迷失 Stream A | 講解 Stream A 最唔清晰嘅地方 | 畢業後點樣維持 valid status？| 係咪要申請 PGWP？| 港人救生艇 DIY 讀書移民加拿大
Vložit
- čas přidán 13. 09. 2022
- 由已成功經港人救生艇 Stream A 取得 PR 的香港人以第一身經歷講解 Stream A 迷失位。畢業後學簽到期點算？點樣維持 valid status？係咪要申請 PGWP？Minor SP 同 SOWP 點申請延期？咩嘢係 maintained status？畢業後幾時先可以喺加拿大做全職工作？自己移民自己搞。幫得一個得一個。
Permanent residence pathways for Hong Kong residents: Who can apply
www.canada.ca/en/immigration-...
Glossary - Temporary Resident
www.canada.ca/en/services/imm...
Glossary - Maintained Status
www.canada.ca/en/services/imm...
Work in Canada after you graduate: About the post-graduation work permit (PGWP)
www.canada.ca/en/immigration-...
Public policy: Open work permits for Hong Kong recent graduates
www.canada.ca/en/immigration-...
Extend your stay in Canada: About the document - visitor record
www.canada.ca/en/immigration-...
Extend your study permit
www.canada.ca/en/immigration-...
* 由於 IRCC 喺 2024 年 6 月 5 日修訂咗 “Open Work Permit in Canada” 嘅申請資格。將先前有關 AOR (Acknowledgment of Receipt) 嘅要求全部取消。即係依家所有申請都唔洗等收到 PR 申請嘅 AOR 就可以遞交。行 Stream A 嘅朋友，如果你已經遞交咗 PR 申請，依家其實可以直接申請 Open Work Permit in Canada。唔洗再用我哋喺片中所講申請 Open work permits for Hong Kong recent graduates 嘅方法去幫 SOWP 或 Minor SP 申請延期。
* 根據現時官網資料顯示，IRCC 依家喺收到工簽延期申請後自動發出嘅信已經由以前延長三個月變為延長到 180 天。
www.canada.ca/en/immigration-...
* 加拿大聯邦移民部長 Sean Fraser 於 2023 年 2 月 6 日公佈延長 Open work permit program for Hong Kong residents 申請限期兩年至 2025 年 2 月 6 日。另外，亦將申請 OWP 嘅 5 年內畢業要求放寬至 10 年。
* 由 2022 年 11 月 16 日起，National Occupational Classification (NOC) 已由 NOC 2016 更新為 NOC 2021 年版。片中所提及嘅 NOC 0、A、B 類工種，現已改稱為 TEER 0、1、2。詳情可參考以下官方網址：
Find your National Occupation Classification (NOC)
www.canada.ca/en/immigration-...
#加拿大 #救生艇 #讀書移民
* 由於 IRCC 喺 2024 年 6 月 5 日修訂咗 “Open Work Permit in Canada” 嘅申請資格。將先前有關 AOR (Acknowledgment of Receipt) 嘅要求全部取消。即係依家所有申請都唔洗等收到 PR 申請嘅 AOR 就可以遞交。行 Stream A 嘅朋友，如果你已經遞交咗 PR 申請，依家其實可以直接申請 Open Work Permit in Canada。唔洗再用我哋喺片中所講申請 Open work permits for Hong Kong recent graduates 嘅方法去幫 SOWP 或 Minor SP 申請延期。
師兄，多謝你分享，好重要的資訊，好詳細！
多謝收睇！希望條片嘅內容可以幫到你。
非常感謝！解答左好多疑問！
多謝收睇！希望條片嘅內容可以幫到你。
好多謝你嘅詳細分享
多謝收睇！
thanks, 講解清晰。
多謝收睇。希望條片嘅內容可以幫到你。
恭喜你和家人成為PR🎉請問SP於31/7到期，如想在9月入讀大學，申請extend SP，財務證明有什麼要注意。IRCC網頁例明的bank statement 可以是由父母提供在香港銀行的statement 嗎？其實都會一收到college畢業信及成績單便立刻申請PR,但又怕趕唔切，好困擾!
謝謝你嘅祝賀。如果有需要申請學簽延期，建議睇吓以下官方網頁：
Guide 5552 - Applying to Change Conditions or Extend Your Stay in Canada - Student - online application
www.canada.ca/en/immigration-refugees-citizenship/services/application/application-forms-guides/guide-5552-applying-change-conditions-extend-your-stay-canada-student.html
有關財務證明，可以留意 "Step 1. Gather documents" 之下 "Proof of financial support while you study in Canada" 個段。如果係由父母提供經濟支援，用 "a letter from a person (describe the relationship to you) who is giving you financial help, explaining the arrangements made for your expenses." 可能會較適合你嘅情況。父母嘅 bank statement 可以用作信件嘅 supporting 文件。
恭喜你和家人成為PR！多謝詳細解釋！ 請問下我係單身一個過嚟讀書，準備畢業，有無話單身申請者申請PGWP 定OWP 會好D? 感謝您！
單身嘅朋友行 Stream A 係比較簡單，如果合資格申請 PGWP，建議一有畢業信就遞交 PGWP 申請。因為可以最快搵工同返工。如果畢業後只申請 OWP，你要等到 OWP 正式批出先有身份喺加拿大工作。加拿大境內申請 OWP，可能要等半年先批。
當然，申請 PGWP 係要俾申請費，OWP 就唔洗。但如果 PR 批得快，你係有機會可以喺 PGWP 未開始進入正式審批程序前，提出 withdraw PGWP 嘅申請。IRCC 會喺處理 PGWP withdraw 嘅申請時，退返 PGWP 嘅申請費俾你。
恭喜哂你, 好鄧你開心. 另外想請教下你,你太太係加拿大呢邊搵PART TIME 時困難嗎? 對英語之要求高嗎? 同埋如果有小朋友,你建議放佢係DAY CARE 嗎? THX
謝謝你嘅祝賀。我太太當時係搵全職工作。佢好好彩，喺 Indeed apply 咗幾份工就有 job offer。佢老闆係移咗民好多年嘅香港人，但日常用電郵及電話同客溝通都要用英文。開頭係要啲時間適應，但最主要係溝通到就得。以多倫多為例，呢邊有好多唔同工種，例如呢邊嘅獅子銀行會請電話理財係指明要識廣東話，喺大統華超市遇過有幾個香港人喺嗰度做 part-time，見到佢哋工作時係用廣東話溝通。而且大部份華人超市啲收銀係唔會同你講英文。
就住 child care，其實好睇父母嘅工作情況。如果兩個都要全職返工，係絕對有呢個需要。但我識不少自接放學嘅家長，係可以返返吓工出嚟接放學，其中有啲仲係長期 work from home。另外要留意，day care、before school 及 after school 等係會出現無位情況。如有需要，建議到時預早問定先。
你好，你嘅片好有用，比個讚先😊， 另外，想請教，畢業後準備入streamA and Inland owp. 請問是否spouse嘅Sowp extensions and 小朋友 visitor record也可以在主申請人inland owp GCKey acct 內同步申請spouse and 小朋友嘅extension. Thx
我當時係用返主申請人申請學簽時用嘅 GCKey account 去申請 Open work permits for Hong Kong recent graduates。喺同一個申請幫 SOWP 同 Minor SP 申請埋延期。
@@HK2CA 明白，我都會用同一gckey acct 整哂. thanks
多謝板主，你條片好多人討論，很多人在群組討論SOWP extension 的困難，好多人都睇緊你條片，好多人SOWP 都快到期了，新2/7 update 是否可以給SOWP implied status? HKer OWP 同SOWP有冇分別？大家加油
多謝各位支持。2023 年 2 月 6 日宣佈嘅更新，係延長咗 "Open work permits for Hong Kong recent graduates" 申請期限至 2025 年 2 月。即係各位行 Stream A 嘅朋友可以喺畢業後繼續用我喺片中分享嘅方法，主申請人申請埋 OWP 幫配偶嘅 SOWP 申請延期。
正如我喺片中所講，入咗 OWP 申請同 SOWP 延期申請後，會收到一封暫時延長 SOWP 有效期三個月嘅信。正常情況下，好大機會 PR 申請會喺 SOWP 新到期日前獲批。如果 SOWP 新到期日夠期都未批到 PR，只要 OWP 同 SOWP 嘅申請一日未有結果，配偶仍然係 maintained/implied status，可以繼續返工。
@@HK2CA 多謝板主忙碌中仍抽時間為大家分享。 想請問你記憶中大概要幾耐時間才收到SOWP 延長三個月嘅通知信？
@@syip08 由於封 SOWP 嘅延期信係 automated message (IRCC 系統自動發出)，我係喺遞交咗 OWP 申請後第二日收到，但封信嘅發出日期係我遞交申請個日。即係話你係有機會即日收到。
@@HK2CA 收到了, 感谢!
@@HK2CA 多謝分享！資料非常有用！請問延期三信月既日子係計交申請日子加3信月，定本身SOWP到期日子加三個月？
Hello, 先恭喜你💛另外想問下，成功拎到PR後，pgwp個申請係唔係唔洗再理，由得佢放係度就得？謝謝
謝謝！於取得 PR 後，如果及早通知 IRCC 有關其他申請嘅 withdrawal of application，係有機會取回全數或部份申請費用。當然，你都可以選擇唔理佢。
有關退回申請費，可參考以下網址：
If I withdraw my application, will I get a refund?
www.cic.gc.ca/english/helpcentre/answer.asp?qnum=613
Ask for a refund
www.cic.gc.ca/english/information/fees/refund.asp
恭喜拎到PR!
可唔可以請教下stream A一啲問題？
我睇學校嘅時候，見有啲diploma個資格係寫「ontario college diploma」，請問係咪同普通diploma一樣︰如果take嘅話，就要2年期先符合stream A要求？
謝謝！係安省學校網頁上見到嘅 "Ontario college diploma"，其實就係我一路所講嘅 diploma。只要你係一間加拿大 "post-secondary designated learning institution" 完成兩年或以上嘅 diploma 課程，就符合到 Stream A 嘅學歷要求。詳情可參考以下網址：
Permanent residence pathways for Hong Kong residents: Who can apply (Select "Stream A: In-Canada graduates")
www.canada.ca/en/immigration-refugees-citizenship/services/immigrate-canada/hong-kong-residents-permanent-residence/eligibility.html
多謝你分享! 想請教下是否一入紙申請PGWP就相等於已經擁有"maintained status"? 即是學簽過期也不用申請visitor身份而繼續留在加拿大等Stream A PR批出?
你說得對。只要一日 PGWP 申請嘅審批未有結果，申請人都係 maintained status。就算學簽係審批期間過期，申請人仍然可以繼續留係加拿大直至 PGWP 嘅申請有結果為止。如果合資格申請咗 PGWP，就唔洗同時申請遊客身份。
如果畢業後盡快申請 PR，係好大機會 PR 會批得快過 PGWP。
* 加拿大聯邦移民部長 Sean Fraser 於 2023 年 2 月 6 日公佈延長 Open work permit program for Hong Kong residents 申請限期兩年至 2025 年 2 月 6 日。另外，亦將申請 OWP 嘅 5 年內畢業要求放寬至 10 年。
* 根據現時官網資料顯示，IRCC 依家喺收到工簽延期申請後自動發出嘅信已經由以前延長三個月變為延長到 180 天。
www.canada.ca/en/immigration-refugees-citizenship/services/work-canada/permit/temporary/extend/after-apply.html
你好，謝謝你一直以來為我們提供資訊。想請問，Stream A 配偶工簽，係咪就係呢條link到申請SOWP延期，還是係Stream A主申請人，提交OWP申請時，會有一欄係為SOWP延期？請請你的回覆。
@@heeroyue030201 多謝收睇及支持。正如我喺片中所講，以我所理解，Stream A 配偶工簽延期申請最簡單做法係喺負責讀書嘅主申請人畢業後申請 PGWP 或 Open work permits for Hong Kong recent graduates 時一齊申請。喺網上提交 PGWP 或 Open work permits for Hong Kong recent graduates 申請時，系統會問申請人有無家庭成員需要同時提交延期申請 (如 Minor SP 或 SOWP)。情況就好似當初申請學簽時咁，你答咗有，系統就會開多一項俾你上載 SOWP 延期申請嘅所需文件。
@@HK2CA 謝謝你的解答。你既資訊真係幫到好多人
你好，謝謝你之前既回覆，我申請PGWP之後，第二日已經收到SOWP extension。但係小朋友個學簽，就兩星期都未有收到extension。請問你既經驗，小朋友個SP extension係咪都會同SOWP extension一齊出，還要要等比較耐啲時間先會有。謝謝你的解答。
@@heeroyue030201 以我所理解，只有申請工簽延期先會有封臨時延長工簽嘅信。申請學簽延期，就係一日未批都可以喺現有學簽條件下繼續讀書。以下係官網嘅寫法：
"If you apply before your permit expires, you can continue to study under the same conditions as your current study permit until we make a decision. This only applies as long as you stay in Canada."
