港人救生艇 Stream A 申請學簽常見問題 - DIY申請讀書移民加拿大
Vložit
- čas přidán 29. 12. 2021
- 由現正身在加拿大讀書港人向大家講解 Stream A 申請加拿大學生簽證常見問題。自己移民自己搞。幫得一個得一個。
* 依家有部份學校喺接受香港人入學申請時，係可以係申請人符合某種情況下，豁免提交英文試成績。建議各位報名考英文試之前，先向學校查詢。
British Council - Free online IELTS practice tests
takeielts.britishcouncil.org/...
#加拿大 #救生艇 #讀書移民
近日收到部份網友通知，依家有部份學校喺接受香港人入學申請時，係可以係申請人符合某種情況下，豁免提交英文試成績。建議各位報名考英文試之前，先向學校查詢。
多謝大公無私的分享，內容充實有用。加油！
多謝支持。希望條片嘅內容可以幫到你。
謝謝你提供的內容，非常充實，增長知識。😀
多謝支持。
非常清楚，謝謝你。
多謝支持。希望條片嘅內容可以幫到你。
你好呀，謝謝您無私分享同埋細心解說☺️👍🏻👍🏻另外，最近諗緊一家三口的financial proof應該預大約幾多？見到FB分享左好多唔同金額建議，甚至有agent 話三個人既家庭要預$100萬證明先批到，但又有人話咁樣反而令移民官覺得有移民傾向，請問你可以分享下嗎？謝謝🙏🏻
根據 canada.ca 網上的例子，三人家庭一年最少要有 CAD17,000 作生活費。即兩年合計約港幣210,000。在有能力的情況下，建議大家呈報的財力證明要預鬆一點。個人建議最少要包括兩年全家的生活費及未交的學費金額。
www.canada.ca/en/immigration-refugees-citizenship/services/study-canada/study-permit/get-documents.html#doc3
你所提及有人話要預 $100 萬證明先批到嘅情況，我估應該係講緊其他移民加拿大嘅方法，如 Start-up Visa 等。如果申請學簽都咁高財力要求，我估我依家啲唔同國藉嘅同學，有起碼一半人唔會嚟到加拿大讀書。
謝謝你，你講得好有道理！☺️咁我都預算多少少🤏
好多謝你的分享, 如果配偶will not 申请sowp, may I ask if this will affect the application for PR in the future?
如果配偶 / 伴侶計劃係主申請人在加拿大讀書期間暫時留係香港，或者只用遊客身份陪主申請人讀書，都不會影響畢業後一家人申請 PR (HK Pathway) 的資格。
就算係只有主申請人一個人先到加拿大完成學業嘅情況，只要主申請人喺申請 PR 時包括埋配偶 / 伴侶及子女等便可。由於申請時會說明相關的家庭成員仍然在香港，當 IRCC 正式批出 PR 時，會另行發信俾各位家庭成員作入境加拿大 (landing) 之用。
@@HK2CA thank you so much for your reply!
好多謝你無私的分享，我自己正apply 學校，希望有offer 後便開始DIY SP, SOWP, MSP, 想請問一下，Financial statements 要唔要自己combine 哂做一個file, 定可以分開files send? 因為有幾個accounts, 而且又要俾4months, 謝謝你🙏🏻
我當時係將所有財力證明文件合併做一個 pdf file 後先 upload。我記得文件清單個頁好似每項只可以上載一個檔案。
其中一個做法(係唔安裝其他程式情況下)係將每頁文件以 jpg 形式放入 MS Word 檔，之後再將 MS Word 檔另存為 pdf。當然，如果可以有影印機，就可以將所有文件一次過 scan 做一個 pdf file。
@@HK2CA 好多謝你，明白了😀
現在book 了八月中medical exam ，如果這星期交SP 申請，就用webform 後補交medical 資料？還是UMP 會直接交畀佢？如果真的12星期，差唔多到11月，都幾趕，12月中飛去租屋。一月開學。
我當時係正式提交申請後，約一星期內就收到 "Medical Examination Instructions" 嘅信同埋 IMM1017 嘅文件。之後去驗身時將 IMM1017 交俾診所，診所就會將驗身報告自動交俾 IRCC。IMM1017 上面有你嘅 IME number，IRCC 會認到邊份驗身報告係你嘅。
如果先等主申請人sp出了，再申請配偶sowp同小朋友既sp，但因為現在可能處理時候長了，到出發前都未有配偶sowp同小朋友既sp，可以點處理呢？
如果有足夠時間，我個人建議是全家同時一齊申請的做法會比較好。但根據你以上所提及的情況，我估計你可能已定了開學時間。如果唔係一定要全家同時一齊入境，有啲學簽申請人會先入境，家人就遲啲先入境。但如果想同時一齊入境，有啲人會選擇配偶及小朋友以遊客身份入境。
正如我片中所提及，以遊客身份入境，配偶不能即時找工作。另外，要留意嘅係遊客身份入境一般只會獲批 6 個月逗留時間。他們到達加拿大後，要適時辦理延期或以其他方法延長他們的可逗留時間。
請問如果小朋友2歲，打算用eta 遊客身份入境，申請學簽時，應該就不用幫佢申請Minor children study permit , 但仲使唔使提佢會一齊過黎加拿大? financial support 係咪都要預3個人既budget? 謝謝!
