ما كل من يضحك بوجهك أصاحيب | عبدالله بن عبار
Vložit
- čas přidán 29. 08. 2024
- مبـداي باللـه عالـم الجهـر والـغـيب رب الـملأ محـيـي العـظـام الـرميمه
يـوحي دبـيـب الـدابـيـه بـالسـراديب فـي غـلس داجـور الليـول العـتيمـه
مبري سقام أيـوب من غير تـطبيـب مشفي مرض عـل الجسام السقيمه
عيسى حمـاه وعـز داوود وشعـيـب وموسى الكليم أنجاه وأهلك غريمه
وأنجـأ خليـلـه من سعـيـر اللواهـيب وفـي قدرتـه طفى وقـود الجحيمه
انشـأ الجنين وركـب أعضاه تركيـب وغـذاه في وسط الحشى بالمشيمه
وأنـزل من المشـة دريـر المحـاليـب بـأمــره وسـخّــر لـلعـبـاد الـبهـيـمه
وساق المزون الهاشلات السواكيب يـزجـر رعـدهـا بس تـوحي رزيـمه
هـلـّت مـن المنشأ بـعذب المشاريـب يضفي عـلى البيـداء همالـيـل ديـمه
يحـي الفياض القـاحلات العـباعـيـب ويودع عبيرالروض ينعش شميمه
الواحد اللي يسمع الصوت وأيجـيب هـو الكريـم الـلـي فضـالـه عـمـيـمه
أطلب عسى لي عـند ربي مقاضـيب يـوم القضاء بين الخصيم وخصيمه
بـسمـه بـديت أرتــب القـاف ترتيـب بـه موعـظـة لأهـل العقول السليمـه
أعرض مجال وقلت عقب التجاريب بـعـض العـلـوم الصايـبه والحكيـمه
يـالـعـبـد لا تـغـتـر جـوك الـمنـاديـب الـكــل يـلـكـد بـالعــقـاب الـهـميـمـه
الشيـب وأوجاع الضهـر واللواتيـب والعـيـن صـار بشبحها تقـل غـيـمه
من لا حفظ دينه وحافظ على الطيب بـاقــي فـعــولـه فـايـدتـهـاعـديـمــه
ومن خان عهد الله وكب المواجيب تـمـضي حـيـاتـه مـالـهـا ذات قيمـه
الـشر نـزعـة بـالنفـوس المغـاضيب والجـور ظلـم ولـه عـواقـب وخيمه
والكذب خيبـه بـه مهـونـه وتهـزيب ومن بـه كـبـر مالـه وقـار وحشيمه
وحكي النقيلي بـه للأصحاب تخريب والبعـد عـن بعض المجالس غنيمه
مجـالس الـلي يشـذبـون العـراقـيـب سـود الـقـلـوب مـروجيـن النميـمـه
الـلـي يـدورون الـردى والـعـذاريـب يـبـون لشخـوص الحمايـل هضيمـة
من دار عيب الناس يلقون به عـيب ولا تـاجـد الـلي مـا ذكـر بـه ثليـمـه
ولا كل من يضحك بوجهك أصاحيب بعـض اليـديـن الـلي تصافح أثـيمـه
وأن شهـبت غـبرالسنين الشلاهـيب وعنكض زمانك والخواطـر كضيمه
خل الجضوروحط حملك على هديب حيص الجـمال الـلي خطاهـم هميمه
جـنب عـن الأنـذال تـرهـم زواريــب لا تـلـتجـي لأهـل الخـصال الذميمـه
ولا كـل طـيـر لـه جـناح ومخـالـيـب يحسـب من حساب الطيورالصريمه
الـحـر عــاداتــه يــصيـد الأشابـيـب والـتبـع عـصفـور القـنابـر يـضـيمه
قلتـه وبأمـر الله تهـون المصاعـيب ولالـي بكثـر الهـرج سيـنـه وجيمـه
وختامهـا صلوا عـلى طاهـر الجيـب نـور النـبــوة فـي جبـيـنه وسيـمـه
دايم يا ابو مشعل معود على الطيب. وشرواك ما يقبل ب غيبه ونميمه. تسلم عسى يحفظك من يعلم الغيب. الواحد الي كل صفاته كريمه
المحيط الأطلسي ابن عبار💚
يابن عبار مثلك شاعر و أديب ومعروف اخر قصيده نزلتها قبل سنه استمر 👍🏻 وحنا معك عين عيونك تراك مشهور ومعروف المفروض ماتنقطع
حسبي الله ونعم الوكيل ثم صلى الله وسلم على محمد النبيل.
انشهد
م شاء الله عليك يابن عبار شاعر وأديب ومعروف الي مايعرفك عرف يسمعك سمع اللع يعزك ي الحنتوشي معك / بدر الدكه البجيدي العنزي
واللة ونعم مليون
دايم اول واحد😂🤍
صح لسانك
تسلم على النقل وصح لسان الشاعر الكبير عبدالله بن عبار
والله والنعم بابن عبار شاعر وأديب
كمل كلامك صحيح
مو كل من يضحك بوجهك تخاويه بانك ضعيف النفس لاتعتزي به
اللي لاغاب بانت خوافيه
هذاك التخت لاتعزي به
واحرص على اللي بالشدايد تلاقيه يرزم فعوله باللوازم رهيبه
اللي لاجيت عانيه وناصيه يفز لك
إليا جيت من زود طيبه
مثل الدبل للقير لاقلت تشبيك اذا اشتغل وداك راس الرقيبه دايم هذي سلوم الوقت وهذي هقاويه كلن يجي وياخذ نصيبه 😴💔
كتبت الاجزلات للرجال التواريتت ولاجبت الهزل واستجابت واجبت اللجزال واجبت ولاخابت بلامثال///////////////؟
صح السانك
صح لسانك آبـ,ـۅ مـ,ـشـ,ـعـ,ـلـ,ـ
👍👍👍
🌹🌹🌹🌹
بسألك ي راع القناة، الشاعر شلونه عساه بخير وين دياره الحين ودي أسير عليه.
فوزي الشمري الله يحييك بأي وقت بالرياض
@@bnabar1 الله يبقيك ويطول بعمرك، انت من قرابت الشاعر
@@bnabar1 كفوووووابومشعل
اناالشاعرعبدالعزيزالتميمي
وين ديوانك يابومشعل
حسبي الله ونعم الوكيل ثم صلى الله وسلم على محمد النبيل.
صح لسانك