所以我當時都係無任何 Minor SP 嘅臨時延期信。而我小朋友就讀嘅 school board 同學校都無要求我哋更新小朋友張學簽嘅最新情況。根據 IRCC 官網資料，如果小朋友已經喺加拿大境內，只要其中一位家長有學簽或工簽，小朋友係唔一定要有學簽 (但要有有效嘅遊客身份) 都可以返 primary 或 secondary school。至於洗唔洗收學費，就係由個別 school board 決定。詳情可參考以下官網提及 "already in Canada with a parent who has a study or work permit" 嘅內容：
Find out if your child needs a study permit
www.canada.ca/en/immigration-refugees-citizenship/services/study-canada/study-permit/prepare/minor-children.html#find
當然，以上僅為個人非專業意見，唔同省份或地區、唔同 school board 或學校嘅做法可能會有唔同。建議可直接向所屬 school board 查詢或因應需要考慮向合資格移民顧問查詢。
Thank you for your sharing!!
想問下apply 既時侯係咪有Completion Letter就ok可以Stream A，唔洗一定要有畢業證書。
因為Stream A 宜家個網寫You must provide a copy of your diploma or degree。
我黎緊８月畢業但學校話下年２月先有畢業禮先會有證書。
就住呢個問題，我之前喺另一條片有講過。有時間可以睇吓。
czcams.com/video/cOw6dL6DsEQ/video.html
不過其實答案係唔肯定。因為先後有數名 CZcamsr 分享過佢哋係用畢業信就得。但 CFSO 曾經講過係要用畢業證書。加上唔同嘅 case officer 係有機會會有唔同嘅審批準則，所以係無肯定答案。
謝謝你的教學影片，我想請教幾個問題：
1. 一家三口已入境，我SP就快畢業，配偶sowp 同小朋友vr都快到期，諗住申請hkowp續sowp, 係咪等候批期間嘅maintain status已足夠配偶可以繼續返工? 你所講submitted咗就會自動延長信sowp 3 個月，咁3個月後又未批，配偶可唔可以繼續返工？
2. 小朋友vr入境就快過期，如果申請hkowp加埋佢，仲洗唔洗另外再申請extend vr? 定係等候批owp 期間, 佢都會有maintain status 繼續返學?
感謝🙏
多謝收睇。就住用畢業後申請 Open work permits for Hong Kong recent graduates 方法幫 SOWP 申請延期，申請工簽延期後會出現嘅情況，建議可先參考以下官網：
Extend or change the conditions on your work permit: After you apply
www.canada.ca/en/immigration-refugees-citizenship/services/work-canada/permit/temporary/extend/after-apply.html
Extend or change the conditions on your work permit: What to do if your permit expires or is expiring
www.canada.ca/en/immigration-refugees-citizenship/services/work-canada/permit/temporary/extend/expired-permit.html
以我所知，IRCC 依家喺收到工簽延期申請後自動發出嘅信已經由以前延長三個月變為延長到 180 天。而上述官網亦有寫明 "If we don’t finalize your application by the date on your letter, you can still keep working until we make a decision."。即係話 SOWP 延期申請一日未有結果，配偶都仲係 maintained status，可以繼續喺加拿大返工。
至於 visitor record，由於我哋無有關嘅申請經驗，所以係無資料可以同大家分享。
以上僅為個人非專業意見，建議因應個人情況及需要，考慮向合資格移民顧問查詢。
你好呀，多謝你嘅share!想問你最後用owp extend 到sowp 幾耐呀？
我哋最後係 withdraw 咗 OWP 同 SOWP 延期嘅申請，因為喺未開始審批前已批咗 PR。我哋只係利用咗系統喺收到 OWP 同 SOWP 延期申請後自動發出嘅暫時延長 SOWP 有效期三個月嘅信件。多咗呢三個月時間，就夠時間等批 PR。
當然，以上情況係要喺畢業後盡快申請 PR 先可以做到。如果有啲朋友因個別原因要遲啲先申請 PR，正常情況下，OWP 會獲批三年有效期，SOWP 亦應該會獲批相同期限。
@@HK2CA 你好，想問你提及到 暫時延長 SOWP 有效期三個月嘅信件 係講緊 SOWP expiry date 延長三個月, 定係講緊由submit HK OWP application 當日開始計三個月 ? 🙏🙏🙏
@@justchiu1 好問題！IRCC 發出封 SOWP 延期信限期係收到我 OWP 申請起加四個月。由於 IRCC 建議喺簽證到期前一個月要遞交延期申請，我當時係等到太太嘅 SOWP 到期前一個月先交 OWP 申請 (連 SOWP 延期)。由於要扣返呢一個月，所以 SOWP 實際係延長咗三個月。
Hello, thank you for your sharing! 好清楚！想請問一下，如果我6月畢業後，用HKOWP方法，幫配偶拿SOWP，那我自己可否開始工作，還是我要好似你一樣，另外申請PGWP才可以工作？！謝謝
喺唔申請 PGWP 嘅情況下，用申請 "Open work permits for Hong Kong recent graduates" 方法幫配偶攞或延期 SOWP，主申請人喺等候審批 OWP 期間係唔可以打工。如果要畢業後即時有身份可以工作，就要申請埋 PGWP。
講得好詳細👍🏻
我個學簽7月到期，大概5月收到completion letter，如果出境，到時（6月）攞住學簽身分入境加拿大仲有冇效？
多謝收睇。個人理解係收到學校嘅 completion letter，理論上就已經唔再係學生。就住你上述提及嘅個別情況，建議你考慮向合資格移民顧問查詢。如果畢業後有需要暫時離開加拿大，就要考慮何時申請 PR 會比較合適同返回加拿大時是否有有效身份。
@@HK2CA 請問可唔可以同時持有學簽+旅遊簽證？
@@carmanchan2173 喺某啲情況下，一個人係可以同時持有多過一種簽證，如有部份香港朋友係有學簽加工簽 (OWP for Hong Kong recent graduates)。要睇返每個人嘅情況，先知係咪真係有咁嘅需要。如果各位不清楚應該用咩方法去維持 valid status，建議向合資格移民顧問查詢。
謝謝你，很清楚！小女18歲現在申請緊centennial College，到時會自己過去讀書，都有啲擔心。嗰邊係咪有個progress campus. 如果喺Scarborough附近租房住會唔會方便返學.
Progress Campus 係 Centennial College 其中一個主要 campus。如果確認你囡囡報嘅課程係返 Progress Campus 嘅話，最近係住 Scarborough。好多 Centennial 嘅學生都會係 Scarborough 搵地方租。Scarborough 係一個較舊嘅社區，以前好多上一代移民港人同華人係嗰度聚居。有好多華人超市同餐廳，生活起居都算方便。但依家會多咗其他種族嘅人(如印度人)居住。另外，學校本身有宿舍
( www.centennial-place.ca/ )，都係一個唔錯嘅選擇。但通常一早就俾人租晒，要係開學前幾個月早啲睇定先。
由於你囡囡比較年輕，如果係一個人第一次來加拿大，最好住近親戚朋友(如果有)會比較好。有事係上來都可以有個照應。如果真係得自己一個人，學校宿舍可能會比較適合。
我個學生簽證係2024年3月31號到期
Thank you very much for your sharing. If the diploma program that I applied is an accelerated diploma program, which is 12-month long instead of 2 years (number of credits is the same), can I still apply for PR after this accelerated 1-yr diploma program?
If your diploma program is a post-secondary diploma, you should refer to the program length stated on the college's website. According to the requirements of HK Pathway (Stream A), the program length of the post-secondary diploma course should be at least two years. If it is stated clearly on the college's website that the accelerated diploma program is only 12 months long, I am afraid that it may not meet the requirements of IRCC for the application of PR under HK Pathway.
Please refer to the following internal operational instructions and guidelines of IRCC for details:
Stream A: In-Canada graduates - Education requirements
www.canada.ca/en/immigration-refugees-citizenship/corporate/publications-manuals/operational-bulletins-manuals/permanent-residence/non-economic-classes/pathways-hong-kong/assessing.html#s61
@@HK2CA Thank you for your detailed explanation. 😊
Hello，請問HK Pathway OWP & SOWP extension 點樣申請豁免費用？
由於 IRCC 喺 2023 年 3 月 31 日起作出政策更新，以我所理解，依家 "in Canada" 申請已經無得豁免費用。詳情可參考以下 IRCC 內部審批指引。
Guidance for special measures to support Hong Kong residents to come to Canada - Fee waivers and exemptions
www.canada.ca/en/immigration-refugees-citizenship/corporate/publications-manuals/operational-bulletins-manuals/service-delivery/hong-kong.html#s2
如果係 "outside Canada" 申請，就仲可以豁免 open work permit holder fee (CAN$100)。但 work permit processing fee (CAN$155) 都係要俾。提提你，如果人在加拿大但用 "outside Canada" 方法申請 Open work permits for Hong Kong recent graduates，申請人喺獲批後係可能要用 "flag-pole" 方法去邊境攞正式 work permit。建議先了解 "flag-pole" 嘅流程同可能會出現嘅問題，自己真係可以處理到先考慮用呢個方法。
以上僅為個人非專業意見，建議因應需要考慮向合資格移民顧問查詢。
你好，睇完你嘅片，實在獲益良多，多謝。有一個問题想請教，老公大約2025年尾先畢業，申請PR批核時，如果佢做嘅工種未列入0,1, 2中又或者未揾到工作，咁到時如果因為咁我SOWP應該冇得extends, 呢個我明白，但在等PR時，我需要離開加拿大嗎？Thank you.
唔洗。因為 SOWP 到期前你可以申請 visitor record。Visitor record 嘅審批時間係最少要等半年。喺審批期間，你就係 maintained status，可以繼續留喺加拿大同等批 PR，只係 SOWP 到期後就要暫停工作。
Extend your stay in Canada: About the document
www.canada.ca/en/immigration-refugees-citizenship/services/visit-canada/extend-stay.html
@@HK2CA 真係唔該哂！You are the best! 👍
主持人你好！我想請問PGWP是否只適用於完成Master學位的同學申請？如果只是完成Bachelor's Degree課程，請問是否也可以同樣申請 PGWP? 謝謝！
我讀完 college diploma 都可以申請。只要符合 IRCC 指定要求，bachelor's degree 都可以申請。詳情可參考以下官網：
www.canada.ca/en/immigration-refugees-citizenship/services/study-canada/work/after-graduation/eligibility.html#eligibility
@@HK2CA Thanks for the information.
你好, 想問問如果我畢業後同你情況一樣冇咁快搵到工作, 如想幫配偶工簽做延期, 就要APPLY OWP? 對嗎? 咁 MINOR SP應該喺OWP度延期定PGWP度做好呀?
