اعرف جهازك | كيف تستخدم برامج المونتاج قطع الهاردوير
Vložit
- čas přidán 7. 08. 2024
- #اعرف_جهازك
في السلسلة دي من الفيديوهات هنتعرف على أداء الكمبيوتر مع برنامج أدوبي بريمير عشان نفهم بشكل أفضل دور قطع الهاردوير المختلفة وتأثيرها على برنامج المونتاج وأداء الجهاز
00:00 فكرة الاختبارات وكيفية أداء البنش-مارك
02:38 أداء التايم-لاين مع فيديوهات إتش-دي
07:07 أداء التايم-لاين مع فيديوهات فور-كيه
08:52 أداء التايم-لاين مع لقطات فايف-كيه
11:30 الاستنتاجات
هنتعرف على دور كارت الشاشة إيه في المونتاج، وعلى تأثير الهارد وسرعة قرايته على أداء البرنامج، وإيه هو البروسيسور الكافي لشغل المونتاج الاحترافي..
أتمنى الفيديو يساعد أي حد هيجمع جهاز للمونتاج أو عايز يطور جهاز المونتاج اللي بيشتغل عليه، إنه يعرف إيه أفضل قطعة ممكن يستثمر فيها ويبقى عنده فكرة عن الأداء المتوقع من كل قطعة - Jak na to + styl
الله يعطيك العافية فيديو ممتاز
شكرا ليك ياهندسة بجد فهمتنا اشياء كثيرة كنا نجهلها شكرا لمجهودك ولشرحك الرائع
شكرا لك أخي
عااش جدا علي المحتوي الجميل دا ❤️
شكرا ليك
بارك الله بك. شرح وافي جداً وخلاني غيّر رأيي بالتجميعة من الألف الى الياء.
رائع بجد .. بالتوفيق الدائم لك
الفيديو جميل جدا فادني في اداء التايم لاين الحمد الله
جزاك الله خيرا.
فيديو قيم جدا
و معلومات هامة جدا
و جهد ممتاز جدا
أكرر شكري
شكراً جزيلاً وسعيد إن المحتوى كان مفيد ليك
جزاك الله كل خير.
بقالي سنة بدور على أجوبة للسؤال دا.
حقيقي فيديو مفيد جدا.
شكرا جزيلا
محتوي محترم.. مهتمه بنفس السلسه دي .. بالتوفيق
شكراً يا دكتورة على اهتمامك.. نورتيني والله بكلامك ♥️♥️
جزاك الله خير ❤❤❤
معلومات مفيدة جدا و ربي ارتحيت من الحيرة في الموضوع هذا و الله يحفظك و اتمنى لك كل الخير ❤
ما شاء الله يا استاذ احمد الفيديو ساعدني جدا في الفترة الحالية وموضح نقطة مهمة ملقتهاش غير عند حضرتك
شكراً يا أحمد وسعيد ان الفيديو كان مفيد ليك..
انا عجبني الفيديو جدا والتكنيك اللي بتشتغل بيه
تحياتي ليك واستمر 👏🏼👏🏼
شكراً جزيلاً على كلامك
الله يجزيك الخير على المعلومات القيمة ، ممكن شرح طريقة جمع هاردلت الميكانيكال بطريقة الريت سيستم لو سمحت
اول ما نقلت القرايه والتثبيت علي الssdاشتغل حلو جدا اشكرك 🥰🥰🥰
فيديو جميل ومحتوى نضيف❤
شكراً لذوقك وكلامك الحلو..
ممكن ترشيح لجهاز مونتاج بسعر ٢٠ الف حاليا
وشكرا لحضرتك علي المعلومات في الفيديو والكومنتات حقيقي قرأت الكومنتات كلها
ربنا يباركلك
+اني تابعت كورس البريمير بتاعك على منصة ينفع كان مميز ❤
شكرا لك اخي ..
لكن كنت اتمنى من ضمن الإختبارات يكون هناك اختبار على مدى قوة الكرت في سرعة التايم لاين
ده موضوع متغير حسب نوع ملفات الفيديو، وفي الفيديو هنا هتلاقي كارت الشاشة الداخلي للمعالج بيستخدم في تشغيل التايم لاين، لكن حالياً هتلاقي استخدام كارت الشاشة على التايم لاين بقى أفضل لأن البرامج بتحاول تستخدمه أكتر، وبالذات في النسخة المدفوعة من برنامج زي دافنشي ريزولف
لو ربنا شاء وكان فيه فيديو قريب ممكن أعمل فيه كده، وشكراً على اقتراحك
محتوي رائع ... نرجو المزيد
شكراً يا تيتا والمرة الجاية هحاول اعمل فيديوهات اقصر واكتر زي ما قولتيلي😀
فيديو رائع
محتوي جميل جدا بالتوفيق ان شاء الله ❤
شكراً لذوقك يا أستاذ عمرو..
محتوى رائع ❤️
شكراً لذوقك..
فيديو جميل و مفيد جدا ❤️❤️
مبسوط إنه عجبك..
الله يفتح عليك يا احمد افدتنا بهذا الفيديو وهو جدا مفيد وتقبل تحياتي اخوكم ليث الجنابي من العراق..
شكراً على كلامك الجميل
فيديو جميل 👍 جدا ومحتوي مفيد 💪💪
شكراً جزيلاً على ذوقك♥️
الفيديو حلو جدا و مفيد ❤️❤️
مبسوط انه عجبك.. شكراً لذوقك
مبدع جداً.... تحية لك من العراق... استمر
تحياتي لك ولكل اهل العراق الكرام
عاش ي Dex استفدت كتيير
تسلم يا عمر باشا..
