اللهجه العراقيه تحياتي الى اليمن👍🏻🙏🏻
عاشت ايدج يا اجمل وارق قطورة ..ربي يخلينه متوحدين سنه وشيعه ومسيح وصابئه ..وكل مكونات العراق
تحياتي لك اختي احنا سنه وكل سنه نطبخ من زمان والحد هاي ألحظه ماكو فرق ربي يحفظ العراق و العراقين امين
احنه بالموصل جيرانه سنه واحنه شيعة وقبل السقوط جنه نسوي هريسة مو تمن وقيمة 😅وطنهم جدريتين لأن همه عائلة كبيرة وجان يحبون طعمها وجنه مثل الاهل
طبعا الوحيده الي تنطي حرف الراء حقه هو انتي...دزوها للجماعه الي عدهم لدغه بالراء دمرونا والله... شكراا الج طبعا اني اكل 6 وجبات باليوم واطبخ بنفسي وتقريبا ماضل شي ماجربته فكلش مستفاد من قناتج عاشت ايدج
الف عافيه
عاشت ايدج نفس طريقتنا هم احمس المعجون اني من النجف وهيج نطبخهة بس قبل الصب نحمس طحين حمص شوية ونحط فوك القيمة علمود تصير ثخينة
وبالنسبة للقصة احنا هم كنا ساكنين الكاظمية جيرانة سنة ويطبخون تمن وقيمة جدور بالشارع ويوزعون للناس الله على ايام الخير والمحبة
عاشت ايدج واحنه لشيعه ما نتغير ابد وما نفرق بين شيعه وسنه وخيرنه واحد نشالله
اليوم كاعدين او انفكر نطبخ بعاشور قيمه نجفيه لو عاديه 😂😂
عفيه عليج توزعين بالخارج قيمه هذا شي حلو لان هم راح يسألون عن السبب وهذا الشي يفهم الناس بعقيدتنا اكثر
هلا والف هلا والحسين لجميع الطوائف. تعرفين عندي صديقه متلفض الراء اموت عليه وهسه بنوتي هم متلفض الراء. انتم مميزين ا افضل أصدقائي اني وماما صابئيه ومسيحيه للعلم احنه مسلمين. استمري انتي طاقه ايجابيه
اوف قطوره اني من الغزاليه طلعنا ب ٢٠٠٦ ورجعنا ب ٢٠١٢ ابد ما انسه ايام الطفوله اذكر جان بيتكم بعد الأسواق تذكرين ابو حسين ابو الكيمر والخالدي وحسن اسواقنا.
Ahmed Hussain طلعنا عرف؟😁🤓مو كلش اتذكر المنطقه بس اتذكر براس الفرع جان اكو جامع
عزيزتي انه شعيه من البصره تحديد من قضاء الفاو جاورت كثير من الناس ماف يوم سألت انته شنو ملتكم على حب الله والإنسانية وبعد كم سنه ازوجة وانتقلت إلى كركوك هم نفس الشي جاورة عرب واكراد وتركمان ومسيح وهم مافرقت بيناتهم الحمد لله وشكر شوفي كل الاديان السماويه تحث على الإنسانيه ومحبه الصادقه
ماما من زغرنا تسولف عن جارتهم بالثمانينات مره جبيره وعايشه وحدها وعدها جلاب ثنين يخبلن ولامأذيه احد ولا شي ومحد يعرف ديانتها شنو ولاسائليها لحد ما ماتت واكتشفو انو هي جانت يهوديه ومحد يدري حتى ليطلعوها من العراق❤واحنا كل سنه نطبخ هريسه ودجاج بمحرم ونوزعه فصديق بابا مسيحي ندزله والناس تتعجب وسنه من السنين اخرنا طبخنا يوم اتصل ع بابا زعلان عباله ماشلنا حصته 😢❤فبابا كال هسه طلعي دجاج وطبخيله قبل باجر وودينا اله❤بس للاسف عمو تقاعد وسافر لغير محافظه وطبعا احب اوجه كلمه لكل الناس احنا اكثر بلد متفرق بين أي ديانه تحسنا كلنا نفس الدين والعادات والتقاليد ومنفرق ونكول هذا كافر وهذا مو من دينا ونحترم مناسبات بعض وشكو واحد طفل يكع يحجي بالديانات ويفرق هذا بسبب جهله وتخلف اهله الي نسو يزرعون بي الخير الي زرعو اهلنا بينا🙌🏻