正如我喺片中所講，我當時畢業後係先申請 PGWP，喺同一個申請入面幫小朋友申請埋 Minor SP 延期。之後等到太太嘅 SOWP 到期前一個月，就用申請 Open work permits for Hong Kong recent graduates 方法幫太太暫時延長 SOWP。喺 Open work permits for Hong Kong recent graduates 申請入面，我都有幫小朋友申請埋 Minor SP 延期。因為當時係唔知 PGWP 定 Open work permits for Hong Kong recent graduates 嘅申請會批先。
當然最後因為 PR 批先，所以我喺 IRCC 未開始審批 PGWP 同 Open work permits for Hong Kong recent graduates 嘅申請前，我已經通知 IRCC 取消有關申請。但依家由於審批 PR 嘅時間長咗，行 Stream A 嘅朋友係好大機會要用之後獲批嘅 PGWP 或 Open work permits for Hong Kong recent graduates 去幫自己同家人 (如家人有需要) 保持合法身份留喺加拿大等批 PR。
以上僅為個人經驗分享，由於每個家庭嘅情況會有唔同，建議因應需要考慮向合資格移民顧問查詢最適合你哋家庭嘅做法。
想問,如果我讀完書, 申請OWP
申請期間可以有WORK 既資格嗎? 因為想幫spouse 都extend 佢個visa
如果你喺畢業後只申請 Open work permits for Hong Kong recent graduates，喺要等正式批出 OWP 先可以喺加拿大工作。只有 PGWP 可以喺遞交申請及收到 IRCC 回覆收到申請後就可以即刻工作，唔洗等正式批出。
如果你配偶係持有 SOWP 而你又想幫佢喺等待審批 PR 期間取得 maintained status 繼續留喺加拿大繼續工作，你係可以參考我喺片中分享申請 Open work permits for Hong Kong recent graduates 嘅做法。
唔該哂，想問你最後有無比到OWP個錢？ 我宜家未畢業，但因為可以做超過20個鐘，我驚4月30日就唔可以做超過20個鐘，所以打算申請OWP，但因為想慳啲錢，考慮緊比唔比個申請費。同我想問係未申請做OWP，都可以即時做野？
我當時喺加拿大境內申請 Open work permits for Hong Kong recent graduates 嘅時候，申請費係可以豁免。但依家已經改咗，詳情請參考以下 IRCC 嘅內部審批指引：
Fee waivers and exemptions
www.canada.ca/en/immigration-refugees-citizenship/corporate/publications-manuals/operational-bulletins-manuals/service-delivery/hong-kong.html#s2
只有遞交 PGWP 申請後收到 IRCC 回覆確認收到申請，申請人先可以即時喺加拿大工作。如果畢業後唔申請 PGWP，只係申請 Open work permits for Hong Kong recent graduates 嘅話，申請人係要等到 OWP 正式批出後先可以喺加拿大工作。
謝謝你的影片，很清晰
想請問如果我嚟緊5月diploma畢業，如果我不打算繼續讀書，是否只需要申請PGWP，就符合maintained status 這個requirement? 那麼我的status 是visitor or student? 還是仍需extend SP?
你說得對，如果你係單身，你只需要喺畢業後申請 PGWP 就可以達致 maintained status。只要一日 PGWP 未正式批出 (正常情況下要大概半年先批)，你都係 maintained status，喺等待審批 PR 期間成功維持 valid status 身份。正如我喺片中所講，學校出咗畢業信後，你就唔再係 student。申請 PGWP，有咗 maintained status，你就可以暫時繼續留喺加拿大，亦無需要申請學簽延期 (就算想申請都唔得，因為要有新一間學校嘅 offer letter)。正常情況下，如果你畢業後盡快申請 PR，係好大機會 PR 會批得快過 PGWP。
謝謝你的解答🙏🏻清晰了很多😊還有一個問題係:
我的SP expired 了，申請了PGWP ，那麼我的maintained status 是屬於visitor 嗎？還是temporary resident? 因為我見人填PR application 要簡current status 係咩，所以呢個位有小小confused 😅
@@sharene1502 我當時係喺學簽未到期前就遞交 PR 申請，所以喺 IMM0008 "Current country of residence" 之下嘅 status 係仲可以選擇 "Student"。由於你以上所指嘅情況係已經轉咗做 maintained status，個人見解係可以選擇 "Other"，之後喺 "Other" 個欄打返一句如 "Maintained status - waiting for approval of PGWP"。另外，喺 "From" 個欄入返 maintained status 嘅開始日期，"To" 個欄就漏空。
以上僅為個人意見，建議因應需要考慮向持牌移民顧問查詢。
@@HK2CA 明白了，謝謝你詳細的解答🙏🏻🙏🏻🙇🏻♀️
Hello 多謝你影片
自己背景2021年bachelor畢業，自己糾結stream a定b，我有d問題想問
1. 目前有post grad cert offer，讀兩個semester，但叫1-year course，符唔符合stream a at least one year requirement？
2. 我college要求我有co-op work permit做placement，如果我申請Study permit+co-op work permit 再apply埋owp有無衝突呢？
3. 畢業後當申請PR時，係咪要事先apply左pgwp變成maintained status，先提交 PR申請？
Thank you🙏🏻🙏🏻
Post-graduate certificate 課程長度問題，情況與我讀 college diploma 時 16 個月(4 個 semester)完成兩年制課程一樣。只要學校寫明係一年課程，就已經符合 IRCC "a program that is at least 1 year in length" 嘅要求。
Co-op work permit 本身係 closed work permit，就咁睇係同 open work permit 有衝突。Closed work permit 係有限制你同邊個打工，open work permit 就無限制。建議你可以問吓學校如果你有 OWP，係咪就已經可以符合佢哋嘅要求。如有需要，建議考慮向持牌移民顧問查詢。
畢業後申請 PGWP (或其他身份) 先定 PR 先，其實係無限制。我當時入咗 PGWP 先係因為可以盡快返工。同埋，喺申請 PR 時係會問你依家係以咩身份留係加拿大。如果已經遞交咗 PGWP 申請，就可以簡單解釋到你當時同等待審批其間仲係 valid status。
@@HK2CA 明白 thanks so much🙌🏻
你好，多謝你啲分享! 想請問下你如果我亞女讀完兩年畢業後22年10月中申請PR期間繼續再上大學讀，咁樣情況會唔會唔批PR呢？因爲亞女已經申請PR四個多月仲未批，所以有啲擔心。
如果已經喺加拿大讀完 HK Pathway Stream A 要求嘅學歷，之後喺加拿大繼續讀書或做唔做嘢，都唔會影響 PR 嘅審批。最緊要係審批其間，申請人有一個有效身份留喺加拿大等批 PR。
以你囡囡情況為例，我估計佢已經申請咗學簽延期(因為已繼續讀上大學)。有 student permit 係身，就有 valid status。
多謝分享。
我想知道，如果我在加拿大完成2年Diploma 課程，及成功申請楓葉卡後，想再進修，學費收費係點？謝謝！
建議可以睇返你想報讀嘅學校網頁。因為唔同學校唔同課程都有唔同嘅收費或豁免。以安省嘅大學為例，學生主要分兩種，Canadian Citizens and Permanent Residents 及 International Students。而 Canadian Citizens and Permanent Residents 之下，又再分 Ontario Students 及 Out-of-Province Students。
如果你想知有 PR 同無 PR 嘅學費可以差幾多(真係差好多)，你可以參考吓以下 Toronto Metropolitan University (即以前叫 Ryerson University) 嘅 Tuition and Fees 網頁：
www.torontomu.ca/admissions/tuition-fees/
可唔可以解釋下？for stream b 我在2020 香港master degree畢業是否合資格？
If you have a graduate or post-graduate diploma or certificate
You must also have completed a post-secondary diploma or degree (from Canada or from abroad), as a prerequisite to this graduate or post-graduate program.
You must have completed this prerequisite diploma or degree in the 5 years before you started your graduate or post-graduate program.
行 HK Pathway Stream B 嘅朋友其實最緊要睇申請人喺申請 PR 嗰刻係咪曾經喺五年內有大專畢過業。如果喺香港完成 master degree，要做學歷認證去證明有關學歷係加拿大認可。
至於你提及五年內完成之前 degree 課程嘅情況，係只適用於以 "graduate or post-graduate diploma or certificate" 學歷申請 PR 嘅申請人。如果你用香港 master degree 學歷行 Stream B 申請 PR，就唔受限制。但如果你計劃行 Stream A，用 master degree 學歷去報讀加拿大 DLI 學校嘅一年制 post-grad cert 等課程，咁喺加拿大畢業後申請 PR 時就要符合埋呢個條件。
如計劃行 Stream B，以你情況為例，假設順利通過學歷認證，你最遲要喺 2025 年 (用你畢業日期計五年內) 遞交 PR 申請。咁即係你 2024 年開始要喺加拿大做嘢 (因申請 PR 要有一年加拿大工作經驗)。如果計埋搵工同到埗後 settle down 嘅時間，建議你盡快開始申請 "Open work permits for Hong Kong recent graduates"。
@@HK2CA 多謝晒您嘅詳細資料🙏🏻🙏🏻🙏🏻
你用hkowp 去extend sowp 的申請時，份sowp 的申請表imm5710 係點填？要唔要mention hkpptr? 同埋你最後話痈延長3個月個封信係咪等如maintained status 個封信？thx
當時我太太張 IMM5710 表格上面，"Details of Intended Work in Canada" 部份係填咗以下資料：
1a) Open Work Permit
4) Job title: HKPPTR
Brief description of duties: Hong Kong public policy - open work permit
不過要留意，我當時係 PR 批得快過 SOWP 延期申請。所以以上嘅填法係未經 case officer 審批，唔知係咪正確。
另外，IRCC 係唔會有信確認申請人依家係 maintained status。IRCC 收到 SOWP 延期申請後，系統會自動發出臨時延長現有 SOWP 嘅信。呢封信係直接延長現有 SOWP 嘅有效期 (即係仲係 valid status)，唔係代表轉咗做 maintained status。除非 SOWP 延期申請喺新嘅有效期後仲未批到 (正常好大機會係未批)，SOWP 過期後你嘅配偶/伴侶就會自動變為 maintained status，直至 SOWP 延期申請有結果為止。
衷心請教：續spouse SOWP要交3張糧單，是否要畢業前最update的3張？可否交畢業前幾個月三甚至半年前的糧單？Part-time糧單不是連續的可以嗎？🙏🏻
由於我本身未能於入 PGWP 申請時找到 NOC 0,A,B 的工作，我是沒有於申請 PGWP 時同時申請為 SOWP 續期的經驗可以分享。
我只可以分享我聽學校 PGWP 講座時的一些資訊。就上述情況，可先參考以下官網上 "Documentary evidence for a spousal open work permit (For C41 category)" 的那一段。
www.canada.ca/en/immigration-refugees-citizenship/corporate/publications-manuals/operational-bulletins-manuals/temporary-residents/foreign-workers/exemption-codes/public-policy-competitiveness-economy.html#toc3
而當時講座內容有提及以下這一段 "Requirement of 3 pay stubs is removed BUT if IRCC has any concerns as to the genuineness of the proof of employment provided, they may wish to undertake an assessment to ensure this material information is genuine and does not reflect a direct misrepresentation of facts in order to appear eligible for the permit."
我當時 screen capture 咗講座上幾張關於 Spousal Open Work Permit extension 嘅 slide，如有需要請電郵給我們 ask@hk2ca.com。我們可以電郵給你參考。但請明白，由於呢個情況真係比較複雜，建議各位朋友因應自己情況，於有需要時考慮向專業移民顧問查詢。
師兄，我剛剛4月Centennial畢業，申請緊PGWP，也會申請Open work permit （HK Pathway). 請問申請PWGP時，我沒有工作證明，填application 時需唔需填埋配偶資料？聽聞PGWP，需要有工作證明先可以幫配偶extend work permit。
我當時填 IMM5710 表格係有填配偶嘅資料。因為填咗已婚，就要填埋佢個名。我申請 PGWP 時，係要有雇主信 (指明工種) 先可以幫配偶嘅 SOWP 申請延期。建議去返學校以下網頁，喺 "Past Group Webinar Recordings" 之下，搵 "PGWP with dependents + Understanding NOC (Mar 22)" 嘅連結。你就可以睇到最近一次講座嘅錄影。講者係合資格嘅專業移民顧問。
International Student Advising Services
www.centennialcollege.ca/international-education/services-and-global-experience-sage/international-student-advising-services
如有需要，你仲可以就住自己情況向佢哋免費查詢。我覺得 Centennial 喺呢方面係做得幾好。
多謝分享，其實有關PGWP extend SOWP個度,主要係要有僱主信及三張pay sturbs,但如果完成學業後到收到學校確認信之間可不可以搵工（如果可以應該20hrs per week)？如果可以但應該完全不夠時間可以有三張pay sturbs(當二個星期有一張都要個半月），而且如果收到信後又要停工。那麼只可以申請OWP? 另外有好多人說現在inland申請OWP多左rejection 所以多人講偽outland submit,但偽outland submit 又吾可以maintain status….