فيديو مفيد جداً:)
شكراً جداً 🙏🏽
اعظم فيديو في تاريخ الميديا
عظيم عملت سبسكرايب ❤️
نورتني♥️😁
هل يصلح كرت الشاشة المدمج للمونتاج ؟
بسم الله ما شاء الله ... محتوي جميل جدا و استفدت منك كتير و حابب اتواصل معاك لاستفسار بخصوص امكانيات جهازي و البرامج ال هشتغل عليها
شكراً على كلامك الجميل، ويشرفني أتواصل مع حضرتك على صفحة الفيس بوك هيكون التواصل أسهل
web.facebook.com/AbuelfadlTheCZcamsr
بصراحة اول واحد عربي احترمه و احترم كلامة اللي فعلا احنا محتاجين افكارك و تحليلك و ياريت لو تكلمنا عن برامج ال 3D
شكراً يا صديقي ده من ذوقك، للأسف بشتغل قليل على برامج الثري دي، ففهمي لطبيعة عملها هيحتاج مني شوية دراسة الأول لأن شغلي بالثري دي خفيف أوي، شوية بلندر كده كل فين وفين..
بعمل لايك قبل ما اتفرج والله
ان شاء الله الفيديو يعجبك لما تتفرج :))
فديو رائع، اتمنى لو اعرف ما هو الشيء المسؤول عن تقطيع التايم لاين في افتر افيكتس ؟ عندما اراقب جهازي اجد المعالج وكرت الشاشة تعمل بربع قوتها ومع ذلك هناك تقطيع وتاخر في الشريط الاخضر
جزاك الله خير، فيديو مفيد
الآن عرفنا دور الكرت في الايدتنق، لكن هل الجيجا الخاصة بالكرت تكون اهم ام قوة الكرت نفسه ؟
على سبيل المثال : كرت 3060 بيجي 12GB و 3070ti يجي 8GB
ايه راي حضرتك في جهاز hpz4
2125 cpu
شرح ممتاز ، جزاك الله خيرا .
إقتراح حضرتك إيه لجهاز ما يكونش غالي وينفع لفيديوهات اليوتيوب ؟ سواء pc او لابتوب ,علما أنه بيتم التصوير من أكثر من زاوية في وقت واحد بأربع كاميرات تليفون بجودة FHD وسيتم دمجهم في المونتاح .
ميكونش غالي دي حاجة نسبية أوي يا صديقي، وأكيد البي سي أفضل من اللابتوب لو الاتنين بنفس السعر، لو مفيش سبب للتنقل كتير خليك في بس سي ثابت أحسن
فشوف الميزانية المتاحة، وممكن أقترح عليك نقطة تبدأ تدور منها على أفضل القطع المناسبة للميزانية دي، حتى لو الفيديوهات كانت تقيلة لو كانت الميزانية قليلة ممكن تستخدم بروكسيز عشان تخفف من على الجهاز الشغل
مجهود رائع الله يبارك فيك
ممكن اسئل حضرتك سؤال
لو اشتريت كيسه استيراد بمعالج زيون 1650v4او 2680v4 هتكون احسن من المعالج ال i7 6700 ولا ايه الدنيا وانا هشتغل عليها مونتاج وتشغيل فديو 4k
شكراً جزيلاً على كلامك
للأسف معنديش معرفة بمعالجات زيون كويس
سلام عليكم هل تنفع مع كرت مدمج ورام 12 غيغا
شكرا جدااا استفدت كتير
بنسبة لي لاب توب
هل ممكن استغناء عن كرت شاشة خارجي واعتماد علي كرت شاشة انتل مدمج في معالجات انتي فوق الجيل 7
واغلب المونتاج هتكون بدقة 1080 فقط
في المونتاج نفسه تقطيع بس واتنتقالات بسيطة ممكن يأدي معقول، بس الأفضل يكون فيه كارت خارجي أكيد، عشان تقدر تعمل مؤثرات وتلوين حتى لو بسيط من غير تقل أو بطء
ولأن الاتجاه دلوقتي في كل البرامج لاستخدام كارت الشاشة، ودافنشي مثلاً بيستفيد بكارت الشاشة في المونتاج والريندر ساعات أكتر من البريمير، فلو ميزانيتك تسمح أكيد هات لاب بكارت خارجي
تب حضرتك تنصحني بمواصفات جهاز pc للمونتاج
انا بشكر حضرتك جدا .. لان الفيديو ده فادني جدا جدا من حيث اللاب توب اللي كنت هشتريه
ولكن سؤال مهم جدا بالنسابلي .. حضرتك معرضتش تاثير الريدنر علي القطع
فايه هو مدي تاثير الريندر علي القطع وخصوصا كارت الشاشة .. لان دي حاجة هتهمني جدا
لان اللاب اللي اشتريته كذا حد قالي انه كارت الشاشة فيه ضعيف .. رغم اني مش مقتنع اوووي ان كارت الشاشة هياثر في شغلي اللي كله مونتاج 1080 فقط وبدون مبعمل تصحيح الوان
الأساس في الريندر هو المعالج، لكن في آخر تلات سنين كارت الشاشة بقى يستغل بشكل متزايد وواضح ومؤثر على الريندر، البريمير بالتحديد قفز قفزة كبيرة في اتجاه استخدام كارت الشاشة في الريندر
لكن ده مش معناه إن الريندر مش هيحصل من غيره، لكن هياخد وقت أطول، وطبعاً مونتاج الإتش دي مش صعب، لكن حسب إمكانيات الجهاز برضه
👍💯
شكرا جزيلا لحضرتك على هذه الإفادة العظيمة. وأود الاستفسار عن مدى كفاءة المواصفات التالية في عمل مقاطع فيديو مدتها تتراوح بين 5 دقائق و 15 دقيقة وبجودة 4K بسلاسة ودون مشاكل مع برامج المونتاج ( أدوبي بريميير وأفتر إيفكتس ) وسيكون هناك استخدام للمؤثرات وتصحيح للألوان. والحديث هنا عن كارت الشاشة والبروسيسور تحديدا. وإن كانت هناك حاجة لترقية قطعة ما، أو النزول بمستوى قطعة أخرى من القطعتين أرجو إفادتنا ولك جزيل الشكر.