ههههه راح يجي محرم اجتي القيمه اويلي وربي اله اترس المجمده قيمة اموت عليه وشكرا عله الوصفه وعلا اخلاقج الطيبه 🌹
عاشت ايدج واحب اهنيج عله روحج الطيبه والنقيه وذا نحجي عل طائفه ف اني شيعيه من اديالى وزوجي سني من الفلوجه وجمعتنه بغداد وناسها الطيبا وانشاء الله الله يحفض العراق وأهله وتحياتي الكم اختكم ام ريحانه من اليونان
والله اني شيعي وفدوة اروح للسنة كلهم وعمري صار ٣٠ وعمري ماعرفت شنو معنى السنة والشيعة لهسه
وجان ابويه بالجيش يكول بالرمادي وربعه كلهم سنة ومسيح دائما يعزموه هناك واحنه هم نعزمهم بمحافظتنه ولهسه حبايب واخوان يارب يرجع العراق بكل خير
احنه من كربلاء و بوقت ما اجوي الدواعش اجوي جيرانه سنه وصرنه اصدقاء جدا بحيث لحد ما راحوا كمنه نبجي عليهم و قبل سنه اجت هيه و زوجه و اطفاله يمنه بقوا
اني متابعه جديده واول مره اكتبلج تعليق لان اني اتعاجزاكتب وجهالي ٤ مدوخيني هسه ناموولزمت الموبايل وكتبت عاشت ايدج معدله وشاطره الله يطيج الصحه والعافيه وبلنسبه لهذاالموضوع والله جنت بلجامعه صديقاتي استحي اكلها شنوعشيرتج والله ولادينج شنولحدهسه اذكرالايام الحلوقبل السقوط بسنه تخرجت وبلصدفه جنت اباوع ماماسعادهم احبهه وعرفتج وبديت اتابعج وتمنه تقرين تعليقي وتقبليني صديقتج ولوطولت عليج بلكلام واشكرج
القيمه ماتسوون بلحم غنم تسويهه بلح عجل لن كتب بيه ا لزفوريه اشويه وذا لحم بعير بعد اطيب جربي طريقه شوفي ست قطر الندى اني من النجف
اني سكنة الكرادة ومعروفة الكرادة بسكانها المسيح جانو جيراني والله فد ناس واخلاق وجانو يحضرون مجالس العزاء للام الحسين (ع) وعشقهم قيمتنا بس بعد كلهم هاجرو وهم يبجون خصوصا النساء الكبار يكولون وين نلكا هيج كنائس هنا الله يذكرهم بالخير وحدة من عدهم قبل متسافر لامريكا جابتلي ملابس ابنها من جان صغير معتزة بيهن لابني ذكرى من عدهم
قبان عينكي اشقداحبكي بالله تذكريني قبل اشون كنا سوا ماكو فرق الله يحفظ اولادكي حبيبي واكيدطيباكلكي لان غوحكي طيبي
عمل متكامل رائع ١٠٠٪ ولا اي ملاحظه عليه ولا يمكن التعقيب عليه ابدا ومأجورة على التوزيع والعراقيين الاصلاء متكاتفين يحبون بعضهم ولايفرقهم شيء
احنة من تكريت وكومة كرايب راحو لبصرة والديوانية وصار زواجات وزاد وملح ربي يحفظ العراق بكل اديانه
ما شاء اللة عليج الله يوفقج
مابقه شي لمحرم وتشوفين العراقين يبدعون لا يضل فقير لا يضل جوعان كله تشبع بزاد اهل البيت ع
اي والله بعد يومين ويسكت العالم بأكمله
مع الاسف اختي المفروض قناتج تصعد لان راقية ومبدعه
عاشت ايدج والف عافيه وانت فعلا عراقيه اصيله لان من كلماتج نحس بالعراق مغزر بيج مانسيتي وتشيدين بي وبأهله رغم البعد واحلى شي بيج لفظ الراء يارب كلماتج التحجينهه كلهه بالراء حته استمتع🥰
اعشق القيمة قبل سنة تعلمتها عن طريق الشيف صالح للاكلات الشعبية من النجف هوه تحياتي اله وهس جاي اشوفه بقناتج بس اني جنت اسويها لحم البقر فقط ممسوي غنم هاي المعلومة مال لحم الغنم اول مرة اعرفها منج طبعا اني ولد مواليد 97 طالب واحب شغلات الطبخ