如果計劃到時同小朋友一齊入境加拿大，個人建議都係申請埋 Minor SP 比較簡單。雖然以上情況小朋友係可以唔洗申請學簽，但當主申請人喺系統正式開始申請學簽時係需要回答一些問題。如果你回答會有家庭成員(包括小朋友)一齊申請，審批嘅 case officer 會預咗佢哋係過嚟陪你讀書。呢個情況下，預三個人家庭金額嘅 financial support 會比較穩陣。
我們一家的簽證( SP, SWOP & Minor SP)
剛剛批出了! 3月尾就會出發到多倫多！
申請前有參考過您的影片、
亦有向您提問過並得到您的詳細解答,
萬分感激！特此道謝！
另外想請教一下. 申請運輸署份TD320, 身分證明文件應該填身分證或是特區護照？填身分證的話, 份文件咪只有身分證號碼, 在加拿大使用時有冇問題？填特區護照的話, 運輸署可否check 到 d 駕駛紀錄？
好開心得知你哋嘅申請已成功獲批，恭喜恭喜。其實不需客氣，我只係俾咗少少貼士同資訊俾大家，最終能夠成功申請係你哋自己努力嘅成果。預祝你哋日後一切順利，早日適應加拿大嘅生活。
另外，TD320 我當時填咗身份證號碼。交文件俾安省 DriveTest Centre 時未見有問題。其實身份證號碼都有顯示係 Passport 上面，應該唔會有問題。
多謝您的祝福和解答！
十分欣賞您的youtube 風格, 非常平實及真誠, 要繼續努力呀, 幫得一個得一個！
我與您的背景相近, 都是較為年長(比您老多了, 已經五十多)並帶著太太和小女兒一起成行, 故此額外有親切感！記得您應該就快畢業了, 加油！很快就可以成為PR了！祝福您的一家！祈待新的分享！
@@stephenman6754 感謝你的支持及祝福。大家一齊努力，加油！
港人移加HK2CA 您好，想問一下我太太申請SP時，會同時幫我申請埋SOWP的，但剛填寫到我的Client Information時，不知道應怎樣填寫。現想請教一下應怎樣處理呢？謝謝！🙏🏻😄
@@takwaiyuen3771 你所指的 Client Information 是開始的答問題部份？還是上載文件階段？如果係答問題部份，可參考以下「家和」的示範影片：
「家和」講解 Stream A (學簽)主申請人部份的答案示範：
czcams.com/video/wHF6PdjB6Qw/video.html
「家和」講解 Stream B (工簽)申請人的家庭申請步驟，申請 Stream A (學簽)的朋友可參考該片內家庭成員部份的答案示範。czcams.com/video/9u7f3TG4hRI/video.html
想問問如果果科吾同 但同一個industry, eg IT, 其實得吾得？
本身有information sys degree 但想報加拿大Computer technology
個人意見，得同唔得係無絕對。主要係睇負責審批嘅 case officer 點睇，佢覺得你申請去加拿大讀書嘅理由合唔合理。要增加成功機會，就要係 letter of explanation 做多啲功夫。就你以上所述情況，假設係諗住報 IT 嘅 diploma 課程，建議可以係 letter of explanation 提吓以前 degree 主要讀啲咩，同依家想讀嘅課程內容係完全唔同。例如今次讀書係想學啲較新嘅 IT 嘢 (e.g. cloud computing, AI 等)。當然，要對得返你報咗個 course 嘅內容。另外，亦要講吓讀完呢個 course 後會對你有咩好處(如可以轉到去較理想收入嘅職位 e.g. big data, information systems security 等)。重點係要將你嘅情況解釋俾個 officer 知，等佢覺得你嘅學習計劃係合理。
當然，你亦要有兩手準備，萬一第一次申請學簽唔批，就可能要考慮報讀第二科(同 IT 無關)再入過申請。
請問如果媽媽是循Stream A
取得學簽去加拿大讀書
同行兒子如无學簽 只用旅遊身份入境 他可以留加讀書嗎？
你所提及嘅情況可參考以下官方網頁：
Studying in Canada as a minor - Already in Canada
www.canada.ca/en/immigration-refugees-citizenship/services/study-canada/study-permit/prepare/minor-children.html#already
提提你，小朋友以遊客身份留喺加拿大期間係申請唔到免費醫療保障。建議喺入境後考慮幫佢申請返 Minor SP 會比較好。
想請教一下, 如果主申請人申請家人配偶work permit , 如成功申請, 配偶是否一定需要過去呢? 如果只是主申請人先過去加拿大完成課程才連同在港家人一次過申請PR 可以嗎? 申請PR時是否一定需要所有成員在加拿大才可以?