@@kelvinyung43 PGWP with dependents 其實係比較複雜嘅情況，好難用簡單嘅方法去解釋。主申請人畢業後搵唔搵到工、搵到咩工、幾時搵到等，都會影響到 SOWP 用咩方法去申請延期。如果係 Centennial College 嘅學生，絕對建議睇返學校近期相關 webinar 嘅錄影。
以我畢業時所理解，只要學簽未過期而學校又未發出畢業信，學簽持有人係可以喺嗰段時間返工。正如我喺片中所講，喺收到畢業信後，如果想儘快返工，就要儘快入 PGWP 嘅申請。如果有 SOWP 要申請延期，就可能要考慮好似我哋咁，PGWP 同 Open work permits for Hong Kong recent graduates 都申請晒。因為如果只申請 Open work permits for Hong Kong recent graduates，主申請人係要等到工簽正式批出後先可以返工。當然，正如你所講，申請 OWP 係會有 "in Canada" 同 "outside Canada" 交申請嘅分別問題。而人在加拿大用 "outside Canada" 申請又會另外出現 flag pole 等問題。複雜嘅程度係講極都講唔完。
Can I apply for open work permit in addition to study permit? so that after I finished my study, I can use open work permit to stay in Canada while waiting for PR. thanks
If you mean you can meet the application of OWP under HK Pathway at the beginning, you can follow the Stream B pathway to work for 1 year and apply PR. There is no need to study and apply PR under Stream A.
If you mean you want to apply OWP after graduation of study in Canada, you can do so before the application deadline of OWP. After graduation, you will become eligible to apply OWP under HK Pathway. The only problem is you have no right to work until the approval of OWP (may need to wait a few months).
There is a third situation that some applicants may apply for OWP first, but they changed their minds and want to study instead after arrived in Canada. In this case, those applicants can have OWP and study permit at the same time.
請問可否製作stream b的pr申請說明？例如全職一年怎樣計算？可否工駁工？
我哋下條片會簡介 HK Pathway 申請 PR 的流程。除部份需提交文件會有不同，Stream A 同 Stream B 嘅其他審批過程大致相同。由於我哋係行 Stream A，就住 Stream B 嘅內容未必可以講得太詳細。建議你可先參考以下官方網址：
Permanent residence pathways for Hong Kong residents: Who can apply (Select "Stream B: Canadian work experience")
www.canada.ca/en/immigration-refugees-citizenship/services/immigrate-canada/hong-kong-residents-permanent-residence/eligibility.html
Permanent residence pathways for Hong Kong residents: Get your documents ready
www.canada.ca/en/immigration-refugees-citizenship/services/immigrate-canada/hong-kong-residents-permanent-residence/documents.html
另外，你亦可以參考埋 IRCC 內部審批指引就住 "Canadian work experience" 那一段的內容，你就會明白 Stream B 嘅工作經驗係點計。
www.canada.ca/en/immigration-refugees-citizenship/corporate/publications-manuals/operational-bulletins-manuals/permanent-residence/non-economic-classes/pathways-hong-kong/assessing.html#s62
想請問一下，我以pgwp留係加拿大但無法為SOWP延期。伴侶打算單獨申請OWP以留在加拿大，呢個方案可行嗎？
如果你所指嘅 OWP 係 "Open work permits for Hong Kong recent graduates"，而你嘅伴侶又合申請資格，佢係可以隨時申請。不過如果佢一早係合資格申請 Open work permits for Hong Kong recent graduates，其實係可以由佢行 Stream B。當然，唔同嘅家庭有唔同情況，當中或會有個別原因。
另外，要留意喺加拿大境內用網上方法申請 Open work permits for Hong Kong recent graduates 係審批需時，依刻睇可能要成 100 日。如果 SOWP 到期而 Open work permits for Hong Kong recent graduates 又未批到，你嘅伴侶係要暫時停止工作。
以上僅為非專業個人意見，如果真係唔肯定邊個方法比較適合自己，建議考慮因應需要向合資格移民顧問查詢。
Hello 想問一下 畢業可不可以馬上去瀑布過美國然後返加拿大 以ETA visitor入境 申請PR？ Thx
如果你意思係想喺 Port of Entry 申請 HK Pathway 嘅 PR，建議你睇吓以下官網先：
Permanent residence pathways for Hong Kong residents: How to apply
www.canada.ca/en/immigration-refugees-citizenship/services/immigrate-canada/hong-kong-residents-permanent-residence/apply.html
以上官網內 Step 1 寫明 "You must now apply online"。同其他國家嘅 PR 申請人相比，HK Pathway 嘅 PR 審批其實已經係好簡單同好快。有啲其他國家嘅人士係可以用咗 10 年都未攞到 PR。
* 由 2022 年 11 月 16 日起，National Occupational Classification (NOC) 已由 NOC 2016 更新為 NOC 2021 年版。片中所提及嘅 NOC 0、A、B 類工種，現已改稱為 TEER 0、1、2。詳情可參考以下官方網址：
Find your National Occupation Classification (NOC)
www.canada.ca/en/immigration-refugees-citizenship/services/immigrate-canada/express-entry/eligibility/find-national-occupation-code.html
恭喜你先， 我有啲搞唔清楚，不知你能否解答。情況是我有credit transfer， 所以可以提早一年畢業，sp就會多咗一年時間，跟sowp 一樣到2024年3月到期。如果我畢業之後（大約6-7月份）即刻申請PR同PGWP的話，咁sp嘅金紙是否會即時無效呢？ 那麼SOWP 會否受影響？ 還是SOWP的有效期不會因SP status改變而失效（即到期日照舊是2024年）嗎？謝謝你。
就住你所講情況嘅學簽有效期，官方解說可參考以下網頁：
If you’ll finish your studies before your study permit expires
www.canada.ca/en/immigration-refugees-citizenship/services/study-canada/study-permit/while-you-study.html#after-expires
至於以上情況下嘅 SOWP 有效期，可以參考以下官方答案：
I have an open work permit because my spouse is working/studying in Canada. For how long is my permit valid?
www.cic.gc.ca/english/helpcentre/answer.asp?qnum=1522&top=17
@@HK2CA 謝謝你的回覆， 我再求證看看。
Hi, 想問下apply inland OWP, 除咗SOWP之外，主申請人同minor SP申請，會唔會同樣收到信證明有maintained status?🙏🏻🙏🏻 thanks
行 HK Pathway Stream A 嘅朋友如果選擇喺畢業後用申請 "Open work permits for Hong Kong recent graduates" 嘅方法去幫自己同家庭成員延長可以逗留喺加拿大嘅時間，係只有配偶 / 伴侶嘅 SOWP 嘅延期申請會收到一封臨時嘅延長工簽有效期信件。主申請人同子女係只會收到確認收到申請嘅信。IRCC 係唔會有信寫明各人依家係 maintained status。
我成功過左嚟加拿大安省倫敦讀碩士行streamA, 多謝你無私分享。想問你之前讀既2年制diploma係咪要搵coop或intern? 如果有想問你resume洗唔洗刻意寫低自己工作職位?因為我同你差唔多年紀，有啲公司同我講我overqualified 唔可以申請coop或intern, 請問有冇經驗可以分享下?唔該晒。
多謝收睇。好開心知道又有香港人成功嚟到加拿大開始行 Stream A。我之前讀嘅 course 係無 co-op，所以無搵 co-op 或 intern 工嘅經驗可以分享。
不過我喺最後一個學期有一個 course 係專教我吔點寫加拿大 format 嘅 resume，同香港常見嘅 format 係好唔同。要針對你心儀份工嘅要求去改自己嘅 resume。要將有關要求同你自己以往嘅學歷、工作經驗或個人長處做配對。將對到嘅重點放喺開頭 "Summary of Qualifications" 部份。至於有可能會 overqualified 嘅工作經驗，我寫 description 時係將重點放喺同客人嘅溝通技巧及以往專責處理麻煩顧客同解決困難個案等經驗。當然，以上只係舉例，唔係個個份工都要接觸客人，要睇返你個行邊啲技巧或經驗係值錢啲。
以下有啲有用嘅連結，大家準備 resume 或 cover letter 時可以參考吓：
Resumes & Cover Letters - Indeed
ca.indeed.com/career-advice/resumes-cover-letters
Resume Template - Centennial College
hire.centennialcollege.ca/content/documents/Link/Resume%20Blank%20Template_Entry-Level_Sep%202019(1).docx
Resumes & Cover Letters that get Interviews - Centennial College
hire.centennialcollege.ca/content/documents/Link/Resumes%20and%20Cover%20Letters%20That%20Get%20Interviews_Summer%202019%20(1).pdf
想問一問申請PGWP時幫仔女填寫IMM5709裡面The cost of my stuides既Tuition同Funds available for my stay應該點填? 使唔使proof? 同埋PGWP係咪得主申請人先要交相片, 其他家人是不用交相片? (因為網頁的checklist沒有family member photo要交)
由於我個小朋友係讀公立小學，我喺小朋友嘅 IMM 5709 入面嘅 "Tuition" 填咗 "$0"，"Fund available for my stay" 填咗 $50,000，而 "My expenses in Canada will be paid by:" 就選咗 "Parents"。以上答案只供參考，因為我個 PGWP 申請同 Minor SP 延期申請係未開始審批就批咗 PR。所以係唔肯定以上嘅填法有無問題。另外，我申請 PGWP 時只係交咗自己嘅證件相。
@@HK2CA 唔該晒你嘅解答
我想問下你申請owp 的時候, 係咪淨係俾transcript 就得，定要俾埋official letter from school?
我當時申請 "Open work permits for Hong Kong recent graduates" 係交咗 official transcript 同埋畢業證書。如果未有畢業證書，建議交埋學校封畢業信會比較穩陣。
請問一下，如我既學簽到期後，我以pgwp maintained status身份留係加拿大但無法為SOWP延期，咁伴侶個SOWP咪會到期並要離開加拿大？
佢有咩方法可以留係加拿大直到pr獲批？（旅遊簽證？）
謝謝！
如果未能為 SOWP 申請延期，配偶或伴侶只需申請遊客身份便可繼續留係加拿大等批 PR。正如我片中所述，如配偶或伴侶有返開工，轉遊客身份就要暫時停止工作。如果配偶或伴侶不想暫停工作，而係你畢業時，HK Pathway 嘅 OWP 申請仲未完結，你可考慮同時申請埋 OWP。呢個做法可以幫配偶或伴侶嘅 SOWP 暫時延長三個月。
hello，想問下如果入紙PR和PGWP的時候，配偶的SOWP到期，又幫唔到距延期，甘距係以咩身份留係加拿大呢？
SOWP 到期前配偶可以申請 visitor record。Visitor record 嘅審批時間係最少要等半年。喺審批期間，佢就係 maintained status，可以繼續留喺加拿大同等批 PR，只係 SOWP 到期後就要暫停工作。
Extend your stay in Canada: About the document
www.canada.ca/en/immigration-refugees-citizenship/services/visit-canada/extend-stay.html
另一個方法係如果 Open work permit program for Hong Kong residents 到時仲有得申請，就可以學我喺片中解釋嘅做法咁，主申請人遞交埋 OWP 嘅申請，同時幫 SOWP 申請延期。之後就會收到 SOWP 有效期自動延長三個月嘅信。
你好, 想問stream a 申請配偶 工簽 有乜情況會唔簽？
例如 配偶的專業是不能直接在加拿大工作, 這會否有影響？
thx 😊
International student 配偶申請 SOWP 嘅要求係好簡單，可以參考以下官方網頁：
Help your spouse or common-law partner work in Canada
www.canada.ca/en/immigration-refugees-citizenship/services/study-canada/work/help-your-spouse-common-law-partner-work-canada.html
由於係 open work permit，係無任何僱主或正常職業上嘅限制。SOWP 申請人到咗加拿大之後搵唔搵工或者會做邊行唔係 IRCC 審批時考慮嘅因素。
好多謝您的分享，我正正是跟你情況一样，一家三口，我負責讀書九月底實習完才正式畢業，配偶工作維持開支。我SP在12月底到期。請問幫配偶辦OWP延期三個月,是否即係我申請埋HK Pathway stream B, 令配偶可延SOWP延三個月？可否指點迷津，感謝!