تحياتي الج من النجف سوينه قيمه وندعينالج وصفتج جدن منتازه
الف عافيه. فرحتني بتعليقك
يالله شكد حبيتج الله يوفقج ويحفضج ويحفض عائلتج احسسسج راقية وشكد حلوووووووووو وع طبيعتج وناجحة ومعدلة وشاطرةوكل كلمة حلوة قليلة بحقج شكد حبيتج فدوة اروح للراء مالتج
اجيت من بغداد للعمارة لان ابوية شغله هنا وصارلي ٧ سنوات وية صديقاتي ولحد الآن ما اعرفهم شيعة لو سنة بس الي اعرفه هم صديقات زينين ومحسسوني بغربة فد يوم ❤️
مره جنت اني وابوي بغداد منطقه شارع حيفه بل سياره نوزع غاز لل افران الصمون جان تكضنه سيطره وهميه واني جاني عمر عشر سنوات الي واكفين بل سيطره كله ملثمين وراكبين دراجات شايلين اسلحه واحد من ذول الملثمين سحب اقسام المسدس وحطه براس ابوي واني كمت ابجي جان ابوي داس بانزين ضرب واحد من اصاحب الدرجات وابوي كتله بل سياره ابو الدراجه مات وجان يصير الرمي ياخيه من كل الجهات زرفو السياره علينه طبعن ابوي مقبل يسلم الجنسيه لين احنه شيعه وجان ابوي طكته طلقه بجتفه الله لايعيد ايام الطائفيه بجاه الحسين اللهم احفظ العراق واهله من كل شر كلا للطائفي
انتي عايشه بامريكا واكلج وطبخج تصرفات عراقيين وانتي جايةتفرحينا بهذا الشي واني كلش احبج استمري عسل
عَل فكره اني متابعه جديده وأشرف بمعرفتج وأحب قصة قطر الندى كلش هوايه ومكنت أتوقع او اسمع وحده تكون اسمها قطر الندى كلش حلو اسمج حبيبتي منوره اني سعيده جدا بمعرفتج شكرًا الج
عاشت الايادي اني اسويها بنفس الطريقة احنا بالبيت كلنا انحبها بالنسبة للطائفية مجان نعرف شنو معنى هاي الكلمة شارعنا الليل جنا ساكنين بي بي سنة وشيعة وبراس الشارع أكراد واحنا مسيحيين والبيت المقابيلنا صابئة احلى ايام عشناها سوة وكل الجوارين جانوا خوش ناس ربي يحفظ العراق واهله الطيبين
عظم الله لكم الأجر بذكرى استشهاد سبط الحبيب محمد الإمام الحسين عليه السلام 😥💔
الف الف عافيه من النجف
عاشت ايدج مبينه طيبه الله لاينطي كلمن يفرق شنو سنه وشنو شيعه المهم احنه عراقين ومسلمين
العراقيين كلهم اخوة بجميع الاديان والطوائف
@@Mryam_2023 صح كلامك العراقين بكل الأديان والمعتقدات واحد
والله راقيه ومبدعه اني اطبخ قيمه كل سنه ١٥ قزان يعني كدر كبير و ٢٥ تمن ولبقر ٥
بس قيمتك كلش طيبه تسلم الايادي
الله ينتقم من كل معمم وسياسي وشخص زرع الطائفيه لابد من يوم الله بحقق عدالته وينتهي هذا الظلم وينتقم من الظالمين
@Dr.Hanan Asiri كلهم مجتهدين واعداء الامام المهدي عليه السلام والي احنه بي كله من جوه راسهم
والله العظيم اعز اصدقائي
من الفلوجة والاعظمية
واني من النجف عيب التفرقة
ملاحظة حلوة العراق واحد
شكرآ قطرالندى
صووووووتج راحه نفسيه
حبيبتي قطر الندى اهل الحنوب وعن تحربة من صغار لحد الكبر مانعرف شي عن الطاءفية بس دول الجوار منها العربية سبب الخراب
ايران وقطر زرعوها