我的情況是呀仔想完成DSE 才過去加拿大, 要遲一年半才過去加拿大, 所以其中一位父母會留港照
如果係主申請人(負責讀書嗰位)一個人會先到加拿大讀書直至畢業，就唔洗同時幫配偶申請配偶工簽。以你上述提及的情況為例，由於家人暫時會留係香港，主申請人一個人申請學簽已足夠。到畢業後申請 PR 時，只需將家庭成員一併包括在申請內便可。申請 PR 期間，只要求主申請人必須在加拿大。如 PR 成功獲批，IRCC 會問你家庭成員當時身在何處。你到時只需向 IRCC 提供家庭成員的香港住址，IRCC 便會另行發信給各家庭成員作入境加拿大(以 PR 身份)之用。
就住以港人救生艇申請 PR 時，家庭成員仍在香港的情況，可參考以下 IRCC 內部審批指引。
Permanent residence pathways for Hong Kong residents: Making a final decision
www.canada.ca/en/immigration-refugees-citizenship/corporate/publications-manuals/operational-bulletins-manuals/permanent-residence/non-economic-classes/pathways-hong-kong/final-decision.html
(留意 "For applications with accompanying dependants overseas, the primary office will do the following" 的那一段)
@@HK2CA 謝謝你的回覆, 我想再請教下, 如果主申請人申請家人work permit 用作standby 用途可以嗎 ? 即是有乜變掛在港的家人可以過來加拿大工作同子女可以讀書, 即是主申請人到畢業後申請 PR 時 也未必用到 家人的work permit 或子女study permit 的情況
@@kingc9085 正常情況下，IRCC 批出工簽或學簽申請時，係預咗申請人會係指定日期前入境加拿大。如果之後唔入境，到咗申請 PR 時，唔知有無影響或需作特別解釋。以上述情況為例，其實家庭成員係可以隨時申請 eTA 以遊客身份入境加拿大，之後再係境內申請配偶工簽及子女學簽。
以上僅為個人意見，建議因應需要考慮向持牌移民顧問查詢。
申請學簽需唔需要交學歷副本，考試成績單？但如果成績只是一般，怕不怕佢唔批？是否加埋工作合約，糧單和稅單以支持財政狀況？
申請學簽時係無需要交任何學歷證明，只要提交你所報讀學校嘅 letter of acceptance 就已經可以。IRCC 係唔會睇申請人係咩成績，只要有加拿大學校收佢，就符合要求。
至於財政狀況，如果你嘅銀行存款或資產已足夠證明你於讀書期間會有足夠嘅生活費，就唔洗一定要交工作合約、糧單或稅單等。我當時都無交糧單同稅單。個人覺得 IRCC 主要係睇你有幾多錢或資產去支持你係加拿大讀書期間嘅開支，多過睇你係香港有幾多賺錢能力。
@@HK2CA 有網友被拒絕，話佢冇交academic record, marksheets.