CPU:
AMD Ryzen 7 5700X 8 Core
16-Thread
GPU:
GTX 1660 Super
شكرا جزيلا يا مستر
طيب معلش كنت عايز اسألك اي باندل من دول احسن لمبتدئ موشن جرافيك وكويس للتطوير قدام
i5 14600k
b660 كدا كدا مش هكسر سرعه
1050ti
ram 32
ولا
i5 12400f
h610
rtx 3060
ram 16
الاتنين نفس السعر
يعطيك العافية ممكن سؤال اذا كان كرت الشاشة مدمج انتل في اللابتوب i7 الجيل العاشر والرامات عالية والهارد سريع هل ينفع للعمل على برامج التصميم والمونتاج اذا كان كرت الشاشة داخلي مدمج؟
لو سمحت عاوز اجيب كارت شاشة للجرافيك وبرامج ادوبي اجيب نفيديا كوادرو او اجيب نفيديا gtx وترشحلي كارت ايه لو سمحت عندي hp z820
ايه رأيك حضرتك في Mac mini m1
وهل ينفع لشغل مونتاج تقيل؟
ياريت تعملنا فيديو عنه
كويس جداً في المونتاج لكن مش أحسن اختيار لو بتشتغل مؤثرات كتير، ده بالإضافة لبعض الlimitations اللي ليها علاقة بالمنافذ بتاعته والتخزين محتاجة تفكر فيه بالملحقات الضرورية معاه.. لكنه جهاز ممتاز.. بالذات لو لابتوب
للأسف مش تحت ايدي عشان أجربه
❤️
👍👍👍👍👍👍👍👍
استاذ احمد الأفضل حاليا برأيك بحيث الاستخدام والعمر إنتل أم رايزن
صديقي أهلاً بيك، لا تنظر إلى الشركة، كل منهما تقدم معالجات جيدة حسب احتياجك وحسب سعره، لذلك تجاهل الشركة وابحث عن المعالج الأنسب لك، من ناحية العمر فكلاهما جيد طالما تعامل المعالج جيداً وتحافظ على حرارته تحت المعدل الطبيعي، من ناحية التكنولوجيا فمعالجات رايزن أفضل بقليل، لكن في الواقع الحقيقي، بعض معالجات إنتل تقدم قيمة ممتازة أيضاً، لذلك فالمعادلة بشكل عام محكومة بالسعر والأداء الذي تحصل عليه مقابل هذا السعر
سلام عليكم
شو رايك في vrm البطاقة الام asus prime x570-p
يعمل بشكل جيد مع ryzen 9 5900x ?
و شكراً لك نتمنى لك النجاح
وعليكم السلام يا صديقي، للأسف ليس لدي فكرة قوية عن هذه اللوحة وأداءها مع المعالج..شكراً لكلامك الجميل
انا باشكرك مبدأيا علي المعلومات القيمة اللي قدمتها في الفيديو ده، و اللي بصراحه فادتني جدا و ورتني مدي تأثير قطع الهاردوير في عملية المونتاج و اللي انا مشفتوش حد بيقدمها خالص علي اليوتيوب بالطريقة الجميلة العمليه اللي انت وضحتها،، و كنت حابب أسال حضرتك عن اني لو حابب اجمع تجميعه في حدود 12 ل 15 الف جنيه، هدفها الاساسي المونتاج لفيديوهاتي علي اليوتيوب، اللي حاليا باصورها بكاميرا موبايل ايفون اكس مع امكانية استخدام كاميره (كانون 60 دي)قريب و في المستقبل امكانية استخدام كاميرا احترافيه (فول فريم) في المستقبل، كنت حابب اعرف بجانب الاهتمام بعامل الهارد و في المفاضلة في الميزانية ما بين البروسيور و كارت الشاشه، مين ياخد من ميزانيتي اكتر؟
شكراً يا إسلام على كلامك، فيديوهاتك حلوة جداً وفي انتظار الفيديو القادم :)) ستايلك هادي وجميل فعلاً
بالنسبة للميزانية فالأساس في المونتاج هو البروسيسور، ثم بعديه كارت الشاشة، لكن الأساس البروسيسور بدون شك
كان ممكن اقترح عليك حالياً تجميعة لكن للأسف أسعار كروت الشاشة خيالية حالياً، كل الكروت سعرها فوق تمنه الطبيعي ب20 و25 في المية
لكن لو عرفت تجيب معالج زي الرايزن 3600 مثلاً، هيكون مثالي للمونتاج، وكارت شاشة زي Gtx 1660 super أو حتى أقل منه حسب الميزانية ومعاهم 16 رام، هيكون جهاز ممتاز ويعيش معاك لسنين قدام
المشكلة الأساسية اللي مش مخلياني قادر أقترح عليك القطع هو سعر كروت الشاشة حالياً، لكن ممكن تتباع على أمل إنها قريب تستقر تاني
وبشكرك مرة تانية على كلامك وتشرفت بمعرفتك
@@AhmedAbuelfadl
شكراً لحضرتك جداً و الله، كلامك يشرفني و يسعدني جداً 😊 ... انا فعلاً دي التجميعه اللي ناوي عليها و محبتش اكتبها علشان مازعجكش و اطول عليك، لكن فعلاً هو اللي موقفني سعر الكارت اللي غلي من ٤٠٠٠ ل ٦٠٠٠ ج، لكن حضرتك شايف كده التجميعه مناسبه، يعني مش كارت الشاشه اعلي من البروسيور؟ و حاجه تانيه لو مفيهاش ازعاج لحضرتك، تقترح ايه عليا مازربورد تديني مساحه للتطوير قدام؟ و شكراً مرة تانيه و آسف علي الازعاج و الاطاله 😊
@@Abdelshaheed البروسيسور اهم أكيد من كارت الشاشة
مفيش إزعاج ولا حاجة
أي بوردة بشريحة B550 هتكون أكتر من كافية
لو عايز تقلل كمان ممكن تجيب لوحة بشريحة B450
المهم بس تتأكد إنها بتدعم الجيل الجديد من رايزن
باقي التفاصيل متعلقة بالكماليات، الواي فاي ومخارج اليو إس بي وكارت الصوت وكده وعدد أماكن الرامات والهاردات، دي تفاصيل حسب رغبتك، لكن معظم البوردات ممتازة في الفئة دي