عاااشت ايدج حبيبتي ندووش ماكوو فرق بيناتنه ان شاء الله اهلنه علمونه ماكو تفرقه اني امي سنيه وابويه شيعي والحمد لله منفرق حتى جيرانه جانو صابئه وقت رمضان اخلي امي تصبلي ماعون اودي ال صديقتي لقاء اسمها يمه حطيلي شوربة اودي ال لقاء تفطر مثلنه 🤣 امي الله يرحمها جانت تضحك تالي من كبرت وصار عمري ١٧ عرفت صديقتي من الطائفة الصبية وكلش احبهم . حتى جانو يحبوني يسموني الشكراى عود الشقراء لان هم من اهل البصرة بس صابئيين .. وهنا تعرفت على بنية مسيحية جنت اول سنه الي بتركية وماعرف تركي وهي وزوجها وابنها عمره١٥ يعرف تركي صاحتني وترجمولي والى هسه صار خمس سنوات علاقتي بيها مستمرة . لكم دينكم ولنا ديننا بس الي زرع الطائفية هو الله قبيلهم .. تحياتي الج . وشكرا لان ذكرتي اسمي لان انتى فعلن اصيلة 🇮🇶😘 🥰
منوعات ام غني حبيبتي انتي طيبه ولهذا الله يحطلج الطيبين بدربكم، وانتي غنيه عن التعريف حبيبتي الي الشرف بذكر اسمج💐
احجيلج قصتي ..جيرانه سنية زوجت ابنها والله مارزقة بأولاد لمدة 6سنوات فديوم صار موسم الطبخ مال ابا عبدالله بعاشور وجانت جيرانه هواية تدعي لابنها ان يصير عنده طفل تقربت من الجدر مال قيمة كالت يصير تخوطون الجدر وتدعون لابني بمكاني لان اني اخجل كتلها ليش تعالي انتي خوطي ونذري اذا يصير عنده طفل تنذرين و تشاركين الطبخ حتى لو كيلو واحد وفعلا خاطت الجدر ونذرت والله العظيم والله العظيم السنة الوراها الله سبحانه وتعالى رزق ابنها توأم بنية وولد ببركات اهل البيت والله هسة تكولين دابالغ لو أألف ومن حصلت مرادها لسة وجيرانه تشارك بالطبخ التمن والقيمة كلنا العراقيين من شمالنا لجنوبنا عايشين على بركة اهل بيت الرسول ونتفق على محبتهم ولاوجود لواحد ينكر هذا وان شاء الله مترجع ايام الطائفية وكلنا على قلب واحد ومحد يفرقنا ...تسلمين حبيبتي قطر الندى لان جمعتينا بهذا الحديث
شكد محبوبه رحمه لدينج هاي الرااااء وحدها قصه النوب الأسلوب والنظافه وكلشي من الاخير عندج اخت😊🙈😁
تسلم ايدك يااختي الشاطرة ذوقك حلو بغدادي أصيل اختي الكريمة كنت صغيربعمر ٩ أعوام إلى الكبر إلى الحصار كان والدي رحمه الله تعالى وولديكَ يعملها بدهن الحرلنةبشهر محرم يوزعونها مع حولي وهو يذبح ويطبخ لانه صاحب مطعم ونعمل ذكر ونطبخ تمن هنودكثير ويسألوني جوارينة انتو سنة لو شيعة أسأل والدي يجاوبني احنة عراقيين انحب عمل الخير
حسام العراقي الله يرحمه تعيش وتتذكر وتترحمله
قبل ٣ سنوات جنت احس بالطائفية بكل مكان ، الى ان طلع قبولي بجامعة الموصل واني شيعي
فبوقتها كنت مستعد للمرور بتجربة مجهولة وخصوصا الموصل كانت محررة للتو ،
فسكنت بالاقسام الداخلية وهنا قدّر رب العالمين ان اسكن بغرفة من 8 اشخاص بيها ،
اني
و سني من الانبار
وكردي من دهوك
وتركماني من ديالى
وشيعي من كربلاء
وهذولي كانوا وما زالو من اعز اعز الاصدقاء
عشنا احلى ايام ولحد هسة ندمع اذا تذكرناها
وبهذه الطريقة ،
دفنت الطائفية في الموصل . اعتذر عن الاطالة
شكرا لمشاركتك هذه القصه. اني اتمنى كل الناس تشارك بقصصها الحلوه هذه حتى الناس تعرف الدنيا بعدها بخير والعراقيين يبقون طيبين وواحد كلبه على الاخر.