如果參照我係片中講解嘅方法，行 Stream A 嘅朋友要為配偶工簽 SOWP 申請延期，比較簡單嘅方法係讀完書嘅主申請人提交 HK Pathway 下 OWP 嘅申請(意思是主申請人提交 OWP 申請，但並不是要同時行 Stream B。主申請人申請 PR 時仍是以 Stream A 方法申請)。係提交呢個 OWP 申請嘅同時，一併幫配偶嘅工簽 SOWP 申請延期。呢個申請方法係無咗 PGWP 嘅主申請人要先搵到 NOC 0、A、B 類工作嘅要求。
我當時係提交咗 OWP 嘅申請後，好快就收到 SOWP 延期三個月嘅信件。當然，每個人的情況會有不同，我的經驗只可作參考之用。
Public policy: Open work permits for Hong Kong recent graduates
www.canada.ca/en/immigration-refugees-citizenship/services/work-canada/permit/open-work-permit-hong-kong-recent-graduates.html
萬分感謝您嘅幫忙🙏🏻🙇🏻♀️
如上号外想問, 如配偶 申請 旅簽 半年 續一次 會否合理d 和 可行d?
謝謝🙏
主申請人讀書期間，配偶用咩身份留喺加拿大，建議各位要睇返自己嘅情況。如果配偶暫時無計劃要工作，佢係可以申請遊客身份暫時留係加拿大。
想問，若讀完書要維持valid temporary resident status, 而本身HK特區護照入境加拿大（旅遊）是免簽證可逗留半年的，這能否作為visitor record 身份留在加拿大來等候申請PR呢？
本人本身已有ETA 的話，能否在讀完書用ETA身份留下等申請PR？
以我個人理解，行 Stream A 嘅朋友喺獲批學簽時攞到嘅 eTA 主要係喺加拿大機場入境用。由於落咗機之後會即時攞學簽，行出機場個刻你已經係學生身份。正常情況下，唔會同時間又係遊客。當學簽到期時，如果唔申請學簽延期、PGWP 或 Open work permits for Hong Kong recent graduates，就要申請由學簽轉遊客身份 (visitor record)。
詳情可參考以下官網 "If you want to stay in Canada but you’re no longer studying" 嗰一段：
Extend your study permit or restore your status
www.canada.ca/en/immigration-refugees-citizenship/services/study-canada/extend-study-permit.html
當然，以上僅為個人非專業意見。建議因應需要考慮向合資格移民顧問查詢。
請問你Stream A讀書時, 有冇申請transfer credit, 會唔會影響PR?
我當時無申請 transfer credit。行 Stream A 申請 PR 嘅主要學歷要求係畢到業同 "with at least 50% of your program completed in Canada (either in person or online)" 就得。如果符合到上述要求，暫時睇唔到 transfer credit 會對申請 PR 有影響。
如果你畢業後會申請 PGWP，就要留意吓會唔會因為 transfer credit 出現 PGWP 下嘅 "Accelerated studies" 情況。可能有機會批唔到較長嘅 PGWP 有效期。不過，如果你係會畢業後即刻申請 PR 嘅話，PGWP 嘅有效期其實對你影響不大。因為好大機會係 PR 批得快過 PGWP。
Post-graduation work permit (PGWP) validity and application
www.canada.ca/en/immigration-refugees-citizenship/corporate/publications-manuals/operational-bulletins-manuals/temporary-residents/study-permits/post-graduation-work-permit-program/permit.html#accelerated_studies
Hello 你好呀，我都啱啱有centennial offer , 有啲諗唔掂，想請教你可嗎？
如有個別問題，可電郵 ask@hk2ca.com 與我們聯絡。
hello 想問下如果我趕唔切申請owp for valid temporary resident status，而用visitor 身分去繼續stay，想問知唔知道有無機會6個月都批唔到個pr？
IRCC 審批個別申請嘅時間係無人答到你。只可以講暫時聽返嚟嘅 HK Pathway 審批 PR 時間由個幾月至四個月都有。我自己一家三口就用咗 88 日。單身嘅申請人通常都會快啲。同其他地方嘅 PR 申請人相比，IRCC 係會優先處理 HK Pathway 嘅申請。當然，要睇返當時多唔多人同時申請，同埋唔同 case officer 處理個案嘅速度都會有唔同。
感謝你嘅分享。
本人有個問題，我啱先diploma grad 另一半係SOWP。 而家新Policy (May 27公佈) 話要等有acknowledge of receipt (AOR)先可以申請新嘅owp。
呢個情況下如果我入咗pgwp，係咪唔可以再申hkowp?
又如果我申請哂兩個，最後reject 咗其中一個，而reject嘅係hkowp，另一半要stop working?
最後，因為新嘅policy 係要current permit 就嚟完先可以apply，如果咁嘅話，我hkowp被rejected，得返個pgwp，另一半都要stop working, 解決方法:
1. wait until receiving the AOR & renew the current status within 90 days after the current permit expired to apply the new release owp policy? or
2. I get a job and apply a sowp for my spouse?
唔知我理解有冇錯。
多謝收睇。其實 IRCC 今日公布嘅 OWP in Canada 係無提及行 Stream A 嘅朋友畢業後應該點做。佢無講 OWP in Canada 要幾耐先批。如果要儘快返工搵工，可能都係要申請咗 PGWP 先。以我個人理解，OWP for Hong Kong Recent Graduates 同 OWP in Canada 係兩樣嘢，申請人係可以兩樣都遞交申請。當然，最後批唔批就由 case officer 決定。
正常情況下，交咗申請之後通常好快會收到 acknowledge of receipt。但因為 OWP in Canada 係新政策，未知會唔會有唔同。如果係正常出 AOR 嘅所需時間，你個情況可能係儘快入埋 PR 申請後，就可以入 OWP in Canada 申請。咁就可以幫另一半申請埋 OWP，唔洗煩自己幾時搵到工。
另外，只要你喺學簽工簽到期前提交其他申請 (如 PGWP、SOWP 延期、OWP in Canada 或 OWP for Hong Kong Recent Graduates 等)，你就會有 maintained status，就唔會出現失去 temporary resident status 情況。所以大部份人係唔需要做 restore status 嘅步驟。
@@HK2CA 多謝你嘅解答，咁我諗應該入紙apply咗stream A PR先。然後都係PGWP搵到工，再入紙extend佢嘅SOWP，呢個情況佢入咗extension 佢SOWP 就可以maintain status可以繼續返工。如果等到AOR 就直接apply 新嘅OWP，但我搵過啲人apply PR收AOR嘅情況，好似都要等好耐先有。
@@KenEng-nz5vc 我當時係等到 SOWP 到期前一個月先入延期申請。同埋依家入工簽延期申請，系統應該好快會自動出封信暫時延長現有工簽 180 日。
Extend or change the conditions on your work permit: After you apply
www.canada.ca/en/immigration-refugees-citizenship/services/work-canada/permit/temporary/extend/after-apply.html
@@HK2CA 想請問多一樣嘢，目前已經申請咗SOWP, 但因為暫時未有employment letter。如果申請埋OWP嘅話使唔使等埋張Grad Cert先? 定係可以用transcript及Letter of Graduation apply owp & sowp?
@@KenEng-nz5vc 你所講嘅申請咗 SOWP 係指延期申請？IRCC 喺 2024 年 6 月 5 日修訂咗 “Open Work Permit in Canada” 嘅申請資格。將先前有關 AOR (Acknowledgment of Receipt) 嘅要求全部取消。即係依家所有申請都唔洗等收到 PR 申請嘅 AOR 就可以遞交。如果你已經遞交咗 PR 申請，依家其實可以直接申請 Open Work Permit in Canada。唔洗再用我哋以前申請 Open work permits for Hong Kong recent graduates 嘅方法去幫 SOWP 申請延期。
申請讀書入學時已 考過 IELT英文試，及格。那申請PR 時要求的Eng test 是否可以用這成績
正常情況下，報讀學校時係會要求你提供 IELTS Academic 英文試嘅成績。而喺申請 PR 時，IRCC 係要求你提供 IELTS General (或CELPIP)英文試達 CLB 5 水秤嘅成績。IELTS Academic 同 General 係兩個唔同嘅考試，所以通常喺申請 PR 前都要考多次英文試。
詳細可以參考返我之前講解英文試嘅片：
czcams.com/video/TJ5-NNl5WXk/video.html
申請 PR 時要提供嘅英文試成績要求：
Permanent residence pathways for Hong Kong residents: Language tests
www.canada.ca/en/immigration-refugees-citizenship/services/immigrate-canada/hong-kong-residents-permanent-residence/language-test.html
假如小朋友用ETA加VR 入學的話，可以透過PGWP 去延期嗎？
我係畢業前聽學校搞嘅 PGWP 講座，有提及過以下呢點：
Minor Children in Canada on valid Visitor Record or SP
- You can apply for their VR/SP extension as part of your PGWP application
以上資料只供參考。如有需要，建議考慮向專業移民顧問查詢。
想問下你意見，加拿大diploma 24年1月畢業，24年7月study permit 到期，因為我用暑假讀，早一個semester 完成，太太2020年已用LMIA closed work permit 工作至今，我們一家也是跟住該申請2020年中已經在加拿大，太太個wp 24年6月到期，兩個小朋友跟太太permit 也是24年6月到期，我問agent 再續太太LMIA permit 要成8000CAD. 但照字面解釋，我自己可以先申請PGWP 同時申請minor SP，太太我不經agent 同佢申請visitor status 如果24年6月都未批pr. 照計不經agent. Visitor 也是一個valid temporary resident. 容易申請，我又不用找0AB. 你覺得可唔可行？ 謝謝
由於我唔係移民顧問，所以未能就你哋嘅情況提供全面意見。我只能假設你哋最終係以 HK Pathway Stream A 方法申請 PR。正如我喺片中所說，visitor 身份都算係 temporary resident。以 HK Pathway 方法申請 PR，最緊要係主申請人喺申請到批出 PR 期間要留係加拿大。一齊申請嘅家庭成員，就算以 visitor 身份或者唔係加拿大，都唔影響申請 PR 嘅資格。
當然，你哋嘅情況用咩途徑申請 PR 較適合或者較快，建議你哋因應需要考慮向持牌移民顧問查詢。
您好！請問如果申請stream A 係咪都有5年內畢業這個requirement？or is it that if u havent graduated in the last 5 years, that the course u choose must be 2 years? thanks!