@@AhmedAbuelfadl
شكراً جداً يا أحمد علي ذوقك و ردك و اهتمامك :)
اخيرن عملت فيديو
متابعك من سوريا 🇸🇾
أهلاً بأهل سوريا الكرام
@@AhmedAbuelfadl شكرا أهلا بيك
شكرا اخي
عندي سؤال هل بامكاني وضع ssd m.2 nvme gen3 على ماخذ m.2 gen 4
و هل راح اكون فرق في الاداء
و شكرا في انتظار اجابتكم الشافية
ممكن ومش هيكون فيه فرق ان شاء الله
اعمل فيديوهات كتير
ان شاء الله، على قد ما اقدر هحاول أعمل كده :))
سوال بس متوقف علي اني انزل اخلص ف كارت شاشه 8 جيجا rx580 هل لما اجيب كارت الشاشه ده هايفرق معايا في اي انا عاوز حاجه تسرعلي العمليه الداخليه للبريمير يعني اعمل ترنزشنات وايفكتات كتير من غير ما اشوف تهنيج ويرندر إن و اوت داخل البريمير بسرعه هل المسؤال عن الكلام ده كارت الشاشه ❤
لو سمحت انا عايزة نوع كمبيوتر وامكانياته في رسالة ضروري اشتريه ولا اجيب لاب توب افضل وبرضه نوعه ايه عايزة حاجه متتعبنيش
استمر 👏👏
سؤال بقا معلش... أنا لسة مبتدأ تماما ، يعني لسة هبدأ اصلا
امكانياتي i7 4770 و 1050ti
وهل الأفضل لما آجي امنتج انقل الفيديوز للهارد الssd ؟
إمكانياتك كويسة جداً لمونتاج الإتش دي.. الفور كيه هيبقى تقيل شوية.. بس دي مش مشكلة خالص.. انا لغاية دلوقتي فيه شغل كتير بعمله اتش دي وتمام جداً.. وبما انك لسه بادئ.. فخليك مع الاتش دي وركز على التعلم والتدريب..
ومع الاتش دي مش محتاج تنقل الفيديوهات على ssd خليها على الهارد العادي واشتغل من عليه مفيش مشكلة خالص
السلام عليكم استاذ ايش رأيك في rayzen 7 4000u 16Go 125ssd redeon للتصميم الكرافيكي
معنديش خبرة شخصية معاه، لكن أتوقع إنه غير مناسب والأفضل تدور على حاجة من فئة H المخصصة للمهام التقيلة، لأن فئة U في العادة بتكون للمهام الخفيفة والمتوسطة
@@AhmedAbuelfadl شكرا لك كتيرا على الرد 🤲👍
يا أستاذ بعد إذنك انا عايز جهاز لتعلم للمونتاج ايه رأيك في ده
i5 11400f
وكنت عايز كرت شاشة 1650super بس للأسف سعره دلوقتي تقريبا 450 دولار انا كنت شايفه نازل ب 159 دولار
ينفع تنصحني بكرت شاشة كويس لدافنشي ؟ و ميعملش عنق زجاجة مع المعالج ده ويكون سعره معقول وأدائه معقول برضو
وسؤال تاني هل 8 تناسب المونتاج في دافنشي وهبقى احدثها بعد ما اتعلم بفترة يعني لو جبت دخل ولا ضروري 16 من البداية ؟
وممكن تنصحني ب ssd وهارد معقولين في السعر ؟
وهل باور 500 وات مناسب ولا اجيب 600 ؟
وآسف عالإطالة
سلام اخي نشكر ك على الفيديوهات المفيدة
عندي سؤال :هل المبرد الهوائي xigmatek windpower pro كافي لتبريد ryzen 9 5900x
مع العلم ان استخدامي هو الالعاب والتسجيل و المونتاج
لا اعمل بكسر السرعة
البطاقة الام msi B450m a pro max
و شكرا في انتظار ردكم.
وعليكم السلام، لو استخدامك مونتاج متوسط وألعاب وتسجيل، أقترح عليك تفكر في اخيتارات متوازنة أكتر مع بعض، لأن المعالج اللي انت مختاره، محتاج في رأيي بورد 550 أو 570، وربما تبريد أفضل، أنا شخصياً مجربتش المبرد اللي انت ذكرته، لكنه مبرد هوائي بسيط بالنسبة للمعالج اللي انت مختاره لا أتوقع إنه يكون مناسب للمعالج ده
لو استخدامك ألعاب وتسجيل ومونتاج متوسط أو حتى مونتاج تقيل، ليه متفكرش في معالج أقل وتزود التبريد والبورد؟ معالج زي 5800 أقل بفرق كبير عن رايزن 5900، هيديك فرصة تعمل تجميعة متوازنة أكتر من وجهة نظري بالنسبة لاستخدامك، خاصة إنه مش استخدام متطلب أوي
@@AhmedAbuelfadl شكرا اخي عالنصيحة لكني لست من محبي التبريد المائي افضل التبريد الهوائي و لماذا b550 او x570
@@mohamedbenabid1436 ولا أنا من محبي التبريد المائي، لكن حتى في التبريد الهوائي ستجد مبردات مناسبة أكتر للمعالج، لان معالج زيجماتيك ضعيف في رأيي على المعالج ويعتبر اقتصادي بالنسبة لمبردات هوائية تانية أفضل منه، وأغلى كذلك في السعر
لوحات 550 و 570 بتدعم الجيل الرابع من PCI والأهم إن دوائر الطاقة فيها أفضل بالنسبة للمعالج، لوحات 450 مناسبة للمعالجات الأقل ممكن لغاية المعالجات سداسية النواة، لكن من أجل توازن الجهاز، أقترح عليك لوحة لوحة أم أفضل
أو -ولا زلت عند رأيي- بالنسبة لاستخدامك، فممكن تقلل المعالج وتفضل مع نفس اللوحة والمبرد أو مبرد أفضل قليلاً، هتوفر فلوس كتير قد لا تستفيد بيها في معالج فوق احتياجاتك
DELL G3 3500.
intel core i5 _10300H.
10th generation.
15.6 inch FHD.