@@slee2617 請參考以下官方網頁，連 IRCC 內部審批指引同 document checklist (IMM5483) 都無提過要交任何學歷，如果申請學簽出現以上你所講嘅情況係好奇怪。
Study permits: Assessing the application
www.canada.ca/en/immigration-refugees-citizenship/corporate/publications-manuals/operational-bulletins-manuals/temporary-residents/study-permits/assessing-application.html
如果你肯定該位網友係申請緊學簽，而唔係 Stream B 嘅 OWP。咁佢好大機會係唔好彩，遇到一個唔跟工作指引嘅 case officer。
請問申請Study Permit 時用特區護照好些還是BNO passport 好些? 有沒有分別? 謝謝。
根據以下官網列出申請學簽時 "Proof of identity" 嘅要求，只係 "a valid passport or travel document"。因此，香港人用特區護照或 BNO 申請都可以。
Study permit: Get the right documents
www.canada.ca/en/immigration-refugees-citizenship/services/study-canada/study-permit/get-documents.html#doc2
反而想提提各位要留意所持護照嘅有效期。因為護照嘅有效期係會影響到學簽或工簽等嘅有效期。例如申請人所提交嘅護照係一年後到期，IRCC 只會發出最多一年嘅學簽或工簽。如果護照會係兩三年內到期嘅朋友，記得去攞本新護照先，之後先好去申請學簽或工簽。
@@HK2CA thank you
@@HK2CA 另外請問入讀Toronto centennial 一個人住宿生活費一年大约需要多少錢? Government officials need 10k CAD for financial proof of living expenses ? 其實現實生活夠吾夠 as Toronto living expenses r quite high as I know of. 謝謝!
@@larrys1234 由於我係一家三口嘅支出，我暫時係無一個人嘅生活費數據可以俾大家參考。其實呢邊開支主要係租金、交通費同食用。租金要睇你點租法，如學校宿舍有分雙人房同四人房，有啲同學會喺出面合租 apartment，townhouse 或 basement，有啲就會就咁租間房。唔同租法，有無人同你合租，租金可以有好大差別。如果暫時唔打算買車或供車，交通費就會平啲，因為唔洗俾油錢同好貴嘅車保。食用方面，唔介意自己煮多幾餐，少啲出街食又可以慳好多。因為堂食俾貼士已經起碼要俾多10%。
個人建議，無論係單身定係一家幾口過嚟，有能力就真係最好預多啲條數。一來剛到埗嘅頭一年係好多錢要洗，如買冬天衫褲鞋襪、基本傢俱及家庭用品、有車就要買雪胎等，二來係間唔中會有啲無預計過嘅開支。加拿大政府就住申請學簽所列出嘅財力要求係最基本金額，各位要有心理準備係唔止呢個數。
@@HK2CA 好詳細回覆，有心有心。Thanks again and wish you & your family all the best in Canada. At tis point of time, think u have made a smart decision to leave HKG early, its economy/legality/personal freedom/most importantly brain~washing for children etc... r deteriorating day by day. One more thing, if u don't mind, pls share with us why u choose Canada over U.K.? I m kinda struggling with this right now.
請問一下，如行Stream A，申請楓葉卡個陣會否需要做學歷認證？
以 HK Pathway Stream A 方法申請 PR，如果係剛讀完 post-secondary diploma 或 degree 等課程，係唔洗提交以前海外學歷嘅學歷認證。但如果係讀一年制嘅 graduate 或 post-graduate program 就有機會要提交埋以前海外獲取嘅 diploma 或 degree 課程嘅學歷認證(因 IRCC 沒有清楚說明 "for diplomas or degrees obtained abroad" 嘅要求係咪兩個 stream 都適用)。詳情可參考申請 PR 時嘅 Document Checklist (IMM 0134) 有關 "Proof of Education" 的那一段。
Document Checklist (IMM 0134)
www.canada.ca/content/dam/ircc/documents/pdf/english/kits/forms/imm0134e.pdf
你會建議一齊申請sowp 定等sp 出左再申請??
純個人意見，我會建議大家參照我之前片中的做法，全部家庭成員同時間一齊申請。當然，每個家庭情況不同。如果有啲朋友想盡快過嚟，就要考慮其他方式。
@@HK2CA 我先生出年一月先會去讀書，咁應該夠時間一齊申請兩個permit🙏🏻
@@karrielam4253 我見我學校嘅網頁已經出咗 2023 年 1 月入學嘅課程係咪 Available。建議要留意想報讀學校嘅報名時間。以 Centennial College 為例，最近有網友講審批入學申請嘅時間長咗(唔知係咪多咗人申請)，可能要等一個月或以上。建議要預多啲時間辦理申請入學手續。