HK Pathway 經常提及嘅申請 PR 之前 5 年內有畢過業嘅意思係講緊行 Stream B 嘅由請人。如果係行 Stream A，申請學簽係無上述限制，只要有加拿大嘅 designated learning institution (DLI) 肯收你讀合資格嘅課程就得。所以好似我呢啲大學畢咗業二十幾年嘅中佬，都可以行 Stream A，喺加拿大讀完 diploma 後就直接攞 PR。
合乎 Stream A 申請 PR 嘅加拿大學歷要求係有三種，詳情可參考以下官方網頁：
Permanent residence pathways for Hong Kong residents: Who can apply
www.canada.ca/en/immigration-refugees-citizenship/services/immigrate-canada/hong-kong-residents-permanent-residence/eligibility.html
(select "Stream A: In-Canada graduates)
請教下，我4月完成學業，準備4月尾申請PR。而study permit及coop work permit有效日期至11月30，有申請PGWP的需要嗎？
申請 PGWP 嘅作用係攞個保障，因為無人答到你個 PR 申請要幾耐先批到。雖然暫時所知 HK Pathway 嘅 PR 審批時間係由個幾月到六個月都有，但最近有幾位單身申請人分享要足六個月先批到。如果審批時要補交文件或遇到一個比較慢動作嘅 case officer，係有機會要等超過六個月。
當然，PGWP 唔係申請 PR 嘅必要條件，申唔申請係好個人嘅決定。喺唔申請 PGWP 嘅情況下，大家最緊要知道有咩方法可以喺審批 PR 期間維持到自己嘅 valid status。
以上僅為個人意見，建議因應需要考慮向合資格移民顧問查詢。
你好，我岩先想連埋 PGWP同OWP一齊create application 申請，但發現個網唔比。係咪要遞交是但一個先可以開始另一個work permit? 謝謝
如果你講緊嘅係主申請人想申請 PGWP 又同時想申請 HK Pathway 嘅 OWP 幫配偶或伴侶申請 SOWP 延期呢個情況，PGWP 同 HK Pathway 嘅 OWP 係要分開兩次申請。我當時係先入 PGWP 嘅申請，之後先再入 HK Pathway 嘅 OWP申請。
hello 我下年4月college grad 但sp3月expire 9月會trans uni 到時係咪要申請兩張sp同埋以咩身份留底
如果學簽到期時仲未畢業，係要申請學簽延期。詳情請參考以下官網：
Extend your study permit or restore your status: About the process
www.canada.ca/en/immigration-refugees-citizenship/services/study-canada/extend-study-permit.html
如果係轉校或繼續升讀大學等情況，請參考以下官網。唔同情況有唔同要求。有啲情況係需要通知 IRCC。
Changing your school or program / Moving to the next education level
www.canada.ca/en/immigration-refugees-citizenship/services/study-canada/change-schools.html
由於未知你嘅詳細情況，建議因應需要考慮向合資格移民顧問查詢。
請問當我申請PGWP時，幫小朋友extend study permit, 是否under 我的IRCC account 申請？ 還是每個小朋友都要create 自己的IRCC account? Thanks
行 Stream A 嘅主申請人用返之前申請學簽時嗰個 GCKey account 就已經可以開一個新嘅 PGWP 申請。呢一個 PGWP 申請就已經可以同時幫子女申請埋 Minor SP 嘅延期。子女唔需要自己再獨立開 GCKey account。
請問Stream A 申請時, 我都需要update 全家的passport, birth cert, marriage cert, 等等有關文件嗎? 因為佢只provide 一個位置比principal applicant 去upload, 其他成員我是否去additional document upload? 另外半年前全家做過medical 是否都upload 上去? 謝謝!
由於 PR Portal 嘅版面最近更新咗，我剛剛入去試過，系統列出嚟指定要上載嘅文件，如 "Travel documents and passports" 同 "Birth Certificates" 等，係一次只可以上載一個檔案。但同一項係可以上載多過一次。即係你先上載自己個檔案，係 table 度見到自己個檔案之後，再按 Action 一欄下嘅 "Upload"，就可以上載下一位家庭成員嘅檔案。
至於 marriage cert 同 proof of medical exams 係要喺 "Additional Supporting Documents" 之下選擇咗相關分類先，之後你就會見到嗰 table 自動加多一行俾你去上載有關檔案。
另外 "proof of medical exams" 嘅 supporting 最緊要係要有 IME number (要係 IRCC 要求做嘅個種 medical exam)。上載埋上去睇吓可唔可以豁免到唔洗再做。
@@HK2CA much appreciated
請問一下，係咪如你片中所講，畢左業後，如果單人申請就可以pgwp/owp 二揀一，我揀左 inland owp係咪就有maintained status可以繼續合法工作 ？謝謝！
正如我喺片中所講，行 Stream A 嘅朋友只係得喺畢業後申請 PGWP 嘅做法，先可以喺等候 PR 審批其間喺加拿大工作。個人理解，如果喺畢業後只選擇申請 Open work permits for Hong Kong recent graduates，你喺要等 OWP 批出之後，先有工簽身份喺加拿大工作。當然，以上並非專業意見，建議因應需要考慮向合資格移民顧問查詢。
@@HK2CA 咁假如我嚮未畢業前申請OWP 呢？係咪就唔洗再申請PGWP? 然後等畢業後就直接Stream A?
@@hungwa5089 我喺片中所提及行 Stream A 嘅朋友都可以申請 "Open work permits for Hong Kong recent graduates"，意思係指喺加拿大畢業後都合資格申請。雖然申請 "Open work permits for Hong Kong recent graduates" 係唔洗俾申請費，但係申請一日未批，你畢業都唔可以喺加拿大工作。而申請 PGWP 嘅好處係 IRCC 確認收到你申請，你就可以即時全職工作，唔洗等 PGWP 正式批出。
當然，仲有一個情況係你十年內曾經畢過業，用以前非加拿大大專學歷申請 "Open work permits for Hong Kong recent graduates"。呢個情況下，你就可能會有張有效三年嘅工簽喺身，之後畢業就會有足夠時間及合法身份繼續留喺加拿大以 HK Pathway Stream A 申請 PR。如果到時已經有 OWP，就唔洗又申請 PGWP。
由於未知你嘅詳細情況，建議因應需要考慮向合資格移民顧問查詢最適合你嘅做法。
@@HK2CA 感謝解說！想確認一點即係申請OWP 等批既過程唔會有maintained/implied status?
我係10年內畢業既，都嚮加拿大境內行緊Stream A 仲有6個月就畢業，依家考慮緊畢業前申請OWP 定係畢業後申請PGWP 較好。
@@hungwa5089 假設你喺加拿大畢業後先申請 "Open work permits for Hong Kong recent graduates"，喺審批期間你係 maintained status，可以繼續留喺加拿大。但由於境內申請 "Open work permits for Hong Kong recent graduates" 可能要幾個月至半年先批，期間唔可以喺加拿大工作，建議先預算該段時間嘅生活費安排。
其實申請邊樣唔係太重要，最緊要係你喺等待 PR 審批期間有合法身份留喺加拿大。
想問問先生剛在加拿大Master畢業，已申請PGWP及PR，等候PGWP批出期間小朋友應該可以入讀當地公立學校？因我們正為小朋友申請入讀elementary school pre-primary 課程，並向小學提供了先生PGWP的Application Confirmation（附帶小朋友extend visitor record 的Application亦有提供 ），但小學卻回覆我們要待先生的PGWP 正式批出才接受小朋友的註冊，即小朋友可能要等半年才可入學，令我們非常困惑。
由於係個別情況，建議你考慮向合資格移民顧問查詢。只可以講 maintained status 其實係幾唔清晰吓，特別係學簽轉工簽嘅情況。雖然可以暫時繼續留喺加拿大，但呢個臨時身份係會有啲嘢做唔到。另外，唔同省就 temporary resident 嘅子女可唔可以免費入讀公立學校，係有唔同要求。除學校外，建議可向相關嘅 school board 查詢。
請教你，國際生申請college是否有deadline？Ontariocolleges website 寫截止日為2月1日是否針對本地學生？多謝🙏🏻
另外，同時申請幾間college好呢？是否先申請一間，若冇offer再申請第二間呢？
一間college 可以申請幾個program嗎？
Thank you very much 🙏🏻🙏🏻
由於各院校收生時間及程序會有不同，建議直接向心儀學校查詢各課程嘅申請限期。如果想盡快開學，可同時申請多過一間 college (部份學校唔收報名費)。以 Centennial College 為例，我當時報名係可以選擇最多三個課程。因為由遞交入學申請到取錄期間，有啲課程係會額滿到連 waiting list 都爆埋。
@@HK2CA
報名後大約幾時可以收到offer？我打算申請秋季入學。
收到offer係咪即刻申請student permit, 會唔會太早？
九月開學的話SP最早幾時可以入境？
另外，若課程包含co-op ，是否學校保證搵到實習機會？
多謝指點🙏🏻🙏🏻😊😊
@@BLUESKY-jh5jc 幾時收到學校嘅 offer，要睇返你報嘅學校當時多唔多人報名。前排有網友話有啲學校要等多過一個月先有回覆。有學校 offer letter，就可以申請學簽。如果計劃 2023 年 9 月入學，建議儘快報學校及申請學簽。因為我見我學校 (Centennial College) 好多熱門科目 9 月份開學課程已額滿及停止收國際學生。
學簽可以提早幾多入境，可參考以下官方網頁(How early can you arrive in Canada before you start studying)：
www.canada.ca/en/immigration-refugees-citizenship/services/study-canada/study-permit/prepare-arrival.html
以 Centennial College 為例，Co-op 課程嘅實習部份係要學生達到學校要求(如成績不可低於指定分數)，先可以申請。建議先參考各學校網頁列明嘅要求。另外，留意有啲 Co-op 課程係會長過兩年，要預足夠時間喺 HK Pathway 限期前畢業同申請 PR。
@@HK2CA 多謝詳細解答🙏🏻🙏🏻。有睇到其他college 會要求相關科目學生的電腦💻要行Windows，i7等等要求。但睇唔到Centennial 對學生電腦設備有什麼要求？請教下你的意見。多謝你😊
@@BLUESKY-jh5jc Centennial College 各電腦課程對學生電腦設備嘅要求，可參考以下連結：
centennialcollege.widen.net/view/pdf/o29kmgidsx/ICET-Programs-Specifications.pdf
想請教, 我行stream A, 現時太太有SOWP但一直都冇做野, 小朋友VR. 咁我交PGWP申請時, 可以為太太改為申請VR嗎? 因為太太唔會搵工. 謝謝.
如果肯定喺批出 PR 前都暫時唔會搵工住，SOWP 係可以申請轉做 visitor。雖然唔係完全等同你嘅情況，但都可以參考吓以下 IRCC 嘅官方答案。
www.cic.gc.ca/english/helpcentre/answer.asp?qnum=1503&top=17
係咪簡單來說 可以同一時間申請PGWP & PR？然後用maintained status 身份留在加拿大等PR審批？而唔係真係要as a work/study permit holder 才可申請PR?
PGWP 唔係 HK Pathway Stream A 申請 PR 嘅要求之一，最緊要係主申請人喺申請 PR 期間係有 valid status 留喺加拿大。正如我喺片中所講，主申請人喺遞交咗 PGWP 嘅申請後，到 PGWP 批出前嘅嗰段時間係 maintained status，其實已經可以申請 PR，唔洗等 PGWP 正式批出。我當時係先入 PGWP 嘅申請，之後當集齊申請 PR 所需文件，就即刻遞交埋 PR 申請。由於批 PGWP 係需要約半年時間，正常情況下，PR 嘅申請係好大機會會批先。當你攞到 PR，你已經唔再需要 PGWP。
唔該晒你！同埋恭喜你🥳
@@HK2CA 在提交PGWP之後的maintained status期間，可以正常搵工和工作嗎？定係要等PR批咗之後才可工作？
拎到PR之後要等幾耐可以申請入籍？🙏🏻😊
@@BLUESKY-jh5jc 正如我喺片中所講，主申請人喺遞交咗 PGWP 嘅申請後，只要收到 IRCC 確認收到 PGWP 申請嘅信件，就可以即時返工。唔洗等 PR 批。
至於申請入籍，係遞交入籍申請前五年內要喺加拿大最少住夠 1095 日。獲批 PR 前以臨時居民身份留係加拿大期間 (如以學簽喺加拿大讀書) 嘅時間只可以計一半。詳情可參考以下官網：
Apply for citizenship: Who can apply
www.canada.ca/en/immigration-refugees-citizenship/services/canadian-citizenship/become-canadian-citizen/eligibility.html
官網有埋計數程式幫申請者計幾時先夠 1095 日。
Physical Presence Calculator
eservices.cic.gc.ca/rescalc/resCalcStartNew.do
Hi, 請問如果個 master 最快可以 8個月畢業 (Eight months to one year full-time)
係唔係都可以行stream A?