1 TB+256GB Ssd.
8GB Ram DDR4.
NVIDIA GEORCE GTX 1650 4GB GDDR5.
Windows 10.
Laptops & pCs الامكانيات دي كويسه لتشغيل اتوكاد وماكس فوتوشوب؟ وهل كرت الشاشه كويس ولا ضعيف
رأى حضرتك فى رايز5 5600x وكارت الشاشه 1660 السوبر
ممتازين جداً جداً
استاذ بس سوال لو ممكن
كرت شاشة 1650 gtx بلابتوب rog strix g15 وال vram 4
كافية للمونتاج ولا لا ؟
للمونتاج البسيط والمتوسط من غير مؤثرات أو تلوين هيكون شغال ان شاء الله، لكن لا تتوقع إنه يكون قوي أو فعال بالذات مع المؤثرات الخاصة أو فيديوهات 4K
استخدم جهاز لابتوب كور i7 جيل خامس مع رامات 16 و كارت شاشة بيلت ان و مونتاج فيديوهات فور كيه مع تصحيح الوان لكن بعد عمل بروكسى لها .. هل البروكسى يؤثر على الجودة النهائية ؟
بعد انتهاء العمل ترجع الملفات الأصلية وتعمل التصدير النهائي
ما شاء الله عليك يا أستاذ احمد ربنا يبارك في حضرتك
أنا مواصفات الجهاز اللي شغال عليه بريمير :
Intel Corei5 -11400F
NVIDIA GTX 1650 4GB
SSD M.2 NV1 500 GB
16 GB 3200MHz DDR4
بلاحظ انه وقت الريندر لفيديو مدته ساعة بأخذ أحيانا من ساعة ل ثلاث ساعات مش عارف ليه ...
هل دا طبيعي ؟ وفي طريقة لتقليل وقت الريندر ؟
الموضوع بيختلف حسب حاجات كتير، سرعة الهارد اللي عليه الفيديو والهارد اللي بتعمل الإكسبورت عليه ودقة المشروع والفيديوهات والفيديو النهائي ونوع الـcodec بتاع التصوير وبتاع الإكسبورت :)))
فزي مانت شايف دي عوامل كتير، ولو المشروع ساعة ممكن ياخد ساعة في الريندر طبعاً، 3 ساعات كتير شوية، بس برضه مقدرش أقولك السبب بالظبط، ممكن تتأكد إن البروسيسور شغال بكامل طاقته ولا لأ أثناء الريندر، وساعتها ممكن تعرف أكتر السبب لو كان فيه عنق زجاجة مثلاً معطل الريندر
هل ريزون 7
رام 16
ssd256
(كرت شاشة مدمج )يشغل بريمير
هيكون مناسب للمهام البسيطة وبعض المهام المتوسطة، ويصلح للمونتاج بشكل أساسي لكن أي مؤثرات أو تلوين هيكون بطيء نسبياً
الموضوع بيختلف حسب الكاميرا المستخدمة والدقة ونوع المؤثرات، لكن بشكل عام تقدر تمنتج عليه أكيد، لكن وجود كارت شاشة خارجي مهم في المؤثرات بشكل اساسي ومع بعض الكاميرات وبعض البرامج بقت تستخدم كارت الشاشة في مهام كتير أثناء المونتاج
فالخلاصة، يصلح كبداية، وممكن لاحقاً تجيب كارت شاشة
هل يعني فقط مكان خزن الفيديوهات على الssd ؟
الأمر متوقف على حجم الملفات ودقتها ونوعها، الملفات الصغيرة بدقة HD يمكن تخزينها على هارد ميكانيكي عادي، لكن كل ما زاد الحجم والدقة، فسرعة مكان التخزين تؤثر على الأداء
Ryzen 5 4640g
بدون كارت شاشه خارجي .. هيشتغل مونتاج بدون تقطيع علي البرامج المتوسطه ؟
هيشتغل مونتاج كويس على بريمير ودافنشي، دول اللي جربتهم وعلى فيديوهات فور كيه كان أداء كويس جداً، بس مؤثرات وتلوين خفيف
اخي ايش رايك في
رايزن 5 3400 مع رامات 16 بسرعه 3200
و Ssd 220 Hdd 700
هل مناسب للعمل ف بريمير و افتر افكت
يشغل البريمير شغل خفيف ومتوسط، والافتر افكتس شغل خفيف، والأفضل منه حالياً رايزن ٤٦٥٠، أغلى منه بفرق ٥٠ دولار تقريباً لكنه افضل بكتير لهذه المهام
Ryzen 4650g غير متوفر في كل البلاد وسعره متفاوت، لكن يستحق تدور عليه
AMD Ryzen 5 5600G
Ram xpg d20 2*8 3200
SSD XPG sx6000 256 nvme
هل التجميع دي كويسه للمونتاج بالاخص استخدام برنامج بريمير وبعض التاثيرات القليله على افتر افكت وبعض التلوين الخفيف على دافنشي ريزولف تنصحني اغير ايه
و هل الكارت الداخلي في المعالج كافي على هذا الاستخدام ام لا
المعالج فوق الممتاز، وكارته الداخلي هيسد معاك في المهام البسيطة وحتى بعض المهام المتوسطة في التلوين أو المؤثرات
مبروك عليك ان شاء الله
الله يباركك في حضرتك
شكرا جزييييلا.. وعندي سؤال لو تفضلت:
لدي جهاز أهم مواصفاته:
i5 12400 GPU: UHD730
هل عمل المونتاج عليه ممتاز أم يجب إضافة كرت شاشة خارجي؟ علما أن أقصى كرت شاشة ممكن أضيفه سيكون 1050Ti لأن البورسبلاي ضعيف ولا يمكن استبداله..
أقصد هل سيكون الفرق كبيرا بإضافة الكرت الخارجي المذكور أم أن المعالج نفسه وكرته فيهما قوة كافية لشخص غير محترف في المونتاج لكنه يرغب في أن يكون جهازه قويا في مقاطع 4k بطول نصف ساعة مثلا بفريمات 60..
وشكرا جزيلا مرة أخرى.