عاشت ايدچ وربي يوفقچ لما يحب ويرضى ويجعلها بميزان حسناتچ .. احنا شيعه وماكو فرق بين كل الطوائف وبيت عمي من الثمانينات ساكنين بمنطقة الامين الثانيه وربي جيرانهم ع اليسار مسيح وع اليمين صابئه ومقابيلهم سنه ومسيح والمنطقه كولها اشكال وانواع الطوائف وكولهم گلب ع گلب وناس اتحب ناس والاحترام والتآخي متواجد بيناتهم اجنا كنا ساكنين كم سنه بنفس الفرع ومن اروح لبيت عمو الجيران نفسهم ما متغيرين .. الله يبعد عنا كل انسان حاقد يريد يدمر العراق واهله
شكد انتي راقيه، وبصراحه من زمان مشتركه بقناتج، لكن صارلي يومين فقط من بديت اتابع فلوكاتج. عجبتني باسلوبج وشطارتج، ياريت لو تستمريت بفلوكات السفرات مع عائلتج للباركات
السلام عليكم ليش تنسون مواقف سيدعلي السستاني المشرفه ايه الله فتوى المرجعيه اخ ايساعداخو من زمان هسه بزمن كورونا العنده ساعدالماعنده من اكبرحاجه الى اقل حاجه واحنا اهلل الكرم والجود عراق علي بن ابي طالب والحسين والعباس عليهم السلام ايدوحده للمووووووت ربي يحفظ كلل العراق
يا عيني على النداره. والله هنيال زوجج. هم جمال وهم شاطره وهم أخلاق راقيه.
شوفي شكد مدحتج؟؟؟ يالله لعد دزيلي ماعون😂😂😂😂😂😂😂😂😂😂😂😂😂😂😂
Hiba Ali على هلمدح ادزلج الجدر كله😍
عاشت ايدج الف عافيه انا كلش احب القيمه
عزيزتي كلامج بخصوص المجتمع العراق وفقرة توزيع الطعام بالمناسبات الدينية من ذكرتيها جدا فرحتني لان هذا ان دل على شئ فيدل على نفسيتج الحلوة وهدفج من نشر القصص الايجابي الي هي تحد وتعزز من الفكر المتعصب..تحياتي
ولله ذكرتيني عندي مال محرم امجمدتها راح اطلعه وحميها شهيتيني 😋قيمه 👍🏻
من باب التذكره ...
اخوان
مرات من نروح للسوك نشوف شياب لو نسوان كبار ( عجايز ) گاعدين بـ السوگ ومبسطين بشغلات بسيطه جدااا ويجوز ما ألها قيمه ومحد يگلبها مثلا جواريب أو ليف حمام مال گواني لو بخور عرب لو حرمل لو علج مر وگاعدين بهذا الجو الحار ع باب الله ولان بضاعتهم بسيطه ضالين خطيه بس يصفنون بـ الوجوه لان محد يشتري منهم ومرات لان هاي المرأه المبسطه جبيره ومااااااااااا كاشخه وما يگلبون بضاعتهم .
صدگوني أخواني ذول الناس ساحگتهم الدنيا سحگ بسنونها وشايف من تشتري منهم يرد الدم بوجوهم .. أخواني أشترو منهم حتى لو شي ممحتاجينه تره والله تفرحونهم وتفرحون عوائلهم المنتظره يرجعون ألهم بعلاگة مسواك .وشكرا على القرأه وأ الله يخليك اذا تكدر تشترك بقناتي اكون جداٌ ممنون لأني بحاجه الك