我見官方網站 stream A, degree (associate, bachelor’s, master’s or doctoral) 冇列明 minimum program length
謝謝
由於有好多唔同學校開唔同種類嘅課程，建議先搞清楚個 master course 係 post-secondary degree 定係 graduate or post-graduate credential 類別。如果係後者，IRCC 係有其他附帶條件。
一個課程合唔合乎申請 PR 嘅要求，係要去到 IRCC 審批你個 PR 申請嘅時候，先會知道。
我是STREAM A.
請問若入了申請PR,未批，是否可短期離開加拿大？若一，兩星期。
如可離開，那再入加拿大時用甚麼身份入境。
以 HK Pathway 申請 PR 嘅其中一個必要條件係 "be physically present in Canada when you apply and when you get permanent residence"。IRCC 無就申請人喺申請 PR 嘅期間可唔可以離開加拿大再作詳細解釋。由於每個人嘅情況會有不同，建議因應需要向合資格移民顧問查詢。
我剛畢業，請問inland申請OWP去extend SOWP，是否由swop permit上的expiry date再extend 多三個月？還是由批出主申請人的OWP當日開始計三個月？
IRCC 發出封 SOWP 延期信限期係收到我 OWP 申請起加四個月。由於 IRCC 建議喺簽證到期前一個月要遞交延期申請，我當時係等到太太嘅 SOWP 到期前一個月先交 OWP 申請 (連 SOWP 延期)。由於要扣返呢一個月，所以 SOWP 實際係延長咗三個月。
@@HK2CA 明白，多謝分享
你好!如果我2020年碩士畢業,可唔可以讀一年嘅課程行stream A?官網上一年制課程有多d限制,所以唔係好明。同埋除咗間學校係DLI之外,可以點樣查下個別課程合唔合stream A資格,謝謝
如果你係 2020 年碩士畢業而又符合 HK Pathway 嘅學歷要求，其實你係可以行 Stream B，直接申請 HK Pathway 嘅 Open Work Permit 過嚟加拿大做一年嘢，之後就可以申請 PR。假設你依家即刻申請 OWP，2023 年過嚟加拿大搵工做嘢，2024 年就可以申請 PR。行 Stream B 係零成本，Stream A 就要俾國際學生嘅學費，一年起碼十萬港幣。但要留意 HK Pathway 嘅 Open Work Permit 嘅申請限期係 2023 年 2 月 7 日前。
當然，你都可以選擇行 Stream A 過嚟讀書，畢業後申請 PR。如果你嘅碩士學歷符合 HK Pathway 嘅學歷要求，係可以讀一年制嘅 graduate or post-graduate diploma or certificate，就可以申請 PR。詳情可參考以下 IRCC 內部審批指引有關 Stream A: In-Canada graduates - Education requirements 的那一段。特別留意 "a graduate or post-graduate credential for a program that is at least 1 year in length" 情況下嘅要求。
www.canada.ca/en/immigration-refugees-citizenship/corporate/publications-manuals/operational-bulletins-manuals/permanent-residence/non-economic-classes/pathways-hong-kong/assessing.html#s61
個別課程是否符合 HK Pathway 嘅學歷要求係無得查，暫時只可參考上述 IRCC 內部審批指引為準則。建議各位要小心選擇課程，特別係計劃報讀私校嘅朋友。
@@HK2CA 非常感謝你嘅詳細答覆。由於自己大意冇留意OWP只到下年二月,我11月2號先提交申請,但我因工作關係宜家係徳國,比咗德國嘅地址佢,可能因為同一般申請唔同,提交後一直冇update,但我見一般在港申請大概一星期IRCC就會叫做biometrics。我驚有咩問題可能趕唔切喺deadline前再申請,所以先想plan定stream A當後備。
stream A 一年制課程其中一點係 "You must have competed this prerequisite diploma or degree in the 5 years before you started your graduate or post-graduate program." 請問prerequisite diploma or degree係指學士定碩士?因為我2013學士畢業,已經超過5年,2020碩士先喺5年內
@@rainman7 由於你以上所提及嘅情況已經超出咗我哋經驗分享嘅範圍，建議你因應需要考慮向持牌移民顧問查詢。
唔好意思想再問一下, 本身我個SP係批左2年3個月, 咁我太太SOWP同細路minor SP都係批左一樣2年3個月, 但我只係用一年時間已經畢業, 咁我主申請人既SP 90日內就會到期, 想問下對我太太既SOWP同細路既SP有無影響? 佢哋會一齊90日內就會到期? 定係佢哋既permit expiry date仍然跟返張permit上面既expiry date, 即係仲有一年時間先到期? 如果係咁即係我申請PGWP既時條其實係唔需要幫佢哋申請埋extend?
就住你所講情況嘅學簽有效期，官方解說可參考以下網頁：
If you’ll finish your studies before your study permit expires
www.canada.ca/en/immigration-refugees-citizenship/services/study-canada/study-permit/while-you-study.html#after-expires
至於以上情況下嘅 SOWP 有效期，可以參考以下官方答案：
I have an open work permit because my spouse is working/studying in Canada. For how long is my permit valid?
www.cic.gc.ca/english/helpcentre/answer.asp?qnum=1522&top=17
謝謝你的視頻資料，很受用。想請教您關於stream A的50%的相關事宜，policy是50% of your program，如果我的study program是 one year courses（distance learning）+ one year mandatory co-op，那麼courses在HK完成，coop在Canada完成，但我的coop部分可以提早完成，無須花費一年，我提早幾個月畢業（譬如入境Canada後7個月完成coop，2-year program用19個月完成），這樣是否符合policy rules？因為項目的一半是完成in Canada，但純粹時間上來講並非19 months/2的時間待在加拿大。希望您能撥冗賜教，多謝！！
多謝收睇。就住你所講嘅情況，IRCC 內部審批指引係只有一句 "The program of study can be completed in any field of study, with at least 50% of the program of study completed while physically present in Canada, either in class or online."。佢係無講 distance learning 加 co-op 課程嘅情況下係點計。
有關提早畢業 "accelerated studies"，IRCC 只係就申請 PGWP 嘅情況下有清楚說明。你可以去以下網頁參考吓：
www.canada.ca/en/immigration-refugees-citizenship/corporate/publications-manuals/operational-bulletins-manuals/temporary-residents/study-permits/post-graduation-work-permit-program/permit.html#accelerated_studies
當然，審批 HK Pathway 嘅 PR 申請時係咪都適用，就真係要睇到時 case officer 嘅睇法。建議因應需要考慮向合資格移民顧問查詢。
謝謝你呀，關於PGWP的accelerated studies相關說明我此前也都查閱過啦，網上的信息也基本全部檢索了一遍，嗯，我要麼再直接去IRCC咨詢一下，或者找個移民顧問or律師咨詢一下。Big thx, mate.@@HK2CA
你好，有問題想請教一下。我5月時已經申請PGWP，但就仲未批，而我嘅Study permit黎緊7月31號就會到期（我已經畢業），咁我應該趁而家Study permit未過期申請PR，定係等埋PGWP先？
我擔心我而家申請PR，兩星期後SP過期而我又未有PGWP，佢會當左我冇valid status
唔該你!
其實你個情況同我喺上面條片講嘅一樣。入咗 PGWP 申請，一日未批都係 maintained status。只要你已經符合晒其他 Stream A 申請 PR 嘅條件，就可以即時遞交 PR 申請。唔洗等 PGWP 正式批出。你喺填表時寫返幾時已交咗 PGWP 申請，依家係 maintained status，提一提 case officer 就得。
PGWP 係可能要半年先批。如果你等埋先申請 PR，你可能要出年先攞到 PR。
@@HK2CA 明白曬，唔該曬你!
我都重複睇咗你條片, 多謝你分享你嘅經驗。 我想再問問題， 我申請study permit嘅時候係用agent， 所以我冇gckey account, 我現在申請pgwp， 要重新用一個新嘅gc我key account, IRCC 會唔會搵唔到我啲資料， 例如手指模， biometric..... 你提及你個小朋友係有minor SP， 所以你申請pgwp嘅時候可以幫佢申請extension. 但係我小朋友係visitor record， 所以想知申請pgwp嘅時候點樣同佢申請extension， 如果佢哋冇minor SP， 咁咪唔會有maintained status? 如果我攞到僱主寫信， 證明係合乎嗰個123, 想請問我應該在哪裏upload？ 你可唔可以考慮下做pgwp嘅申請教學嘅片，step by step, 我相信很多人都想睇😊。
喺填寫 PGWP 申請表時會問你 UCI number，填返學簽上面個 UCI number，IRCC 就會對到你嘅資料。我當時聽學校嘅 PGWP 講座時係有提及可以同時幫持有 minor SP 或 visitor record 嘅子女申請延期。用 GCKey account 申請 PGWP 時，系統會有一條問題 "Are you applying for a family member?"。如果要幫家庭成員申請延期，就要喺呢個位答 "Yes"。系統就會幫你嘅家庭成員開個 document list 俾你上載佢嘅申請同資料。所有同申請有關嘅文件都係經系統分類上載。如果未能分類，就用 "client information" 嗰行上載。
如果有自己申請過學簽嘅朋友，用 GCKey account 申請 PGWP 時應該問題不大，因為系統用法大致相同。但個人覺得申請 PGWP 係比申請學簽難啲，因為 PGWP 或家庭成員延期申請嘅表格係有較多唔知點填嘅位。你可以登入系統先睇吓啲表格嘅內容，如果發覺真係有啲難度，就可能要考慮搵合資格移民顧問幫手。
你好, 想問一下申請PR時, 如配偶唔使返工, 填PGWP時係咪可以幫配偶用visitor身份申請延期架? 即係Are you applying for a family member答YES, 咁配偶就由SOWP變Visitor身份直到批PR?@@HK2CA
@@pangting1449 由於我哋無以上所述情況嘅經驗，建議因應需要考慮向合資格移民顧問查詢。以我個人理解，申請 PGWP 時係可以同時幫家庭成員嘅身份申請延期(符合特定情況下)。但如果配偶要由 SOWP 轉為 visitor，可能需要另外入申請。你可以睇吓回答 GCKey Account 問題時系統會唔會有得選擇可以自動幫你配偶開一個 visitor 嘅申請。如果唔得，就要參考以下官網，幫配偶另外入申請。
Extend your stay in Canada
www.canada.ca/en/immigration-refugees-citizenship/services/visit-canada/extend-stay.html
至於 visitor 身份嘅有效期係由 IRCC 決定，總之一日未批，配偶就仲係 maintained status。如果畢業後盡快遞交 PR 申請，visitor 身份批出未或批出嘅有效期係幾耐應該唔會係一個問題。
想請問OWP pending 但未批 是否已經做到 maintain valid temporary resident status? 謝謝你
正如我片中所說，"Maintained status (while processing an application)" 嘅官方定義係 "This is a legal extension of status that allows temporary residents to stay in Canada while we process their application. To be eligible, the temporary resident must apply to extend their status before it expires."
www.canada.ca/en/services/immigration-citizenship/helpcentre/glossary.html#maintained-status
由於不知道你嘅詳細情況，假設你係行 Stream A 畢咗業，而又符合以上定義嘅要求(喺學簽到期前提交工簽申請或申請轉為訪客身份)，就代表你暫時係 maintained status，直至上述申請有結果為止。
Thank you for the details! 今日睇你片學到嘢 多謝你！
@@MyMommaCalledSeeYouOnTV 多謝收睇。希望條片嘅內容可以幫到你。
請問申請PGWP 和替子女申請Minor SP extension 時是否需要做medical check?