محتاج كارت شاشة خارجي
لو الجهاز عندك بالفعل، جرب تشتغل عليه، ممكن يأدي كتير من المهام من غير كارت، لكن بشكل عام لو ناوي تكمل مونتاج، فالكارت الخارجى هيفرق أكيد
@@AhmedAbuelfadl شكرا جزيييلا جدا على الرد🌹
جازي Rx570 4gb كرت شاشة معالج i5 الجيل 3 رامات 16 جيجابايت هل ينفع
كارت الشاشة والرامات كويسين، المعالج ضعيف، ممكن تجرب اصدارات اقدم من البريمير وان شاء الله يشتغل، مش هيكون سريع اكيد وهتشتغل على إتش دي فقط، بس هيشتغل ان شاء الله
معايا لاب ديل لاتتيود .. كور اي ٧ جيل تالت رامات ٨ جيجا كارتين شاشة داخلي وخارجي انتل اتش دي ٥٠٠٠ .. نيفيديا nvs 5400 .. ١ جيجا اب تو ١٦ ... .. هارد hdd عادي ...... الجهاز ده يشغل ادوبي لمونتاج الفديوهات ؟!!!
ممكن تجرب نسخة أقدم من بريمير، 2017 مثلاً، هيشتغل ان شاء الله ولكن هيبقى بطيء بعض الشيء، ويكفي إنك تمنتج عليه فيديوهات
Full HD
لكن بالنسبة للفور-كيه هيبقى صعب جداً إلا لو حولت الملفات الأول وعملت نسخة
Proxy
ياااااه انا بقالي اسبوع بسأل ف الناس ومحدش فاهمني كنت عايز اعرف بحتاج ايه ف ال timeline لان عندي لم بضيف مؤثرات او اصحح الوان كان بيلااج جامد ومش فارق معايا وقت الريندر و شكلها كده ك استنتاج من الفيديو محتاجه ssd و بروسيسور كويس مش شرط اقوي حاجه و كارت شاشه لو هعدل عال الوان
Single core عالي
وssd
بالظبط كده
طب ممكن اخد رايك في حاجه يا استاذ احمد
انا هجيب بروسيسور ryzen5 3600 مع كارت gtx 1660 super gigabyte
و هارد ssd و رامات 16
هيكون البريمير و الفوتوشوب في اي لاج او دروب و انا شغال ولا هيكون smooth معايا
+ تنصحني بشاشه ايه للشغل و للألعاب🤔
و شكرا مقدما ❤️
جهاز ممتاز يشغلك كل حاجة ان شاء الله.. وبالنسبة للشاشة هات حاجة ips عشان تديك الوان افضل.. حسب ميزانيتك بقى
مهو الفكره بس ان الي متاح IPS
60hz بس
لكن ال144 غالي الميزانيه خلصت علي آل case
لو تنصحني مثلا اجيب ايه و سعرها كام
مش قادر احدد حاجة عن تجربة.. بس للشغل بميل غالباً لسامسونج او BenQ
مساء الخير, هل ينفع هذه المواصفات للمونتاج NVIDIA GeForce GTX 1660 SUPER (6 GB), Intel® Core™ i5 9400F, 16GB DDR4, 512 GB SSD. الف شكر
مواصفات جيدة جداً، لكن الأفضل ترفع المعالج للجيل العاشر او الحداشر حتى لو هتقلل كارت الشاشة شوية، لكن لو كنت اشتريت التجميعة بالفعل فان شاء الله تكون جيدة جداً
@@AhmedAbuelfadl الف شكر الحضرتك,التجميعة الي ذكرتها الحضرتك سابقا هل تفي بتشغيل لايت روم فونو شوب و بريميرابسهولة بدون تقظيع, اكو تجمعة اخرا مثل ,Intel® Core™ i5-10400F processor
Nvidia Geforce GTX 1650 Super GPU
8 GB DDR4 RAM,من في رايك افصل ؟ الف شكر
لوسمحت نوع المايك المستخدم
Sennheiser EW300 G3 Wireless Microphone
وتسجيل الفويس أوفر بالـ Zoom H6
السلام عليكم
انا محتار اجيب انهي شاشة من دول للمونتاج هم نفس السعر في البلد الي انا عايش فيها
Lg 32qn600 (2k 75hz ) 32inch
Viewsonic vx3276 ( 2k mhd-2 75hz)32inch
وعليكم السلام، أنا مجربتش الشاشتين للأسف ومعرفش سعرهم عشان أقترح عليك حاجة في نفس حيز السعر لو أعرف بديل ليهم، ونصيحة مني لو الشاشة هتتحط على ديسك قدامك بلاش تكون 32، كبيرة بالنسبة للمسافة اللي بينك وبينها والأفضل في رأيي شاشة 27
إذا كانت الشاشة fhd هل هو مناسب
اه مناسب مفيش مشكلة
استاذ احمد اتمني مساعدة حضرتك
انا بجمع جهاز جديد لشغل المونتاج
مبدايا اجمع رايزين ولا انتل
والميزانية 10000 للكيسة فقط
ممكن تجميعة مقترحة من حضرتك
أنا للأسف مش متابع الأسعار مؤخراً لأنها اتغيرت كتير عن المدة اللي فاتت..بس هقولك بالتقريب وممكن تراجع الأسعار مع أي شركة
لو قدرت تجمع بدول هيبقوا ممتازين
Ryzen 1600af
Ram 16=8X2 (3200)
SSD 256
HDD 1 tb (7200 rpm)
Case+power 550 watt
GPU 1650
لو عايز تقلل كمان، ممكن تقلل الإس-إس دي ، وممكن تنزل بالبروسيسور لرايزن
2600
بس زي ما بقولك مش متابع الأسعار أوي..بس أعتقد التجميعة دي هتكون في الحدود دي..
@@AhmedAbuelfadl طب ولو رايزين 5 3600
والمازربورد تبقي ايه
طب لو ما حطيت Gpu عندي في الجهاز هل هياثر فى جوده الريندر فى vray او animation ولا هتفرق فى الوقت فقط؟
في المونتاج هيفرق في الوقت فقط، في بلندر وبرامج الثري دي مش متأكد الحقيقة، لكن نظرياً المفروض لا يؤثر على الجودة وإنما يؤثر على السرعة فقط، خاصة أن بعض محركات الثري دي تعمل على المعالج فقط.
