goreti venkanna - vaana paata- karaoke

vanocchenammo vardaocchenammo
గోరేటి వెంకన్న గారి పాట
వానొచ్చెనమ్మ వరదొచ్చెనమ్మా
వానతో పాటుగా వణుకొచ్చేనమ్మా2
ఎఱ్రభూములనెఱలన్నీ పూడ్సినాది2
రేగాడినేలాను మాగాణి చేసింది తొవ్వగడ్డాలల్లో కవ్వాతు చేసింది2
సౌడు భూములు తాకి దౌడుతీసినాది
పొంగేటి కల్లులో పోసింది సన్నీళ్ళు
ఈతా సెట్టు లొట్టి మూతిని కడిగింది
వానొచ్చెనమ్మ వరదొచ్చెనమ్మా
వానతో పాటుగా వణుకొచ్చేనమ్మా2
కొట్టం పై రాలిన మట్టంతా కడిగింది
కోడి పుంజు జుట్టు కొంటెగా తాకింది
చెట్ల కురులా మీద బొట్లులా రాలింది
గట్ల కొండల మీద గంధమై పారింది దున్నపోతులనేమోదున్కులాడించిందీ
బర్ల మందనేమో చెర్లల్ల ముంచింది !!
వానొచ్చెనమ్మ వరదొచ్చెనమ్మా
వానతో పాటుగా వణుకొచ్చేనమ్మా2
"గద్దగూటిలోని గడ్డిని తడిపింది గువ్వగూటి గులకరాళ్లను జరిపింది తీతువగొంతును తియ్యగజేసింది పరికిపిట్ట ముక్కు పాసిని కడిగింది ఎద్దు మూపురాన్ని ముద్దాడి మురిసింది ముల్లుగర్ర వొల్లు సల్లగ జేసింది”
వానొచ్చెనమ్మ వరదొచ్చెనమ్మా
వానతో పాటుగా వణుకొచ్చేనమ్మా2
కొత్త నీటితో వచ్చి కోనేట్ల చేరింది.
పచ్చటి నాసూని పగలచీరేసింది
చేపకేమో నీటి పులుపునీ తాపింది కొంగకేమో విందు కోరిక రేపింది.
కప్పల పండగ కండ్లార చూసింది.
తాబేలు పెండ్లికి తల నీరు పోసింది !!
వానొచ్చెనమ్మ వరదొచ్చెనమ్మా వానతో పాటుగా వణుకొచ్చేనమ్మా2
పారాడి పారాడి గోదారిలో కలిసి
సీతమ్మ పాదాలు శిరసొంచి తాకింది వంకలూడొంకలు వనమూలెల్లా తిరిగి కృష్ణమ్మ ఒడిలోన ఇష్టంగ ఒదిగింది
దుందుపీతలకంటి దుమ్మంతా కడిగింది
అందమైనిసుకను అద్దంలా చేసింది
ఇష్టముందోలేదొ పట్నానికొచ్చింది.
ముక్కు మూసుకొని మూసీల మునిగింది
వానొచ్చెనమ్మ వరదొచ్చెనమ్మా
వానతో పాటుగా వణుకొచ్చేనమ్మా2