要睇返主申請人計劃搵咩工作。普通工種唔洗，但有幾類指定工作就要。詳情可參考以下官網 "To work in a field that requires a medical exam" 嗰段：
www.canada.ca/en/immigration-refugees-citizenship/services/study-canada/work/after-graduation/apply.html
指定工作類別舉例可參考以下官網 "Jobs for which you need a medical exam" 嗰段：
Who needs a medical exam
www.canada.ca/en/immigration-refugees-citizenship/services/application/medical-police/medical-exams/requirements-temporary-residents.html#needs
至於 Minor SP 申請延期，官網無提及要再做 medical check。當然，由於各人情況可能不同，一切以 IRCC case officer 到時通知你為準。
@@HK2CA 想再問清楚，我剛讀完書，我兒子的Minor Study Permit是否跟我一樣在90日後失效,即使他原來的學簽的有是2024年3月expire？
@@ktcanada9825 就你以上所講情況，我估你可能係做咗 credit transfer，所以可以提早畢業。
官網有解答過以上情況下嘅 SOWP 有效期：
I have an open work permit because my spouse is working/studying in Canada. For how long is my permit valid?
www.cic.gc.ca/english/helpcentre/answer.asp?qnum=1522&top=17
至於 Minor SP 係咪都係一樣，暫時搵唔到 IRCC 有相關解說。建議因應需要考慮向合資格移民顧問查詢。
@@HK2CA 謝謝你
想請問 九月初已diploma畢業，已有畢業信，但Study permit 及work permit 是出年三月尾到期（這兩個permits是剛到加拿大時批出的），而家可唔可以工作？（沒有申請PGWP)，如可以工作，是否每星期最多20小時，謝謝
如果你現時持有嘅工簽係 "Open work permits for Hong Kong recent graduates"，你當然可以即時工作。但如果你張工簽只係 "co-op work permit"，就係另一個情況。由於我哋無 co-op work permit 嘅經驗，建議因應需要考慮向合資格移民顧問查詢。
不是OWP,應該係co/op permit,咁請問，做義工可以嗎？🙏
@@fionachim9237 如果唔申請 PGWP 或 Open work permits for Hong Kong recent graduates，正常情況下係要轉做 visitor 身份。用 visitor 身份可唔可以做義工，係因應工作內容而定。你可以先參考吓以下網頁。但都係建議因應個人情況向合資格移民顧問查詢。
Are visitors to Canada allowed to volunteer?
www.volunteertoronto.ca/page/QA7
請問轉做visitor,需要在IRCC辦手續嗎？請賜教🙏
@@fionachim9237 無論係申請現有身份延期或轉身份，都係需要向 IRCC 提交申請。
Can I stay in Canada after my study permit expires if I applied for a new permit?
www.cic.gc.ca/english/helpcentre/answer.asp?qnum=492&top=15
Extend your stay in Canada - Visitor Record
www.canada.ca/en/immigration-refugees-citizenship/services/visit-canada/extend-stay.html
提提你，如果你係提早畢業嘅情況，學簽有效期係學校第一次通知你已經完成課程嘅日期起計 90 天。唔係你張學簽上面寫嘅出年三月。詳情請參考以下官網 "If you finish your studies earlier than expected" 那一段：
www.canada.ca/en/immigration-refugees-citizenship/services/study-canada/extend-study-permit/when-to-apply.html
由於各人情況不同，建議向合資格移民顧問查詢用咩身份留喺加拿大等批 PR 係最適合你嘅情況。
如小朋友是visitor record, 是否可以在同一申請為其申請延期？
喺我學校舉辦嘅 PGWP 講座上有提及以下這一段：
Minor Children in Canada on valid Visitor Record or SP
- You can apply for their VR/SP extension as part of your PGWP application
@@HK2CA thank you!
如果讀私校，冇PGWP, 畢業可以行stream A 取PR 嗎？
PGWP 唔係 HK Pathway Stream A 申請 PR 嘅要求，只是其中一個方法去俾行 Stream A 嘅 PR 申請人係畢業後申請 PR 期間繼續有一個合法身份暫時留係加拿大。只要申請人符合其他 Stream A 申請 PR 嘅要求，就算唔申請 PGWP，佢都可以以其他身份(如申請遊客簽證)暫時留係加拿大等批 PR。PGWP 同遊客簽證嘅分別係等待審批 PR 期間申請人可唔可以工作。
你好，我情況係子女剛出世，只能同太太留香港，我一人過加拿大完成兩年diploma再申請pr，想知道到時我成家人需唔需要來左加拿大先申請得pr？如果需要，佢地可以以咩身份暫時停留？
以 HK Pathway 申請 PR，IRCC 只係要求主申請人喺申請直至獲批 PR 期間要留係加拿大，家人當時喺邊度係無限制。就算係只有主申請人一個人先到加拿大直至完成學業嘅情況，只要主申請人喺申請 PR 時包括埋配偶及子女等便可。由於申請時會說明相關的家庭成員仍然在香港，當 IRCC 正式批出 PR 時，會另行發信俾各位家庭成員作入境加拿大 (landing) 之用。
謝謝解答
另外我現在有PT job, 咁即是我submit PGWP 開始, 直至收到confirmation 這段時間內我要停止PT job, 對嗎? 謝謝!
應該係學校出畢業信嗰日至你收到 IRCC 出 confirmation 話已經收到你嘅 PGWP 申請嘅個段時間，係暫時唔可以返工 (兼職及全職)。以我經驗為例，IRCC 封收到 PGWP 申請嘅 confirmation 係一收到申請就即日由系統自動發出。所以如果你早啲開始準備定 PGWP 嘅申請，一收到畢業信就即刻遞交 PGWP 申請嘅話，對你返 part-time job 嘅影響應該不大。
@@HK2CA 明白晒， 非常感謝！
我下年8月中畢業，但我因香港passport 7月31到期，入境時給我SP的到期日也是7月31. 佢叫我Renew HK passport. 再申報延長SP. 但我見費用都貴，等下年再申請。我可以早一個月申請PGWP嗎？但我讀到8月中。謝謝你
正常情況下，係最少要有學校發出嘅畢業信先會遞交 PGWP 嘅申請。如果你個課程要去到 8 月中，你係需要申請學簽延期。
其實你係可以上網申請更換特區護照，選擇喺中國駐加拿大領事館領取。有咗新護照，就可以申請學簽延期。
如果要順利經 HK Pathway Stream A 申請 PR，主申請人全程保持有效身份留喺加拿大其實係好重要。最驚係中間曾出現問題，到咗審批 PR 時，case officer 要你解釋，但又解釋唔到嘅時候，就會好麻煩。最壞情況係有機會唔批 PR。各位真係要小心處理。如有需要，建議向合資格移民顧問求助。
首先多謝你嘅分享，資訊實在係好有用！🙏🏼
我現在打算跟隨你的做法，在申請pr 期間，透過申請pgwp 和 owp+sowp 來maintain 自己和伴侶的status，想請問一下，據官網指示，inland 申請owp 是完全無須交費用的，那麼同時申請sowp 的話，需要交費用嗎，還是sowp可以跟隨主申請人一樣免收費？
另外，由於是剛畢業的關係，學校還沒有派發正式的畢業證書給我，只有letter of completion, 請問可以用這封信來代替正式的cert 去申請owp 嗎？
由 2023 年 1 月 30 日起，有一個臨時政策，將會放寬持有工簽人士幫配偶/伴侶 SOWP 申請延期嘅主申請人要搵到特定工種類別嘅要求。有移民顧問表示行 HK Pathway 嘅人士可受惠以上臨時政策嘅 Phase 1。由於官方資料無清楚說明 HK Pathway 是否適用，依刻係唔肯定。但如果真係適用，就唔洗用申請 HK Pathway OWP 嘅方法去幫配偶/伴侶 SOWP 申請延期。相關臨時政策可參考以下官方網頁：
Changes to eligibility to work in Canada for spouses, common-law partners and dependent children of work permit holders
www.canada.ca/en/immigration-refugees-citizenship/services/work-canada/permit/temporary/open-work-permit-spouses-dependent-children.html
Employers and temporary workers to benefit from family work permits to address labour shortages
www.canada.ca/en/immigration-refugees-citizenship/news/2022/12/employers-and-temporary-workers-to-benefit-from-family-work-permits-to-address-labour-shortages.html
如果要用申請 HK Pathway OWP 嘅方法去幫配偶/伴侶 SOWP 申請延期，OWP 同 SOWP 嘅申請費用係可以豁免。詳情可參考以下網頁：
Guidance for special measures to support Hong Kong residents to come to Canada
Fee waivers and exemptions
www.canada.ca/en/immigration-refugees-citizenship/corporate/publications-manuals/operational-bulletins-manuals/service-delivery/hong-kong.html#s2
Spouses or common-law partners and dependent children
www.canada.ca/en/immigration-refugees-citizenship/corporate/publications-manuals/operational-bulletins-manuals/service-delivery/hong-kong.html#s55
至於學生身份申請 work permit 嘅學歷證明要求，可以參考 Document Checklist (IMM 5556)。Checklist 上無話一定要畢業證書。其實，申請 PGWP 同 HK Pathway 嘅 PR 有好多個案都可以用學校信做證明。當然，每個 case officer 嘅要求係有機會唔同。
www.canada.ca/content/dam/ircc/migration/ircc/english/pdf/kits/forms/imm5556e.pdf
以上僅為個人意見，建議因應需要(如新臨時政策是否適用問題)考慮向持牌移民顧問查詢。
@@HK2CA 謝謝你，完全解答到我既問題！😄
多謝你的分享。你嘅資訊正確，但好多香港人啦戈「迷失」位係佢地想讀一啲比較平但冇PGWP嘅課程，以為SP完咗之後冇所謂。
當然佢地一樣可以申請香港人OWP，但過咗23年2月就唔得。
多謝支持！希望多啲行 Stream A 嘅朋友可以明白呢個「迷失」位嘅問題。
多謝你嘅分享! 學校話2024年1月中會出letter of completion， 我現在返緊全職工， 國際學生2023年 12月31日是可以返全職工， 想知道1月1號2024至到我 收信， 我是否可以返每星期二十小時兼職？PGWP, 你有提及如果主申請人嘅工係no a b， 我可以幫配偶extend SOWP, 我有兩個小朋友係18歲以下， 想問他們怎樣extend佢嘅visitor record？ 因為你嗰個教學是沒有提及這兩方便， 我係咪要現在嘅僱主出一張僱主信畀我 ？ 話會請我做全職， 再寫埋job duties，我唔太肯定在哪裏update僱主信， 是否在我申請pgwp是一齊遞交？ 定我要在另外一達地方申請？ 我好怕自己填錯， 剛剛見到有谷有分享話幫小朋友申請sp拒絕。 謝謝
由於各人情況不同，我哋嘅影片只係分享個人經驗。就住個別家庭嘅唔同情況，建議各位考慮向合資格移民顧問查詢最適合自己嘅處理方法。
正如我哋係片中所講，Stream A 行到呢個位係好唔清晰。建議你要先決定好用咩方法喺畢業後去維持一家嘅 valid status。如果你有份工係 TEER 0、1、2 (即以前叫 NOC 0、A、B)，而你或者你僱主又知道 job description 封信要點寫 (IRCC 有特定要求)，咁你就可以喺申請 PGWP 時同時包括埋配偶嘅 SOWP 及小朋友嘅 visitor record 延期申請。
但如果未能做到以上情況，就可能要考慮參考我嘅做法，自己喺收到畢業信後先入 PGWP 申請 (可包括埋小朋友嘅 visitor record 延期申請)。之後喺配偶 SOWP 到期前一個月入 Open work permits for Hong Kong recent graduates 申請，喺呢個申請包括埋配偶嘅 SOWP 延期申請。
個人理解，由學校發出畢業信到 IRCC 回覆收到你嘅 PGWP 申請前嘅一段時間係唔可以打工。因為學校發出畢業信後，你已經唔再係學生。如果唔想停止工作，就要預先準備定 PGWP 嘅申請文件。喺一收到畢業信後，即刻遞交 PGWP 申請。IRCC 嘅系統收到你嘅 PGWP 申請後，最快可以即日或第二日自動發出收到申請嘅確認信。有咗呢封確認信，你就可以工作。
當然，以上謹為個人非專業意見，建議考慮向合資格移民顧問查詢。