@@AhmedAbuelfadl تمام شكرا جدا
انا بفكر اشتري تجميعة ديسكتوب
متزدش عن ستة او سبعة تلاف
ممكن ترشحلي مواصفات مناسبة لتشغيل ادوبي بريمير
وادوبي افتر ايفكت
وفوتو شوب
للأسف بالأسعار الحالية مش هتقدر تجيب غير معالج مدمج، زي 3400G ومعاه رامات 16 على قطعتين، وده هيأدي في الفوتوشوب والبريمير كويس لكن مع الأفتر إفكتس هيكون تشغيل بسيط أوي، لو عايز تعلى شوية ممكن تجيب معالج 4650G هيكون ممتاز برضه، بس الميزانية هترتفع عن كده شوية
الكارت الكوادرو افضل ام الجي تي اكس
الكوادرو أكثر احترافية أكيد، ولكن في مسائل تقنية بالغة الدقة لا يلحظها المستخدم العادي، وحتى المحترف بسهولة، ده غير إن سعرها أغلى بكتير جداً جداً عشان تقدم نفس الأداء اللي ممكن يقدمه كارت جي تي إكس، فالخلاصة الجي تي إكس أو الأر إكس هما الخيار الوحيد تقريباً في الميزانيات المعقولة، كروت الكوادرو المتوفرة بسعر معقول بيكون أداءها ضعيف جداً
السلام عليكم استاذ احمد
مواصفات الكمبيوتر بتاعي
Intel(R) core(TM) i5- 4590 CPU
8 جيجا رام، كرت شاشة 2 جيجا
بشغل بريمير 2020 بيعلق معاي ايه الحل يا استاذ احمد
شكرا مقدما
وعليكم السلام، فيه أسباب كتير أوي للبريمير ممكن تخليه بطيء أو بيعلق أو بيقفل خالص، ممكن تبقى هاردوير أو سوفت وير أو نوع الملفات..إلخ
أول حاجة ممكن تجربها إنك تنزل نسخة قديمة من البريمير، 2017 مثلاً وتشوف فيه فرق في الأداء ولا نفس المشكلة، وتشوف هل المشكلة بتحصل مع ملفات بدقة إتش دي ولا فور كيه، وهل بتحصل لما المفات بتكون على هارد داخلي ولا خارجي وسرعته إيه
سؤال واتمنى الرد الحين ابي ادخل على عالم المونتاج والتصميم وخاصة برنامج البريمير وقريب راح اقتني جهاز ممكن تعطيني جهاز يكون يعمل البريمير عليه بسلاسة بكارت الساسة والمعالج اللي انت تراه مناسب جدا سواء hd او 4k
بالتوفيق مقدماً ان شاء الله، لازم تحدد ميزانية تقريبية، كل الأجهزة الحديثة تقدر تتعلم وتشتغل عليها بريمير من اول ٤٠٠ دولار الى ٤٠٠٠ دولار😀
@@AhmedAbuelfadl طيب اخر سؤال واسف على ازعاجك بعطيك مجموعة اجهزة وابي رأيك فيها اذا ممكن
Microsoft surface laptop 4 / dell xp 13 or 15 / i mac m1
حسب استخدامك، التلات اجهزة مش محل مقارنة ومختلفين عن بعض، بالنسبة للمونتاج لا تفكر في جهاز surface ولو ليس لديك مانع في استخدام نظام الماك، فاجهزة الماك بشريحة m1 اداءها رائع
@@AhmedAbuelfadl انا افضِّل نظام الويندوز لكن اللي صعب في الموضوع هي انو انا ما اعرف كارت الشاشة و المعالج اللي يتحملون العمل على البرامج الثقيلة
هو الكيبوارد الي عندك شري بكم
1000 جنيه بس من مدة
كارت الmx330 2gb ممكن يفدني فالمونتاج كواحد مبتدأ ؟
في البداية خالص ممكن بس هيكون أداء متواضع، لكن يمشي الحال اكيد طالما مستوى مبتدئ
انا عندي SSD بس للـ C بس .. و Premiere عليه .. لكن الـfootage علي الـHDD
لو حطيت الـfootage علي الـSDD الـplayback هيبقي اسرع؟
لاني لما قريت عرفت ان اهم حاجة ان Premiere يبقي علي الـSSD
طبعاً هيكون اسرع، بس هل المادة اللي انت مصورها محتاجة ده ولا لأ، مش شرط
الموضوع بيعتمد على كذا حاجة، أهمهم حجم الملفات بالنسبة لمدتها، كل ما كمية الداتا في الثانية بتكون كبيرة، كل ما الهارد التقليدي هتقابله مشكلة في البلاي باك
لكن ده مش السبب الوحيد إن يحصل لاج أثناء البلاي باك، ممكن المعالج، لو محرك ضغط الفيديو اللي الفيديوهات معمولة بيه تقيل، فلازم تجرب وتشوف وقت التقطيع لو بيحصل عندك، إيه القطعة اللي أداءها بيقل أو نقدر نقول بتعمل بوتل-نِك
بيبقي فيه لاج لما الـBitrate بتاع الـFHD Footage بيبقي اكتر من 20000 .. لو بعرض الكواليتي علي full طبعا في Premiere .. و بضطر اعمل Proxy .. غير كدا تمام
عمتاً هجرب اكريت فولدر الـProject علي الـC و بعد ما اخلصه ارجعه علي الـHDD مع باقي الـProjects .. و شكراً لحضرتك ❤️
انا Content Video Editor فبيقابلني مشاكل اللاج دي كتير .. و بعيداً عن كل ده كلمني في الوقت اللي تحتاج فيه Editor هيبقي شرف ليا نشتغل مع بعض 😀🤝
@@omar_husseinabdelaziz الشرف ليا يا عمر، لو ليك نماذج من شغل سابق أحب أشوفه أكيد، ممكن تبعت لي على الميل ويبقى شرف ليا اتعرف عليك
Fadlahmed5@gmail.com
وعموماً، أنا حالياً بقيت أعمل بروكسي تقريباً في أي حاجة بشتغلها، خطوة بتاخد شوية وقت في الأول، بس بتريح كتير بالذات لو مشاريع طويلة نسبياً
بس الحقيقة مكنتش بعمل كده في البريمير، في دافنشي الموضوع أسهل بالنسبالي، وبطلت بريمير تقريباً فالشغل بالبروكسي في الدافنشي رائع الحقيقة وسلس جداً
بيحتاج بس مساحة كبيرة على الهاردات العادية طبعاً
@@AhmedAbuelfadl بعت لحضرتك
يا ذكتور مواصفااات البيسي هل جيد :
GTX 1660 super
Rayzen 7 2700x 4.4hz
BM450 , SSD 512 GB , hrd Disk 1 tr ,
RAM 16 GB , Power 600
لو لسه هتجيب جديد غير المعالج لحاجة أحدث، لو هي معاك بالفعل فهي ممتازة
@@AhmedAbuelfadl Rayzen 7 3700X أحسن ؟ لسه راح أشتري غذا ان شاء الله
@@atikoz100 أكيد أحسن
ممكن تقول ليا تجميعة جيدا صالحة لتجغيل جميع برامج المنتاج تكون بثمن مناسب
الثمن المناسب ده حاجة تختلف من شخص للتاني، أي جهاز جديد حالياً تقدر تشتغل عليه مونتاج، لكن الفرق في السرعة والميزانية وحجم الملفات ودقتها
فلازم ميزانية عشان أقدر أقترح عليك معالج مناسب
@@AhmedAbuelfadl ميزانيتي ٨٠٠٠ ينفع تقترح لي تجميعه
اخوي انا استخدم افتر افكت ومعالج الجهاز i7 9700F
يعني مافيه كرت شاشه مدمج
والرام ١٦
وكرت الشاشه ٢٠٧٠ سوبر كيف اتاكد ان الجهاز يستخدم كرت الشاشه
ملاحظه انا حاط الافتر افكت على HDD
أهلاً صديقي..
وجود البرنامج على الهارد الميكانيكي يؤثر فقط على سرعة تحميل البرنامج في البداية، لكن الأداء ممكن يتأثر لو كانت ملفات الفيديو موجودة على الهارد الميكانيكي، والأفضل نقلها إلى SSD، لكن هذا لا ينطبق على كل الحالات، وفي حالات كثير ليس ضرورياً بالمرة
بالنسبة لكارت الشاشة، من إعدادات البرنامج Project setting
تأكد من اختيار Mercury GPU acceleration بدلاً من Mercury software only
هذا على حد علمي المتواضع في الأفتر-إفكتس
هل كارت gtx 1650 gygabite oc كويس للمونتاج
معقول للمهام البسيطة والمتوسطة
@@AhmedAbuelfadl على بليندر و حزمة ادوبي كويس ولا تنصحني بحاجه غيره في نفس الفئه السعريه
@@user-lh1xk2bs7o لأ حالياً مفيش اختيارات كتير للأسف في السعر ده، على حد علمي
@@AhmedAbuelfadl يعني اتوكل على الله و اجيبه
@@user-lh1xk2bs7o ان شاء الله ربنا يبارك لك فيه، معرفش بس أفضل نسخة للكارت، شوف مراجعات واتوكل على الله
هل تشغل
ram 10
hdd 500
cor i5 2500
يشغل إصدارات قديمة شوية من البريمير، مش متأكد كام، جرب 2016 مثلاً أو أقدم
@@AhmedAbuelfadl اها زين وافتر افكت
لو ممكن ترشح ليا تجميعه كمبيوتر في حدود 10 الف جنيه مصري والمعالج يكون AMD و الكيس و الواحه الأم من MSI و هستخدم الجهاز في تصميم المواقع و UX/UI Design
هو تصميم المواقع والواجهات مش متطلب أوي على الجهاز، بس يعني ممكن أقترح عليك الحاجات دي
Ryzen 5 1600 AF 2000 LE
MSI B450M MORTAR 1900
Crucial Ballistix Elite 16GB 1700 LE
MSI MAG VAMPIRIC 010 Mid Tower 1350 LE
Cooler Master MWE 500 PSU 80 Plus 1000 LE
ADATA Ultimate SU630 240GB 650 LE
Gigabyte GeForce GTX 1650 Super Windforce OC 4G 3800 LE
دول يعملوا 12400
طبعاً ده أكتر من العشرة تلاتف، بس فيه شوية بدائل ممكن تقللها وتقلل السعر
لو جبت الكيسة دي بالباور اللي معاها هتوفر 500
Cooler Master CMP-500 Mid Tower Desktop Case + 600W PSU 1750 LE
ممكن تقل بالرامات لتمانية وتزود بعدين، فممكن تشيل 800 كمان تقريباً من السعر
بس يفضل طول الوقت تخلي الرامات على قطعتين، يعني رامتين أربعة وبعدين رامتين تمانية لما تحدث، أو واحدة تمانية لو عارف إنك ممكن تحدثها قريب تضيف عليها واحدة تانية 8 وهكذا
وممكن تقل بالهارد لمية وعشرين، برضه هتشيل من السعر 300
وممكن في كارت الشاشة تجيب العادي بدل السوبر، بس أضعف منه طبعاً بشوية، هتشيل برضه حوالي 600
بشوية التعديلات دي هتوصل 10 تلاف تقريباً
ومعلش اتأخرت في الرد عليك +أنا معنديش خبرة كبيرة في التوكيلات وأنهي نسخة أحسن من مين وكده، فممكن تتأكد برضه من ناس خبرة أكتر مني، وشخصياً مش بحب MSI أوي :))) بس الجهاز بالنسبة لاستخدامك هيكون ممتاز ان شاء الله وفوق الممتاز ويقعد معاك سنين بإذن الله
@Sasha tok ساشا بالمصرى شكراً جزيلاً على كلامك